2005 年 3 月 2 日 星期三 【陰】

三月三日.... 一朝早出門口仍然是下雨的...
而我
仍然是沒有帶遮...

返到去都係做啦..呢幾日係度擔心..當上次講到連Frankie同Donna、Vincy都可以一齊去西藏旅行的時候...我好擔心我請唔到假同無錢去!
其實自己唔應該買件莊褸..因為真係見底喇...唉...
今日鼓起勇氣問個admin我係唔係返夠一年先有假放..佢竟然答我:「係!」SHIT!!!!!!!!!!!!!!!!!!!!!!!!
唔係掛...唔係一年有七日假既咩?咁我返夠一年，0個一年內就應該有假放啦...
唉.........
去到既機會率低過30%.......
有d傷心..........
我十萬個想去...好想再係草原上躺臥...感覺那很近很近的天空...感受那徐來的清風..和那些純樸的風情、看著風吹草低見牛羊的遊牧生活.......唉...

今日見到報紙上喜瑪拉亞山附近的車路..鋪滿雪，狹窄的山路上有一架顏色鮮艷的車霸著整條路..想起上年的旅行..........每天也是看著這樣的車在狹窄的山路上走雙線行車，再加上撞車，推車，司機打架，推架電單車上小巴...震到彈起整親頭的旅程...好多好攪笑的事，好多舒服的視覺及觸覺...很掛念呢...雖然只係得蕃茄炒蛋同米線食...

其實上年都知自己沒有可能再有這樣的機會，但現在有機會，自己難免心動..很想同慧豬同埋d莊員一齊去天涯海角感受生命...唉..我...總不能時常願望成真...總不能這麼任性...

不過..我一定會爭取的..一定會!!!

玉怡又就快placement完，去英國讀書，應承過佢去英國睇佢畢業..現在...可恨我返工人，不是自由身...唉，又少個好朋友係身邊......不過，希望你會見識更多...

今日夜晚發生了一些小事，雖然知你無心，不過有少少唔開心啦，我在想，我是真的太放朋友在前頭?我.....都唔知..只係覺得同邊一個一齊開心未同邊個一齊囉..不過算啦，好彩都有慧豬一齊...

搭地鐵返青衣...撞到阿Jane同田雞，好開心，他們也沒有變呀，在青衣，到處也是自己識的人..感覺很好~

睇書，有一個名人講過:「人總要向前，但永遠只能回頭時才知道自己走了甚麼的路...」
每個人總有自己的命運，但我們只能硬著頭皮見步行步...做了甚麼是對，甚麼是錯..沒有人可以告訴你吧~只要不後悔就得..
商業工，是否適合自己?竟然萌生玉怡上次講起的念頭...

唉.......
唔好要求咁多係人生快樂之道...

睇見人地d相簿，好想去行山，因為累，所以每個星期最期待的仍然是與大家一起身在大自然的感覺...不過感到好似大家都懶了...唔想自己一懶開就唔願行..我想臉上再見到陽光的烙印...
有無人陪我行山呀?

愛的解釋 --- 古巨基


作曲:桑田佳祐 填詞:因葵 編曲:盧東尼

一生苦惱多 或世上得不到幫助
像陰天雨輕墮 問好天有幾何
即使風雨多 別理接受多少次苦楚
若可跟你安坐 夜空中看星河
祗懂解釋 情令我可支撐痛苦 OH
這麼簡單 全是肺腑 OH
縱有壓迫 愛意加以可貴
似那天過了祗覺此際陽光美麗 Mm
誰人亦碰到匆匆的雨季 ○
因此不放低 若你眼內總給我鼓勵 OH
感覺多妙 OH 怎說怎描
天氣極明亮別理以後天知道樣
讓溫馨寄心上 上升的愛飛翔

人從前如何徬徨千次萬次
無人能明瞭同情不會在意
誰料妳真會願意給我夢兒
從此我倆心意感覺一致

記憶中呢首應該係古巨基第一首派台歌..當年是甚麼時候了?自己又在做甚麼?好像是小六定中一咁上下....那時的他多麼傻仔~

>>March 3, 2005 at 5:40:28 PM GMT+8

2005 年 3 月 1 日 星期二 【乍寒還暖】

今日仍然好凍....同埋今日發生了一些不開心的事...好灰...

話說琴日去了聖潔靈(觀塘)之後去聖家，阿頭掉低了我係觀塘叫我自己搭小巴去旺角轉車去聖家(九龍塘)喎，話說聖家呢個鬼地方就算去到旺角轉小巴都要行一段路的..而我搵完車後的時間只剩番三個字，唉，打俾阿頭佢又唔聽，我又搵唔到佢所講的小巴，所以我就搭的士了(因為我見d同事趕時間時都係咁)，結果今日返黎cam錢，佢竟然話係我腦筋問題..你講明d，即係話:係你蠢自己搵唔到車，無理由cam俾你....然後我解釋番時間幾咁迫切，佢竟然用一種"你咁求，俾你囉"的眼神同我講: 「最後一次，下次我唔會理你...」

我覺得好可惡....上次新年佢已經連0個星期六都計埋，扣兩日半假...仲有，我平時星期六無OT都算啦，真係有OT0個d都要扣我半個鐘...家下d老細賺出面錢都算多0架啦，竟然要拎埋d員工便宜?
啊...呢d就係叫商業生存之道???
咁小小既員工福利都無...小小的便宜都要拎人..真係無人性!!!!
我覺得好灰..因為我知道做商業機構的工作，就係會咁...最討厭是他的眼神..
好丫，既然你同我計到盡，我都同你計到盡...今日五點半就走人!!!
唔駛旨意我會留晏d..因為我今日條氣頂住!!!!

唉...真係有d灰同唔開心...又令我想真點自己適合做甚麼 !
不過，天下員工同時受欺壓，算啦，香港公司係咁...
仲記得收音機講過...點解香港人放工會拎住個公事包，而外國人會拎住個背囊?
遲放工，唔代表你勤力，只係代表你辦事效率低0乍!
如果咩便宜都要拎先賺到錢，咁出恭喜你囉......咁既小小錢都俾你賺到，賺到笑啦!
唉...
自己唔太商...所以少不免也會受到其他人保護自己利益時的傷害...討厭....

放工去了陪阿崔放工，崔小姐，你要快d無事呀....

今日特別累...唔知係唔係因為今日成日用電腦畫圖...右手感到有點麻痺...
回到家，很想好好睡一睡..
加薪無望，唯有加辛啦...
香港d無良顧主，你地繼續你們的遊戲吧!

平復心情
聽番古巨基的歌


心跳回憶
詞：林夕

曾經　念念未忘於三點
響起輕軟的聲線
問我可會弄冷麵
是你　在我家過路望見
尚有一絲燈光　以為還未沉睡便至電

從此　踏入二時差一點
一屋閃礫的光線
讓你估我這夜失眠
無論彼此怎樣變
回憶總會　留低這光線償還無限虧欠

無論事隔多年我也心跳
最後和你雖如我那所料
先挑引我的人愛得比我少
然後見面更少
讓我多謝你那幾秒
往後和每位也差些少

彷彿我的心　如不見了
然而懷念當日你我這段傻事
便知她　算了
（才能明白愛情比所想加倍震撼再苦都會笑）

曾經　望著露台的方位
開關鬆脫的燈制
讓你走過馬路觀禮
明白這種惜別禮
才可使我
離開的手勢仍能甜蜜一世

忘掉被你感動卻也心跳
往後情侶一如每次所料
我愛的不少　遺憾也　不過是
並沒法使我的心這樣跳

今日上icq都好悶........
唔想訓但最終都係要訓

>>March 2, 2005 at 5:05:07 PM GMT+8

2005 年 2 月 28 日 星期一 【晴】

三月一日...
又三月喇...
一年一月二月三月四月五月六月....十二月...一年又一年...唔鐘意時間咁快過...
自我對呢個世界開始懂得珍惜時就開始發現時間過得太快了...
你可否走慢一點?
走慢一點
命中注定的東西會被人搶走嗎?

今日下午去了聖潔靈同埋聖家做site visit...
坐阿頭架車，永遠都係講咩車好，咩車唔好，然後我又唔識...
佢問我識唔識做marketing proposal..預計公司d產品有咩客路..
我心中有d壓力...因為我真係無讀過商..而且一向對商亦無興趣...
不過如果真係要做..都要學下
睇黎.又係時候自己增值下

之後唔想返公司之後又放工，所以去0左poly搵alex食TEA..
同我一樣咁hea的frankie竟然都咁得閒喎..所以我地就一齊返0左poly啦
一入大門...理工大學呀，好耐無見，
深深吸一口空氣......好掛念這裡的生活與空氣
很想做番個無憂無慮的學生...
唔洗日日係床度掙扎起身返工...然後夜晚又唔捨得訓...
poly的一草一木，一磚一樓，一人一事，也充滿了快樂充實的回憶..

係圖書館門口等大哥哥時撞到好多人，有阿濤同大恩，仲有廿五屆..唔知幾時，這裡的面孔，已經全部變得不認識?

物事人非事事休

新can D tea，好似又變0左，連奶油多都無埋...唔制呀
後來撞到 donna，好開心，因為一齊食野吹水，好似以前咁寫意...
我覺得大家的生活好像也很幸福...真為他們感到開心
自己呢?
卻仍然不知道感情是一件怎樣回事，不知何謂喜歡，何謂朋友，似是以非的關係，又是一樣怎樣的感情?
他們說起自己的女朋友，感覺好得意，因為兩個男人平時都好少講．．．
而我
最喜歡的
就是坐在一旁聽你們說話．．．．

不過
我決定以後唔做三陪．．．陪你地傾計、行山同行街呀
哼
有野唔話我知．．．
我成日覺得
朦在鼓裡．．．是世界上最痛苦的經歷

同０左大哥哥去打機，好耐無打機呢．．．．以前住hall成日都打．．而家已經無呢支歌仔唱喇
後來去了英昌join阿john，可以坐佢車車返屋企，好開心
係路上同阿john傾了很多工作上的煩惱
很開心
因為平時好少兩個人咁傾計
大家傾下計．．
互相支持
生活的苦也會慢慢減少．．．

我和慧豬邂逅的地方－－青衣公立學校就快因為收生不足而摺埋，好可惜呢，多麼純樸的一間學校．．那首校歌．．我已經不記得了．．但小時候猜皇帝的情景﹐仍然記得好清楚

睇番pre 船河的movie，見大家在鄧麗君的歌聲中燒野食．．．感覺好像時光停留了．．．
好想暑假同你地一齊去西藏旅行呀．．．唔準放我飛機呀．．希望我都請到假!

愛與夢飛行

來自由穿過大氣 橫越晴空風裡飛
越過高山 越過深海 回來看你
看在我的那份勇氣 及反覆那心理
給我運氣 紐約重遇你
看你面上亦動容 這雙眼也矇矓
令這分鐘在這生中多麼重
城內人潮鬧哄 你的手仍是凍
你的臉在冷風中漸紅
不須說話了 將你懷內送*
頃刻這都市停了 天上星星亦點亮了
無窮年和月掠過 誰和誰還重要麼?
擁抱著你 不理明日了
(這紐約數日裡 可供一生懷緬
歸家路裡 可以仍在笑)

P.S.睇sukey Diary話對生活沒有期望，因為少了對生活的感慨，但我覺得其實有咁多感慨的人，只會太多不快樂，我也想我沒280的女性指數，因為到300，已經唔算係地球人了，咁都可以感慨一番的人，其實都不一定生活會有多一點的期望，只有仍抱著希望與知足，才是快樂之道。

>>March 1, 2005 at 5:11:35 PM GMT+8

2005 年 2 月 27 日 星期日 【雨】

今日係2 月最後一日...時間過得實在太快喇.....

今日Lunch食飯公司d男同事竟然同我講叫我介紹我d朋友仔黎...我愈來愈覺得佢地得意...
佢地話，女人到0左三十初就會開始著得好性感同好厚粉，因為驚嫁唔出，香港好多女仔有番咁上下收入其實要求都幾高..我問佢地，係唔係廿多歲的男孩子太多未定性，覺得自己仲有得選擇呢?佢地話都要睇下不同人的性格，但大多數好似同我同年的男孩子都係0靚仔，最鐘意返大學溝d妹妹仔，因為大家都係玩玩下...通常大個少少就會穩定d，而廿到尾d男仔通常就會搵好似我咁大就差不多喇...

我覺得，同我同年的男孩子，真的有太多未定性了...太多見一個愛一個...太多想擁有更多...

不過聽下佢地咁講，個感覺都幾得意...

夜晚陪阮美去買莊褸，可能件衫好貴啦，所以佢同brian都驗得好仔細...
同英昌兩老吹開粵劇﹐佢地d藝術技巧我都吹得兩咀0架...攪到阮美覺得我好似d古老人咁，連粵劇都識吹..
係喎唔記得講，係英昌撞到kathy..
本身諗住返去睇爬牆，不過買完衫都九點幾，d人都散啦，所以我地就去0左旺角一休食日本野﹐又幾好味喎，然後見一見剛放學的frankie，我地就上0左第六感玩塔羅牌，好似都講得幾準咁丫....

買莊褸前去0左荃灣整條水晶手鍊...因為琴日新買返屋企之後手痕諗住自己再穿，點知係穿唔到既，所以我今日就去番琴日買0左間店到穿番佢喇，個伯伯手震震幫我穿之餘，我睇唔過眼所以都係自已穿，結果係我穿緊既時候佢就幫我睇命喇...(係呀，係係賣水晶加風水批命的~)

佢只係知我日辰八字已經講到我好多野出黎，例如我成日嫌阿媽煩啦，坐唔定鐘意成日去旅行放眼世界啦，個人淪盡但係又細心喎...不過佢就話我好懶...唔通，我真係F7之後就無再努力過?(其實又好似係)睇黎我都係要努力下先

中國人說「一命二運三風水，四積陰德五讀書」
將命排得咁前....可知佢既重要性....
我一向唔信命...唔通個天要你死，你就唔可以努力點改變他?
我始終相信...「盡人事以聽天命」，「未知生、焉知死」
在這方面，我是很儒家的...

為0左表示我真的想看古巨基演唱會
我呢幾日會選幾首喜歡的歌安慰下自己~

古巨基 啫好....(成日聽都覺得好似好sweet 咁)

晚上想去山頂數星星
還是想要趕場電影
懶得動沒有勁 寧可賴在家里
只要你高興什么都行

你說公司最近不景氣
我說你失業我養你
你抱我好用力 差點不能呼吸
在愛里被需要是種最美的沭蜜

我的嗜好就是看你撒嬌
你想要的我都盡量做得到
有多費力勞心都不重要
心里全都是幸福的味道
嗜好就是將你擁抱
要做你最暖和的依靠
總是想替你煩惱 想代替你感冒
舍不得你失去微笑

>>February 28, 2005 at 5:46:15 PM GMT+8

2005 年 2 月 26 日 星期六 【陰】

今日本身去行九徑山的..
但今朝肥仔打黎叫我起身時...
第一句 係:「嗚..Esther，十點喇」
我話「係咩，咁點算呀?」
肥肥後來打俾其他一齊話黎行山的frankie同vincy，再打俾我...
「好莊員..原來我地幾個都心有靈犀，一齊係張床度未訓醒呀。」
結果出面好似落緊面，所以我就話，咁繼續訓喇，訓醒再電聯...我地後來就轉0左d城市活動--去太空館睇天象廳...

出到尖咀，食0左少少野就join埋好耐無出現既阮美，因為佢呢排要上童軍course，所以就忙少少，佢今日本身行山0架，不過雷暴警告所以無行...所以佢就同埋我地一齊去睇天象廳的節目，但係去到太空館，竟然無曬飛...有無咁多人睇呀?

唔去太空館，我地就轉移要講d feel既藝術館睇印象派畫展，但係去到都係大排長龍...點解今日想做咩都做唔成0架???

我地join埋強仔，想去starburg坐下傾下計，點知都係勁多人...天呀，今日真係做咩都做唔成喎...

所以我地就搭車諗住去紅磡車站d cafe度坐，係中途frankie又提議去澳洲牛奶公司食...
我地好耐無黎，好開心離開poly後仍然可以食到佢既多士同炒蛋
行0左一陣街，我又要去下場喇...

今日去荃灣食飯補祝蓉蓉生日，好開心，因為五個人相聚的機會雖然不算太多，但每次的見面也很開心，舒服!!
這些感覺是其他朋友不同的，因為你們是細水長流的....
荃灣0個度幾乎無人黎食，但係d野又好食0架喎，只係佢偏僻，我地包0左個場，真係咩都講得一餐...願歲月永遠停留在我們的十八歲..即使面對工作上的困難，人性的險惡，也永遠保持赤子之心....

希望我地係三十歲前，會帶到個小朋友一齊出黎玩啦~

今日想睇古巨基演會﹐不過無飛喇，希望佢加場時會買到~

>>February 27, 2005 at 6:00:25 PM GMT+8

2005 年 2 月 25 日 星期五 【雷雨】

今朝去了大埔墟公立學校，大埔真的很大風，而且很凍。

不過今日返工都好hea，放工之後去0左搵慧豬一齊食晏..之後就一齊說說笑笑地回家了...
一路上也談很多，我們說，為甚麼有些人，你見到佢，會想有很多東西跟他說，但有些始終會有一點距離呢?我想這個可能是一點緣份吧..但這種緣份又是由誰決定的?

夜晚睇見朋友仔的相簿，感到男孩子為她所做的事而感動....真的為他們高興...即使身處在四萬八千里的距離，日與夜的時差，但彼此的心也始終不變，她的幸福，因為他的回應而存在。

希望上天會保祐她和他~

>>February 27, 2005 at 4:45:49 PM GMT+8

2005 年 2 月 24 日 星期四 【暴雨】

呢排d天氣真係勁反常....
一時又熱，一時又凍，一時又落雨，一時又勁濕...

今日阿頭終於開腔問我個網頁攪成點...唔，我都要加快少少先，無奈個腦無乜idea..阿頭叫我唔好諗咁多原創喎..我都唔知呀，想努力做好d，不過又覺得自己好似成日返到公司都係hea一陣，時間就好快過....

今日阿文係我部機裝0左個新的streaming software...可以將個wallpaper變成movie..勁攪笑，當我係度做緊野時，個wallpaper係放緊<<大丈夫>>，佢地竟然係我度裝埋喇叭，變成戲院咁..所以今朝都有d hea....食完飯間公司又剩番三個人...好清靜呀，今日無人餵飼了

今日再次睇番EVA，其實我真係覺得佢幾好睇，雖然未必個個都讚同...
個作者描寫人與人之間的關係以及人類的脆弱描寫得很細緻..人與人之間，因為有個體，所以我們永遠沒法了解對方，亦因為不了解，所以出現了很多的誤會、錯過與遺憾，如果我們同在同一個大海，大家明白大家的真正想法，世界會美好一點嗎?

其中一節是美里跟真嗣的道別:
「討厭自己嗎?所以也傷害別人，因為傷害別人比傷害自己更能明白心痛之處..但不管怎樣到最後也是由你一個人下決定的...」

為甚麼一定要傷害其他人呢?這個世界已經有太多的遺憾，我們為什麼不可以多給身邊的人多一點的關懷?

「曖昧這東西，只會逼得我走投無路，我不曉得甚麼時候突然不被需要了..」
其實每一個人，都係好簡單地想從其他人中知道原來自己是被需要的...
如果一個人不被需要，那生存也好像失去了很多意義，但這種想法，好像欠缺了一些安全感及信心。

當最後當大家都變成為一體，真嗣希望大家又再次以個體的形態出現，即使再因為個體的獨立而互相傷害，他也不再逃避及害怕。因為
「有些時候，人們也希望真有互相暸解的時候，它跟”我喜歡你”是一同出現的，但是，它是虛幻的，是自以為是的，只是祈求般的東西，也不會一直持續，而且不曉得什麼時候會被出賣了．．．」

「但是，我想再一次面對他，因為我想那個時候的感覺，會是真的。」

請大家不要因為飄渺的感情而害怕被愛及去愛，相信那一刻的感覺，一刻的真心足己令飄渺變成永恒．．．．

看見不同的人因為不了解而互相傷害，我覺得好可惜...
希望大家也要吝嗇自己的愛及真心，好好感受生命及擁有的感覺．．．．

今日忽然間好想聽<<如無意外>>聽真ｄ，ｄ歌詞好感動．．．

填詞：黃偉文

航程尚有幾多千百里
雲層上平靜得出奇　無聊令人回想起
其時其實我　不想失去了你
然而當時　我未能甘於　只擁有你

若是沒有這意外也許經已快樂地
重回平淡家中等你
計劃明年的婚禮　照舊或延期
其實本應這套戲
能幸福的演到尾　但我好奇
想試試企頒獎台　被讚美

原來就算　終於打了勝仗
無人在前面的機場　迎來閘門來分享
明明能共你　熱戀中收場
然而當時　有別人專機　催促我上

搭上了客機　竟然從未降落
高空裡　無辦法可以　回去了
你似是風景　縮到最細　消失了
無奈在這刻　你才重要

若是沒有這意外也許經已快樂地
重回平淡家中等你
聽著懷中的心跳　讚造物神奇
其實本應這套戲　能幸福的演到尾
但我好奇　想到處看到處飛

若是沒有這意外也許經已快樂地
重回平淡家中等你
決定孩子應該叫約翰或瑪姬
還是當初揀了你
如沒意外都分手結尾　我退出才合理

講起坐飛機的感覺，古巨基的一首舊作都好正．．．

換日線 古巨基

紐約 香港到台北 降落又等待起飛 過境的人還是我 明天 到哪裡
無所謂 亂流把回憶敲碎 艙外的天空好灰 海平面九千公尺 有人醒著有人睡
我卻想到你 微笑的樣子 好美 人往天飛 雲往後吹 我在換日線上
忍著淚 我追不上 一路往後退的時間 思念結成雪 往黑夜裡墜
夜已經黑 心已經灰 我在換日線上 往前飛 左手的夜 讓右手的日光燒成灰
我該留戀 還是重新再愛一回

唔記得講．．．
好想睇官騏駿的<<哈爾移動城堡>>
除了因為我是官騏駿　fans外
仲有木村配音
好期待呀～

>>February 25, 2005 at 5:35:48 PM GMT+8

2005 年 2 月 23 日 星期三 【陰】

夜晚因為永隆問我地單車遨遊同埋攀石班的日期
所以我又搵番d以前既相出黎......
原來我部數碼相機都買0左成兩年....
同frankie講開
行礦洞已經係兩年前的事了..
今年暑假，我地懶0左好多，行少0左好多山...

然後我拎0左陪佢地去果洲pre trip的video黎睇...
真係勁好笑...
0個時個個都好黑...
同埋好Free....
好想再出海跳水添....
8月....
大家個樣都好似有d變...
個感覺好青春
哈哈

時間過得真的太快了...
許多回憶
留在心中
好好保留就算

>>February 25, 2005 at 3:46:49 AM GMT+8

2005 年 2 月 23 日 星期三 【暴雨】

今日好濕.....
睇天文台，竟然有成85-95%的相對濕度...
我就快活在水中，沒法呼吸了...

今日係蓉蓉生日，係度祝佢生日快樂先~

今日返工又遲到....可能琴日死都唔信邪...攪到兩點都攪唔掂個icq，所以我都係去訓覺...
未訓醒的我...返到公司竟然唔記得個密碼...俾d同事笑我添，話我一朝早返黎就令大家咁開心喎~
點解我去到邊都好似娛樂大家咁?

其實唔係無野做，不過又好似有d懶...

放工同慧豬出了旺角，去0左買水晶，買0左一份送俾個朋友，本身睇中0左條月光石的手鍊..不過後來都係讓0左俾慧豬..其實自己也沒有需要吧..如要保佑，請保佑我的好朋友吧...我寧願一切也靠自己...不後後來佢都送0左一粒俾我既...唔知有無用呢...

今日搭地鐵時睇書，睇到陶傑有一篇講古今以來，凡是感情豐富，心思細密者，必是一個時常唔開心的人，明明去到一個好靚的地方登高，也可以有「念天地之悠悠，獨愴然而涕下」的感概，蘇軾去到赤壁旅行，都可以感懷一番，點解我地唔可以好似跟團的人一樣，只管吃喝玩樂買野Shopping??記得之前同朋友講開張愛琴細膩的風格，她說寫得出咁細緻感情的人，其實唔多唔少都會成日唔開心，因為她們太敏感，只係一塊樹葉，一個地方，一個印象也足夠在她們的腦海感概一番..........

其實如果唔諗咁多，想做就去做...我會開心一點嗎?
可以不卻步那麼多...可以隨心性而為...

我知是我自己太任性了
其實身邊有咁多錫我的好朋友
我應該感到很幸福...

>>February 25, 2005 at 3:14:27 AM GMT+8

2005 年 2 月 22 日 星期二 【晴】

全世界都同我玩野!!!!
好唔開心~
夜晚等得辛辛苦苦先有電腦用..
竟然開唔到icq...
咁我等黎做乜呀?
咁樣同等0左成個星期，以為有山行但最終落空的心情一樣灰...........

好灰呀........

今日個天都好灰...又好凍..心情好似個天一樣..
也不知為甚麼
納悶

唉
不如都係訓覺.............
訓0左就咩都唔駛理

今日terry朝早打電話黎..
就係同我講<<向左愛向右愛>>個女主角李恩宙自殺死0左..
好驚訝..才廿四歲...
聽說患了抑鬱症..
我問terry，你們會擔心我患抑抑症嗎?
他竟然不理我...

>>February 24, 2005 at 4:42:50 PM GMT+8