2005 年 1 月 23 日 星期日 【晴】

又要返工喇，可能琴日同大恩傾0左好耐，所以今日都有d眼訓...

今日下午去了聖家整個門口大型貼紙，之後同事去了九龍塘的一間糖水店食飯...
間店叫冰之菓，係九龍城廣場對面，佢入面d甜品超好味..

我地叫0左個朱古力軟心蛋糕，佢有個師傅即刻焗俾我地..
我地三個人分，一用叉拮開，入面d朱古力好澎湃咁溜出黎，外脆入軟，好好味...

真係超正，然後整埋都五點半六點，又放工喇...

晚晚十二點先有電腦用，返去又媽媽有d唔開心..睇黎我呢排都係出少d街...

如果可以好似以前咁自由...幾時出去就幾時出去，幾好

我們懷念那些日子，因為那些是最沒有重量的日子，0個日夜晚一個人係後欄行，諗起好多野，可能自己太投入旅協及自己莊員的生活，好似又在校園上忽略了一些，不過，我又好感謝識到大家，因為我相信，老了我們的笑聲仍然可以係山度聽到....那些沒有重量的日子雖然一去不返..但係人生只係一張單程表，在一切未成為結果之前，好好珍惜身邊的一切及感覺...

今日我睇見本Scheduel，睇見一句: 每當我抬頭望天，我知道，我仍然是幸福的...........

>>January 26, 2005 at 5:10:01 PM GMT+8

2005 年 1 月 22 日 星期六 【晴】

今日同0左d莊員返大陸入貨...

朝早十點係上水等，我好叻呀，第一個到上水。

阮美佢地琴晚係會坐到六點，幾勁，臨訓前send0左個message俾佢，佢覆我選0左副主席都五點幾喇.......

聽講廿三屆con人時俾人串，0個d自以為是，自大加一點既老鬼目中無人，連尊重兩個宇都唔識點寫...

我都唔明點解我咁興..
可能覺得一切都太唔合理，d人係唔係癲曬?
唔好理佢地，費事俾d豬同M字額激親...
真係唔返去尤自可
一返去就把幾火...

我地今日返大陸
出火車時已經見到個女人隻腳既動係同隔離o個男人一樣，好恐怖...
我地好似港燦咁，第一次搭深圳的地鐵，原來深圳d地鐵係用膠膠地既硬幣，然後入閘係"do"的...出閘就入錢咁，好得意。

我地去到老街(即係東門)，行0左好耐，好辛苦，深圳好多人，又多人又嘈，0個種嘈又唔係銅鑼灣尖沙咀旺角0個種嘈...總之我就頭都暈，唔好要我返黎深圳同廣州，大陸，我只係欣賞雲南四川貴州西藏同絲路北京。

真係辛苦死，不過可能都因為我自己又心情低落喇，其實有無d醫心情低落的藥?有無d醫自己都唔知可以點控制的難受感覺?不過，其實，有你地嘩哈哈咁一齊，我都唔覺寂寞...

唉
好耐無見過肥仔，佢今日好似因為我對佢好冷淡而唔開心..其實我都唔開心0架，又話好朋友，人地打爆頭都唔理我...不過我明既....其實我無嬲你喎，又點會嬲得你落...

其實係個日記到太坦白，大家會擔心我嗎?我唔想成日俾人擔心，放心啦...我會好好愛自己..

我地行到六點幾，個個都死0左，不過都入0左d好得意既雞雞公仔..好得意0架..
不過好似都入唔夠...累死了，好想快d返香港

結果我地無食到小肥羊，返0左香港join終於剪0左髮既阿JOhn同埋代表我地con人既主席，我地就去廟街食喇。

始終都係香港好........

琴日同阮美兩個人訓草地望漫天星星時，唱起呢首歌...
而家聽番，都幾有味道

　
MR. 楊千嬅

曲：伍樂城 詞：黃偉文

為何險掉那顆痣 又拼命買新的襯衣
不須要故意著緊 自動每天call幾次

要是環遊全宇宙 總有個更加好
但你令我超級快樂 請你必須要有自信
你現有一切 無請變動

不必加班去贈我鈔票 不必溫書去入劍橋
不必飛車去讓我心跳 毫不重要 *

你想我喜歡你 甚麼也別要改
從來無人嫌你這樣 你這樣才像你

誰曾拿著你講笑 話你用處真的太少
可想過你那弱點 就是我剛剛想要

要是求財雄勢大 總有個更加好
但你令我超級快樂 雖說他長相那樣美
你別太小器 隨便退避

已經夠喜歡你 甚麼也沒缺少
從來無人嫌你這樣 你這樣才像你
怕你變了 尋遍世上 再也沒人像你

很喜歡林夕同黃偉文的詞...

希望可以仍有機會同阮美或者大家一齊夜媽媽係poly訓草地睇星星...
呢種感覺實在太舒服

>>January 25, 2005 at 6:28:16 PM GMT+8

2005 年 1 月 21 日 星期五 【微冷】

今日係短週，不過下午都要去到馬灣做event support...
馬灣真係幾舒服，去到買d野食俾同事，我又做了schoolTV的代表...

五點鐘先放工，今日旅協互選，其實我放工趕去都黎得切，不過又唔想一個人去到無聊，d莊員又好似等好耐都唔出現咁，所以我就落深水步拎Quotation同埋搵阿嫂去了千口甘度食糖水(拿，係你老公話你好得閒，叫我搵你0乍 )

千口甘d糖水幾好味.......

好攪笑，廿四屆個阿wing打黎話得四個老鬼到，問我地屆知唔知今日互選。

阮美放工去到我係旺角坐火車返去，真係一條既陌生又熟悉的路，落到去都好多人丫，見廿三屆都幾齊人，覺得佢地落0左莊後，好似團結0左，哈哈，好耐都無見過sukey同sandy佢地。

Concon下都幾悶，因為唔係好想問問題，亦唔記得有咩要問，廿四屆d人好似成日唔出聲咁，想點?佢地好熟既老鬼又一個都唔多見喎...

我同阮美後來去0左 M core個大草地訓覺...一路唱住歌睇天上星星，好寫意...

現在任性的生活少了，很想得閒這樣任性一下...
結果我地俾實Q問我地係唔係唔舒服(即係問，係度訓，無病呀你?)

後來樂仔返到黎...講0左個驚人消息，初初佢死都唔肯講 ，廿四屆當然都唔肯講0架喇。不過經過多方可疑點及感覺，再加上廿四屆莊員d反應同埋0個幾條女既行為，可信程度都有一百，真係十個令人吃驚同埋髮指的事。

估不到人地唔係香港，就有藉口攪埋一齊，賤格，你地有無諗過人地感受?有無諗過人地一個人係異鄉最掛住既人背叛佢既感覺?同場有d當時人既莊員當然都聽到吊0左..........(其實我都係..仲以為佢地感情好好，真係為她傷心...)

真係想有d打佢既衝動...賤格!!!

唔好玩啦，真係鐘意佢，唔係身邊唔係最掛住咩?

呢d對感情玩玩下既男女，真係天生一對!!!你地係唔係唔拍拖會死0架??

做得出唔怕認，連女朋友都唔敢俾佢爆光，你有幾愛佢 ?

唔該唔好俾d冠冕堂皇既藉口啦，講到自己好勁好偉大咁，咁睇玩莊，返黎sit會pre trip關心照顧，未又係溝女，總有d後生d既出現，睇你溝得幾多個，阿伯!!!

最興睇見d相，朝早一個，夜晚一個，不知所謂...

咁多人死唔見你死...................

concon下都覺得無心機，見到d人扮曬同新莊好fd咁就想嘔，攪到旅協污漕曬...

唔想見得愈多，愈破壞心中對旅協最初的印象..那些最純真的回憶...

出去傾下計，終於問0左一條自己一直好想問的問題，其實知唔知又有咩所謂...反正都係遲早...

只是當時已茫然

現在回想，一切猶在夢中......
只是一個自己不願醒來的夢
回到現實了，以為發另一個可怕的夢

現在
讓我清清晰晰咁睇清楚...
要起身返工喇...
哈哈

然後我就一個人走喇...
本身係紅磡車站有車搭返屋企，不過我唔鐘意去0個個
那裡只有一個月亮發白地掛在poly樓頂的印象...
一個人坐N車返黎hall，真係好耐..
不過我已經唔記得一個人半夜三更返hall的感覺
我想
除了焗
應該沒有甚麼..

結果我一個人行0左出佐敦搭車...
料斜春風吹酒醒

返到屋企
已經四點

>>January 24, 2005 at 5:53:06 PM GMT+8

2005 年 1 月 20 日 星期四 【微冷】

琴晚發0左個好恐怖的夢.........
攪到今日好似無乜精神
其實點同點
又有咩所謂?
其實人地點
都不在我的世界範圍內

記得去到玉龍雪山
係覽車度第一次聽呢首歌

我躲在車裡手握著香檳　想要給妳生日的驚喜
妳越走越近有兩個聲音　我措手不及只得楞在那裡

我應該在車底不應該在車裡　看到你們有多甜蜜
這樣一來我也比較容易死心　給我離開的勇氣
他一定很愛妳也把我比下去　分手也只用了一分鐘而已
他一定很愛妳比我會討好妳　不會像我這樣孩子氣　為難著妳

我應該在車底不應該在車裡　看到你們有多甜蜜
這樣一來我也比較容易死心　給我離開的勇氣
他一定很愛妳也把我比下去　分手也只用了一分鐘而已
他一定很愛妳比我會討好妳　不會像我這樣孩子氣　為難著妳

他一定很愛妳也把我比下去　分手也只用了一分鐘而已
他一定很愛妳比我會討好妳　不會像我這樣孩子氣　為難著妳



估不到返到黎香港先興

>>January 21, 2005 at 2:55:05 AM GMT+8

2005 年 1 月 18 日 星期二 【晴】

今日公司好多野做...
趕趕趕，希望趕得切係人地d開幕禮度攪掂曬d banner..

今日夜晚約0左班莊員開年宵會兼食飯，大哥哥alex終於返黎喇...我放工就出0左去同佢行街。

佢今日出黎同我地一齊食飯呀...

好開心見番佢，半年無見，其實個感覺都無乜點變...我地擁抱0左一陣，發現佢好多野都有改變，我指佢d錶呀，頸巾咁..估不到一年0者..已經乜都變曬，但係無變的是我們之間的友誼及佢傻仔曬的性格，仲有他喜歡穿earth color的 style...

因為佢地十個有九個都話要遲黎早走，唔理佢地lu...

我地自己行住街先，好野，有手信收，就係一人一條係新彊買番黎既頸鍊。

alex未行過朗豪坊，我地就帶佢行下，我地去到"ta ta店"(即係賣"tata"公仔的店)度，阮美terry同主席都先後黎到，佢地個個見到alex都好開心喎...我地好似係間鋪頭度攪重聚咁..好攪笑，不過亦都感到很溫暖。

我想，他的回來，我們每一個人也很高興呀~

之後我地諗去邊食飯，因為要容納咁多人又要平平地的緣故，terry去到一邊又講一間，行另一邊又講另一間，都唔知佢想點呀...最終我地去0左咖哩王食。

好開心可以見番 大哥哥.....
不過以後約出黎見的機會又有幾多 ?

我己經為成日為約你地而感到有點疲倦...

雖然我很喜歡跟大家一起的感覺，但我唔係對個個人，都係一叫即出黎0架..
很想自己也忙d，或者將你們的位置放輕點，少d出現，可能會珍惜多d?

我這種想法很任性很野蠻很無理很不諒解吧?
因為我知道我沒法要求你們那麼多
講完
最後仍然會為一些關心而感動...

單細胞生物..
多麼簡單又複雜

>>January 20, 2005 at 5:45:12 PM GMT+8

2005 年 1 月 16 日 星期日 【晴】

琴日隔訓前諗住執埋聽日返工D野，點知開住個書櫃坐低執野..
一起身就撞到個書門應一應...
勁痛
諗住起0左個瘤摸下啦..
點知成隻手指都係血................................
竟然打爆0左自己個頭..
好傻仔呀...
亦都好痛
成條血痕咁....

今日返工返到累累地
諗住打俾D莊員同佢地傾下計
順便同佢地講下我既傻仔事..
點知個個都唔得閒理我......
嗚.
你地唔理我喇...........

唉
好悶
出到去旺角趕整鄭榮之個膠板，兜兜轉轉行0左成粒鐘都搵唔到，原來我就快搵到時又覺唔對路走回頭...
唉...
就好似人生咁
成日都兜兜轉轉..........

悶@.@

>>January 17, 2005 at 4:38:05 PM GMT+8

2005 年 1 月 15 日 星期六 【颳風】

今朝早去行八仙嶺，九點係大埔等，大家當然例遲喇，不過我都好眼訓，唔係咁想起身，攪到我都遲到......

今日天氣幾好，不過煙霞好大，行馬騮崖都有d辛苦，因為實在太耐無行山喇...我好想行番d激野，好似南天門，象門0個d，因為越野雄心d人都行度..我無理由行唔到...

今日行山好舒服....

不過細k佢隻腳因為唔理佢攪到含燶..好嚴重...應該唔好成日翳住佢丫嘛...

我地行到邊，遍地都係山火的痕跡，真係慘...

有個伯伯同嬸嬸叫我地幫佢地影相，上到純陽峰會請我地食木瓜..好開心...

之後我地就落番鶴藪走人..
出0左粉嶺食tea...

夜晚去到旺角轉車，玉怡打俾我，所以我就陪佢食Q餅同行0左陣街，佢六月先完placement，幾時捱完 ??

不過可以一齊坐車返屋企好開心~

>>January 20, 2005 at 5:28:37 PM GMT+8

2005 年 1 月 15 日 星期六 【颳風】

今朝早去行八仙嶺，九點係大埔等，大家當然例遲喇，不過我都好眼訓，唔係咁想起身，攪到我都遲到......

今日天氣幾好，不過煙霞好大，行馬騮崖都有d辛苦，因為實在太耐無行山喇...我好想行番d激野，好似南天門，象門0個d，因為越野雄心d人都行度..我無理由行唔到...

今日行山好舒服....

不過細k佢隻腳因為唔理佢攪到含燶..好嚴重...應該唔好成日翳住佢丫嘛...

我地行到邊，遍地都係山火的痕跡，真係慘...

有個伯伯同嬸嬸叫我地幫佢地影相，上到純陽峰會請我地食木瓜..好開心...

之後我地就落番鶴藪走人..
出0左粉嶺食tea...

夜晚去到旺角轉車，玉怡打俾我，所以我就陪佢食Q餅同行0左陣街，佢六月先完placement，幾時捱完 ??

不過可以一齊坐車返屋企好開心~

>>January 20, 2005 at 5:28:14 PM GMT+8

2005 年 1 月 14 日 星期五 【晴】

真係好多謝細K呀...細k 我好愛你...
因為無人陪我行山的緣故，攪到我心情好低落...好好人既細k 話同我一齊去唱k。

好開心呀...
我十二點半就係公司速逃，andy見到我都話攪到佢都好想閃..哈哈

我去到旺角諗住約佢係信和對面0個商場等，但係我記錯0左0個個係另一個商場，去到見唔到細k先醒起原來0個個商場係太子...噢..我老點0左細k添。sorry呀...

之後我地兩個唱K ，都唱0左好多歌，不過係唱到慶起時就夠鐘喇，攪到我地唱唔到好多台灣歌，好似<證據>>，陳奕迅咁...

不過我地唱完之後去0左行街，去到B +ab買0左件褸，我地係咁試，試0左好多件衫，結果我又破財喇...不過我真係好鐘意件褸...希望著得好睇喇...
我地足足係b+ab留0左兩個鐘以上..

之後我地去0左登打士廣場既樓上cafe，其實都好多選擇，去到comma cafe..環境都幾好，d野食都幾好食，個花茶又大過五樓cafe..個感覺幾屋企，仲唔駛加一添，真係不俗，下次帶埋d莊員黎先...

好野，frankie哥話可以同我去行山喇....好開心，聽日有得同強仔、細k同永隆行山喇

不過唔知行邊好
有無人可以同我講
白燕岩係邊度0架?

>>January 18, 2005 at 4:41:39 PM GMT+8

2005 年 1 月 13 日 星期四 【晴】

等了很久...終於可以見到d莊員..今個星期真係超悶...

約0左七點半poly，我返到去都係得阿嫂一個就快到..
結果我就上0左會hea..
撞到文迪
佢著得勁型
我都唔認得佢...

聽日廿四屆單車營
見到個function chair，諗住同佢傾幾句，講起當年d老鬼有d 會員炒到見骨同斷腳
但係佢好似都唔驚咁..仲話覺得頭盔多餘..真係有d擔心佢地，不過我而家已經無以前咁緊張lu

之後同d莊員去0左南北小廚食飯
好開心呀(註:阿嫂唔好成日話我只要見到d莊員就開心..只要係見到d我想關心的朋友，我都會好開心\，簡單d唔好咩?)
叫到成張枱都係野食...之後donna黎埋，又拎了盒爆谷黎俾我地食..估唔到我地又真係有人食..
哈哈...

今日應該齊人，連terry同donna都有黎...

我地食野有傾有講，很想記低每一次這樣聚餐的幸福感覺...

之後就上會傾年宵d野，有d擔心唔夠貨源添...

要返大陸入貨了....

走時死肥肥話同我玩"咩"佢喎..
平時通常都咩得起，但係今日因為我著住高跟鞋，所以我就因為佢太重，成個人失去重心咁
成個人撻0左係地下.....好痛..點解我成日都係咁...

雖然佢地個個都好似好緊張咁問我有無事，不過又笑我跌得好攪笑...
肥仔正衰人..............
嗚.
瘀0左呀...

忽然間所有人都唔徥閒同我行山咁..
唔通我今個星期又要在家悶?
但我知我不可以這樣任性...

好想行山呀....................................................
唔想成日係城市hea ..

>>January 18, 2005 at 4:24:03 PM GMT+8