2005 年 2 月 2 日 星期三 【晴】

今日同d莊員一齊食飯...

放工出去同大哥哥一齊去深水步買膠袋，然後慧豬又出埋黎，frankie阿john都join埋一齊，為食的我，當然去0左深水步食公和...仲有大哥哥介紹的勁滑腸粉...

之後frankie哥話要買袋...我地就去0左英昌，成班友仔試完呢樣到0個樣，frankie買0左個大背囊，alex買0左個營、燈同埋爐，連阿john都買0左個紀念版背囊..其實我都好想買個新背囊0架..不過最衰無錢啦...

我地係人地鋪頭攪0左好耐，又睇埋風褸喎...唉，幾時先可以買到件新莊褸?
我好想知呀~

夜晚去0左滔香食飯，叫0左勁耐都無人送食物上來...唉，成十點幾喇...唔係丫嘛...
不過好開心，肥仔同阿欣整0左蛋糕仔俾我食...
唔太甜，又幾好味..
好多謝你地個個都對我咁好...

阿嫂都好記性，嘻嘻，記得我想要bee的護膚品...仲有強仔份禮物，好多謝你地咁多位~

>>February 12, 2005 at 7:03:11 PM GMT+8

2005 年 2 月 1 日 星期二 【晴】

呢排返工都好似好懶咁..
要俾d衝勁先得...

因為近日黎成日出街，所以我都係今日乖乖地係屋企...
係屋企的感覺很好~

>>February 12, 2005 at 6:28:26 PM GMT+8

2005 年 1 月 31 日 星期一 【晴】

今日我朝早去了呂明才做event support
之後返去食飯，同公司d人食lunch都幾開心，因為成日都有不同話話題，感覺幾舒服...

夜晚公司春茗，竟然走去同公司的人打牌..身為魚脯部隊，第一鋪就輸0左，不過後來好彩俾我食番鋪自摸，但係究然攪到 andy輔牌...我地係荃灣食飯，d菜好味過上一次去鴻星食...個感覺都幾融洽，希望新一年，會有人工加!!!

十一點係荃灣返屋企...上icq，竟然到二點幾都未訓，我還是不擅長應付..所以都係算好d

或者我應該冷靜d

>>February 14, 2005 at 9:54:24 AM GMT+8

2005 年 1 月 30 日 星期日 【晴】

今日係生日後的一天...
生活仍然過得很快樂~

不過唔知係唔係因為近來很累，所以我都成日遲到....遲到一分鐘要俾一蚊..好貴~

今日係公司都ok忙，趕下d野，下午又要趕住送野去呂明才(青衣0個間)，自己公司有份做自己熟悉的學校，感覺都幾得意~

下午約了阿frank出去深水步買T-shirt 印衫，本身可以出黎耐d，不過又俾同事吹我，所以都買得好趕，以前我就係咁，成日都係深水步出出入入買印衫d野...不過而家我已經唔係好記得d路喇...好似忽然間時日變得很遠~

買完我也來不及陪阿frank買野，去黃金拎埋塊膠板，因為等0左一陣，竟然俾個司機串我..可惡，恰我係一個女仔?我先唔會俾你咁易恰到...又去到青衣間呂明才，個老師讚我整的咪牌好靚..好開心，見到自己整d野有人讚，成功感真係好大...

因為阿wing打黎話廿五屆有d事想問我同埋阿frank又一個人係會，所以我放工就返0左poly..返到去，都好多人喎，同阿wing傾0左一陣，之後就趕出去同奧海城同小孩肥妹食飯喇....

多謝兩位好朋友請我食飯..生日有你地一齊過，好開心~

聽到好多野，好多意見，其實都知係為我好...
或者我真係太依賴身邊錫我的人
其實我以前唔會依賴人，可能當有這班可靠的人存在，自己也很想放下一些逞強，可能一起的經歷太多，有很多感情和信任是其他朋友沒有的...........

或許是我自己太投入了...
不過我仍然覺得有你地係身邊好幸福
不過你地兩個都唔好放棄我....

俾人鬧完..
又好似清醒0左一d
但係呢種清醒又會維持幾耐?
唉
願我可快快放過自己

>>February 12, 2005 at 6:28:47 PM GMT+8

2005 年 1 月 29 日 星期六 【暴雨】

生日快樂~~~
又大一歲喇，要開開心心呀，知道嘛??
唔知點解，唔係好想離開22呢個數字~

今日有阿咕、慧豬、蓉蓉同埋玉怡陪我過生日，好開心，年年都有你地係身邊，多好~~

原本約0左十一點係樓下等，結果佢地上黎送0左份禮物俾我，好surprise...係一個nikko的五人營~佢地話一人一個床位，可以遲下一齊去wild camp 時用，真係好驚喜，不過亦都會估到阿媽對於呢份野的反應-_-;;﹐但係一諗起以後多d一齊去camp(同埋估不到佢地鐘意wild camp)，我就好開心喇...

然後我地就一齊搭264m去元朗既南生圍...
食完元朗的22蚊雲南米線，我地行0左去元朗站，根據地圖顯示，南生圍離0個度係好近既。但係我地行行下，穿過工業村，入到山貝村，見唔多對路，我就打0左俾阿john喇，佢話唔係元朗站出，係朗屏站出喎，結果我地搭到出去，竟然離我地求先食雲南米線的地方不遠-_-;;，真係浪費腳骨力，我地穿過工業村，見到有好多好靚的雀，佢地好自由自在咁，好開心...

但係呢條又係行行下無路行的路，我地見到架警車，就問下人啦，點知佢話搭街渡要係山貝村對出個公厠附搭，咁未即係我求先打俾阿JOhn0個度-_-;;唔係掛...又行番佢...

其實原來我地只係圍住南生圍外圍行囉...見到對面岸但永遠見唔到過去的方法...

不過一路行都有好多人send message俾我...最開心係收到一個係美國打黎的電話，好開心，因為好開心都可以傾下計，不過我唔係好識係電話講野，同埋又貴，所以講0左陣就收線喇...我會係香港幫你照顧你女朋友的了...

然後玉怡黎到，我地係西鐵到俾佢昆0左影0左張五蚊的所謂"得意相"，但原來係key0個頭上去0個d，勁核突...............攪到今日心情大好的我有點灰暗...

後來我地坐的士入去，南生圍，都幾靚喎，不過好似細0左少少，佢地單車營係呢度，都幾好環境丫...踩入黎，都幾舒服...

最攪笑途中田雞打黎，田雞好日唔打俾我，但係我問佢係唔係同我講生日快樂佢又唔肯講，又話呢d野唔會隨便講出口，我話田雞，你咁樣唔得0架，你對住我咁好喇，唔好對其他女仔咁。田雞竟然話，你好嘈呀，你對住我咁好喇，唔好對住其他男仔咁呀。哈哈，估唔到田雞會咁應我，覺得佢已經由個黃毛小子成長0左，而家都可以叫估我的"男同學"既，哈~不過佢最終都係無講生日快樂就收0左線...

我地出黎時已經天黑，因為慳錢，所以行番出黎，但係行極都唔到，天又黑，又落雨，見到個踩單車的問路仲要愈叫愈走...有D驚添...最終我地都係CALL 的走人..

我地之後去0左田中食壽司，好好味...咬住塊好厚的尤魚，感覺好滿足.....

今日落咁大面你地都陪我，好多謝你地，可以同大家一齊做D好平凡的事，已經是一種幸福...
願我以後的生日也有你們在身邊一起渡過~

>>January 31, 2005 at 6:55:14 PM GMT+8

2005 年 1 月 28 日 星期五 【晴】

今日朝早去了布廠商會到攪talk...
我地攪0左個全港學界攝影比賽..
都好多學生同老師黎，好開心呀...
仲撞到以前吳祥川的老師...

放0左工，本身要去埋鄭榮之，不過我d同事叫我唔好去，放工，yeah...

放工去了找學完結他的慧豬食lunch，然後佢就去了香港仔幫阿柯做義工，而我就返屋企換衫後上0左大陸搵d莊員食飯同按摩...

講真，日日都咁早起身，都有D累...

不過同alex、terry同frankie一齊北上玩，都ok啦，返到黎香港，本身去上水rainbow同阿frank食糖水，但係太多人同埋又驚無尾班車搭，所以我地就無食到走了...

返屋企時，terry好少有地送我返屋企，平時佢最多會打電話俾我睇下我返到屋企未..
哈哈，好開心，生日前的一刻，可不可以唔同你一齊過??不過算啦，見你送我返屋企咁好~

之後好多人打電話同send message俾我，好開心，雖然變0左老野，但係仍然有你地的愛與關心，我覺得已經很足夠。^ ^，唔要求咁多了...

我今年都會好努力愛我身邊的每一個人...

今年的生日願望，想自己醒d...

返到屋企收到阿咕、慧豬同玉怡夾band唱俾我聽的"生日快樂"，好開心，好多謝你地俾呢個surprise我，願我以後的生日也有你們一起渡過~~~

感謝身邊每一位朋友
珍惜身邊所有的一切及感覺...

>>January 30, 2005 at 4:59:46 PM GMT+8

2005 年 1 月 27 日 星期四 【晴】

今日一朝早去了鄭榮之，見到牌膠板加燈箱整好了，d學生經過都話好靚，好有滿足感同好開心........

今天晚上也有件令我好開心的事
多謝你~

>>January 30, 2005 at 4:45:55 PM GMT+8

2005 年 1 月 26 日 星期三 【晴】

呢排起身
好似都無乜精神咁...

今日好努力咁整埋d catalog佢，好靚0架，不過最衰唔識post上黎....

然後去了電訊盈科開會，因為係港島，諗住搵埋terry放工，原來佢係旺角喎...
所以我就join埋佢一齊放工.....

係車度知佢好關心我..我又忍唔住
唉
其實我都唔知自己做咩...
唔知
唔知......
可能係生日前幽閉恐懼症....
上年呢個時候，好似都係咁...

四年了，四年的生日都有你地一齊過...
第一年開緊會，你地送0左個美心蛋糕俾我...
第二年，年廿八一齊去廟街食飯，好開心，正式生日0個日要陪廿三屆執物資，搭正十二點前的一刻，我踩住架單車係鐘樓前...0個日互選，我望著同一個鐘樓，原來轉眼來到今天，當天踩單車的自己，好似經歷都少d，我想那年應該係我同你地過得最開心的一年生日。
第三年，印象有d模糊，好似去0左重慶食，donna同阿john仲送0左個會唱生日歌的杯俾我，最開心的是走堂同肥仔去食牛洲牛奶公司。
第四年，唔知又會點?想仍然係0個日食到牛奶公司的多士...

其實約唔約到齊人唔緊要，知你地有在意我，已經足夠了...(真心的)

今日聽到玉怡特登請了假，我知返酒店好難請假，多謝你~~~

新一年，我要自己開心d...............
知嘛?

唉
今日又聽到d最新發展...
真係聽到都覺傷心
以一個女仔既角度為她想...
0個個人，梗係信唔過...
賤人
不過
如果真係鐘意...
就算知道係假..
都會想相信佢...
呢個就係愛情既盲目

今日睇人地fdairy見到呢首歌詞

選擇明天可能的愛　那一夜　他沈默　從低潮關係逃開
一直到今天他還始終不明白　這樣的決定到底該還不該

還記得那夜的悲哀　忍住淚　關上門　妳故做堅強離開
然後安慰自己緣分自有安排　縱然心中充滿了脆弱無奈

每個人都期待　下次遇到真愛　才放棄的比珍惜還快
每個人都期待　早點找到真愛
只可惜我們都一直到　有一天彼此懷念時才明白

我想我們都不例外　在茫茫人海中　尋找著合身的愛
好像童話裡那揀貝殼的小孩　到最後才瞭解已錯過了真愛

只可惜我們都一直到　有一天彼此懷念時才明白
我們各自在生活裡徘徊　只是夜深人靜裡會醒來
每當看著兩人的合照時　心中還是有很多感慨

是不是　我們　下一次會遇到真愛


或許你一定會搵到個更好的人是安慰自己的，如果真係鐘意你，可能有幾多唔好都係鐘意，即使下一個再好，又如何?但始終是兩個人，你係咁諗人地未必係咁諗...

不過我覺得，應該為珍惜你的人而愛，如果那個人不懂珍惜你，即使再不捨，也應該一早離開。
如果永遠在深潭一個俾荊棘纏著，也要用血肉模糊的一對手自己放開，然後拖著自己，繼續向前...

阿jane話我有點厭世，我自己都覺呢...
哈哈
不過唔緊要啦，知有人係身邊支持，已經足夠...
別再要求那麼多了......

>>January 27, 2005 at 6:48:08 PM GMT+8

2005 年 1 月 25 日 星期二 【颳風】

今日唔知點解落雨...
夜晚係尖沙咀海旁，霧鎖香江，不過朦朦朧朧咁，又有另一番景緻。

今日終於攪掂鄭榮之塊膠板，好開心，好靚，好有滿足感，不過要整埋D catalog，我未做完就趕住走，因為今日約0左人...

不過好驚...今日個裝修師傅問我一唔一齊返鄉下...好驚...

今日夜晚約0左阿Jane同carmen一齊食飯，呢個生日週又開始食喇....
我地去0左海港城0個魚一丁食，佢個蟹粥好好味...

我地雖然好耐無見，但係一見番都好多野講，阿jane係HKU好似生活都幾好..不過佢d同學真係好貴族feel 囉，平時d課外活動係學騎馬...-_-;;

之後我同阿jane一齊坐車返青衣，傾0左好多計，朋友，就係一種一齊好舒服的感覺.....呢d感情先係真實長久的嘛...

好多謝陳精仍然這麼關心我，其實我都好關心你0架，你成日咁忙...希望以後得閒都可以一齊食飯同行去長發搭車...

>>January 26, 2005 at 6:17:17 PM GMT+8

2005 年 1 月 24 日 星期一 【晴】

今日係公司都係咁啦，不過就要成日打電話俾d莊員約佢地今晚開會的事...
因為之前互選又夜返，星期日又返0左大陸，阿媽已經有微言
所以我今日都唔去開會喇
不過又擔心佢地...

擔心咁多做咩?
成日都擔心人地
又唔見你擔心下你自己.............!!!

結果我放0左工都係出0左poly...去到火車站join埋阿john。
然後我又聽到一個驚人消息...
唉
原來我地山藝班俾人呃0左呀，0個個八公kelvin係呃人的...
佢身上的化骨龍原來係呃女人呃返黎的，點解呢個世界有咩多呢d賤人係度?
是我不適應
還是我應該都學佢地咁" take it easy"?
好彩另外0個個輝權都話肯幫我地整番二級d cert

上到會見到個女人同stephen
都係唔多想見到呢d人...
招呼都不屑同佢地打(當然我都有同男既打招呼)
七點就無曬人，以佢地既工作態度都好正常...今日我地都係得幾個男人(平時放得飛機最多的組合)得閒，我地傾埋價錢。
Donna上堂break時就同大恩上0左黎...大恩又好興咁喇...唉..有時，興都係好..好過我已經開始對會心淡到無咩感覺...

每次上來，感覺都一點一滴地流逝..

睇花薄見到Emily的回應...好感動，不過睇後面又見d人咩"唔駛急，最緊要快"，咩轟轟烈烈咁同旅協愛一次"，我心諗，阿姐，你都唔單止對下莊係咁，對任何人都係咁..可不可以做D對自己開心既野既時候，諗下身邊的人的感受?

不過算啦，物以類聚.....

講番自己D莊員。
本身諗住講到八點半就走，結果我都係留番係度，本身我又唔同佢地食飯，但係又俾佢地叫叫下就去..可能好想珍惜每一次相聚的機會...

DONNA上完堂都有黎，我地去0左美食特區食，大家都講0個個話題講得興起，最攪笑TERRY話今朝返工諗緊點串佢地...哈，估唔到連TERRY都話要玩野。

平時我太衝動，永遠只有主席強仔FRANKIE0個D冷靜D...你地記住係我好衝動時按住我添呀...

一齊食飯好開心...
走時Donna send了個message俾我 : 「覺得成莊人成日齊齊整整，好開心，好采我係22屆」

無錯..
我都覺得身為廿二屆的其中一份子，好幸福同榮幸...我地pre-trip，即使d豬係度，又幾可放在眼內?佢既神蹟論，我地一早睇穿啦，鬼會得閒理d咁既人...

想起自己莊員個個都咁好仔...個個都咁幸福，我都好開心...
所以同嫂講0個句，係我有感而發，想你珍惜你身邊人呀....

呢排成日諗起做member時，廿一屆d人真係對我好好，個個都對我好似妹妹咁，遠挑係Franco、阿b同錢錢做組爸組媽，錢錢成日拎d野俾我食，我行到起水泡又過黎睇我，好似當我係內部成員咁..佢每次見到我﹐最終意摸住我塊面，笑住叫我: 「 esther....」，佢朝早無堂都帶我去食澳洲牛奶公司...就係佢第一個帶我去食的了...唉，不過自從佢同阿邊個好fd之後，見面，好似都有d生疏...

自己身為一個女仔，諗起都有d心痛.....

夜晚同terry返屋企結果係荔景大塞車，terry 係架車度係咁講野，又扮大俠史豔文d關節，真係傻仔，不過有你地呢班傻仔係身邊，我覺得已經足夠...你地唔好話我老套...

借用李克勤一首歌詞:
「世界爭先要新鮮，我只要你(地)」

>>January 26, 2005 at 6:07:54 PM GMT+8