2004 年 12 月 4 日 星期六 【晴】

今日同樣好舒服.....
係山度訓訓訓，感覺舒服過一朝起身去行山，因為真係好似有d假期feel咁...

我同阮美訓到十點幾，勁舒服，vincy要早走，Frankie哥送佢送到去東涌，所以我地就係咁訓，等番 體能無限既frankie哥返上黎，係和煦既陽山下，我係露天咁鋪張地席訓，但係大東好似旺角咁，勁多人經過，經過既人見到呢班後生人咁hea，大家都投以奇怪的眼光，更有人黎莊我地，係我地則邊講:「攪到我都好想訓下覺添，好似好舒服咁...」，「唏，或者人地黎picnic呢...」真係真人show咁....


frankie哥上到黎﹐我又煮埋d鴨胸肉，後來先發現原來佢係唔駛煮，就咁食0架....真係白痴。

食飽飽，我地出發去行泊刀刃，行行下撞到班0靚仔問路，佢地竟然睇蘋果介紹行黃龍，然後就走0左上黎行，真攪笑，最攪笑係行黃龍走0左上黎大東山!後來先發現完來蘋果係昆人，佢係用望遠鏡望條澗，而唔係溯澗。

之後我地都吹得幾野，班0靚仔竟然跟我地一齊行，好得意，原來佢地係葵涌讀書，仲有d住青衣添，有個要0左我e-mail，話要send番ｄ相俾我，勁得意，完來佢地得中四，讀蘇浙，又估唔到幾乖喎。

因為有ｄ人已經有點累的關係，我地轉０左由第二條路落，幾開心，雖然阿嫂好辛苦，但係佢都好叻咁行埋佢，佢仲有老公錫，真係sweet．．．．拍０左咁耐都咁sweet﹐真好．．．．

仲有０架
遲下先寫～
睇住相先
http://community.webshots.com/user/22nd_etaa

>>December 8, 2004 at 4:45:35 PM GMT+8

2004 年 12 月 3 日 星期五 【晴】

今日返半日．．勁開心，一返到屋企就攬住tata訓覺．．．好舒服。

夜晚約０左肥仔同frankie係東涌等，我地莊今晚上大東睇日出呀。

七點半係東涌等，vincy都到之後我地就買料上山打邊爐，嘩，我地勁豪喎，平時我地都無咁豪．．連frankie哥都痴０左線，係咁買野，肥仔就堅持要買會起泡的Cuppcino，又話好好味，攪到俾frankie串佢，哈哈，我地幾個人係百街度係咁買買買，當然仲有我最鐘意既酒喇~

聽日仲有冷麵同鴨胸肉做早餐，幾豪呀，以前我地只係一粒蝦餃幾個人分0乍，落0左莊後果然唔同d。

等埋阮美，我地五個就入去伯公坳先。

入到去..真係可以用凍死人黎形容，勁大風呀...雖然我都估到會好凍，但係無諗過係會咁，我地搵番上次聽大恩佢地講扎營既地方打邊爐。frankie拉起佢個新fly，好擋風，我地幾個合力將個fly拉起，大家都話好耐無試過係呢d咁惡劣既環境下拉fly或者露營，感覺好似以前出隊咁，佢地個個都可靠，有他們在身邊，即使遇到任何困難都不會害怕。

好開心，因為呢種係狂風中一齊工作的感覺好似以前上莊。

起好fly，我地就開始食，因為太凍的關係，我地食極都唔停，明明好飽都係咁食....食完之後，我地幾個就縮埋一個角落訓覺...等到一點，先有援兵到，主席，阿嫂、強仔同肥妹終於到0左，我地開埋個蛋糕，5號係嫂嫂生日呀，所以我買0左個美心蛋糕，食完之後我地就上山喇...之前見到班人話自己19分鐘可以上到大東，唔係喇掛，咁勁? 我地上呀上，真係差d俾風吹走...勁大風呀。不過個天好多星星，好靚。

可以咁樣一齊行山，好舒服，我地上到爛頭營搵個背風位起營，我地四個女仔要係訓係一個二人營度，但係我同阮美frankie強仔主席同阿嫂又一齊碌0左出去一齊訓，一齊睇星星，又見到呢個冬天最明顯的獵戶座(其實我只係識呢個)，聽住收音機...有王力宏的兩個人不代表起，還有張震嶽的祕密，感覺好舒服..結果我地第二朝都係起唔到身睇日出，幸好好似太大霧，睇唔到。


總之上山真係好鬼舒服．．
我唔要做城市人．．

>>December 8, 2004 at 3:07:10 PM GMT+8

2004 年 12 月 1 日 星期三 【晴】

無驚無險..今日又星期四喇..期待星期六的夜行。

今日夜晚返0左會去sit會，新莊第二次會，更係去喇，唔可以俾人地莊威曬0架嘛...我要霸佔新莊，哈哈哈。(講笑)

返到去肥仔都未到，我去0左拎cert，當然係話自己唔見0左學生證啦，隔離0個男人見到我唔見，自己又話唔見喎，好攪笑，邊有人信你丫。

拎完cert，去了搵donna拎阿john盏燈，因為星期六上大東，所以拎定盏燈好ｄ。

肥肥黎到，上會吹陣水就上０左R1010，入到去，七號榮講緊野，仲見到細ｋ同永隆添喎，見到七號榮同２５屆講緊甚麼是目標同宗旨既分別．．．２５屆ｄ樣好似好苦惱咁，呢個時候我就出聲喇．．．唔知點解，睇多幾屆，原來有好多野係真係會透徹ｄ，點解ｄ上莊講野好似永遠唔到point?呢個時候ｄ會都真係幾關鍵。

之後我坐去後面同永隆細K傾計，幾開心，同佢地都好多野講，感覺好舒服。後來阮美黎到，又有芝士蛋糕食，幾好味．．．但係０個女人唔知點解好鐘意研究埋ｄ生BBｄ野，好似用邊隻牌子既尿片好ｄ咁喇，真係服０左佢。

完０左之後同細ｋ佢地一齊食飯，都幾開心，去了佐敦間雲南米線度食，途中經過澳洲牛奶公司，我地成班大讚不絶，其實我應該成日提住０架．．我好耐無去食喇，搵日真係要搵埋為食之鬼細ｋ一齊去食先得。

我地兩莊人都有講有笑，好開心，其實咁樣個感覺幾好丫，大家一齊玩未得囉，係唔係?同佢地屆都幾０岩傾，希望以後keep到喇．．．

之後我地仲要去松記食糖水，我食０左個琉璃，好好味。

今日好開心．．唔想咁早訓，哈哈．．．不過聽日又返工了．．．返工，要俾心機呀，知嘛．．．

>>December 6, 2004 at 5:52:33 PM GMT+8

2004 年 11 月 30 日 星期二 【晴】

今日都OK開心...呢間公司的感覺真的不錯..只係我好驚自己d art work唔夠pro...

今日開始著suit返工，因為原來自己得閒都要跟阿頭去見客0架...著高跟鞋，好似漸漸習慣了似的....唉，人，總係時候要變得成熟一d..唔可以成日都咁0靚妹，不過我對於這樣的成熟，感到有點無奈，我還是喜歡成日著住莊衫涼鞋周圍走的自己，雖然0個時比較污wear...而家我地莊淨番主席一個做得到0乍...

今日下午自己一個人去拎banner同埋拎去間學校..叫嘉勒撒聖家學校。出0左旺角拎banner，行陣街，好開心~不過三點去到，佢都未整好，繼續行陣街...哈哈。之後送到去學校都五點，不過搭車搭到我頭暈，仲要我早0左落車﹐行到好遠之後見到間係半山...上到去發現呢間係中學..佢有間小學係同佢同名0架....
激死我...
行到死

之後仲要拎番個mon番公司先走得。之後就返poly搵肥仔一齊還袍，有d唔捨得添，因為件袍好靚....好想成日著住佢影相...不過我今個月都係咁影..影0左我諗四百幾張都有..遲d曬番就貴咯...

今日無咁眼訓﹐我要努力先得..點解我咁鐘意訓覺0架..已經早0左訓都係唔夠訓...豬!
同埋呢間公司又唔玩得icq，我已經好努力咁諗lunch食乜好的了..點解我咁為食??都係alex大哥哥成掛住食..影響埋我!!

今日食0左個常餐，個多士...始終都係澳洲牛奶公司的好味!!!

>>December 1, 2004 at 4:29:46 PM GMT+8

2004 年 11 月 29 日 星期一 【晴】

我已經忍0左手，但係都係打0左咁多字，各位朋友仔，俾D耐性睇我的日記吧....

今日返工，朝早仍然眼訓...返到公司都OK，我覺得D同事好好，感覺幾舒服...一齊食飯都有計傾。又開始接觸好多野，令我覺得好多野學。

下午明報D人上0左黎..我同佢地傾落專題介紹廣告的事，感到自己真的有很多不足，不過我有信心將來可以MANAGE得更好。之後去0左九龍塘一間小學同D老師傾開校園電視台的事，幾開心，因為好充實同令我好有衝勁，好想學多D野。

之後跟阿頭一齊出0左旺角搵整膠版的公司...我搵到一間有得整類似大旗的公司..我終於搵到呢D公司喇...唔知可不可能整支靚靚大旗返黎?不過我又擔心，整0左返去，又有D老鬼嘈.....呢D野，如果我係現莊就好。

之後放工，同慧豬行陣街...你睇我對你幾好，等我又寫低佢先。

>>November 30, 2004 at 4:55:31 PM GMT+8

2004 年 11 月 27 日 星期六 【晴】

今日去0左行山...好開心....
我地今日幾個pre樂善行條路...
本身阿超都黎..不過佢病0左，結果得番我莊三個去..frankie肥肥同我。

兩個男人都番訓..結果我地十一點先係西貢出發.....
由北潭坳開始行..落赤徑上蝻蛇尖...己經第三次上黎..第一次去探廿三屆既船河釣魚營，第二次同d member 一齊夜行睇日出...上次夜晚行一d都唔辛苦..點解今次朝早行會咁辛苦??

上到頂，好似旺角咁，勁多人.....拎件袍出黎影畢業相竟然俾人指住黎笑!!
激死我....攪到我地都唔好意思影咁多張，影0左兩張就走lu...

行去長咀，見到當年肥仔佢地迷路的沉船灣..個樣真係好似長咀喎....當年佢地成晚都唔見人..我不知幾擔心呀，第二朝見到佢地係山度大叫"UP-BA-LEI-LEI"，真係有D劫後相遇的感覺.....

上年出咀其實都好開心，唔知今年仲會不會黎??

經過大灣，又黎到我屋企喇.....我地係度影0左幾張傻仔跳起畢業相。

我地去長咀都係快閃，去到咸田已經三點半...開餐喇，呢個時候間咸田士多竟然播「把悲傷留給自己」，呢首歌係江湖的片頭曲..

我地坐係獨木橋旁邊開爐，好寫意.....不過條橋好似就快爛咁，唉，D人唔錫佢就會變成咁...

我地過西灣，去到西灣都五點幾，叫0左的士，天已經開始黑....

好耐無係西灣走...又係呢個天黑的感覺...記得上莊0個年成日黎劈柴，成日行呢條路，有次我地幾個(我記得有ALEX，阮美，主席，我同肥仔五個一齊黎...我地行到夜晚，行上西灣亭時大哥哥仲講一個22,23的笑話...我0個時都唔明...後來先知原來係玩我既。而家諗起...那種溫暖的感覺依然在我的心中。當時的自己，好幸福同好開心。

那天又好像今天一樣有漫天的星星，我還記得有流星經過...我許0左個願...那個願望也實現了..現在也很快樂。

又可以同D莊員在這樣的星空下行山，我好開心...希望以後的人生，也可以仍然咁樣同你地一齊行山。

>>November 30, 2004 at 4:48:15 PM GMT+8

2004 年 11 月 26 日 星期五 【晴】

今日去了HKU同joint-U班committee影相，好開心。

今日HKU的阿包、judy、joey，USTt的ally同阿sun都有黎，poly又係得我...好!無所謂，同ally佢地都好多野講，可能那時我地十幾個OC，開0左半年會，唔熟都幾難。

HKU真係好靚，阿Sun又有部好pro 的相機..好野。

其實當年joint-u camp，其實攪得幾開心既，又可以識到咁多不同校的行山友，如果唔係識黎識去都係poly人。

不過最衰larry 唔黎啦....

影完出了去銅鑼灣joint阿柯唱K ，因為阿柯生日呀，我遲0左好多，不過係CEO唱，d野幾好味..可惜貴!!成班姊妹唱到發癲..諗起當年係聖誕 singing Concert同d老師跳舞..李sir就俾我地一句不違反俠道精神昆0左...上台表演唱歌..而我地就同魏sir佢地跳「不容錯失」。阿柯即席點黎唱...我地都唔記得點跳了...諗起當年都真係有d白痴。不過我地唱唱下又記得幾下自創的炒粉同互望舞步..笑爆肚。

聽日阿柯生日，祝佢生日快樂.....

朋友說我的日記太長缺乏趣味，激氣....而家少字喇。

>>November 29, 2004 at 5:59:04 PM GMT+8

2004 年 11 月 25 日 星期四 【晴】

今日返了吳祥川影相...
sir sir仍然咁可愛同關心我地...
魏sir竟然叫我做黃玉萍!!
仲有得同黃松橋同姚傑文影..好開心...

影既時候仲要見到上PE堂，教跳舞..好懷念呀....以前聖誕就會教跳舞..氣氛好好，好開心，好興奮。想起以前中學的簡單生活...實在太開心了...我不想自己變成大女孩...只想好似以前一樣簡單...自在...無牽無掛~

魏sir都變0左好多，佢做0左三三七部隊，即係一打鐘就立刻走的老師。不過佢都同我地傾0左好耐，分享0左好多事，知道他近幾年也發生了很多事，很多不如意...現在的他，的確少了以前的輕挑及氣焰..多了一分穩重及風霜，我記得，以前都成日咁樣同佢係prefect room前的走廊傾計。

不過最恐怖事係，當我同玉怡坐係prefect room 研究緊以前 D野時，竟然有個男人推門入黎，一見到我就講:「7B班 26號黃燕萍?」好恐怖...第一，連我自己都唔記得自己幾多學號，第二，我唔識佢係邊個! 點解佢會記得我學號 ?原來佢係以前D prefect仔...因為佢唔記得我係阿head，所以我就要佢記得我...乜我以前係咁既咩?小朋友，你都唔好記到而家丫﹐我都無做prefect三四年喇........不過個男仔都係讀文科，文學轉課程呀，不過好似簡單0左咁，吹下水，都幾開心。

Prefect room真係太多回憶，最開心的回憶是中四五時，因為那時唔駛點讀書，又成日玩波子棋，當年有份同我地玩波子棋的中六，而家已經有人結0左婚，生埋女...好恐怖...人生的歷程，駛唔駛咁快呀??我一直都仲覺得自己好細個(心智上) 。

返到學校，實在太多野令人懷念...中學的生活，真的簡單而實在，就好像死前...眼前會出現最想回到的生活一樣。

>>November 29, 2004 at 5:47:37 PM GMT+8

2004 年 11 月 24 日 星期三 【晴】

今日朝早返工，因為琴日影得太耐相，很累。

今日放工返了poly，俾主席昆了上去會，然後佢又走喇喎，又得返我一個，問大恩玩唔玩山頭霸王，結果佢反串我想同佢一組喎，我唔同d抽筋既人一組呀...

得返我一個，不過我唔會驚...費事俾人地話我地屆唔浦頭又要出黎講野!

返莊會感覺同以前好唔同，以前會一種緊張的氣氛..今年都完全無... 唔知自己仲可以來多少年的新莊會?

之後同新莊食飯，都係得我一個，好!好彩有阿超佢地，阿john幫我地拎曬樂善行d野，真係唔該曬。食完我就同emily坐村巴返青衣，阮美就同廿一屆去飲野。

我返青衣去了長發同人飲酒，無錯，我琴日飲完今日又飲呀~~去了青衣海旁...希望我的好友記著，即使世界再變，我永遠會在你身邊的，我不會讓你一個人傷心，不要自己撐..知嘛?你不是阿米巴...我亦不是你所說的偉大，那麼堅強，其實我也只是一個普通人，一個比任何人更普通的人，一樣希望享受平凡人的幸福。

飲飲下..我都有d醉...人地話醉了可以甚麼也不記得，原來是騙人的.......
醉了，只會觸及內心最脆弱的地方...令你更清楚....

天上的星星，你聽到我話的話嗎?

返到屋企，又係icq亂咁講野...

>>November 30, 2004 at 4:56:02 PM GMT+8

2004 年 11 月 23 日 星期二 【微冷】

今天是我期待己久的畢業禮....

一早起身，因為8點半約了june大姐去青衣城影相，佢太忙，成日都係HKU做功課，為了就她所以就係青衣城影就算。

九點幾返到poly，係會放低畢業ter ter，撞到阿B ，然後就一齊行去紅館喇。

約0左lala，但係阿媽同姨媽不懂得來紅館，所以我又走去接佢地，無同lala佢地入場。

阿媽拎住好靚既鮮花，好香0架，姨媽拎住隻好大隻的畢業公仔俾我(係winnle the pool)，好大個頭0架...我叫佢做「大頭B」，見佢地兩老咁開心，其實我都好開心。

入場見到好多同學，影0左好多相，好開心可以同d同學畢業時都影下相，有d同學feel...個典禮都幾莊嚴丫，個感覺其實幾好，到我地0個班起身時又勁嘈.....好攪笑。

後來屋企人影0左陣相，就join d同學去國際都會食飯。幾開心呀，同同學食飯喎，好難得的機會，順便八下佢地做咩工喇，原來有d走去做銀行計數...幾勁呀...完全唔啦更....不過一齊食完飯，就上0左去CBS度影相，好開心，仲有得同professor影，同埋同d同學影班相..(雖然唔齊人).都好丫，其實咁我都心滿意足了。

之後約了小孩同肥妹影相，小孩媽媽俾了surprise我，就係同carol同埋爸爸一齊買０左隻好大隻既piglet俾我，仲有隻唐老鴨俾肥妹，好得意0架...不過咁樣我就有三隻大公仔再加一紥花了，都唔知點拎...

同小孩去舊can hea陣，永隆又走黎搵我喎，好開心，hea完諗隻四點幾五點會見到肥妹同肥肥、terry佢地，所以就上0左會等，因為可以訓下覺，點知上到去又有老鬼喎，都唔緊要。

之後有個畢業老鬼黎到...加埋個現莊女人...黎到話問我等咩喎，我話我d莊員都未必黎曬，佢話佢全莊都黎喎，乜你咁慘呀.....俾佢一講，心情有d失落，我無怪d莊員，因為知道佢地真係要返工，可以早放工既都早０左，可以黎到既都黎埋，但係我又真係有ｄ想佢地黎既．．．因為見到佢咁囂張時自己又得自己一個．．．感覺有點那個．．．所以我就閃了，轉０左係樓下等肥妹同terry佢地。

結果等了很久很久都唔見佢地，我都知佢地要同同學影既．．．

但最衰既係，呢個時候又俾我見到佢地係我面前出現．．．又係第二個人強馬壯的齊莊．．．仲要俾佢地發現我一個人係度等人．．唉，其實有咩好介意，但係呢個時候開始有ｄ躁．．．可能就係因為唔想俾０個兩個男人同女人見到自己落單!

不過，過多陣肥妹已經黎到．．然後去了搵terry，呢個時候carol打黎問我係邊，我就忍唔住，講都講唔到野．．．我知嚇親ｄ朋友仔．．對不起，其實我也不想無端心情低落的，可能我是今天企得太累了。

等多陣其實都六點，還未來得切同肥妹同carol影，已經拉大旗了。

上年拉大旗氣氛好似開心ｄ．．．不過可能其實也是差不多．．．我都唔知．．．

等等等，工作男又出０左去接人，donna同terry又同其他人食飯，肥仔又唔見人，等等下，七點幾八點終於等到多ｄ人，我知強仔俾老細鬧都早走．．．仲有阿嫂有ｄ悶都坐係度，我知我ｄ莊員好錫我．．我知０架．．．對唔住呀各位莊員，我太任性了。

之後去廟街食大排檔，阿frank都特登蛇出黎食飯，食得好開心，我飲了一支啤酒，只係一支大支裝的，可能飲得太快，所以都有ｄ醉。

之後去佐敦０個間paris飲野，傾好多野，幾開心，我又借醉行凶，係咁串vincy同亂講野．．哈哈，好開心．．．

畢業禮，就咁就完０左，希望下年可以影張靚的畢業莊相!!!!

>>November 27, 2004 at 6:32:50 PM GMT+8