2005 年 4 月 22 日 星期五 【晴】

今日係vincy的生日~
係度同佢講聲生日快樂先~

今日公司要event support....
要著suit..去到先發現個prof無預到自己要講野...真係俾佢玩死...
阿頭又好耐都未見人..
得我一個人自己攪掂
都算Ok啦...

後來幫老闆拎個易拉架..仲有阿頭請食lunch..都幾開心～

五點幾去０左city join小玲佢地影畢業相．．傻仔田雞都係度．．．見到一眾姊妹都打扮漂亮，我都好想著番自己平時ｄ衫．．．

我地係city影０左陣，慧豬同田雞就走０左，淨番阿柯阿崔小玲同我去０左浸大影．．．浸大真係無乜景．．．
我幫阿柯影０左幾張跳起黎影的相．．勁白痴
之後夜晚一齊出去食飯．．又係一休．．呢排出親旺角食都係食呢間．．．
我地又傾０左好多野呀，好似家庭．．．自己．．．仲有工作．．
感覺上
阿柯都成熟了很多～(終於都肯成熟ｄ喇佢．．．哈哈）
小玲．．仍然都係唔多出聲得個聽~
但係
我覺得我地呢班姊妹．．．雖然個個性格也不同，而且現在各自也遇著了很多不同的事及遭遇．．但是我們這一堆．．也算是一群不太有機心的一群．．．而且過了這麼久仍然會聚在一起，好像當天一樣談天說笑．．感覺真的很好~

現在的我們
少了在英文課時的喧嘩
少了在地理室的追逐．．．
少了在文學堂的發夢．．．
但彼此關懷的心
是不會改變的～

忽然想起當天我們抱著
有人在吳祥川門口哭著的study leave
原來真的真的
己經離我們很遠很遠了．．．

P.S.
多謝小玲係OK幫我買了20蚊野換麥０麥章．．而家我已經有兩個喇．．而且第一個仲係個”ｐ”字．．唔好似為我想砌個豬字．．而係"PING”字呀～
慧豬話送個" I "同"N”俾我．．仲爭我" G":字～
哈哈
我好愛你地呢班好姊妹呢～

>>April 28, 2005 at 7:58:20 PM GMT+8

2005 年 4 月 21 日 星期四 【晴】

今日最終都係頂唔順..
朝早無返工...
大佬...
嘔成咁點返呀?
學FRANKIE話齋...半年內病都唔俾病...駛唔駛咁無品呀?
唉...
算啦...

訓0左成個朝早...
好似都好番D


食完一式十款的藥...
點解仲好似無乜好轉??

>>April 22, 2005 at 5:10:16 AM GMT+8

2005 年 4 月 20 日 星期三 【晴】

今日朝早都有D唔想返...但為了自己碩果僅存的假期..我要努力~

今日返到公司個胃都好痛....忍...忍....忍...

忍唔到，最終放工都係去了看醫生...很久沒有在樓下睇醫生了...咁又破財，真係對要儲錢的我雪上加霜...

今天晚上約了D莊員食飯...因為慶祝VINCY生日...其實佢23號先生日，不過早少少慶祝喇~
我地去0左太古城既Rudy Tuesday度食...等埋vincy都九點幾，不過有d屎忽友仍然放飛機囉...
今次有好耐無見的小泰利..佢又要做衝上雲宵喇...哈哈，希望佢成功喇...

食完藥都好眼訓..d野食..我覺得咁既價錢真係麻麻地...又不算唔好食..只係覺得唔抵...
唔知係唔係今日係星期四..大家雖然都有傾有講..但係好似未算玩得盡興..
自己又病病地無乜野講...
希望下次出黎會玩得開心d...

返到屋企..
忍不住暴斃了...

>>April 22, 2005 at 5:44:56 PM GMT+8

2005 年 4 月 19 日 星期二 【晴】

病呀～

可惡的同事，竟然傳染了傷風感冒俾我．．．
攪到我今日成日都呆呆地同頭暈

臨放工時仲要覺得有ｄ冷同肚痛．．．

問有無病假啦，佢竟然答我你未過試用期．．．
係無病假請的．．．

唉．．
聽日
要死返公司．．．

>>April 20, 2005 at 5:25:11 PM GMT+8

2005 年 4 月 18 日 星期一 【晴】

今日係公司好攪笑~~

話說之前andy同steve打賭，睇下有無可樂味的啫喱
結果andy就話要係公司整啫喱食~

今日下午我無聊提起，佢竟然話，好丫，而家去買野食...
結果我地就係公司返工時間落0左樓下惠康買野食..

好開心喎...令我想起係hall時成日都一齊去百佳入貨~
阿paul係咁拎d野食...結果andy又話要整布甸...

我地結果買0左成250蚊野食，我地俾番錢andy，佢竟然唔要~
實在太豪喇呢位哥哥...

返到去五點半放工時間我就開始整布甸喇...
唔知成唔成功呢~
好攪笑~竟然係公司度整野食．．．

整完就拿拿聲放工，返到屋企，竟然聽到婆婆係老人院自己撞頭埋牆的消息，真係．．．．．．唉～

約了崔跑步．．．落到去都遲了少少，不過我地跑下又傾下計咁，崔說好懷念上個暑假在這個運動場跑步的日子，我也是呢．．因為當時大家都仲係學生～哈

跑跑下，見到個好有型既男仔係度跑，原來係鄧榮康呀～
原來佢今日唔駛返工，落黎跑步．．．
我地跑完傾０左一陣，佢話因為自己酒量太淺
攪到有次同ｄ朋友去飲野蝕０左桌．．．
真係笑死我地．．．佢都叫酒量淺？

好心ｄ人唔好成日劈酒啦
(拿，我係鐘意飲，但係無劈０架．．．而且都未試過飲到嘔)

今日聽到慧豬一個消息，希望佢有得一齊去啦
不過講真句
我都未必有得去．．．
唉～

>>April 20, 2005 at 5:21:39 PM GMT+8

2005 年 4 月 17 日 星期日 【晴】

琴晚望住個天..
好似清番少少，今日起身，個天都好清好藍好有生氣~

一返到公司d同事就對住我笑...梗係啦，又可以玩我喇嘛..可惡...
今日決心要訂番一星期要做的事...

不過今日d時間好快過，今日約0左崔去跑步，諗住早d閃，結果...臨放工時俾老細捉住0左同我講個design 的問題...可能前衛0左少少...in0左少少..不太commercial 了少少...結果老闆話都係老套少少好~
唔......
又俾人打沈添~
唉............................................................
藝術工作者..梗係會咁...
結果成公司d人後來安慰我..又講下笑咁，攪到我六點半先有得走...

去到運動場慧豬同崔都跑緊...我地跑完又坐係度傾計，好開心~
其實得閒可以咁樣傾下計，好舒服

我覺得自己真的有點過份憂慮症...
也應該好好地改一改...
凡事輕鬆d
我想也是一件好事~

玩0左個遊戲
個答案竟然係咁?

Your kiss is... delicious
Your hugs are... warm
Your eyes... twinkle in the moonlight
Your touch is... heart warming
Your smell is... refreshing
Your smile is... hypnotising
Your love is... everlasting
best physical quaility: hair
best personality trait: caring
will you marry your bf/gf that you have now? it depends
when will you get married? May 13, 2014
your kiss is: fiery
People date you because: you're everything they want in a girl/guy

>>April 18, 2005 at 5:55:23 PM GMT+8

2005 年 4 月 16 日 星期六 【晴】

今日..
都幾舒服同開心...
嘻~
一種淡淡的感覺...

不過
感覺上自己好似真的越來越肥...
再係咁...
影相就唔靚喇..
我要係著d短袖衫時
變番瘦少少先~
努力~

聽日返工
應該會好有活力
因為今天確是叉電的一天

>>April 17, 2005 at 4:49:05 PM GMT+8

2005 年 4 月 15 日 星期五 【晴】

今日天氣都麻麻...
不過有得放短週，可以訓下覺，感覺都幾好，不過而家已經唔可以一訓訓好晏，十點幾，自己已經己0左身，一早收到frankie同強仔的短訊..仲有肥妹的電話..
0下..強仔琴晚入0左醫院?唔係掛...真係嚇死我，佢又做咩事?呢個男人成日都攪埋d高難度動作﹐真係令身邊的朋友都嚇餐死...

一早起身打俾各莊員，未訓醒的都嚇親，所以我地今晚成班人一齊去探佢...
唉，佢隻腳拗柴後睇鐵打以至皮膚敏感...攪到隻腳皮膚敏感...再加上西醫開d藥又令佢再度敏感，所以佢就由口腫到落腳....

真係慘呀，我地成班人七點去探佢，佢悶到發癲...但係病房又唔俾咁多人係度喎，所以我地唯有出去傾啦，後來肥妹來到，佢好似好累咁，為著雷利的事而忙，你要加油呀~

見到d謢士姐姐咁惡咁鬧d病人，我地真係為John大爺擔心...

後來我地成莊加埋雯雯(除0左terry、 donna同主席同遲來的Frankie同vincy)去0左灣仔食上海野，都幾好味，之後我alex、阮美同阿john走0左，我地就轉去銅鑼灣吹水...

阮美之前問0左我地一個好傻仔的叉燒包問題...估不到無聊之鬼vincy竟然可以答得出!!!實在太勁喇....佢真係好傻仔，然後佢估中0左之後同大哥哥一齊係街度跳傻仔曬囉...

好似有一排無見d莊員，真的有點掛念大家，見到呢班朋友，我地成日嘩哈哈咁，個感覺真的很舒服很開心，有時想...為甚麼這麼著緊這班人?朋友真的令我忘記很多身邊的其他人嗎?

或許是吧...不過長大了一點，我亦應該為身邊其他人想多一點，可能不會好似以前咁時常那麼渴望見大家了，不過每次見面，感覺都好開心，好珍惜~

去cafe坐，肥肥話去接阿欣喎，我話阿欣好幸福呀，肥肥同我講.「咁你有十個人一齊錫你丫嘛...」唔好講笑，我真係有d感動..我覺得愛大家的感覺很實在，因為我知道你地值得我愛~

同大家傾0左好多旅行及人生的事，感覺上自己都輕鬆多了..肥仔同franikie話叫我唔好成日諗得咁誇..甚麼任性不任性的，不同的人有不同的興趣....可能有d人將d錢洗係其他興趣度...所以唔可以睇得咁灰.....咁都講得0岩既...

感覺上大家也在不同的生活而忙，不過我想..... 大家面對大家時，仍然是最真的自己，那已經很足夠了...

同你地傾完，感覺也輕鬆多了...
不過估不到一傾就傾到成點幾，好耐無試過，一路搭n車返屋企，我感到自己也有點不適應...

frankie 問我做不做雷利Sub Comm，聽到佢話一星期有三四日開會開到十二點幾(夜晚)，自己竟然有d猶豫，自己...仍然可以好似上莊咁不顧一切地付出嗎?
我也不知道，不是怕自己適應不到這種生活，而是...驚自己身邊的人不接受這個有工作在身的我這樣多晚不在家....

好難決擇....

>>April 17, 2005 at 4:45:56 PM GMT+8

2005 年 4 月 14 日 星期四 【陰】

今日...唔記得做過d咩...

最記得的是夜晚因為食0左阿媽迫我食d野，所以就肚痛0左成晚...仲嘔0左成晚...
唉..
好辛苦...


知道自己的好朋友好像有些不開心的事發生了
唯一可以做的
只有陪她去跑下步散下心..
不過
我好似都係唔係好識安慰人.......
好無用添~
不過...
船到橋頭自然直
一切也有解決的辦法~

今晚同阿咕傾計傾到好夜...
個感覺都好開心
聽到你講好多野...
我都有反思
或者...
我真的給自己太多藉口...
或者
我已經過得很好很好了...
一切
都係靠一個人一直給我最大的後援...
我
都希望自己considerate D...
給身邊的人
也有多一點的安全感..
少一點任性...

>>April 18, 2005 at 5:47:40 PM GMT+8

2005 年 4 月 13 日 星期三 【晴】

今日個天終於都天晴番喇...實在太好了...

今日我都算係個破財之日...
唉
又無一百...
要努力儲錢先得
雖然儲0左都未必有得去旅行
但係辛苦儲下錢都係應該的~

今日上0左安柱，一間小學時有d想讀的學校...同事講起自己就快望到三十，覺得十幾歲時覺得時間無咁快過，讀U時開始快0左，然後出黎做野後，時間過得更快..咁快又到三十歲....
嘩..估不到連我同事都咁講...

其實
我不嬲都覺得時間好快過..一個月一個月一年又一年
會考，好似已經係五六年前的事..shit...
點解自己會變得咁老0架..
俾番個十八歲同廿歲我...
就係知時間咁快過
所以我很想很想
在有限的時間內
感受身邊的一切
珍惜身邊的一切...
讓我的腦記下每一分每一秒快樂的感覺...

今日下午同0左d同事食飯，又講下笑俾人笑下咁過...放工時好多野趕，不過做到六點半已經得番我同另一個人，唔係掛，都係快閃...

今日下午時同事將d倉底貨俾我manage，話可以送俾d客，呢d貨係賣俾收買佬都唔要的貨，叫我點送俾d客呀?
不過見到呢d電腦硬件，我就覺得好浪費，我在想每一間公司每日製造的癈紙量幾咁龐大...
人類為了生活，為了俾d人開飯或者發達，會去開廠製造或者不斷開發一d野，就好似電腦咁
你製造咁多，但係又賣唔曬，又變成癈物，電視機plasma MP3 DC，其實咁多隻牌子咁多款，邊有咁多人買?
但係你製造一件野出黎，已經有好多癈物，製成品過多一陣又變成癈物，真係浪費
人類就是為了自身社會的發展..令這個世界不斷失去平衝
物質..癈物...核癈料...電腦...膠袋...沒有生命的東西不斷爆炸
而有生命的東西..森林動物卻漸漸失去生存的空間
點解人類一定要咁樣發展才可以?
不可以減少一點欲望
減少一點浪費嗎 ?
我實在為人類的未來感到擔心
但是
微少如我
連生活都未知方向
又點樣講到協助拯救地球咁偉大?

今日睇鋼之練金術師...
幾好睇喎
佢有一集有一個人為了想製造一隻會講人話的合成獸
將自己個女同隻狗合埋一齊..
個女得四歲0乍...
究竟科學研究是甚麼?
有點害怕失控的科技發展
明明是協助生活的東西
卻變成扭曲的生物...
世界上最重要的是生命
因為沒有人能
也沒有人有權
去奪取他人生存在這個世界的權利

可不可以不要為了一已私欲
大家可以為身邊的事出一分力嗎?

>>April 17, 2005 at 4:33:11 PM GMT+8