2005 年 5 月 30 日 星期一 【晴】

好野...
終於又捱過一個月...
不過七除八扣...
我...
又要開始慳妹的生活

呢排公司d野真係多野做到嘔...
塞住我個腦完全諗唔到野~...
灰...........
不過
每日朝早見d好晴朗既天空就好開心
生活
簡單而滿足.....

呢排因為唔想在等...
心裡竟然反而有了澄空...
所以現在的一切..
感覺很好~

夜晚出去了同肥肥慧豬食飯
遲下再講~

>>May 31, 2005 at 6:16:33 PM GMT+8

2005 年 5 月 29 日 星期日 【晴】

大恩...
我都唔想做名車0架...
我都唔知點解咁...
玩過第二樣囉..你幾時返黎0者~

唔知係唔係因為琴日勁好訓的關係...
所以今朝好早起身，返到公司先係8:40!!!我來來沒有在這個時間回到公司的~
真係太神奇，但又好舒服..我都知係我平時太夜訓..所以攪到起唔到身，但鬼叫我細佬十二點先俾部電腦我咩>.<
我都唔想..
但我想...一個人返0左工，都係乖乖地早睡早起的為好~

今日個天好清好藍好舒服....香港真好~
我留係香港喇..邊度都唔去lu....
不過留係香港..都係無人陪我去行山感受清風...溪澗...

今日因為我最早返到公司..所以每一個入黎的人見到我...
都嚇親...shit...
駛唔駛呀
未見過人整負離子加齊陰咩?
我覺得幾好喎...因為係直剪齊先好睇嘛..不過個髮型師好似無乜新意..仍然係好似埃及妖后咁..
無得去旅行..之前唔捨得洗的剪髮錢..唔理佢喇!!!
最攪笑係阿頭一本正經地行入黎時，經過我個位爆笑...
lunch時明知我帶飯都死都叫我落樓請我食雪糕...你話係呢間公司..想唔肥都幾難..

今日....同大哥哥msn..佢下星期就出發喇...係西寧出發..好似好正咁...唉...
我都唔努力喇..
次次努力完都係咁..我想我唔駛出力有人幫我諗好曬........
不過...都祝大哥哥一路順風...小心去..小心返..始終高原地帶..都危險

唔知點解..呢排公司好多野做..
我又在想..一個人的角色問題...
其實呢個問題以前上莊時都有諗過..
一個人的時間有限..
你係上司眼中..母親眼中..朋友眼中.....
如何做到一個好的員工....孝順女....好朋友..好知已..好莊員?
我自己...
有時也不知道...
但感到每一個人也有不同的階段..說實在..出來做野就要踏實d..唔可以再咁任性...
要做番個好女兒，好員工..所以好多事..就唔應該要求咁多...
渴望咁多.......
在有限的藍天下擁有自己的自由..那已經是很好的事了...不是嗎?

所以我覺得如果有人忙童軍、忙返工、忙拍拖、忙雷利、忙其他事而少見了的話..其實也不是一件壞事..
反而
我會為大家有自己的目標而開心..........
為見證著大家的幸福而感動..

生活
只要有想做的事
想陪的人
平淡得來..
細膩就可以

>>May 30, 2005 at 5:30:34 PM GMT+8

2005 年 5 月 28 日 星期六 【晴】

今日超hea...
本身諗住去行山..但係又無人行(好似已經係幾個星期係咁?)
所以諗住約好耐無見的阮美出黎玩街~

點知佢話忍唔住要剪頭髮..原來我諗住去完旅行返黎先剪..但現在..唔理佢lu...ｄ錢．．唔理佢lu...

四點先出到佐敦．．．阮美剪短０左，不過又不是太短．．．
講起肥肥撞車．．．佢話唔知．．．
大家可以睇番我５月２０日的日記．．．
我本來同肥仔傾完好開心咁返屋企，返屋企途中仲狂煲本藏地牛皮書．．
點知一返到屋企收電肥肥個電話．．．話太大雨．．撞車了．．要賠錢．．沒法跟我去．．．
心
真的涼了一截(邊個０個晚叫肥肥開車０架．．我知你有睇０架．．嗚嗚）
不過．．我知肥肥係無心唔跟我去的．．．
或許．．呢個真係天意．．．
所以我都由他．．．算了．．．．．
真的還有機會嗎?
已經不要緊了吧．．．

整完同阮美去０左牛奶公司食０左個餐．．每次來也感到很幸福．．．
好開心
雖然不是傾了很多
但也很舒服
我地仲要一剪完撞到Victor..而家得番佢一個，個樣好似好慘咁．．．

其實我見到阮美每個星期日也有人在她身邊．．．
為她感到很幸福
很安穩～
有時得閒見下我地未得囉
呵～

>>May 30, 2005 at 5:51:02 PM GMT+8

2005 年 5 月 27 日 星期五 【晴】

二零零五年五月二十八日.....

又到五月二十八日...

於二零零三年的五月二十八日，原來我正在出發去緊SARS特平豬扮人家族之旅.....

二零零四年的五月二十八日，我身在長洲...同三個好朋友一齊感受下太平清醮後的殘骸...然後踩踩下單車，落起雨黎...夜晚返0左hall打牌之後送佢地返屋企......

今年的五月二十八日...很平靜地渡過

一早去了香港仔返工，然後返0左會放低d野俾永隆

睇番自己於二零零四年六月三日無啦啦夜晚貢返會寫的東西...當時的自己，好像對生活，對感情，對將來，也有很多無奈與迷惘....

再看今天的自己...生活很平靜..安穩...滿足...沒有太多要追求的東西

也沒有渴望想得到的事情...

我再也不想回到當時的自己...現在的生活很好，我再也不想經歷多一次那時每天起床．．．空白．．．無奈的感覺

從來也沒有得到甚麼，所以從來也沒有失去甚麼

一切好像又回到一年前的模樣

但一切又不是一年前的感覺

今天，哼起了這首歌

若這一束吊燈傾瀉下來 或者我 已不會存在
即使你不愛 亦不需要分開

若這一刻我竟嚴重痴呆 跟本不需要被愛
永遠在床上發夢 餘生都不會再悲哀

人總需要勇敢生存 我還是重新許願
例如學會 承受失戀
明年今日 別要再失眠 床褥都改變 如果有幸會面
或在同伴新婚的盛宴 惶惑地等待你出現
明年今日 未見你一年 誰捨得改變 離開你六十年
但願能認得出你的子女 臨別亦聽得到你講再見

在有生的瞬間能遇到你 竟花光所有運氣
到這日才發現 曾呼吸過空氣

記不起．．．

當晚有沒有跟你說再見．．．



希望下年的今年．．

會比今年去年前年的更快樂

>>May 30, 2005 at 5:39:05 PM GMT+8

2005 年 5 月 25 日 星期三 【晴】

今日係公司同細K 係MSN CHAT開...
原來佢今日同Sukey、sandy同kathy 去grant hyatt食甜品Buffet...
自己一直都好想食...
同埋之前同玲芝sukey都有講過一齊去食..
結果
我就唔知醜咁跟埋人地莊去食...
初初以為佢地女莊員之夜喇(我地莊...都無女莊員之夜 ，嗚~)
後來先知原來係佢地莊聚...只係d男仔全都無黎~
不過仲好啦，成班女仔又可以傾好多野

其實一直同佢地莊d女仔都幾傾得埋..
感覺上她們好多都成熟了..而且也有了自己的新世界..其實這樣幾好..
每一個人，都應該有屬於自己的一片新天地...
聽suley同sandy講返placement D野，好攪笑~
佢地又唔敢遲到..覺得好勁..比起我.. 一定會成日睡死
聽見sukey的未來大計..好羨慕...好有憧憬...加油呀，我想未必每一人也可以做到(起碼我唔係護士..同埋屋企都等我養..)
希望之後會見到充滿陽光的你~

我地幾個女仔，仲係八...哈~
我其實好耐無聽會d野...一來無興趣聽...二來亦覺聽來聽去..唔係邊個一齊就係邊個又散咁..好悶..
不過聽到個新野..感覺就係 ...啊...係呀..咁囉~
但係我地都有天南地北咩都傾...感覺都幾舒服，傾到十一點幾，竟然落大雨..而我係遮的...激死人

不過講番個甜品buffet..
我俾98分佢...真係幾好味同埋唔"流"
都係160蚊..你想下，食到個海景加四重奏...仲有酒店的超水準蛋糕..出面一件cake都要30-40蚊一件喇...
食夠四件你都回本...好好味..個拿破倫(我最愛)..newyork cheese cake(小孩最愛)..仲有個朱古力噴 泉, tiramisu, 仲有酒心朱古力( 同出面食0個d好流既一d都唔同), 仲有酒心雪糕..真係好正~
仲有金簿的cake同埋有燕窩的小杯甜品..你話正唔正..
hard sell 都係咁話

總之就係好開心~

>>May 31, 2005 at 6:09:06 PM GMT+8

2005 年 5 月 24 日 星期二 【晴】

今日好努力咁趕緊一份野，感到d靈感同衝勁都返0左黎..
好野
努力

今日又同d同事去惠康掃貨，佢地話我入0左黎做之後佢地就鐘意去買野食...shit..咁我未會越來越肥?
但係一齊係超級市場買野食個感覺好開心~

今日個同事播0左段佢地自己朋友仔拍的片
話說佢有對中學同學由初中開始拍拖..拍0左十年..
個男仔終於鼓起勇起同個女仔求婚
係段片入面..個男仔講番第一次相識的地方..
第一次拖手的地方
每一個一起過的節日及感覺...
仲要對住塊牆自言自語問自己點解無勇氣求婚..然後講句求未求囉咁..
好攪笑...
雖然攪笑..
但我都睇到好感動
如果我係個女主角...一定會喊(其實我睇0個時都有d眼濕濕..不過當然唔會俾同事知啦)
後來個同事話..呢段片係佢地成班同學聚餐(另一對同學結婚時)，hea緊時無咩咩播出黎，當然個女仔係唔知情啦)，我即刻問咁個女仔有無喊呀?佢話有呀
心想:我想十個有九個都會好喊啦，如果你真係鐘意佢既話...
除非你唔係好鐘意或者...感情好淡0個d啦
記得helen結婚時，佢同老公唱一生愛你一個都令我好感動...
令我想起雯雯info....愛情是一種了解，不是盲目的追求。婚姻是一種和諧，不是委屈將就
我覺得好0岩...
現在d人成日話..拍0左成年0架..都好長...
唔...
其實點解可以咁easy come easy go 的呢?
或者....我真的太老套，也不太了解愛情了..哈哈

今日放工肥妹少可地搵我出街(其實係佢要等wendy放九點半)
but anyway，為了這個可愛的朋友，我都會出去一齊行下既...
傾0左好多..你終於知道我都會企係你0個邊0架
哈哈
不過
惡魔的她竟然令我買了件衫...
我已經忍0左好耐手...
shit..

再夜d
去0左蓉蓉度玩，覺得大家都住青衣的感覺真好，可以隨時隨地上邊個屋企都得，又有糖水食...好開心~
走時同慧豬一齊行番屋企..一路唱夕陽無限好...
感覺真的好寫意~

呢首歌真係全香港勁唱..
今日食飯時，聽到個廚房佬勁唱...
笑死人


夕陽無限好 陳奕迅
林夕萬歲!!!
作曲:Eric Kwok
填詞：林夕

多經典的歌后　一剎眼已走
纏綿著青蔥的山丘　轉眼變蟻丘
這個剎那宇宙　拒絕永久
世事無常還是未看夠　還未看透

多好玩的東西　早晚會放低
從前並肩的好兄弟　可會撐到底
愛侶愛到一個地步　便另覓安慰
枉當初苦苦送禮　最艷的花萎　最後化爛泥

夕陽無限好　天色已黃昏
本想去憑愛　去換最燦爛一生
想不到長吻　帶來更永恆傷感
夕陽無限好　卻是近黃昏
高峰的快感　剎那失憾
風花雪月不肯等人　要獻便獻吻

多風光的海島　一秒變廢土
長存在心底的傾慕　可會夠細數
每秒每晚彷似大盜
偷走的青春一天天變老
只可追憶到　想追追不到

夕陽無限好　天色已黃昏
本想去憑愛　去換最燦爛一生
想不到長吻　帶來更永恆傷感
夕陽無限好　卻是近黃昏
高峰的快感　剎那失陷
風花雪月不肯等人　要獻便獻吻

好風景多的是　夕陽平常事
然而每天眼見的　永遠不相似


遊船河明明我早成差不多兩個月通知d莊員
佢地0個時好多人都話得0架..
做乜而家旅行既旅行
返工既返工
童軍既童軍
雷利既雷利

你地無口齒呀...
我唔開心>.<

>>May 25, 2005 at 6:14:39 PM GMT+8

2005 年 5 月 23 日 星期一 【晴】

今日朝早...
也是下雨的..近來的天氣很反常，不過最重要是下午會放晴..
這個時候聽著夕陽無限好
感覺好正~好輕鬆

今日返工好眼訓(都怪你成日咁夜訓)，同同事講開自己八點先起身(其實我係八點半先起身)，d同事都話我唔怪之得你遲到喇...唉
好巴閉咩..我都唔係成日遲~

今日下午同事send0左個野黎話個靚妹...中一二學人亂攪男女關係，結果佢就俾兩個男人玩完，我大埋肚就閃走0左...其實男人賤，個女仔都有責任...中一二就攪埋d咁既野..當年我地中一二時..好似只係白痴仔...所以話，唔想俾人呃...就唔可以咁容易怕寂寞~

6月5日個旅協船河遊唔知攪唔攪得成..打俾鄧小雞..佢竟然唔理，好彩打俾sukey都叫可以信賴d0者...不過...感覺上好似book唔切船咁...嚴大恩你去0左邊呀...唔係你攪既咩?做乜去北京>.<

今日放工同崔跑步...
後來約埋玉怡同埋慧豬同阿咕
幾個一齊去跑步好開心
因為好舒服又平價又可以見下面
好耐無見玉怡
佢話placement 倒數仲有26 日
下?點解咁多0架?好多人都係得番幾日0乍喎..
我幾時先可以同你去露營

不過玉怡今日送0左三份野俾我..好開心..多謝my angel~
今日收到消息..
Poly社工收了阿柯讀part time
真的為她感到高興
玉怡又讀書
阿柯又做學生了
真的很羨慕她們的人生
有目標
有方向
唔似自己咁
成日無所是事咁....

我也很想再做學生
學多野
有番d目標

>>May 24, 2005 at 5:39:49 PM GMT+8

2005 年 5 月 23 日 星期一 【晴】

今日...
朝早搭車時想起長洲的trip..
尤記得...
當年綑邊時
綑綑下小孩同我講:「Esther，我調0左去民殷喇..我地可以一齊住...」
我聽完後先醒起好似曾經講過話叫佢調過黎..
估唔到佢咁認真?

就係咁
我就同0左小孩媽媽住0左兩年喇
我知我個人好淪盡同"leifei"
但係小孩都無嫌棄我...
雖然後來佢識0左爸爸少返黎
但我都好珍惜同佢一齊住的時光
可以一齊打牌...買菜煮野食...仲有一齊睇電視同打掃...
還有深夜傾計
同踢肥妹返房訓...
一切..
猶在眼前

現在雖然少見
你又就快出黎做野
但仍然希望你開開心心
大個女..
要更識為他人設想才行
知嘛~

>>May 24, 2005 at 5:25:20 PM GMT+8

2005 年 5 月 22 日 星期日 【晴】

今朝出門口時落好大雨..可惡，不過放工時可以看到好靚既天空...
感覺真係幾好...
見d雲好自由自在咁飄...
真羨慕呢...
想起上年去0左一個月旅行，返到黎都好掛住香港的一切...
當時..
是感到能再次回到香港是多麼感人的一件事
然而枯燥的生活及現實
又再次磨蝕我對呢個地方的熱愛，其實可以留係香港，看一看d雲..
也是一件幸福的事...

如果大家去過西藏的話
不要拿d相對我曬命..
我會唔開心>.<
http://www.dreams-travel.com/jpxl/DR-XZ-rkz06.htm


不過
今日自己又想通了一些
明白了自己又多了一些..
明白自己需要甚麼
其實原來自己係想依賴
很想
一同看一看那個世界
不過
昨天終於明白
還是只有自己才是最能依靠的....
明白了自己渴望的事
還是靠自己努力實現到達那個地方的機會
不再依靠別人
不再期望結伴的人
所以現在的心情也好了一點~

呢排慳得多...
阮美send 0左個網黎
http://community.she.com/messageboard/index.cfm?bdid=11&topic_id=1389369
入面d人寫既方法我都差不多做曬...
帶飯..頭駛又唔捨得整，街又唔敢出，戲又無睇，衫都係得個睇字.....
搭車，梗加計住唔可以過海...
你話我..
真係住hall時的風流...現眼報...
或者其實呢d生活好平常
我唔應該係度嘈生曬...

為了紀念今次的感覺
所以記下這首歌

十個救火的少年

曲:黃耀明 詞:潘源良

在某午夜火警鐘聲響遍 城裏志願灌救部隊發現
集合在橋邊 十個決定去救火的少年 其中一位想起他少鍛鍊
實在是危險 報了名便算 另有別個勇敢的成員
為了要共愛侶一起更甜 靜悄靜悄 便決定轉身竄
又有為了母親的勸勉 在這社會最怕走得太前 罷了罷了
便歸家往後轉 十個決定去救火的少年 來到這段落
祇得七勇士 集合在橋邊 為了決定去救火的主見
其中三位竟終於反了臉 謾罵著離開 這生不願見
尚有共四個穩健成員 又有個願說卻不肯向前
在理論裡 沒法滅火跟煙 被撇下這三位成員
沒法去令這猛火不再燃 瞬息之間
葬身於這巨變 在這夜這猛火像燎原
大眾議論到這三位少年
就似在怨 用處沒有一點
在這夜這猛火像燎原
大眾議論到這三位少年 亂說亂說
愈說祇有愈遠 十減一得九 九減一得八
八減一的七 七減一得六

唉~
想去的話
一定可以再去...
唔知
自己幾時先可以唔洗錢有得去旅行呢?

>>May 23, 2005 at 4:57:54 PM GMT+8

2005 年 5 月 21 日 星期六 【晴】

今日天氣勁好
個天
好似一塊玻璃咁
藍到令人好想擁抱它.....

今日望住個天...
其實都唔係一定要去到西藏先可以見到咁靚既天空0者...
個夢想...
都係留番遲d先啦........

心情好差...
攪到陪小玲行街都好似無乜精神咁
同小玲行0左陣太子同旺角
今日小玲好似好開心咁
不停咁講野
同埋好有購買欲
但我
就無錢同佢一齊買
得個睇字真係好無癮....

今日肥仔同強仔john去泳綑...
綑完出0左黎旺角
見一見佢地
行0左個overlander就要返屋企食飯lu...
好彩仲有浪漫滿屋睇
好開心
終於大團員大結局....
以後睇唔到英宰同智恩嗌交
真係唔開心~
不過
睇完個結局
都好開心
yeah~
我要自己唔好唔開心~

>>May 22, 2005 at 6:17:11 PM GMT+8