2004 年 12 月 16 日 星期四 【晴】

今朝一早起身去了黃大仙..再去樂富.的樂善堂余近卿中學

因為間學校三十五週年要我地公司幫佢地拍片..我地成班就好早咁去到set野，原來佢地琴日貼個外牆貼到凌晨五點半....好彩佢地叫我走先0者..佢地今朝七點幾又要返過黎，好慘。

我去到個場面都好盛大，有有羅范椒芬黎..阿頭係咁叫我影相，但係我又唔識用佢部機，攪到我好似好鈍咁，唉....

見到個35週年咁盛大，校長又講到喊..又講到阿范椒喊，d同學仔同老師又講得好感動，這令我想起了吳祥川..下年佢就廿週年，我好希望會見到佢三十週年..攪到我都有d想返去吳祥川度教，一改d老師的頹風..希望吳祥川都會有桃李滿門的一日，因為0個度係令我個人性格及思想及價值觀得以發展的地方。

攪到下午，我地就返公司，唔知點解今日覺得很累同有d辛苦，返到公司都唔想做野，一到五點半我就話上training course返0左屋企訓陣覺，然後出港島上training course，但係因為又遲了很多，同埋唔係好想去，結果我去0左同肥仔食飯...:P

我地去太古廣場的大家樂打邊爐，當肥仔見到我死死地狗，佢話我點解好似咁唔捱得咁..係呀，唉，我有俾心機做野，但係唔係唔夠??

我要努力，努力...之後vincy都有黎，大家一齊好開心，唔知點形容呢種感覺，總之幾時累的時候，見到你地，都會精神d同開心d。

夜晚返去到去了長享搵小泰利拎睡袋，佢好好咁送我返屋企，同埋同我傾0左好耐計，好舒服，因為好似好耐無見佢咁，好彩大家都住青衣0者，同佢傾到將來，傾到自己的計劃，可能第時大家都會各散東西，但好希望，即使身在不同的地方，也可以感受彼此的關懷....我會唔捨得大家，唔想有大家在我的生活及生命中缺席的感覺。

>>December 19, 2004 at 4:35:34 PM GMT+8

2004 年 12 月 15 日 星期三 【晴】

今日工作也算Ok啦
不過有好多新挑戰...

今日完成埋個print-out，阿頭叫0左我一個人去屯門既保良局志豪小學度同d miss 傾校園電視台d野，好驚呀，第一次自己一個人去見d miss..間小學係邊我又唔識..屯門又遠又唔識路..仲要俾人昆0左係大興落車..

屯門其實都幾大，我傾完之後就去0左旺角拎banner..拎到又要去樂富余近卿中學到貼d banner...0個時已經七點幾，去到我的同事都未走。

然後我就要穿埋勞工手套，著住suit幫佢地抺窗...唉，真係慘呀...仲要俾個學生問我要不要幫忙，不過我d同事都叫我走先...

然後我見九點，就諗住搵埋玉怡放工，點知一等，佢OT到十點先放工，唉，很累，不過見係你，唔緊要啦，知你返placement辛苦，一齊返屋企個感覺都好開心!!

>>December 19, 2004 at 4:39:08 PM GMT+8

2004 年 12 月 14 日 星期二 【晴】

很累.............

個死人miss 要求多多...夠未呀，咁叻你自己係open day前嘔個design同print埋出黎丫.....

今日又係做呢個做到死..仲要去旺角print野時開唔到個file...好唔開心

一朝早聽到個 miss 把聲已經無心機...............................................

終於叫做嘔0左出黎...今日成個朝早就想出去旺角時搵frankie食飯...點知做到三點都未有飯食...餓到已經無知覺...

我要出去買禮物!!!!!!!!!!!!!!!!!
神呀
俾d時間黎玩下好喎...

仲有呀
西瓜...你返工加油呀，總有五個月你就做完0架喇..好快就唔駛過返朝十晚十的日子!!!!

有咩唔開心
記住同我講...
因為我地唔單只係共快樂的朋友
更加係共患難的朋友.........
期待星期六日的CAMP

>>December 15, 2004 at 4:48:00 PM GMT+8

2004 年 12 月 13 日 星期一 【晴】

今日係公司都係繼續整余近卿個PRINT OUT...
對住部勁慢的機..我都無心機...

不過因為好趕，死都要畫...個miss 要求多多...很累啊miss...你知道嗎?唔好咁對我好嘛?

後來俾慧豬睇個prinyt-out..佢話唔係好靚...唉...攪到我都無乜信心..咁又係既..我又唔係畫得好靚..但係我都有俾心機0架..可能我無乜藝術天份....以後仲要幫好多學校整..點算??

夜晚去了慧豬屋企食飯..因為佢屋企無人，所以陪下佢啦..以前住我屋企樓上未好囉，方便幾多，不過去到長發有好多宵夜..好開心喎..

上到去...
佢雞手鴨腳咁幫我煮好..佢買0左好多餸..我地一齊食..好似住hall咁，你話如果我地幾個有得一齊住，你話個感覺幾開心?

然後我地仲一齊睇有線播鉸剪人...個男主角好可愛同好善良..好好睇

好眼訓..好彩有考完試的阿咕打俾搵埋我一齊搭車返屋企..其實個感覺幾好，一齊住青衣，想幾時見就幾時見，可以係落樓時見到你地，感覺好warm...

返到屋企
超眼訓
好似連寫日記的時間也沒有.,.
就快聖誕
好似乜都未準備好
點算??

今日狂流鼻水...好似傷風....我唔要病呀.......................................

>>December 14, 2004 at 4:25:05 PM GMT+8

2004 年 12 月 12 日 星期日 【晴】

好眼訓...超眼訓..
今日起身真係有個衝動想唔返工
可惜阿媽一定唔俾............

隻腳超痛..
行一步都覺得好痛..
原來抽完筋..隻腳真係會超痛
我以後唔敢笑人喇...

今日成日係公司整PRINT OUT
個MISS多多要求，真係整到眼都盲...

七點放工
出下去搵阿嫂行街
點知佢老公我莊員又係度喎...
我發現阿嫂有個好大的功用，就係有佢係度，見到阿FRANK的機會率會增加....

好眼訓呀..
好似無咩時間咁
無時間訓覺
無時間曬畢業D相
無時間UPLOAD d相
更加無時間同D朋友仔出街
無時間同朋友仔係ICQ傾計而唔係閒談!!!
又無時間整聖誕禮物...
無時間寫聖誕咭...
無時間約人
無時間好多好簡單又普通的事......................................
唉...
我好想聖誕時
都送到禮物俾見到我的朋友仔......

>>December 14, 2004 at 4:13:41 PM GMT+8

2004 年 12 月 11 日 星期六 【晴】

今日天氣真係好好....

我地今日去行樂善行呀....
勁早起身，五點半六點，天都未光呀...諗起0個d天都未光就要返工的人，真係為他們感到辛苦。

好眼訓，今朝早真係有個想法就係唔去...其實點解我參加呢，第一，因為上次挑戰三十六小時我做support team ，覺得睇住人地出力自己係度hea好傻仔..心中有一股熱血，第二，之前未搵到工時頹頹地...所以想搵d野激發自己的意志，但係而家我工又搵到﹐又眼訓..又無練..要去跑山真係有d想死。

一起身就知遲到，點都坐唔到阿john車，我地係彩虹坐肥肥車入西貢..我係太子撞到阿B，去到北潭涌join埋阿B同阿超，又見到14屆0個alan，真係多人玩呀，次次呢d活動都好似旅協老鬼太聚會咁...感覺幾開心。

九點開跑...d人真係跑0架..太耐無做運動的我，已經唔見frankie、強仔同阿john的踪影...肥仔叫我慢跑..但係我最不擅長的就是跑石屎路..平時有得搭94的地方，今日要搭11號巴士喇..好辛苦...勁俾人過..

其實講係咁講，我都有跑0架，初初跑隻右腳腳皮麻痺0左.....但都照跑﹐我地用上山慢慢行，落山快d，上山平路抖既方法行，都ok呀，上蝻蛇尖我都無抖...不過d人見我身上一樣野都無﹐就問: 「嘩...乜咁勁呀..水都無?」我笑笑指下前面既肥仔...d叔叔就笑話:「啊..原來有跟班..」，哈哈，個感覺好得意。肥仔話我都唔係第一次咩都唔拎上蝻蛇尖..哈哈，上次同今次都係一樣，多得你呢個好朋友啦。

落蝻蛇尖時都大塞車，落到去想跑時點知左腳的小腿突然抽筋...吓..唔係掛...我玩0左兩年山頭霸王..行黃竹角咀都未試過抽筋..竟然衰係樂善行手上?坐低一拉筋..勁痛..原來抽筋係真係咁痛...好痛呀............不過經過d叔叔伯伯見我抽筋都主動問我要不要按摩膏..玩樂善行d人幾好..

出長咀，都好舒服呀，出到去佢地拉曬旗仔咁，好似嘉年華會，仲有粥食，好開心..d工作人員幫我卒0左好耐腳..我自己又拉下筋..好彩上番去時都未抽番..我見我身邊的標型大漢個個都好似死狗0左咁..好攪笑...點可以咁快the 皮0架...

我地行行行...好舒服，朝頭早的長咀也很美麗..個海好似一塊玻璃咁...雙眼又與這個\一望無際的地平線相投..仲大過太空館個天象廳..我遲下會再黎探你的了，長咀的海岸線...

最攪笑係我地上西灣亭時，肥仔好似阻住個男仔...我叫肥仔讓開少少，但係0個男仔同肥仔講..我都無力過你喇..哈哈...仲有呀，出西灣亭時有d阿伯跑出去..唔知第時frankie哥會不會變成咁 ?哈...

去到西灣亭，見到vincy迎面跑過黎..0個種感覺好開心...好warm..佢黎做物理治料的 support呀..我地傾下陣繼續上路..行0個條西灣路..真係勁辛苦..行極都行唔完...後來frankie打電話黎話女子組我仲有機會拎背囊喎.叫我跑..我仲邊有力跑丫.....去到萬宜坳，見到個女子組冠軍跑黎鼓勵我地﹐仲叫我跑喎...我唔知邊來的力﹐係咁跑係咁跑....去到士多位見到frankie跑黎搵我地....結果我就以147名衝過終點...完成呢個30K 既賽事喇。

雖然有d辛苦..不過都ok丫..但係以我咁既狀態..令我有d唔想玩山頭霸王添....

阿超佢俾人推落山整親腳好唔開心...我地個個都知你勁0架喎.超爸爸..咁已經得喇

不過係咁多個男人入面，只有frankie一個以一百二十幾名拎到背囊....真係競爭激烈呀。

很累呀.........................
不過同大家一齊比賽
個感覺好開心...

>>December 13, 2004 at 4:57:08 PM GMT+8

2004 年 12 月 10 日 星期五 【晴】

今日我要hold個event...
就係係五邑工商總會中學度攪個seminar...
都好多老師黎呀...
差不多成四十幾人..
最攪笑係我撞見教我F1 EPA的老師..叫溫俊華..
不過佢而家俾人調0左去呂潤財度教..我太勁喇...連F1邊個教我EPA都記得...

放工去0左深入埗附近閒逛..見到間好似舊公和咁既豆腐度..我就入0左去食碗豆腐花..好好味..好滑...

然後返屋企換衫..因為我已經唔想再著高跟鞋同SUIT...

好眼訓..但係我都要去一個地方..自己黎呢度都幾舒服喎....

之後約0左小孩同肥妹睇戲..今次出黎好似佢地講既野自己唔係好傾到咁..其實我好想同佢地傾多D計..同埋可以講D更加DEEP既野，因為我覺得佢地兩個都係我既好好朋友，不過唔知係唔係因為我同D莊員一齊?

後來阮美都有黎睇，我地睇 BJ 2..都幾好笑，不過佢中間竟然播0個首<< what the world need now is love>> ，可能外國d愛情片就係成日用呢首歌...

之後我地阮美我mountain hardware睇褸，肥妹同小孩就自己去睇野喇，然後我同阮美就上0左去加肋比海樓上既五樓cafe..幾靚同幾好坐，d野食亦都幾好食，我叫0左個沙律同花茶..同阮美又傾0左好多野，好開心，只係而家好似傾夜d都有罪咁，好唔開心，希望下次又可以好似而家咁"共剪西窗燭"啦。

聽日玩樂善行...好驚添...
勁早起身呀....

>>December 15, 2004 at 4:37:34 PM GMT+8

2004 年 12 月 8 日 星期三 【晴】

今日又勁多enquiry，d老師聽到我地可以幫佢寫優質教育基金的proposal ，即刻係咁問我拎資料..夾夾埋埋，呢幾日已經有五十間學校問我地quote價..真係打e-mail覆都打死我。

仲要攪埋星期六個seminar..攪到我忙到唔理五邑個阿sir係攪手，佢一打黎就以為佢係上seminar的人，攪到俾人笑。

勁忙，但係做得幾開心，呢種感覺幾好....

做到七點終於做完，約0左路痴行街，七點半係佐敦等...

係搭地鐵的時候，我發現一樣野，就係成卡車入面ｄ女人個個都好似眼紅紅，好似喊咁．．．原來呢個世界有好多女人，即使用美麗的衣服、化妝淹蓋自己，但係當一個的時候，很容易流露出最脆弱的神情．．．

太早去到，因為之前的經驗關係，條友仔可能都遲到，所以就自己去0左佐敦地鐵站個商場行陣﹐因為我好想買返工ｄ衫。打俾佢，原來佢都係呢個商場行緊喎，仲俾佢暗中發現到我﹐但係我又見唔到佢，好攪笑。

去0左K2的姊妹brand another睇衫，七折，本身見到ｄ外套３百幾七折都OK 丫，試０左件黑色，都幾好，點知俾錢時先發現佢係五百幾七折，即係３００幾蚊囉，好鬼貴呀．．．．真係肉赤死．．．．割肉餵鷹，好痛呀．．．．．．．．．．

之後去０左澳牛奶公司食，好耐都無人陪我去食喇．．．好開心，我地坐我第一次同錢錢黎坐０個個位，好懷念，咁又三年，第一次黎食我仲係freshman，連資料組都未入就同旅協莊員一齊黎呢度食早餐喇。ｄ伙計除了串之餘，仲成日申個頭入黎裝裝貢，真係俾佢激死．．仲要問我地拎果仁食喎．．仲話遲下約出黎．．不過佢俾自己的伙計串番，勁攪笑。

之後我地既mission係買聖誕禮物，我地係旅協人黎０架嘛．．梗係行過去旺角．．我地穿過廟街，忍唔住又係咁睇野﹐去到朗豪坊，都好似好夜咁．．不過我地行下，又八下人地莊ｄ野，幾開心．．．哈哈

我次次黎都係同ｄ男人黎睇mountain hardware，今次終於可以睇下ｄ女仔野﹐又睇０左好多衫，佢ｄ衫勁似銅鑼灣同利時，不過都唔算太貴．．．我有ｄ後悔求先咁衝動買０左０個件衫添。

之後我地行到十一點，路痴見到個”杏花"就話係杏花樓去食糖水．．．哈哈，但係０個個杏花係杏花小築．．．唔係杏花（樓啦．．佢梗係唔記得呢度係咩街喇．．．之後本身去食嘴妙妙．．但係太夜，經過兆萬﹐路痴仲介紹我去一間好平的銀器店．．佢買０左條貝母，我又眼中條海藍寶．．．最終都買０左．．好貴呀．．．破財喇．．今次我真大煲．．點解我成日做野都唔經大腦??

不過今次行得幾開心
下次一齊去唱ｋ
露營呀～～～

>>December 10, 2004 at 4:15:43 PM GMT+8

2004 年 12 月 7 日 星期二 【晴】

今日公司勁多Enquiry... D sales又唔得閒應酬佢地，唯有我對付d老師喇。

都幾開心，日日返工都唔悶。

晏d又出0左去整banner，第三次整，希望唔會出錯喇。今朝早因為fax boardcast的便條上無跟足老闆既指示做，所以俾人問0左幾句...真係，第一次由老闆直接叫我做既野就做錯..唔知會不會影響印象分?

然後出去旺角，順便搵埋雲遊中的frankie ，佢因為要等地盤d野，所以得閒得滯搵埋我行一陣，我整埋d野都成五點幾，所以就唔返公司同frankie行下朗豪坊，睇mountain hardware，都幾開心呀，0個個sales又係好pro咁..我地睇中0左件，希望有機會買到莊褸喇。

行無印..想起上年的聖誕，可以係hall佈置，同埋小孩送的francfrancy禮物，我到而家都未捨得用，係hall\度一齊過聖誕，好開心，好舒服.....好溫暖，仲一齊打牌添。今年想佈置都無喇....

又到聖誕..好想整d野出黎，上年整0左曲奇餅，雖然大家都話Ok ，不過我覺得麻麻地，今年想織頸巾，但係我永遠唔鐘意織俾自己，織俾我個angel好唔好呢 ?

好似好快又一年咁....一年兩年三年，其實自己都好大個，雖然時光會變，社會呢個大染缸亦會令人好易變，但我總希望自己不是那一種人，世界好多人騎牛搵馬，自己不一定要這樣，好多人因為怕寂寞而搵個人，但我不一定要那樣，世界好多人易變心，但我不一定要那樣，雖然那可能會吃虧，但總好過矯揉造作，自己唔開心..........希望自己永遠保持赤子之心。

一年又一年...很害怕生命中的點點滴滴正每分每秒地流逝，而自己卻沒法在正確的時間掌握...變成任誰也挽回不了的命運。

>>December 8, 2004 at 4:44:51 PM GMT+8

2004 年 12 月 6 日 星期一 【晴】

又星期二喇
一個星期其實都好快過..

今日見了明報HI-TECH WEEKLY d記者..我要做個學校影像拍攝的比賽。

然後今日下午又有得成間公司D人一齊贪茶，幾開心。

唔知點解訓極都唔夠

今日放工食完飯就訓0左...四點幾先"澤"醒..

不過夜媽媽個感覺好舒服..

呢D生活，好似連同人傾下計的時間也少了很多...
我發現自己原來唔同其他人溝通下係會死0架..
你地得閒見到我同我講多D野喇...

個日記.
我一定會寫番好佢

TO MY ANGEL
你近來的生活點呀?
你記住每分每秒都要守護我呀....

>>December 8, 2004 at 4:45:10 PM GMT+8