2005 年 2 月 21 日 星期一 【雷雨】

今日係阿崔的生日
係度祝佢以後都開開心心，搵到個好男人錫佢啦~~

今日係公司發呆，因為覺得自己整的網頁太低能...之前一股腦的自己整整整...以一個類似小王子的主題..雖然都靚，但係好似唔夠commercial...唉，所以我整整下又迷失了方向，坐0左係度hang機....

呢種感覺有d辛苦...

說過要珍惜現在的工作，所以我要盡力...現在的感覺是，工作上也很快樂..平時返工好似以前返學咁，一齊食下飯，吹下水，同事都對我幾好，只是，有時，仍然有點納悶...

悶的話便早點去睡吧.慧豬說，如果連自己也不相信自己可以，那樣甚麼也做不了..
只是想將每天的感覺記下........

夜晚去了唱K同阿崔慶祝生日....
當我們唱起<<我愛的人>>時，忽然醒起呢首歌好似已經係我地中六定中七時的歌...
時間過得真的太快........大學生活..咁就過去...
恭喜各位姊妹三年後我們仍然是交白卷...雖然已經有了很多經歷..
阿柯好似又有好多人追..不過佢話個個都唔係咁0岩..
哈哈，真係勁呀~~

夜晚同柯係樓下吹0左陣水..好開心~
想係十二點前趕回家
不過趕回來了
也於事無補...


同小孩傾開計...真的懷念以前住hall的日子，一起來可以看到海及日出的日子...
小孩有時唔開心，就會就過黎撒嬌，其實做一個咁樣的女孩子，也是不錯呀
只是不可以時常發脾氣呢~~

其實有些東西
擁有過已經足夠了吧....
歲月不停地流逝
在漫長的旅途中
我又停在那一個位置?

>>February 24, 2005 at 4:43:59 PM GMT+8

2005 年 2 月 19 日 星期六 【雷雨】

今日仍然係天陰陰....
今朝一早唔多願起身，因為真係好凍...
但係黎嘉澍又搵交嘈....
一朝早...唔係好想同佢嗌交...所以唔理佢，繼續訓.....

frankie話就黎影大旗相我先肯出黎...出到黎都見到好多老鬼係度.....影大旗相..無上年咁熱衷(我)，不過都算叫0左影0左喇...自己莊今年幾齊人，又有阿嫂黎，所以都玩得幾開心..不過佢地有d人又要趕住出去返工同表演。

我地慢慢咁執野，frankie同大恩佢係度吹行象門d野，結果吹吹下變0左同佢地一齊行礦洞。

我地走時廿四同廿五屆跑完大金鐘，今年好似無乜鬼一齊跑...佢地春茗同前景營夜晚食飯都無老鬼到..係唔係我地近幾屆太唔俾面呢??

好耐都無黎過礦洞，咁就兩年，0個時我記得我剛從台灣返黎，然後係開學前去既，所以特別記得係8月31日，今日再行，個缺口變成第二個缺口，我地鑽了進後跟番上次行上黎的路..今次倒轉行，都有少少危險，同埋見到成家蝙蝠，好驚呀，因為佢地好核突...好多碎石，不過落到一半因為無乜時間所以就走lu..或者下次再黎玩過啦~

今日好似有d激嬲terry.....唔..點解會激嬲佢?可能我有d野做得唔係咁好...
之後坐john架車返馬鞍山食野，俾番個袋大頭蝦細k，我地就出發去0左油麻地百老匯睇<<在世界中心呼喚愛>>，去到買飛，好full呀，我地 竟然要座第一行...不過都睇到
個故事都幾好丫...有人話呢d感情好難搵到，其實我又唔多覺，其實只係人大0左，好多時都未必會肯附出多d，就好似跳潭咁，第一次跳個感覺好深刻，再跳多幾次你知係咩事，感覺亦會差d...

其實個男主角真的放開了嗎?
我反而羨慕他們可以這樣互相附出過...
有一幕佢地兩個係機場想去澳洲但係打風取消0左，結果個女仔倒下前問個男仔
我地係唔係去唔到?
我知個男仔可能都唔識答個女仔...
不想她傷心，極其量只可以講句好似好有希望的說話:「我地遲d一定可以去到。」
個女仔都知道呢個係大話...
因為佢就快要死了
如果明天你覺得你自己可能會死
死前你最想做的是甚麼?
最想甚麼人記得你?
因為害怕永遠也沒法再相見，所以明知道現實中有點勉強，沒法實現，但仍然想盡自己最後一份對生命的執著，實現心中的小小願望吧?

但我認為..
其實實不實現不重要..
當時有男主角肯承諾的一句
雖然未必可以對現
但那一刻的真心
已經足夠

為甚麼男主角17年後仍然俾那件事纏繞?
他可以做的
只有珍惜眼前人

記得2046入面
愛與被愛也不是我們選擇的
為什麼要愛上這個他而不是那個他?
為甚麼為什麼?

為什麼無痛失戀入面人們洗去記憶後
仍然會對0個個人有感覺?
我想這些就是一點神奇
一種和這個人分享生活的點點滴滴很開心及充實的感覺
這些與關心是不同的
是一種不知名的感覺

雖然這套戲是跟你們看的，但也看得很開心
散場時仲要發現同Sukey同一場，佢已經換曬衫，仲話頂唔順自己好似我地咁咩住個大背囊去睇戲...世事真係橋呀，剛剛才分手，現在又相遇了...

>>February 22, 2005 at 6:05:47 PM GMT+8

2005 年 2 月 18 日 星期五 【晴】

今日有短週放~~
Yeah~~
返工以黎第一次呀~
好開心~
不過自己係咁訓係咁訓...訓到十一點就起0左身，無得好似以前咁訓到好晏都得...

起身煮麵食，然後大哥哥打黎約埋我一齊出去...今日去前景營呀，夜晚先決定過夜，今次我莊都有成十個人去(加埋新成員SO)，阮美要上course..好掛住你呀~

為0左我份angel禮物..我打了四點放工的玉怡，但係佢好慘咁又要OT了，所以我就去0左半島搵佢，我同alex兩個咩住大背囊浩浩蕩蕩咁入半島，係度扮遊客...見到玉怡，完來係曲奇餅呀..好開心~
佢整得仲好味過我整0個d....
之後佢就要再做野，我地就去0左英昌拎莊褸....

去到英昌試埋件莊褸，我地就搭火車去馬鞍山..第一次搭馬鐵，好鬼死快....
由大圍去馬鞍山都係半個鐘到...去到馬鞍山，去0左美心度食..去厠所時撞到大恩同鄧兆基，佢地今日去0左去象門..好似好激好好玩咁......攪到我都好想去，但係又好似未夠level...我唔理呀...我要去呀~

一口氣上到去個亭到，幾勁喎..上年好似行得辛苦d....
上到去晚會都未開始，搵下可以係邊紥營啦，見到廿三屆d人，sukey同sandy一見到我就攬埋黎，話佢地莊俾人蝦喎...做咩事呀??唉..點解會攪成咁...唔通真係有咩誤會??

晚會開始，好多人講到喊..但係自己無乜感覺，可能我通常最唔捨得的時候，感受留在心中，很多時也不會說出口，或者我認為感覺這些東西就是沒法說明....其實我覺得佢地有d野都有d過份...不過算啦，咁多老鬼撐你地...

仲話廿三屆應該開心，因為廿四選舉行了一個咁成功的前景營..我覺得反而係因為太多傳聞，所以有d老鬼可能會以上黎聽下既心態黎...連多年無見的華大佬也出現，佢一出現有d人即刻唔可以待老賣老了...華大佬同delect都記得我..好開心~~我呢個副主席都算係咁啦...

夜晚傾傾下alan講開單車營...之後都唔知佢地講乜..身為其中的一份子，竟然覺得陌生..自己好像不屬於裡面咁...我覺得旅協呢個大家庭，有很多新人入黎，但係有d新入黎的人，在漸漸的改變旅協...而這些新文化，好像和自己格格不入..可能呢個係我當時沒法投入去聽他們說話的原因，所以我地都撤退了...
出到去同華大佬吹陣水..

然後我地十個人入0左我地八人營度訓....
好開心..
好耐無一齊傾計...
雖然迫..但係個感覺都幾好丫..唔好成日訓覺先得0架~

我地傾0左好多問題，好多人生的方向，亦吹0左好多水，後來d男人頂唔順，竟然去0左異型媽媽度男莊員之夜..而我就同肥仔同vincy傾0左好多野~~

好滿足的一晚...

不過夜晚太凍，根本訓唔到...我震到嚇到肥仔醒0左....唉，點解去camp先黎凍呀????

>>February 22, 2005 at 4:37:22 PM GMT+8

2005 年 2 月 17 日 星期四 【晴】

今日開始落雨...d同事聽到我話要去wild camp
個個都叫我唔好去~
哈哈
真係好凍呀
d莊員又好似未決定去定唔去~
我又唔想咁趕咁夜晚落番黎..因為上完去又落黎..咁趕，成三四點先返到屋企..仲俾阿媽鬧得厲害

今日中午時同d同事講起咩叫做"壞"
佢地好似聽到我講起d例子之後就好踴躍咁問我問題，佢地問我講粗口算不算壞?去按摩算不算壞?食煙去波樓又算不算壞?
佢地話有d人去呢d地方都可以心地好...去呢d地方唔代表一定變壞
問到我自己都唔識答自己....

然後我地又講不同人會有不同的看法，我地應該睇野全面d咁..
令我覺得
我係唔係好容易俾人發現我先入為主呢?
我唔通真係咁...
任何事也是按感覺而看人?
我也不知道
或者
我也應該睇多d書黎改變一下自己....

夜晚同人講起奸唔奸的問題
"奸純"呢個term都係第一次聽到...
究竟一個奸純的人幾時係奸幾時係純?

在世界中心呼喚愛首歌幾好聽~
原來佢台灣版首歌就係孫燕姿的我也很想他
其實好早之前已經覺得成隻牒最鐘意呢首歌...

那時候我們總有好多話 什麼事都可以講
我的愛情比你早 卻一直放在心上
後來你們之間的變化 我不想再多說話
經過了相遇和掙扎 我還是無法將他放下
那是多久候的事了 有一天你突然問我
在那個時候 是否也愛著他
我也很想他 我們都一樣
在他身上 曾找到翅膀
只是那時的他 是因為你他開始飛翔
我也很想他 在某個地方
我少了尷尬 你少了肩膀
而夏天還是那麼短 思念卻很長
還記得 那年我們三個許下的願望
星星騙了我們 我們卻因此上了一課
成長必修的學分 我們都一樣

>>February 21, 2005 at 5:55:15 PM GMT+8

2005 年 2 月 16 日 星期三 【晴】

因為阿頭個warnning..所以我今朝早0左半個鐘起身...
返到去，竟然俾andy串我話新一年...早0左返喎.
駛唔駛咁呀

今日係公司開始做番網頁d野，成日好似唔係好夠錢洗，點算呢?
我好想儲番d錢，留番暑假又同d莊員同慧豬一齊去旅行...
不過好似儲極都係無....

今日係公司大家都好似好hra咁..我都唔明..尤其係阿paul同米高，成日經過都叫我食朱古力...唔食呀........連louis返黎時都塞糖金莎俾我...我真係要貼張紙叫佢地唔好塞我食野先得....
佢地仲要成日開住收音機...聽住少爺占，係度研究少年五虎係邊幾個(大家仲記唔記得?有古巨基、古天樂、陳家樂(其實我唔係好記得佢個名)，劉鎧威、仲有一個唔知叫咩名的人..

夜晚同0左細k出街，唔知係唔係因為之前為食食0左兩塊消化餅，結果出去食飯時都食唔落...後來又同佢食雪糕，攪到我胃痛...仲要係好痛0個隻...我都未試過胃痛得咁厲害，你唔好病呀，一年得0個三日病假...邊有病得咁多...

因為聽電台首日本歌，有d相睇向世界中心呼喚愛...人地話似情書..都唔知係唔係...

夜晚返屋企時落雨，原來落雨的街頭，無乜人，又有d朦朧，都幾浪漫，我呼吸一口下雨的味道，然後又逕逕自回家了...

>>February 17, 2005 at 5:27:25 PM GMT+8

2005 年 2 月 15 日 星期二 【晴】

今日第一日返工...都好早起0左身，但係唔知點解，個新頭攪到我吹又唔係，jel又唔係，結果我都係遲0左少少...

今朝老闆請0左去新花飲茶，見番d同事感覺都幾好，個個都著得斯斯文文咁返黎...不過見唔到阿頭，唔知佢個剛出世的BB女點呢??

有利是逗，好開心~
返到公司..開個e-mail，竟然係阿頭send黎叫我唔好遲咁多到.....話我d遲到紀錄好"outstanding"，激死我喇.....

不過我又真係成日遲到
我諗呢個月會好d掛...唔會咁夜訓..

呢排覺得自己失去了以前中六七時的澄明...上0左大學之後的我太吃渴玩樂，所以我又開始睇番書，開始搵番余光中、余秋雨、陶傑、李碧華同蘇東玻.....我唔想自己變得咁蠢...所以都係思考多d哲學問題好過~

夜晚同d莊員一齊約出黎買褸...總算叫做買0左...不過個感覺好似有d兒戲...其實我無錢買..不過為0左同你地一條心，所以我都係係銀行拎d錢出黎買啦....

夜晚又係去廟街食...今日真係好熱、好濕、好辛苦...

同肥仔去朗豪坊過完冷河..我就同terry一齊搭車返屋企

>>February 16, 2005 at 4:18:44 PM GMT+8

2005 年 2 月 14 日 星期一 【晴】

聽日返工了.....
終於都用曬d假..感覺上有d快..不過當大家都返曬工既時候，自己唔返工又做咩丫...

近來的我..心情也很好...好像看見了一片天....

人生的種種
可能對於很多人來說已經是中期
但對於我來說
現在
只是一個開始

>>February 15, 2005 at 2:03:23 PM GMT+8

2005 年 2 月 10 日 星期四 【晴】

今日係年初三，祝大家新年快樂~

今日係我地同廿三屆兩莊的 camp..十點係沙田等，好遠呀...朝早雖然起到身，不過當我上0左架E42時，發現自己好似無帶八達通...同埋身無分文!!!死喇...有無人救我??我打曬俾咁多個，個個都未到，連住沙田0個d都未到....點算?好彩vincy同sukey到0左，佢地兩個救0左我...我愛死你地~

不過最傻仔的是.....我後來發現原來我放0左個八達通係褸袋-_-....好淪盡呀...點解會咁傻仔0架....

我地去0左麥噹勞食早餐然後去0左惠康買野食，成大班人，但係一d plan都無...不過個感覺有d似前景營，其實得閒咁樣同其他莊玩下，都幾開心丫...

我地去到馬料水碼頭，呢度就係我地第一個 o function開始的地方，亦係我地第一次識廿三屆呢班member的地方...兩三年時，咁快又過...經歷已經多了很多，究竟未來面對的，又會是甚麼?

搭船搭得好耐...去到塔門，個感覺又幾舒服...好開心呀，最鐘意係d郊野地方~

起完我個新營之後，好大好靚呀，多謝阿咕你地買個新營俾我，遲下一齊去camp啦~
起好個營，懶訓的我地又係度訓覺....不過好舒服，因為frankie個心口好似氣展~

之後我地兩莊玩埋d傻仔遊戲，首先玩風爭，我地加風爭好慘咁俾人擊落0左，無良呀.......風爭呀風爭，你真係慘呀~

玩完風爭我地玩斬手，記得中七旅行時玩斬手玩到個個都跌親，不過0個時係沙灘，今次係草地，vincy係咁跌親，真係慘呀~不過我仲樣衰﹐剛起跑就跌親喇，不過呢個遊戲真係幾好玩。

玩完斬手就玩糖痴豆，玩到氣都咳，所以我地就玩番d文靜d既活動--估領袖，不過我好鈍，估唔到醒目的領袖...輸0左兩次......唉~仲要攪到做拱橋..真係樣衰...

夜晚BBQ...勁大風加大沙，今晚好多雲，無得睇星星lu...

之後係個亭到起0左張fly，我地煮0左d好難飲的茶，同埋食蛋糕，遲幾日sukey生日，係度講聲生日快樂先~

我地兩莊分成兩隊人玩 "唔係嘛，咁鬼易"，勁好笑...廿三屆既弱點--大恩成日輸，好好笑...好簡單的都接唔到...估不到我地係無上莊睇下莊的壓力下﹐一齊玩會輕鬆咁多~

夜晚本身諗住同d莊員玩啤牌，不過佢地好似個個都好眼訓，之後廿三屆d人力邀我過去玩喎..貪玩的我就過0左去傾計喇...有少少對唔住d莊員添~對唔住呀~

今晚真係聽到好多野...咩博士，高中生，幼稚園生...真係嚇親我...不過算啦...
聽完就算 :p

今個camp美中不足的是第二朝趕住出去，好似未夠hea~哈~

>>February 12, 2005 at 7:31:47 PM GMT+8

2005 年 2 月 7 日 星期一 【晴】

今日係年三十...咁快又新年喇...
新一年...
年復一年...
自己好似有d厭世...

年三十，全間公司得番幾個人 ，因為平時傾得埋0個d都放曬大假喇..自己都好想有大假..我諗住呢個暑假拎埋去旅行，今次一定要去到~不過去唔到一個月lu..人生，總是有得必有失...

老闆話中午無野做可以走先，我梗係走喇，不過我好衰，好似成日都好準時走咁...不過今日雞雞地好似無乜人係度，自己又有少少擔心，正所謂所命功夫長命做，d野都係返黎先做喇..反正阿頭又唔係度...今年雙糧又無花紅又無..我咁勤力做乜?哈哈...閃

結果我十二點半就即走，跟住去香港仔，去到佢地都無乜人係度，有d又要趕返工約女朋友食飯返學等等....結果得番我同alex~同大哥哥傾下計玩下賣下野都幾開心...今日都好成功咁做0左好多生意...好開心~

不過夜d佢地都陸陸續續出現，第一次見到肥仔0個媽媽同爸爸，仲有佢傳說中的弟弟，前幾日見過嫂媛的媽媽同vincy的媽媽...

今日嗌到口龍痛，好辛苦先賣曬d貨，而鎮店之寶---大雞咕臣係被我買0左~frankie哥話，佢今日講既野，多過佢一個月講既野，笑死我....

不過我地係咁攻d細路仔，佢地一黎就走埋去隊樣公仔俾佢，當佢捉住就成功喇....哈哈哈~

夜晚收檔後去睇喜瑪拉亞星...呢套野本身我唔想睇，不過大家一齊睇咯..未睇囉...
開場0個兩幕真係笑到收唔到聲..不過之後既情節真係好無聊...

印度神奇油，飲x滴，忘記x天

如果真係有..其實都幾好~

之後我地去0左行一年一度的維園，今年至hit的竟然係吹氣摺椅，我同慧豬買0左d年花..行到六點幾，好眼訓..返屋企lu..

返工後的我，好似一點鐘就開始眼訓..真係渣

>>February 15, 2005 at 1:58:28 PM GMT+8

2005 年 2 月 3 日 星期四 【晴】

又到星期五，一星期時間真的很快過...

今日下午去了寧波做event support，去到間學校，感覺好似以前吳祥川....不過一入門口就見到d化濃妝的女學生，中五就化得咁厲害?幾時化到老呀小妹妹...感覺上，我仲後生過佢...

今晚係佢地學生表演，見到佢地企係個台上面成班唱歌，我就會諗起7b班的日子....
佢地班學生仲要唱<<壯志驕陽>>，雖然娘，但係卻代表了我們最純真的歲月，以前阿sir成日話我地係天神村長大的小朋友，社會係一個大染缸，叫我地畢業後唔好為錢而改變自己的心情...呢句話我一直放係心入面....當時唔覺自己的白痴..而家才真正發覺，當時的自己真的比其他同年齡的人簡單、天真，雖然這樣沒有錯，但當要面對社會的種種邪惡，心中不免有很多衝擊。

"今天不怕路遠　來為我一生打算
這一刻你別心酸　和你兩心分開不遠
天空光線耀眼　來預告光陰璀燦
這一刻遠赴他方　容我揭開新的界限

再叮囑歲月風飛
仍要我等他鄉某天再會你"

仍記得周家威扮太陽碌出黎的情況


那時的自己
是那麼的輕.....
沒有男人
沒有工作
沒有高跟鞋
沒有化妝品
沒有假情
沒有複雜的人際關係
只有a-level
只有蘇東坡
和那個夏天被太陽曬得發白的藍球場
還有轉堂時我們這班女孩子的聲音...
一切
像是在耳邊
但一切又是那麼遙不可及...

雖然回不了那個輕盈的歲月
但每當唔開心的時候總會想起那裡
不過是回憶中的那個地方...
不是現實的吳祥川
因為那裡已經沒有我所懷念的人和事了
遊子不忍回鄉的心情
現在竟然感受得很清楚

夜晚收到細k 的生日禮物...
係皇后的鳥結糖
好好味...
好開心~
多謝你~

返0左會
一齊整雞雞0地個招牌
整到十一點幾
我又要趕住返屋企了...

聽日第一日雞雞地開張...
要努力呀~~

>>February 14, 2005 at 9:55:54 AM GMT+8