2005 年 3 月 22 日 星期二 【晴】

返埋聽日就有假放喇...要加油先得~

今朝起身有d唔舒服...不過都要返工
成朝都呆呆地，阿頭同我講野都反應好慢...
lunch時小玲黎搵我食飯..好開心喎...因為好耐都無見小玲喇..小玲話我好難約，星期六日通常都係走0左去行山..sorry呀，你可以早d約我0架嘛~你約我實出黎0架，哈哈~

返到公司坐坐下竟然覺頭暈.好辛苦，不過我唔可以用d假黎病咁奢侈，所以都係撐埋佢喇，一放工就返屋企抖下，連阿咕同lala約我都出唔到去．．．

夜晚變０左有少少肚痛，會不會係變種流感?
都係抖下先～
不過復活節．．
都係要出黎玩
我要去露營．．．一定會好開心～
期待一齊玩uno呀

夜晚同frankie傾開計，我都好開心．．因為呢個男人平時只係講三個字，但都肯陪我講多幾句﹐佢send０左個網頁黎睇，班友仔行既山都有ｄ似我地０個ｄ，睇番蝻蛇灣條路，想起四月遨遊，個feel其實真係幾正．．佢都有介紹，條路真係幾斜幾辛苦，唔知而家仲行唔行到?

http://www.wildtrekking.net/hill/namshetsim04/namshetsim04.htm

好快又四月，唔知點解覺得今年的時間過得特別快，不知為何，以前的日子總記得很清楚，但你問我上年四到到今年四月做過甚麼．．我可以答不到你．．．．．．．很空白很空白

昨天睇見古巨基的poster，腦中想起了這首歌:

苦浪漫
　　　
曲: 馮正
詞: 周禮茂
編: BILLY CHAN

夜已爛 朋友轉眼

已經鳥獸散
一個人 像值班 快樂極有限
獨自歸 未願返 深宵太媛慢
不經意 望見你雙眼
在角落 神態雖淡
卻寫滿怨嘆
一個人 獨自撐 痛愈難發難
恨願分 怒願擔 心傷既同患
一起去 渡最冷的冷
容這夜晚 少兩個弧單 營造甜又苦浪漫
你要哭 我聽你痛哭 只須哭得比我燦爛
夜暗淡 人世多冷 慣不慣去慣?
失意人 別落單 切莫原處站

容這夜晚 少兩個孤單 營造甜又苦浪漫
你要哭 我聽你痛哭 只須哭聲中再現歡顏
容這夜晚 少兩個孤單 投入甜又苦浪漫
我要哭 你聽我痛哭 只須哭聲中散盡憂煩
容這夜晚 少兩個孤單 投入甜又苦浪漫
兩個哭 最終會結束 即使只得一刻不怨嘆
這一夜 知不會循還
仍衷心希望你 快樂仍能習慣

這一隻是我最後一隻買的古巨基牒了．．這隻牒前的牒我都隻隻買０架，不過而家已經好少聽，因為太少用CD機喇．．．時代亦已經過了很久呢

>>March 23, 2005 at 6:33:13 PM GMT+8

2005 年 3 月 21 日 星期一 【晴】

今日晨咁早起身，真係超級辛苦呀......................
六點鐘起身，天都未光，真係慘......
七點幾去到九龍灣，食個早餐，今日我同埋公司幾個同事一齊讀綠咭課程。琴日俾d同事睇死我會遲到，哼..我係唔會俾佢地睇死...

上堂，令我想起讀書的日子..真的很優遊自在...不過我d同學仔(即係同事)，就成日掛住玩喇....

四點半考埋試，我一百分添呀..幾勁。

今日都幾開心
因為大哥哥同我講六月尾應該都九成九去到旅行喇..仲要去珠峰既起步點同埋玩入d既地方..實在十萬個開心~我都問0左阿頭喇..六月尾..可以一齊開開心心去旅行了...

夜晚係度睇錢穆既人生十論，本書係我係四川既成都買的，原來佢頭既序竟然係係香港寫的....
估不到在我離香港四萬八千里的另一個城市，隨手沾來的仍然是與這個城市有一點關連的東西，究竟..這個世界萬物之間的緣份，是由誰安排的???

>>March 25, 2005 at 3:29:37 AM GMT+8

2005 年 3 月 20 日 星期日 【晴】

今日朝早開會，之後同carol仔食飯..好開心，因為好耐無見佢喇。

食完飯同阿文去油麻地既信義會中學做野，係油麻地地鐵站仲撞到sandy添呀~原來佢係附近醫院返工喎~

唔覺意同阿文講0左少少自己既野，對於生活，對於工作，他當然比我更有更多經歷及經驗，佢都好好咁不停咁同我講好多野開解我， 唔知係唔係我講0左d乜野令佢擔心我亂諗野?

其實同聽完佢講..真的舒服了很多，可能是我有時太任性，唔肯相信命運，唔想咁快就要讓青春放在金錢及背負身上...

接受..唔代表一定要低頭妥協
有時抬頭望著香港的夜空，真的覺得香港的天空很高很高...........
高到沒法攀觸.....
在這裡，有一些任性，想做一些令自己開心的事
又是否一種奢侈?

唉......
其實個問題一直都係度..
只係我以為放佢係度，終有一日會解決...
但原來，那只是我在逃避..
但是..
不逃避又可以改變甚麼?
今日一提..
竟然令自己也感到有點傷心...

夜晚去0左同阿崔阿敏一齊行街，買0左d野咁啦。見到個天空之城的擺設，見到個男主角在天空之城的一角抱著女主角在看前面的路..細個的時候就是被這種冒險精神所感動，哈爾移動城堡呢個星期四就做喇..

夜晚睇0左宗新聞，有對好朋友一齊係西貢既車禍中死亡..才19歲..其實我都幾怕死...
記得第一次坐飛機時就好驚..驚到自己係屋企寫定想同邊個講d乜野，到現在...每次去大旅行，我仍然好怕死...怕死了沒法見到你地.......我好想永遠留在我重視的每一個人的身邊...可以嗎?

聽日要六點半起身，打完日記都咁夜...唔可以起唔到身呀.........

>>March 21, 2005 at 10:30:39 PM GMT+8

2005 年 3 月 19 日 星期六 【晴】

呢排個日記網要update..所以幾日都無寫日記...

唔..
有時
係度想跟我最好的朋友說
如果是我的生活令你感到不安..我也很希望你會俾到信心，希望你會明白，即使大家生活不一樣，未必可以隨傳隨到，隨時解答你的不安與不快樂，但我相信...彼此關懷的心是不會變的~
對不起，讓你感到孤獨了.....

今日去0左行渣大石澗..有d hea，不過幾開心，因為條路好hea..但係hea得黎又包埋溯澗、綑邊、行山再加埋行石河...好舒服~

本身約0左十點係金鐘等，但係當vincy打俾我時，已經係九點半喇，我地結果成十一點先去到金鐘，食埋野出發都成十二點喇。今日有我、frankie同vincy(其實仲有主席同阿嫂..不過)，搭6x去到黃泥涌水塘落車，行上陽明山莊，落番大潭就開始行喇....

一路行都Ok靚，個feel有d似橫涌﹐不過短d咁啦，上到去就join番山路再上石河，途中見到一張好似梳化的石，我地幾個坐係0個度，和暖的陽光，徐徐的清風....真係令人好想訓覺....我地傾0左陣計，訓0左陣覺...上到去玩埋個防空洞，上番渣甸山落黎都係3:30...今係幾hea，但係又唔係悶既路~好滿足呀~

之後join埋強仔一齊去跑馬地食tea，食完就同frankie去0左銅鑼灣搵去西藏的資料，原來佢地話6月先有團去拉薩，咁未同我地plan既一樣時間?yeah~~希望去得成，同埋要有個難忘經歷呀~

近來很多事也衝擊著我，令我自己也不知怎麼辦
我的腦裝不下這麼東西...
很想
自己的情緒也早日安定下來

>>March 20, 2005 at 3:45:18 PM GMT+8

2005 年 3 月 18 日 星期五 【晴】

今日本身要去朱正賢小學，我個同事只係話係博康等，但係博康係邊我根本都唔知!!起身時唔多願起身，因為實在太眼訓喇....

結果打俾佢，佢無人聽，十一點幾佢打番黎，佢竟然無去..好彩我無入沙田0者，個同事住沙田0架，佢唔去都可以係屋企丫，我晨咁早去沙田咁遠但係又無人係度我未好傻仔?

下午同細k去0左銅鑼灣食cake同傾下計...嘻嘻，都幾開心...

之後佢要補習，我就join埋考完試的肥仔同donna..

今日係donna 的生日，我係度同佢講聲生日快樂~
我地行下街，傾下計，donna又要睇擊情喇，淨番我同肥肥行time square，行time square時仲撞到Emily添..

嗚嗚...今日俾肥仔鬧我叫我唔好成日行埋d咁危險既路呀，佢話如果我死0左咁點算...我都唔想0架......但係行d hea山又好悶丫嘛...不過我都會聽你地講的了...

我好勁呀..咁都知你唔開心...希望你早日開心番啦....雖然我不可以解決你的問題，但絕對願意做你的聆聽者^ ^

唉.........
我都好想你地個個都好幸福...
亦都好想自己都可以好幸福~

>>March 22, 2005 at 5:16:08 PM GMT+8

2005 年 3 月 17 日 星期四 【晴】

今日終於攪掂田灣個燈箱...實在放下心頭大石....

下午趕返公司開會，然後下午又要去將軍澳既寶覺中學度CHECK野...咁就一日喇...

將軍澳....令我想起釣魚翁添...天氣好似麻麻，唔知今個星期有無山行??

夜晚阮美話想出黎行下，我就陪下佢啦，因為對腳太痛，所以我就返0左屋企換衫同換鞋先，然後佢返0左會先，見到國樑同issac，睇番以前廿一屆同自己屆既大相，覺得好多人既樣，都變0左好多......諗番起以前帶遨遊，都幾開心~

之後返hall附近懷愐一下以前住hall的生活，去沾仔記食個麵，然後行0左去黃埔海旁......
夜晚黎..呢度仲靚.........
d風吹埋黎..好凍呀~

不過我知道你係為我好，但係對於那件事，我覺得自己已經用盡全力令一切變回原狀....如果仍然有不當..我也希望自己下一次可以處理得更好....

之後沿住條路行番去尖東..0個個我地以前跑步黎爬入去既地盤，而家仍然係呢度...想起住hall同讀書的日子，有太多美好的事了.....

返到屋企，發現隻腳瘀0左..後來才發現，佢唔係瘀..而係皮下面內出血呀..我玩廿一屆既遠挑，山頭霸王，樂善行都只係起水泡..而未試過內出血........真係好痛呀......唉...點解已經買對咁貴既鞋都係會著成咁...........

>>March 22, 2005 at 5:07:04 PM GMT+8

2005 年 3 月 16 日 星期三 【晴】

今日.....下午去了吳禮和到做SITE VISIT...
原來間學校就係以前返工既太平二座隔離，同ANDY佢地行0個條路就係我九月成個月日日行既路....

可能，當時我經過的時候，現在公司的同事也經過，大家擦身而過，但當時大家並不認識大家，如果自己仍然甘於係0個度做份悶工，現在又會否同你們一起來這裡?想到這裡，不免有點概嘆人生的交差點.......

總之，不論結果如何，只是自己曾為這件事而努力過，即使結果是好是壞，也可以為自己的努力而無悔.......

或者我會搵到份更唔開心的工，或者我會更無發展..但總叫為自己努力過~

之後出0左去旺角同ALEX行街街，因為陪埋佢去買耳環，所以我個電話就俾人打爆喇，個個都問我:「到未呀??」黎緊喇...著住對高跟鞋行街，真的會有點累...

係POLY門口JOIN埋主席...佢好似又肥0左呀，點算好??

返到去都開始0左半個鐘，火藥味都唔係好重，見廿三屆D人都問D單車營問題，但係見廿四屆D態度就有D興...個個都嘴妙妙咁.....本身諗住無乜野想問..攪到我都忍唔住話0左佢地幾句...唉

旅協旅協旅協...
幾多年以後我才可以對呢個會發生既野無乜感覺呢?

我寫得太多關於大學生活的東西，又會否令你感到我已經離你很遠?

我地莊差肥肥就齊莊，佢病呀，要小心身體，之後成莊去0左中國城樓上既德興打邊爐，今日大家見阿嫂無黎，個個都問主席阿嫂放工未..你睇我地幾鐘意你~哈哈

一莊人食飯好開心~又慶祝DONNA生日，大家講好多無聊野，當ALEX 講為VINCY飲杯時，大家都呆0左..哈哈，原來係為守得住廿二屆既關口而飲杯，又係我地呢個無關係但係又最具破壞力既莊飲杯，飲飲下...自己都有D醉，TERRY又唔俾我再飲...點解喎...雖然我都知你係擔心我..但係死人阿JOHN就係咁叫我飲，幾衰呀...

食到差不多十二點，就要搭車趕返屋企喇，我地搭地鐵..勁眼訓...十個累..好辛苦，好想一返到屋企就訓覺，去到青衣城等249M時，見到前幾個個男仔有D眼熟，但我都無理佢..然後落車，入LIFT，竟然同0個個男仔同一部LIFT...佢望住我，我又望住佢，係我出lift時佢忍唔住問我一句:「你係唔係讀poly?」
我腦中只閃出....「震....?」
佢就係我係SAO做student helper時識既一個男仔，只係記得佢讀HD catering，但係諗極都諗唔起佢個名.... 估不到我住係呢度咁耐，都唔發現呢個人既存在，仲要同埋一部lift..呢個世界真係細，然後大家就講句bye bye喇..後來問人先知佢叫阿南呀...

為0左呢個咁神奇的人，你睇我用幾多篇幅介紹佢，哈哈，果然物以類聚呀...


唉..估不到咁又一年...
一年喇，我都係時候唔記得好多野

今晚..又咁夜訓了..聽日返工，一定又起唔到身>.<

>>March 21, 2005 at 5:25:13 PM GMT+8

2005 年 3 月 15 日 星期二 【晴】

今日...心情覺得好舒服...
今日來了個新同事，公司又多個女仔喇，實在太好了...
不過蝕桌，應該乘她未黎之前問下STEVE六月放唔放我假...
去旅行去旅行...

可能大家覺得我好貪玩，但係唔係0架，我只係想珍惜活在當下的感覺...所有一切，也應該盡情地感受...

下午去了黃埔宣道小學。係平時成日去的海旁隔離，去完都放工了，忍唔住去0左佢地個海邊行下...已經很久沒有來這裡走走了...那個海，仍然朦朧一片，但依然很漂亮呢...如果可以的話，也想買一間可以看到海的樓...

記起以前同阮美來這裡跑步的日子，夜媽媽兩個人，傾下計跑下，幾開心，又有一次凍到係度大叫(我記得有主席兩公婆係度)，當時仲有0個次成大班人一齊跑，鄧兆基都不知跑得幾快，然後我地又偷入個地盤，真係好白痴..不過0個次係唯一一次咁大班人一齊跑步，0個時成村旅協人都住HALL，特別玩得開心~

呢度個海景真係好靚，見到個婆婆做運動，竟然想起自己的婆婆...很想去探下佢...

後來JOIN了係佐敦的 FRANKIE，身為過客的我們，只在舊CAN食0左個炸薯條，然後我地兩個掛係高牆附近傾下計...咁就返屋企喇...

夜晚因為屋企電話壞了，阿媽發我脾四...唉，好慘呀，無啦啦受靶....

阿咕，不要再不開心了...我關心你，你知0架...記住唔可以自己成日亂諗野...

>>March 16, 2005 at 5:49:07 PM GMT+8

2005 年 3 月 14 日 星期一 【晴】

今日仍然有d凍..身邊好多人都病0左，大家要小心身體呢~

阮美呀﹐我都好掛住你呀，已經有一排無見你喇~
我都知你有人請你去睇雪狼湖，我就無你咁幸福喇~
可以親身聽張學友唱歌~
唔知今次，你仍然有人請你去看嗎?
<<原來只要共你活一天>>是陳少琪寫俾太太的歌..
歌詞真摯簡單而感動~

今日係公司趕埋個design，阿paul話靚喎，不過阿頭又開始追我未趕起的網頁同公司產品介紹書仔...都唔知做得邊樣...
成日係公司，覺得對眼很累..
昨晚整天擔心田灣個燈箱，今天，應該送番去整了，都唔知d運輸費要不要自己俾..

今日六點幾放工，玉怡又咁0岩放工(好難得佢今日返咁早)，所以我就約0左佢出街...
好耐無同佢行街街喇，因為公司出番d錢俾我，所以我決定買番部電話，左睇右睇，二千蚊度既選擇都係部k700i，雖然全世界都叫我買過第二部，不過我始終都係買番佢....

可能你會話我死心眼..但係我由細個開始，唔見0左d野或者係整爛0左d野，我就死都買番個一模一樣既，係唔係好任性呢 ?人大0左，這個性格仍然沒變呢。

但係好慘呀，download唔番遇見個鈴聲，唔開心呀...呢首歌我太喜歡了，唉，不過搵番<<我的愛>>同<<波羅油王子>>，仲有<<咕嚕咕嚕魔法陣>>，都算係咁啦..

最開心買番條貓貓電話繩..不過麥0麥掛頸0個條就未有錢買佢住喇..都係遲下先啦~
然後我地又一齊買0左件一模一樣的衫，想起，我們已經很久沒有一起逛街了，以前我地行成個旺角都唔覺得累，而家真係行個商場都話累喇...

不過可以一齊行下街，好開心，好多謝你放工後咁辛苦都陪我行一陣，你唔可以返0左placement之後變得脆弱0左咁多0架..竟然為0左俾個無聊人阻你放工而唔開心，希望你快d脫苦海喇...

成日想可以好似以前中學咁，一齊返學，一齊去自修室，我，也可以同你讀同一科，一起感受出placement的痛苦..我想，有多人可以一齊分擔，感覺應該會沒那麼辛苦!!在以後的日子，你不在香港，我也會感到寂寞的.....

講開大家一齊可以無憂無慮地講好多野，可以以一個全無防備的心態，真心地說每一個說話，這種感覺，實在在工作的環境中很難感受....能做你放工後真心說話的朋友，我也覺得很開心~
你說在不知不覺中，可能我們也漸漸地變了，或許大家的價值觀未必相同，要步伐一致，其實也很難，但我覺得，不論怎變，總有些人令你想對他真心地表演自己，面對你們時永遠是最真的自己，這樣已經足夠了...

不知為何我倆也感到...身邊有好多女仔做的行為...不知叫前衛也好，或是將男女關係看得比較輕鬆，為什麼我們永遠都做不到她們那樣?我也不知道...我們是否也應該趕一趕潮流呢?可能這個社會太多人怕自己一個人了..不過，我覺得如果同埋d唔係好想講野的人吹水，個感覺會令人覺得更悶，所以我才不會浪費自己的時間。

今日聽到呢首歌
覺得幾好聽

<<童話>>

作曲:光良 主唱:光良 填詞:光良

忘了有多久 再沒聽到你 對我說你最愛的故事
我想了很久 我開始慌了 是不是我又做錯了甚麼

你哭著對我說 童話裡都是騙人的 我不可能是你的王子
也許你不會懂 從你說愛我以後 我的天空星星都亮了

我願變成童話裡 你愛的那個天使 張開雙手 變成翅膀守護你
你要相信 相信我們會像童話故事裡 幸福和快樂是結局

我要變成童話裡 你愛的那個天使 張開雙手 變成翅膀守護你
你要相信 相信我們會像童話故事裡 幸福和快樂是結局

我會變成童話裡 你愛的那個天使 張開雙手 變成翅膀守護你
你要相信 相信我們會像童話故事裡 幸福和快樂是結局 一起寫我們的結局

>>March 16, 2005 at 12:31:33 AM GMT+8

2005 年 3 月 13 日 星期日 【陰】

今日又凍番喇...三月都咁凍...

因為琴晚打完dairy都成點半的關係，今朝起身，真係周身骨痛..
老喇..行條澗都攪成咁...

今朝返工同d同事講起唔見0左個電話，佢地都好同情我..阿paul仲問我幾時生日，最多捐獻下...嘩..實在太感動喇，雖然都知係吹水。

因為要儲錢買番個電話，所以我決定呢個月都帶飯，同事們好像很想我一齊食飯呢..噢，sorry， 我係唔可以成日entertain你地0架...

今日返公司拉開個易拉架，d同事都讚整得幾靚，但係我上次去完會展就覺得自己仍然有很多不足，唔..今日都要繼續幫d學校design D外牆，但係仍然好似無乜idea...唉..點算好?

下午去了旺角拿燈箱再去香港仔田灣始南小學，係旺角拎時唔多發覺個燈箱公司少0左d野，去到小學先知...唉，d師傅裝好曬，點算好?我唔想又搵人整過，唔通要我自己去整?我唔識拆野0架喎...

整整下都成六點，放工見車就上，搭0左架107，唔想係紅磡落，所以就由得架車繼續去，點知佢轉去九龍城喎，所以我就係hall附近落0左車。

這裡的一切仍然很熟悉...每一個街道...餐廳，還有常知粥、家興、夾餅阿叔、同埋窩貼姐姐，難得經過，梗係要買番個夾餅食啦。個阿叔竟然同我打招呼...唔通佢認得我?唔知佢又有沒有發覺少0左我同alex呢個熟客仔呢???

家興仍然那麼多人，只是已經少了我們這一班傻仔了...

然後我就搭41返屋企..好耐呀，成一個鐘先 返到屋企...

近期覺得自己係時候要搵番d野學下..
上次聽terry同阿john自己的前途..我覺得他們的工很有將來，很pro，不知是否自己不是讀很專的關係(其實我0個科都好難考0架..不過唔知點解唔夠pro之嘛，佢唔係唔pro，不過要讀到語言治療師0個d未pro囉，對語言學一點天份也沒有的我..註定要高不成低不就?)，我也很想好似他們那樣..有d理想，有d目標，有d方向...

成日都覺得自己唔夠pro..任何一個人都可以做我個post咁..好無安全感...

今日同阿崔睇睇下，古巨基演唱會加場只係剩番四百，睇黎都係無錢睇....

過海時見到張學友又做雪狼湖喇..不過係國言版，d飛都幾貴0架喎..不過舞台劇好似都幾好睇咁，因為唔會成日有得做...

算啦，而家個目標係，復活節睇<<哈爾移動城堡>>!

我當年都有買佢隻牒..
最鐘意的是<<原來只要共你活一天>>，那時，我應該只得16歲
當年這首歌同約定一齊拎了填詞人大獎..絕對係一首好詞


原來只要共你活一天
作詞：陳少琪　作曲：陳少琪　編曲：趙增熹

我相信　和你的相識不會是偶遇　就像上天施與
造就兩心相遇　我說你是我公主!
時光每處每夜每清早我也記住　望夜星的相遇
望日出多歡愉　送上我　永遠的關注!
原來只要共你活一天　凡塵裡一切可以別掛念
凡塵裡一切可再不掛念)
原來海角天際亦會變　原來生過死過深愛亦無變!
原來只要共你活一天　完全去把你所有都發現
原來只要相信便看見　原來給你真愛的我是無悔　是每一天!
如果天意　要俗世消失這個故事　就讓大海失意
陸地傷心飄移　放棄每日再開始!
如果世界　會尚有真心真意故事　就在我目光內
滴下淚的當兒　告訴你　你已看到一次!

>>March 15, 2005 at 12:39:57 AM GMT+8