2005 年 5 月 1 日 星期日 【晴】

好驚!!!!!!!!!!
近日搵個朋友仔搵0左好耐都搵唔到...
打俾D FRIEND講佢..
佢地都話係..
之後打去佢屋企....
仲恐怖...
你究竟去0左邊?
你知唔知身邊既人好擔心你
驚你唔知出0左咩事...

再加上你之前我同講過既野...
令我更驚...
我驚到個腦諗唔到野..
自己其他一切的不安與煩惱也不要緊...
只要你平安...
不要有事..
好嘛?

>>May 3, 2005 at 6:27:13 PM GMT+8

2005 年 5 月 1 日 星期日 【晴】

今日行山個感覺好正....

今日約九點係油塘等...
佢地個個開車..我實遲到啦...係青衣去將軍澳..坐地鐵都一個南一個北啦..
結果8點半..阿JOHN打俾我..我係仲訓緊...之後FRANKIE強仔肥仔輸流打來..我先半睡不醒地起身...

結果...
當時遲到了...
準時大王JOHN大爺大發火喇..好驚...快閃
我地由大坳門開始起步...
行上山..
竟然覺得辛苦...有D暈..
呢D就係成日行HEA山同埋無操體能的結果...
夏天黎喇..唔可以咁懶...

上到大嶺峒之後向海邊落山...真係一條勁多蜘蛛網及濕滑的路..
但係又見到好多好靚的杜鵑..好靚~~~
落到海灘...好舒服..開始綑邊..
也不知綑到邊到..
見到一潭好清的小池..勁多海膽...行得熱熱地..
阿JOHN就跳0左落水捉海膽..
係徒手...
勁恐怖...我想放佢係山邊佢都唔會死得~
佢仲要同肥肥一齊搵刀整開D海膽黎食...
我都有落水...勁正~但係男人就唔多願落水..因為佢一陣間要趕出去開會嘛..梗係唔想影響形象啦...哈哈

後來我地仲穿埋隔離個海蝕洞..感覺超正...自乘風航之後就未試過穿洞了...
游到入去...好正...仲衰無得影相..
不過最正的風景
只在腦中
不在相中~

後來爬藏佛崖...搵唔到路上...仲有好多碎石同ROCK BELOW..
好驚..
最終佢地托0左我上去...
FRANKIE仲要開繩先可以順利過渡..
上到山..落山..經過石刻..
又完了一日的舒服旅程

之後去0左坑口附近的村食野...
又傾了很多...

感覺上有一排無見阿JOHN同肥肥...
佢地返工..好似都有各自己的煩惱..(最勁係強仔行緊山都可以報TENDER)
各人也有各人生活的憂慮..
強仔又有得讀PART TIME DEGREE了
在此恭喜佢先~希望FRANKIE同JOHN都讀到~

有時...
雖然他們不多講..
但我也感到他們生活上的煩惱...
但
在行山時看到他們跳落水食海膽時..好似可以放低工作上的假面具..人情世故...前程人工
可以好開心咁笑...可能咩都講...
唔怕俾人鬧到仆街..
我其實覺得開心0架...
總之...
大家見到大家時
可以保持真我..
而我亦有幸成為見到真正你們的朋友
我感到很高興及榮幸

今天特登拎了兩個豆腐芝士餅俾你地食...
肥仔食了半杯
強仔食了幾口...
然後就話留番一陣間先
結果...
佢地全部融曬...
無得食LU..
我得五杯...
唉..
我想你們也是與這個好味的成功品無緣的了...
但希望
我下次仍有心情整俾你地食啦~

今天本來是美好快樂的一天...
但後來發生的事
卻令我擔心了大半天...

>>May 3, 2005 at 6:26:59 PM GMT+8

2005 年 4 月 30 日 星期六 【雨】

今日...
都算ok HEA ~
本身今日下午大恩話一齊去滑浪...
但係竟然約唔成..
其實我都好想去沙灘
好想見下個太陽
好想靜靜地躺在沙灘上看白雲...
不過約唔成...
唯有下次啦

今日一朝早就去0左阿柯度整蛋糕
自己都好耐無整LU...上次..應該係上年小玲生日..
小玲就快又生日..
時間真係快到自己唔多覺....
唔知仲整唔整到呢?

阿柯話要整蘋果味的芝士蛋糕
記得有人食完之後話蘋果同芝士蛋糕唔夾...
其實
我都只係整過0個一次..
亦唯一一次可以親手山長水遠由屋企拎番學校...

今次整都算寶刀未老..
我整0左個新既豆腐味...
不過...
唔知叫不叫好味...
遲下拎俾大家試下啦..
不過唔多..手快有手慢無~

今日多得助手小玲的幫助
我地好快同好順利咁完成
之後小玲上黎我屋企睇番以前中學影既白痴相....
過去的十年..
也是跟著你們過的嗎?
哈哈~~
希望以後的日子也多多指教...

朋友仔跟我說起學業上的煩惱...
真的認為...
其實不用因為別人的看法而活著
記得上年grand dinner時有個prof講的話
話出黎社會
每個人也有自己心中的鐘，個個鐘行走的時間也不同
但不要給別人的鐘影響你自己時鐘的步伐...
肥妹跟我說
可能雷利的assessment weekend應該係六月第一個星期...
我數過..
應該係長週...
咁我未可能又要請多半日假?
上次病又半日..
今次又半日...
我覺得自己去旅行的機會好似越來越低...
好沮喪...
自己好似去得好勉強
咁辛苦儲錢
連街都唔敢去...
朋友又見少0左
連玩雷利都驚成日要開會洗錢
好辛苦過0左一個月
但係機會率好似細0左..
好想....
會有人支持我...
不要盡說打擊我的話..
可以嗎?
我應該可以點?
可以點?
我想有人分擔我的一切...


我...
也應該好好早點睡吧...
要做個乖乖的小孩
不要傻了...

>>May 1, 2005 at 6:33:56 PM GMT+8

2005 年 4 月 29 日 星期五 【晴】

今日係三十號...
辛苦的四月又過去了...
好快又五月..
我想迎接夏天...海灘陽光與溪澗...

夜晚睇大長今的結局篇...
看著長今同閔大人的一切..
真的覺得長今好幸福...
可以一起手牽手踏著厚厚的雪..
一起看漫天的雪花...
不用多說話
那份感情...
卻比漫天雪花細膩...
執子之手..與子偕老...
雖說老套..
但卻勝過多少情話..
最幸福的是
當感情流露的時候
在身邊的人會給予同樣的呼應....
請原諒我這麼老套
竟然會為這樣的小事而感動......

>>May 1, 2005 at 9:37:15 AM GMT+8

2005 年 4 月 28 日 星期四 【雨】

又是那該死的雨~~
不是說今天不會下雨的嗎?
我沒有帶雨傘出門口的時候..佢竟然落雨...
可惡可惡...

因為昨天的我內心有種鬱悶，所以我就死都唔肯訓...唔想訓...係度搵d野做同睇...
琴晚lemon hi我...咁夜仲肯同我講野的人..得你0乍..講開藍色大門..其實都真係一套幾好睇的戲..
有一種淡淡的感情...

其實..
有時會想..
人與人之間的感情
或者距離的遠近...
是否需要對方
應該靠甚麼來分別及量度?
感覺? 事在見面與接觸 ? 彼此關懷的程度?
不知道................
我想見你我想見你我想見你...
這個不等於甚麼
只等於我太悶沒有實在的方向.....

因為昨天太夜訓...
所以我又遲到了...
一返到公司andy就同我講..
esther..你今日俾人發射到陸慶濤呀...
將軍澳..仲要三個鐘對住班小學生....點攪?又唔識用mixer..點教?
今日佢同阿paul因為tender件事攪到皮質純徧高.....阿paul連飯都唔食...andy就食飯時搵我碗麵黎玩.............真係有d似趕緊project時的自己..都係會咁傻下傻下...
估不到佢地都就快三十歲啦..仲好似個小朋友咁...

食完飯都差不多要去將軍澳了..由葵興到寶琳..都好遠下..真係坐到呆0左...
去到有個新來的enginner，我去到只見到一班死0靚仔圍住佢係咁嘈...成間房都好嘈...好恐怖...
我去到控制了一下個場面..(話曬都做過head P，嚇靚仔呢家野我最在行)
跟住叫佢地分組，佢地見到d成兩萬幾蚊的3CCD cam竟然當佢玩具咁係咁舞..有個仲成日問問題..我唔俾佢出聲，哈哈...
不過0個問題少年好似好鐘意同我玩咁...成日問..miss你會上幾多堂呀?
我下堂見唔見到你?
講真..
我都係個口硬心軟的人
呼喝佢幾句都唔係無道理呼喝的...
之後佢仲請我食野走時仲係咁問我..
下堂見唔見到你呀?
我都有d開心0架~
哈哈
不過
我諗我都係代一堂.......
對住佢地三個鐘..都未話唔虛脫...

之後要成八點先返到屋企..........
今晚...
竟然又訓著0左...
今日lunch時同andy講起..
佢話點解我未睇大長今就訓0左都可以遲到 ?
我話..
因為我四點起身online丫嘛~
哈哈哈

咁又一個星期..
聽日開始有三日假..
如果無野做的話..
三日假..
我竟然嫌多...

>>May 1, 2005 at 9:37:59 AM GMT+8

2005 年 4 月 27 日 星期三 【陰】

該死的天氣!!!
你唔係話落雨既咩?做乜忽然間天晴起來?
討厭討厭討厭呀~~~

近來有點感到被遺棄的感覺...
真的是活得不耐煩!
不過
唉
我知係自己既問題來的
所以呢排自己都ok摺...
未做大長今就已經訓0左....可能感冒未好又很累的關係~
呢排都係睇書..然而睇睇下訓著0左....半夜乍醒..不知今朝酒醒何處的感覺....
很想自己...也找到自己想做的事及方向

我想去行山
我想去旅行
我想跟大家一齊玩
我想等玉怡placement完同阿咕考完試去郊外玩
我想自己放假不用好像纏著人不放一樣煩人
我想自己可以知道自己想做d乜野
我想自己有自己的生活
不用阻著忙住童軍拍拖雷利newsgroup識朋友教會placement的你們
我想自己可以找到不用外求的快樂......

今日係公司
同細k同小玲chat...
知大家唔想我唔開心
雖然大家不是做很多
但仍然感到大家的一絲溫暖感覺
從細微中感到大家的關懷...
這樣已經足夠令我感到滿足

小玲特登過黎搵我食飯~
好開心~
我地傾下又講下笑咁..
有人出門口有件大頭蝦事件~
哈哈

今日為了令自己開心d
我通常會去食甜品
但近來好似無乜甜品能令我的大腦神經對佢有興趣
唯一有興趣皂就是去0左食豆腐雪糕..又換了兩個麥0麥牌仔~
仲爭四個字就有PING同ESTHER喇...
大家記住去到OK就幫我換d啦
哈哈

不過大家不知道是不是在聽到我的呼喚...
今日放工時frankie打來找我飲野...
結果我地係青衣城食cake~
frankie話好似好耐無見咁...
唔..
其實諗真d，都係上個星期四才一起吃飯
只是這個星期他也忙著雷利而沒有一起行山吧了
我也決定了玩雷利
因為...
一係唔玩
要玩就要玩得投入
想兩全其美..
只會甚麼也得不到...
聽到vincy好認真~我覺得都好應該...也是時候發揮一下自己的小宇宙~

今日下午去了觀塘做course的tutor...
一間女校...感覺上也很有趣
幾十雙眼睛望著我的感覺
原來...
我都幾鐘意做老師0架喎
不過唔知呢
最終也選擇了不做這一行....
見到班女仔...想起了以前中學的我們
不知道上文學堂時(因為除0左田雞一個男同學有take文學外..仲要係cert 前...其他的也是女孩子)
不知道教的那個(即係魏sir)跟我們四目交投的感覺又會是如何
可以看到那時我們無知的靈魂嗎?
我覺得今天跟d學生四目交投時就有呢種感覺....

>>April 28, 2005 at 7:57:37 PM GMT+8

2005 年 4 月 26 日 星期二 【雨】

今日忽然驚覺原來勞動節假有三日假放~
第一時間諗起行山或者camp...
隨口問一問身邊的人在那幾天會做甚麼
大家...
竟然也忙著童軍雷利newsgroup識朋友教會男朋友及女朋友...
而自己
竟然有點百無聊賴...
很討厭這樣的自己....
很討厭自己隨傳隨到...
一點性格也沒有...


自己...
也應該好好找尋自己的生活吧?

alex話我過一排就會有呢d問題
唔通真係好似sukey話齋..
過一陣就會活得不耐煩?

>>April 28, 2005 at 8:30:23 PM GMT+8

2005 年 4 月 25 日 星期一 【雨】

今天...
落了很大的雨....

感覺上...
又一年的夏天
時間過得真的很快...

上年這個時候吳浩康才剛剛唱<<洗剪吹>>
因為上年vincy生日我地幾個讀poly的去了唱K
大哥哥唱呢首歌走音...而阿john係唔識唱新歌的
哈哈
今年vincy的生日
又這樣淡淡然地過去了...
接著而來的...應該是五月及七月的生日
期望著
希望今年唔好打風...

記憶中的夏天...
只有澗及海灘..
還有獨木舟及太陽
雨水...不應該屬於夏天
因為落雨我地就無得去玩喇....

晚上看著月亮...已經是滿月了吧
想起上星期
一起看的那個半月
不知當時的你在想些甚麼
竟然會有一起抬頭望著這個清澈的夜空的機會

不過
我始終覺得
命運的巨輪仍然在行走
沒有為我這一刻的感覺而停留
其實一早知道
不過
那已經不重要了吧?


而夏天總是那麼短
思念卻很長

>>April 28, 2005 at 8:23:53 PM GMT+8

2005 年 4 月 24 日 星期日 【晴】

今天又要返工......................

不過在上班中途突然收到柯仔的message..
嚇到我以為有咩事發生了...

原來只係想跟我談談...

結果我地兩個就傾0左成晚...
由八點傾到十二點，傾到佢手提無電..
感覺好開心~
因為好似很久也沒有跟阿柯這樣傾電話~
你條友仔...
嘻嘻..
應該好好自己想想吧~
不過
大家傾0左好多
可以了解你的生活多一點..
也是令我感到開心的事...

還有...
令天錢錢係icq hi我...
我又好開心
自從佢去0左上海之後就少聯絡0左...
佢話而家唔走喇...
希望夏天溯澗會見到你
很久沒有一起行山了~

>>April 28, 2005 at 8:13:46 PM GMT+8

2005 年 4 月 23 日 星期六 【晴】

今日天氣好好...
但該死的是..
我卻留在家中...

玉怡本身話放工搵我行街...但係因為front desk又要佢OT的關係..最終佢係無得行的..
佢打黎..問我做緊咩..我說好無聊呀..在睡...她竟然說...你成日都唔訓覺...有機會俾你訓你就好訓喇..竟然係咁 ? 對於返placement很累的她來說...好似休息時間才是最重要的..辛苦你了...但我覺得自己訓夠喇..如果唔做番d自己想做既野..咁同無放假係無分別...

後來小玲打俾我..話琴晚一齊買既面膜令佢敏感喎，但我係就無事，結果我就同佢出0左去旺角換喇...

去到間the face shop(大家記住唔好去0個度買添呀...態度勁差)..佢竟然話小玲用過盒野所以唔換得..你傻0架..唔用過點知敏感呀?
跟住佢就叫小玲填投訴表...然後話遲下等上面睇過先得有換....然後就打發我地走...

出到門口，我地兩個先有d興...點解我地兩個咁容易俾人打發走既?
可惡...蝦我地呀?
結果我就即刻用手機影低佢敏感既情況..起碼都叫有d證據丫...

攪到小玲唔開心..攪到呆下呆下咁...我唯有陪佢食野喇( 大家會不會覺得我的價值觀係...不開心=要食野?哈)
之後玉怡都放0左工，我地三個就行0左陣旺角就一起回家了...

令天..
真是有點無聊添~
我想搵人俾我發下癲
但係無人理我呀>.<

>>April 28, 2005 at 8:09:12 PM GMT+8