2005 年 7 月 22 日 星期五 【晴】

今日真係大出血的一天
昨天晚上因為整旅協份稿，整到五點幾...
好耐無試過做野做到天光的感覺，頭...痛到爆.....不過睇番好多上莊時的相
又感到很滿足及溫暖

今日約了玉怡出街，自從她不用再返placement之後，亦都得閒了許多，我們已經很久沒有這樣一起悠閒地逛了....不過因為昨天太夜訓，結果我又遲到了(是藉口吧?)

陪她到深水步黃金買web cam，去了公和食，很懷念第一次來吃時的情景與感覺，但物是人非事事休，很多事已經成為歷史了，不知為何深水步會變成一個有回憶的地方，是我的記性太好了吧?

仍然喜歡吃這裡的豆腐花及煎釀豆卜......

然後再出戰旺角，買了很多東西呀>.<.........簡直可以用放血黎形容...
我唔想自己再洗咁多錢...

之後去了書展，join0左強仔買漁農處d書，我今年買0左本香港地貌及香港稀有植物，等我得閒研究下都好，始終，自己都係對Geo野有興趣，然後又買了李天命的書，再買0左本Mcmug相簿..行完都成十一點幾，很累呢....

今天，行過很多地方也勾起了很多不同的人的背影...
但我
心態已經完全不同了
是時候了嗎?

今天回家，聽到一個跟媽媽都幾熟的街坊姨姨無啦啦腦中風過身了......
真的感到很意外，最初還以為會沒事，但估不到兩天就....
人
真的脆弱得很
那個街坊
只剩下一個廿一歲的兒子
丈夫已經離婚了
那個兒子將來的生活
真的不敢想像
很害怕
有天媽媽也會這樣
沒有享過任何的福份
就這樣突然地離開了...........
很希望她自己多d錫自己的身體。

除此以外
我今天又再發現
如果有一個人永遠也不知道自己衰d乜
永遠俾藉口自己
那
我就由她這樣下去吧
當那個時候大家的關係在漸漸變化的時候
那個不可挽回的結果
可以令佢有所感悟嗎?
唉~

>>July 24, 2005 at 5:03:52 PM GMT+8

2005 年 7 月 21 日 星期四 【溫暖】

今日已經係星期五喇...
明天短週..
可以放假
我同公司班同事都好期待~
好攪笑
星期三時已經有人望住個日曆，然後話今個星期好似有得放短週喎(因為我地有野做時係連短週都會自動取消)，個個簡直唔敢相信，然後大家都好期待咁．．可能呢排忙少少．．．希望大家都多ｄ休息。

今日下午攪０左個遊學團的seminar...阿頭竟然話我化ｄ妝唔夠濃．．．所以今日就重手ｄ，感覺上自己好似歌姬般出現，ｄ同事個個都笑我，話睇唔慣。

不過今次自己一個人hold，個感覺幾好，一黎自己攪掂曬，唔駛煩人或者俾人煩～

然後返工時都係同ｄengineer一齊執野同埋吹下水．．．
呢種感覺幾好，起碼覺得同甘共苦同埋有ｄ team spirit的感覺

六點幾返到公司，仲有份廣告未設計．．．唔理佢lu
星期一先算～

我要勤力ｄ
唔可以咁懶訓～

星期日去玩風帆~
yeah~

明天去書展～開心．．．又一年一度的暑假節目呢～

夜晚同阿咕傾開計～
感覺上原來自己由中學到現在也改變了很多。
以前的我．．．好像比現在還有崛強多倍
但我想，現在的我好像好一點
是很多不同的人教我放下責任及信任別人一起分擔的重要～

感情或關係從來也是雙方的
一段關係要長久
是需要彼此的扶持及真心

從來人與人之間的距離
也是由心的洪溝來建立的
不知道不會看我日記的人會明白嗎?

>>July 22, 2005 at 6:51:05 PM GMT+8

2005 年 7 月 19 日 星期二 【晴】

今日我好無用....
竟然...
起唔到身...
結果就0左半日假係屋企訓覺..
我又真係可以訓到一點先起身，都唔知點解自己咁鐘意訓覺~

呢排唔知點解有點害怕返工....今日入公司時真的有點猶豫的感覺...
不過公司d人好遲先俾d野我，結果又做到七點幾先走~

近來好似覺得無乜人聽自己講野咁...
昨天跟莊員吃飯~
去了火間土..幾好味..特登選了一個可以坐得舒服d既地方食..不過大家好似無乜話題講的..
是我說的話太悶..或者...大家返工後都忙...忙....忙

難得的見面..誰又會講著自己辛苦的事 ?

但
真的希望在不同生活中努力的大家
會生活得快樂、幸福
如果大家願意的話
何時我也願意聽著大家說著自己的事
快樂的...悲傷的....沮喪的....興奮的....
因為
這樣才會讓我覺得更接近大家~

今日...
原來frankie同玉怡都找過我吃飯..
不過就是因為沒有開電話
所以不知道你們曾找過我

有你們在身邊的我
又何時孤獨過?

今天..
看了同事燒俾我的古巨基演唱會
估不到...個演唱會又過了一段很長的時間了

有首歌
雖然老套
但仍想送給活在不同生活的你們

下雨天 總掛念從前 球場上那可愛片段
突然又已一年 祈望再會面
舊朋友 就算心永未遙遠
但這刻渴望見 即使重聚再短
時光可變 世界可變 人情亦許多都變遷
友共情不變 那種真找不到缺點
你我再次相見 隨年和月 身心雖秏損
友共情從難扭轉 心內那熱暖
仍是純真未變

NOW AND THEN
THINK OF YOU AND ME
FOREVER FRIENDS FOREVER WE'LL BE
TIME IS CHANGIN' BUT NOTHING'S TO BE BLAMED
COS OUR HEART FOVEVER SING


真的很想...
不用理明天是否仍有工作
好好地跟大家無憂無慮地談一下.........
天南地北地
痛快的過一晚......

>>July 20, 2005 at 7:16:14 PM GMT+8

2005 年 7 月 17 日 星期日 【晴】

280 分..............竟然????

結果說明:

多數男性的分數會分佈在 0 ~180 分之間
多數女性的分數會分布在 150 ~ 300 分之間


分數高過 180 分的，就是很女性化的人
分數越高，大腦就越女性化
富有創意，有音樂藝術方面的天份
他們會憑直覺與感覺做決定，並擅長從很少的資訊判斷問題.

http://home.kimo.com.tw/u504053/fav/test/11.htm

>>July 18, 2005 at 6:02:00 PM GMT+8

2005 年 7 月 16 日 星期六 【清涼】

今日...
應該可以更美好的~

昨天七點上班...十一點同D同事食埋飯就返屋企
累得很
做了大半天跑腿...
隻腳原來刮到流血都唔知痛...
不過夜晚好開心，因為屋企所有人都返0左大陸，d莊員就話黎我屋企玩~
夜晚放工alex剛到..加埋住得好近的terry，後來強仔係青衣迷了路，佢竟然去0左長發同長康第一期...
仲有主席frankie同搭n241過來的嫂嫂
我地都係好似係hall咁，玩下主席私人珍藏的啤牌，吹下水，食下野，打下Winning就一晚，不過唔知係唔係因為自己太累，所以頂到五點幾已經訓..又起唔到身去行山...好無用...

結果強仔同frankie就同阿John去行大元石澗......我起身時發現今日好好風，仲有個陽光好靚，雖然有酷熱警告，但我好後悔無去溯澗hea下...今年，好似只係溯0左三次澗到>.<

今日無聊睇d老鬼既相簿...覺得人地成日都個個星期行山，而我...就快變城市人了...唉.....
frankie幾時攪完雷利陪我行山?
強仔幾時唔駛返工陪我行山?
肥仔幾時唔駛陪阿欣陪我行山?
阮美幾時唔駛上童軍course陪我行山?

唉~
都係衰懶訓

不過今日下午柯仔打來約我食飯，所以都好開心地可以跟阿柯見個面行下街，結果我地呢個組合當然會買好多野....大出血...我呢個月好似駛0左好多錢，罪孽心甚重....

明明有很多感受，以為有很多時間hea..結果一晚不停地做家務...做到一點先燙完明天上班的衫..
天呀.........
我有很多東西想說...有很多東西想做........

明天...
可以不早起上班嗎?
殺死我會乾脆點吧?

-------------------------------------------
最後
係度講聲...
阮美豬豬...
生日快樂~~~
祝你以後的日子
也會像現在的幸福~
永遠有人陪著你走埋下半生的路~^ ^~

>>July 20, 2005 at 7:10:47 PM GMT+8

2005 年 7 月 14 日 星期四 【晴】

今日又到星期五了...
一星期
是如此快地過
我好似每一天的開場白也是如此的~
shit

今朝又唔多想起身
搭的士返公司..
遇人不淑..
竟然貴過平時，仲要係同巴士差不多時間..真係頂佢個肺..
攪到我遲0左好多
仲要俾阿頭發現~

今日朝早陪了老闆及廣州的同事參觀我地d site
然後去了學校村..
原來學校村對面就係保良一中
打俾慧豬諗住搵佢食飯啦..
點知佢偷懶請0左假..仲話自己好多假未請..
頂
佢已經平時成日補眠
玩msn...
仲有四點半放工
又去埋旅行
然後我既假係用曬
遲到俾人扣錢
病無病假
然後佢話因為眼訓所以請0左半日假..
實在太幸福了
唉
我近來想真一點
竟然真的有點想做ｄ　hea　ｄ既工就算．．

聽日學校村李國章同李天命過黎講野同埋試視像教學
我地就幫教統局做IT support...
動用差不多整間公司既物資同人手
但我今天好似賓賓囉
學校村雖然唔算大
但著住高跟鞋四圍行你唔好話唔辛苦
不過我地班engineer仲辛苦
連飯都無得食
大陸黎的同事又慢兩拍
你唔好話唔激氣
見佢地咁慘．．．我都有幫手拎野食未俾佢地食．．當係種支持吧
最激氣的是老闆叫我買麥記俾ｄ同事食
我叫佢地兩個幫手拎(因為我買六個餐）
佢地竟然以等一個未黎既飯所以抽唔到身．．
shit
你地知唔知咩叫風度?
我雖然唔係拎唔到
但我心想如果我事旦一個莊員係度
佢地都一定唔會俾我自己拎
我是俾他們寵壞嗎?
唉
佢地後來仲要我幫佢地拎行李．．．
重過我平時行山拎０個ｄ
後來才發現．．原來入面有部desktop型的notebook..........真係．．．．激死我
去到阿頭見到我．．．我都有ｄ嬲．．有ｄ委屈的感覺．．起碼我唔會suppose我會係咁多男engineer，都無一個會得閒幫我手．．．唉．．不過好快又迫自己收拾心情．．因為始終出黎做野．．幾辛苦都應該笑．．．

做到八點．．．傾埋聽日ｄ野都九點．．阿頭請曬我地食飯，食埋傾埋返到屋企都成十一點幾十二點了．．但明天是七點公司等．．．>.<

－－－－－－－－－－－－－－－－－－－－－－－－－－－－－－－－－－－－－－－－－
近來看完了朋友仔的日記．．
她說自己已經心力交綷
跟朋友的距離越來越遠．．．
我也覺得出來做野之後跟大家的距離遠了
但我想
感情是不會那麼容易消逝的吧?
大家也是互相珍惜的朋友
為何要說出大家最好離我遠一點的話?
看見你這樣說．．．內心真的有點心痛
我看得見你曾附出，也在乎．．．
不要因為距離而影響了這一次相識的緣份吧．．．
因為大家已是由小時候就看著對方長大的
讓我們一起見證彼此的老去吧
好嗎?

-----------------------------------------------------------------------------
今日聽陳奕迅的冤氣．．歌詞竟然讓我有點感動..有一種平凡的幸福
而我
覺得最幸福的時候
就是朝早可以有你叫我起來的感覺


冤氣

作曲:廖偉鵬
填詞:林夕
編曲:劉志遠
監製:Jim Lee

在電話粥會會合你 喂你新衫我實在好奇
卻可惜 聽朝想早起 你說此刻肚餓到你
我說家中有便當趕到你家轉眼已晨曦

明明連名帶性是你 然而如何似愛著你
叫你情人知己兼心肝寶貝都不歡喜*

#喂喂 我這麼稱呼你
喂喂 我這麼喜歡你
每次 我喂你也有愛煞你滋味
我每次叫你名字仿彿都緊張得喘氣
暱稱方可親暱死你 慘得過歡喜這冤氣

喂喂 我不敢委屈你
喂喂 我不敢不寵你
奮鬥再奮鬥要有你與我天地
我也會故意頑劣引誘你不得不生氣
專登俾心機呵番你 慘得過我真的比較冤氣#

在電話粥再會合你
你說剛剛那便當夠味
我(目因)得 將雙眼撐起
喂你應該答謝救你
你說這可鍛鍊我不眠聊天增進我自己

專登俾心機呵番你 慘得過我真的比較冤氣

>>July 15, 2005 at 6:15:52 PM GMT+8

2005 年 7 月 10 日 星期日 【晴】

又一個星期了
昨天跟阿咕慧豬蓉蓉及玉怡去了浪茄beachbeach
我估不到她們第一次到來
下一次再帶你們行下香港更加多靚的地方
我曬到好黑.............

今日返工...
d同事竟然笑我似地盤佬>.<
唉

不過今日又係一星期的第一天
我的惰性使我又唔多願起身...

今日放工約下d莊員今個星期食飯
已經好耐無見大家了
大家的生活好似都過得幾好咁~
不俗不俗~

今日聽到個消息....
感到...
其實一個女人想依靠一個男人都不是一件那麼容易的事
你以為男人可以為你提供衣食胸膛
但你否想過
你在享受時
他也要求有一定的回報?
看到這樣的一件事
真的覺得
靠自己是最可靠的

之前看到一個專欄，一直很想記下，現在給大家參考一下
我覺得她也說得幾深入
一個人最脆弱的感覺

素黑　<<比嫉妒多一點的脆弱>> 2005年７月７日都市日報

治療客人問我:「讀你的文字，跟你現身談話，覺得你是個很清醒的人，我很好奇，在現實生活中，妳的理智和感情真的可以分得開嗎?」

我很冷靜，學習理智，包容感情，相互沒有牴觸，反而執著和迷失卻是雙生兒。

她說:「我以為自己很理性，明白愛不是擁有。可當他和另一個女人去wild camp時，我卻難禁失落和傷心。他批評我嫉妒，我卻覺得不是那樣的，卻說不清感受。」

向外走的，永遠看不到被留下的心理有多複雜和脆弱。原來把愛人遺下，會造成對愛人無法言喻、無形的傷害。「明明想跟他一起做的，結果他跟別人做了;希望能和最愛分享共同的經歷的幸福，結果他選擇了和別人經歷了，心裡酸溜溜，那不是嫉妒，就是不好受。」妳甚至容易自我貶值；為何他捨得離開我?我已不及別人了。我是可以被取代替。

我明白那是甚麼感覺，因為我也經歷過不少。這是正常的情緒反應，沒有錯，也不一定是小器，假如妳是懂得冷靜的人。別多怪自己，就讓自已的情感釋放，也是正面的情緒管理。

理性上明白愛就是自由，可感情上卻很難安撫自己。啊，原來自己並不是他心中獨一無二，不作他選的寶貝。我只能說，對，妳是可以被取替的，這從來是事實，不管對方有多愛你，不管你們的愛有多深，妳和他永遠還有其他無盡的選擇。因為愛以外，還有很多東西佔據了生命，尤其是吮吸能量的慾望。我們的思維( MIND )是主宰慾望的中心，是離愛很遠的星系。細心觀照，會發現我們每天活在愛內的時間很少，大部份時間和心神都被思維佔據了，影響情緒，貪戀太多。因此，愛、痛苦和迷失也可以並存。

感到被離棄、被背叛，當然可以是想佔有對方的結果，但還可以只是那種心酦的感覺，看到伴侣對另一個人好，心飄到對方處，以往一起做的事現在他和別人做了，心像空了一個洞。也許是嫉妒，但應該比這多一點，是很複雜的心理和怠覺。妳或許真的很愛他，可妳的感情怕承擔不起，很想跟他渡更多私密的時光。這是負面的貪念，也有正面的需要，因為深刻的感情需要花很多心神和時間培育，可轉眼又變成執著。都說用心愛一個人很不容易，需要花很多能量，同時甚至要花更多能量去理與生俱來或文化導生的諸多慾望，才能養活愛，令愛變得深刻，不怕分離。口說愛你多麼容易，以為有能力付出愛也不難，真正能感正面強大的愛卻非常困難，那是修行的路。

都說愛是修行。

感情和愛是不同的。感情的本質很脆弱，帶著七情六慾的負擔，所以容易受傷，也容易去傷害;愛卻很堅強，無欲無求，所以能孤獨和包容。難怪感情用事很容易，堅定去愛卻很難。

轉化感情，提升愛的個人層次，溶在愛的宇宙能量中，也昃解脫的其中一種方式，那就不再介意傷害不傷害，離棄不離棄了。




今日同肥仔傾開
才發現自己真的比較難跟別人說起自己的感愛和內心的感覺
或許
這是我的死穴吧．．．．
但我想
我相比於某些人
可能已經是不太嚴重的一群吧?

不過．．．
跟阿咕談了很多
才發現自己有那麼多的情緒負債沒有說過．．．
或許
我看自己的
跟你看我的
也不一樣．．．
但我想．．．．
我真的是一個不太堅強的人．．．．

以後的日子
應該要堅強一點了。

>>July 11, 2005 at 6:35:03 PM GMT+8

2005 年 7 月 8 日 星期五 【雨】

回來香港已經有一星期了...
說真的
有點不慣
不知為何
旅行時可以每天五點幾六點起身
但
現在就八點半也不願起來.......
我好懶呀.....

近來覺得自己真的好懶...
不論是上班
見朋友
攪活動
都懶得郁

唉...
看來
我真的相當融入藏民的生活了~

今天不用上班
可能訓個飽的
實在很舒服、開心

去四川時打爛副眼鏡
所以
今日阿咕就陪我去配眼鏡
好貴呀
驗眼時0個視光師仲要話我隻眼遲鈍
梗係平時隻眼睇得電腦多
太累......
嗚...........

難得星期六有得放
本來跟阿咕佢地去camp..
但最終
都因為太多原因所以去唔到
結果
就當係屋企休息吧
其實自己既休息應該好足夠丫
點解成日都仲係覺得咁累?

>>July 9, 2005 at 3:05:07 PM GMT+8

2005 年 7 月 3 日 星期日 【晴】

剛完了九天的四川之旅~
又
回到了香港這個煩囂的地方

今天上班也不在狀態
個腦好似成日唔多想諗野咁
連打字都唔係好識打
看來
我已經融入了藏民大自然的生活裡了~
真的很掛念塔公的天空及草原~

回到香港
真的有點想歸隱田園
實迷途其未遠
覺今是而昨非
不過
誰又可以放下香港一切的家人朋友去一個陌生的地方流浪 ?
我想我還沒有這個勇氣

今天上班
也在感嘆自己的問題

可能
這種感覺的存在
也是因為我的心
真的有點累
而且
亦有點想念遠方

但我知道
即使見面了
也只是如此

>>July 4, 2005 at 4:35:15 PM GMT+8

2005 年 6 月 23 日 星期四 【晴】

電話:

65238099

13143878099

一咭兩號
兩個電話都可以搵到我
好似send message或打去香港個no都係同打去香港電話一樣價錢~

掛住我既
可以搵我喎~
呵~

>>June 23, 2005 at 6:12:31 PM GMT+8