2005 年 12 月 9 日 星期五 【晴】

今日天氣好好~
一朝早起身入西貢...今日樂善行呀~
不過唔知點解自己不在狀態...仲肚仔痛添!!

今年仍然有肥陪我跑...仲有Frankie..JOHN強同廿一屆阿B
佢地當然係咁跑..但我地兩個都係係後面慢跑
今年上南蛇尖好辛苦呀~
因為唔舒服..周身都無力.累到阿肥要等我
落到南蛇尖..咦..肥呢?望前面又見唔到..望後面又見唔到
等等下俾人過曬..唔是路喎...我想佢應該行得快過我掛
所以就行前..原來佢真係係前面個山頭
因為咁..我地又浪費了十五分鐘

出到長咀有粥食...好開心
不過今年就行得慢0左..雖然無停..
但行上西灣亭時隻膝頭超痛.死喇..我好似肥主席咁傷膝喇...一路行一路痛
仲要上到吹筒坳...大腿抽筋..
去到西灣亭見到vincy...好開心，因為好耐無見佢喇~
由西灣亭行出去北潭涌0個條路超累
又長又悶又辛苦....
不過..今年足足遲了一個鐘...無袋拎了...嗚..今年個袋好靚呀~
Frankie係兩個幾到0左...(我兩點幾仲係東灣....)

我想我d體能真的太差
做番個slim的行山女將先得

>>December 11, 2005 at 3:52:25 PM GMT+8

2005 年 12 月 9 日 星期五 【晴】

今日雖然係短週
但我仍然要返工...努力呀~

返完工拿拿聲去補習
個妹妹仔就快考試了..佢乜都唔識..
最慘Geog連relief rain係乜佢都唔知...
真係俾佢激死...
問佢教到邊又唔知喎
咩都唔知............真係教到嘔血
一補補了三個鐘
之後本來諗住同慧豬行一陣

去了青衣城睇鞋...
間IT服務真係好差
不過慧豬都好似好忙咁..行一陣我都無乜心機再行

昨日看了單新聞..小情侶自殺案
真係好慘呀...問世間情為何物?
昨天才跟同事說起
可能曾經小時候被父母拋棄的人
內心都有一定的創傷及缺乏安全感
始終小時候的陰影對一個人的影響真的幾大

明天行樂善行
幾個星期無行山
好驚死.....希望不要抽筋吧

>>December 10, 2005 at 4:08:32 PM GMT+8

2005 年 12 月 8 日 星期四 【晴】

又到星期五...每日都係做做做!!!
晚上同小孩肥妹carol仔一齊返去影畢業相~
又影喇..點解仲可以影咁多次?
不過今次都好hea
求求其其影0左幾張..媽媽又趕住還袍咁
不過住hall的幾個麻煩女人重聚...感覺都幾好

順手幫玉怡拎埋張Cert~
點知佢話無學生證死都要親身簽名..
但傻仔既我就真係諗住scan俾玉怡簽
-_-''
最終carol佢地就叫我做0左第二個方法黎拎...
我又覺得
自己真係好鬼蠢...................................

不過話得自己多
會不會變得更蠢?

後來去了茶軒食飯...佢所謂的二人餐真係幾唔抵...
肥妹又開始發表她的理論..
不過我覺得其實佢係好努力令自己生活更加多姿多采
佢話
我自己再唔向前
佢地就唔理我了
嗚...
我要anti-etaa..唔要生活入面成日都係旅協人....
我呢個人雖然死性難改
但我都明白佢地提醒我都係為我好
又一年了
自己乜野都無做過
乜野都交白卷
浪費時間!!!!!
坐言起行

我都要為自己的人生努力

>>December 10, 2005 at 3:56:11 PM GMT+8

2005 年 12 月 7 日 星期三 【晴】

今日入紙請AL下星期四去迪士尼玩...
因為諗過請病假要俾錢睇醫生﹐而且terry佢地成日話請al唔洗寫理由..
入0左紙..
阿頭竟然想唔批!!!!

太可惡了...
有d唔開心...
不過就算擺明請乍病都要講假..
但感覺上自己好似好蠢咁..
入0左紙先黎扮病...
未話曬俾全世界知..「你乍病」...

有陣時真係覺得自己好唔精明...
亦即係幾蠢
好似做d乜野都唔識去走偏門或者呃人咁
真係白痴

想起自己類似既事好似發生過好多次
例如當時自己仲係資料組
我地成班諗住入lib搵間房睇番出隊拍既野
仲買曬野食上去...
點知我就好老實咁走去租片個counter問人我地可不可以播自己既野..
當堂俾阮美鬧我傻仔....
呢個係我入大學後發現原來我都幾蠢的第一件事...

>>December 10, 2005 at 3:35:31 PM GMT+8

2005 年 12 月 6 日 星期二 【晴】

今日更加凍添呀~

好唔鐘意咁凍...除了用多0左時間著衫攪到我遲到之外...仲有就係自己要著好多衫...攪到好辛苦

今朝一返到位發現有三隻BEYOND演唱會dvd...記得很久以前無聊地跟阿文說過，他說燒俾我...之前我唔見佢燒就算...估唔到咁耐之後佢都仲記得喎...

這件事令我想起..信口開河及一諾千金的分別...其實一個人有無信用..信唔信得過真係唔難睇....

有些人，即使少少野..講過就會做..有D人就永遠只會講到好好聽..但又唔見佢做得到

或者做唔做得到並唔係一件咁應該執著的事...但其背後意義已可見人的可信性及人與人之間距離感的關係

今日出0左旺角買些東西..我發現旺角真係好多人...我真係唔多鐘意咁多人的地方...仲有...就係自己真係好耐無出黎旺角喇~旺角好多野都變0左，自己亦好少出街(點似得死豬咁...)感覺上自己好似在漸漸變自閉仔當中。

夜晚上堂..其實每一次的design堂我都好enjoy...不過我今日係我第二次無交功課....(不過大家放心..我交的功課已經夠評分) 個course下星期最後一堂..好快我就無得入圖書館同埋會好少返去看夜晚燈光暗閃的poly..........]

P.S. 肥今日唔見了電話..鬼唔望偷佢電話既人手爛呀...咁衰偷人電話....

>>December 8, 2005 at 4:03:13 PM GMT+8

2005 年 12 月 4 日 星期日 【晴】

好凍呀...

凍死人咩...

都唔明點解上年仲凍過而家都仲碌去長咀...

仲攪到俾terry鬧我添



著好多衫..係冬天出生的我竟然怕凍...



P.S.雯雯生日大快樂呀~..祝你快d同小b組織幸福肥肥家庭啦

>>December 8, 2005 at 3:54:43 PM GMT+8

2005 年 12 月 3 日 星期六 【晴】

今日無去行山
但係個天好靚呀
不過打俾FRANKIE...完來佢係起唔到身
無去到囉~
而家佢地真係好鬼hea呀~

今日十一點去補習
補完習本來約了雯雯去剪髮..但係個髮型師又full booking喎
結果我就行0左陣青衣城
好多人------其實我唔係咁鐘意咁多人既地方~

唔知點解...今日想番起"感動"兩個字
有沒有試過聽人唱歌感到有d毛管豎起的感覺(唔係因為驚而係因為感動)
我想起以前每年聖誕節係吳祥川過的日子..
每年除了有anaual ball，還有PE堂跳舞，以及christmas party...
每次班際比賽，睇見d識既高form唱歌(我記得有仙樂飄飄同埋雪狼湖)
當然啦..仲有自己班唱的yesterday、top of the world同埋驕陽似火(我都唔記得個名)
每次聽班際...唱得好的都會令我有種感動的感覺
講起上黎...
近年來感動的次數好像少了
竟然又在懷念以前簡單快樂的生活

-------------------------------------------------
近來感到
要拉近人與人之間心的距離
真的不是一件容易的事
想說的不會說
會說的
又是沒有
真實內容的話...最後可能換來的是沉默
還是...不說好了
游來游去的感覺
真係好難頂

-----------------------------------
與朋友談開工作的方向...
她說很怕一年後自己仍要尋尋覓覓
好似比人遲了似的

其實一年後的我..有些時候也有這種感覺...工作..學到的又好像..與自己的理想有偏差
應該做一些更專業的嗎?人人一畢業出來好像也很好景的時候
回看自己...更是百般滋味在心頭

自己...
在任何一方也是好像比其他人也飄泊
總是沒有安穩的依靠

尋尋覓覓的日子..何時才終結

>>December 4, 2005 at 5:00:33 PM GMT+8

2005 年 12 月 2 日 星期五 【晴】

今日係大哥哥同DONNA畢業禮的大日子...以前我地都慣0左返去影大旗相的
不知為何今年一開始影時...大家都無乜MOOD..尤其係今天...可能已經影得太多年喇~
係poly識的人差不多全都畢業了....可以在這裡的生活作一個完滿的結束吧?

死...今日唔記得睇monster添..terry記住下次話番俾我聽個劇情

今日去考cre~
D題目都幾難...不過自己抱住平常心去考......
所以都無所謂啦...但係考到七點囉...係屯門返到POLY都八點了~

住年的熱鬧氣氛沒有了...不過可能不要緊吧..知道眾莊員們都好俾面...
一齊出0左黎POLY附近的菲律賓會bbq..都可以啦...也是嘻嘻哈哈渡過..但係我都係成為俾笑的對象
不過...知道大家都有抽時間出來...多謝大家呀~

希望遲下的大東之旅confirm啦~

呢排有好朋友心情不好...知道可能自己感到很累...希望給自己空間...
想要自己空間不是問題..最怕是朋友的關心變成你的嘮叨
想見下面聚聚舊的感情變成阻礙你的元素
但最怕還是你說自己沒有任何事..也不需要任何人協助
堅強沒有甚麼不好但也不要逞強...也不要老是自怨自艾
用自己雙手去達成自己的夢想吧...
這些便是我今日電話沒電又想跟你說的話

------------------------------------------------------------------------------------------------
剛聽了陳奕迅隻新牒.......
都幾好聽...

<<不能再等待>>
我以前很樂觀　儘管有些天真
我過去相信你　更相信我自己

時光飛逝　我們還在原地　沒有改變
我念舊　我愧疚　但我必須要走

我不能再等待　互相依賴只是傷害
時間不會等　我不能害怕
我只能一直往前走　Oh...

我一直保護你　也愛護我自己
時光無情　我們會分兩地　各自改變
我衝動　我渴求　所以必須要走

我不能再等待　沒有承諾哪有未來
有一片天空　畫面太生動
我只能一直往前走

有時候我差點放手　因為感覺好痛
不管是否成功　一定要繼續走

我不能再等待　互相依賴只是傷害
時間不會等　我不能害怕
我只能一直往前走

我不能再等待　沒有承諾哪有未來
有一片天空　畫面太生動
我只能一直往前走　一直往前走


有些時候...真的感到自己的依賴......為甚麼會變成這樣的?明明這樣只會傷害了自己..
如果我放手了....你也會遺憾嗎?

>>December 3, 2005 at 6:23:59 PM GMT+8

2005 年 11 月 30 日 星期三 【晴】

一號了...正式踏入十二月...周圍都係聖誕歌...我唔想時間咁快過呢
結果....所謂的十一月儲到錢的大餐計劃
始終都係..........

今日好多野做呀...佢地乜都ESTHER ，你地唔識自己做既咩?

放工後去返了POLY借書兼溫下書(因為係屋企我又會掛住睇阿旺同伊健)
雖然有些時候
很怕一個人返POLY...因為好驚撞到D既熟悉的陌生人
不過入到POLY圖書館感覺又幾好呀~
因為遲下又無得用張學生證的了...要盡用張PART TIME證
去返從前流連的一樓同四樓(細房)，大學圖書館唔似公共咁咁多學生仔嘈~又多學術書
可以好專心咁溫下書﹐做下PAST PAPER

以為十點關門.....點知原來開到十一點..想起以前係度溫完書先返 HALL..估唔到開到咁夜都唔記得0左~

經過柯士甸道，發現連點心皇都執0左..唔係掛?
美食特區...點心皇..以前上莊時常吃的店舖全都關門了~
真遺憾
所以在上莊時食既回憶己變成歷史
希望澳洲牛奶公司唔會執啦~

-----------------------------------------------------------------------------------------------
件事終於完滿解決
只係大家都驚大家唔開心0者~
放心啦~有咁既心...我相信我們可以牽手至六十歲的

>>December 1, 2005 at 5:09:44 PM GMT+8

2005 年 11 月 30 日 星期三 【晴】

昨天畫了很久也畫得唔好...最終做到三點半..太睏了...結果未做好就訓...
我真係無用呀~
明明已經星期日在家做好未完成的事
結果
我仍然臨急抱佛腳
這樣子沒法子做好任何事呢~

今天中午時利用中午時間...因為見到yahoo諗起UST 的yohoo~
結果我就將yahoo變成 You are in Holiday的 旅行社了~
阿sir既feedback都幾positive~
都幾開心幾有滿足感
不知不覺自己已經交0左第十份功課...我都幾叻叻呀...半年時間就這樣過去~
其實..
雖然每星期做一份功課辛苦少少 (當然..當中都有hea做的:p)
但係
讀下書吸收一d有學識的文化真係好呀~可以保持自己的critical mind
平時係公司同d爛佬傾得計多...個人都呆d

唔知...下一次會讀咩呢 ?
又可唔可以真係去到法國讀master?(一個很渺茫的願望)

今日放學時經過柯士甸道...看到草地滾球會的旗幟飄揚..
感覺很眼熟..我想他們每年十二月頭便會這樣掛不同的旗幟
想起有一次sit完莊會...行去佐敦食飯..那時自己初入公司..還手舞足蹈地望著草地會的旗說著知道那裡可以整大旗...
估不到
一直想整的大旗己不用我們整了(因為拖得太久，廿五週年自有人出力整)
自己距離那次吃飯..
又已經是一年前的事..........
一年後..我竟發現自己好像沒有甚麼長進過.....
不論自己
還是與其他人的關係
remain unchanged~

晚上自己去了尖咀行街...發現尖咀d衫真係好貴...幾時先可以脫貧?
-----------------------------------------------------------------------------------------
晚上很累
本來興高采列的找好朋談談
讓自己也更有朝氣
但是...互相關懷竟變成爭吵的源頭
發生過甚麼我不想知..亦不會問...自大學後我已經學識了問少d
但.....不如你們自己攪清楚吧
有沒有發生過...真的在我們的關係中...有著重要的意義? Who can tell me?

>>November 30, 2005 at 6:32:36 PM GMT+8