2004 年 11 月 6 日 星期六 【晴】

呢排我既睡眠症非常嚴重，今日訓到4點先彈起身…本來12點幾就想起身嫁喇，但係見到無電腦用，又無野做，咪繼續訓落去囉！嘿！點知仲訓得著咁勁姐…

唉…我d前途問題…好煩呀…得兩樣野我肯定…就係我除左呢條路之外就無選擇…第一我死都唔repeat…第二我唔想讀a-level。家陣我唯一可以做既係，畀心機讀好個course，儲定錢，因為我唔知讀完呢兩年會發生咩事，可能冇出路，可能繼續讀hd，hd之後又唔知發生咩事，可能香港無大學認可，可能要去外國讀…我最唔想既就係我屋企既情況要我出黎做野…其實我自己真係好想好想好想好想讀大學…不過，我屋企真係頂唔住既話，我都要出黎做野…

>>November 7, 2004 at 3:58:57 PM GMT+8

2004 年 11 月 5 日 星期五 【晴】

今日成8點先出門口……但係九點要到ive wor！！成8點半先係大學站，我同阿ling驚到爆炸，都唔知番唔番到去！點知又畀我地趕到bor！去到紅磡岩岩有車，見到即刻沖過去，我地一上完車就關門開車lu。落車之後又超急步咁番去，點知番到去仲見到d人企哂係度，激到我同阿ling丫，超唔据...！

marketing d mc易到爆，事實上睇過一次notes，略略明都識得做嫁喇！不過long question果度...哈哈，死唔哂，不過超唔滿意囉就....之後上bsa make-up，超開心超快上完。

之後成班人又hea左陣先一齊行去食野，大家點揀都揀唔到= ="，於是行到最尾見到大快活，一於就大快活囉…不過我上到去無食呀，一d都唔餓，但係我今日冇食過早餐嫁囉…都唔知發生咩事，而且陣間又搵joyce，於是先搵埋佢一齊食囉…

搵到joyce同derek(超鍾意呢個名…嘿)之後去左paris cafe食野，初頭覺得35蚊個餐超貴，不過食完之後覺得超抵！飽到想死…d decoration(係咪咁串嫁?)超靚，超愛~derek好介紹呀真係…但係之後我地去行街，我同joyce見到d衫都冇哂反應，又搞到derek好悶咁…於是行左一個鐘多d決定放棄，諗左勁耐之後做咩，最好既choice係睇戲，佢地想睇"驅麼人"，不過行左三間銅鑼灣既cinema都落哂畫…哈，於是hea hea下就決定走人…joyce同derek就繼續行

我走果陣諗住搵307一車番大埔嫁，但係我見5點幾，於是打畀兄弟，佢又岩岩放工wor，咁就緊係捉住佢一齊番大埔啦，於是又死死氣地又要坐mtr(超唔鍾意...)，又去番尖東站…搵佢一齊坐火車番大埔喇，傾傾下我同佢唔知咩事講到食飯，於是就話食飯喇wor，大家各自打完電話話唔番屋企食飯之後，我就話今日本來想去睇戲，點知搵唔到套戲冇睇，跟住佢又話"咁沙田啦，睇戲食埋飯啦"。果餐paris cafe既野飽到我食唔到夜晚果餐……之後就去左睇龍鳳鬥，普通姐…而且唔多明ending.....兄弟都唔明…哈哈!!

之後番大埔喇wor，又話去飲野喇wor(都唔知咩事咁多活動，不過我冇所謂，大家又少見)，哈，搞到差唔多11點先番黎……不過今日好開心，見到咁多fd~

嘿...佢講咩呢?我明最後果句嫁炸....小朋友既理解能力係差唔多嫁喇…我係傻瓜黎嫁嘛....

>>November 6, 2004 at 4:16:24 PM GMT+8

2004 年 11 月 4 日 星期四 【晴】

聽日test marketing......唉
大大獲喇!!!!

hee.....奸笑....

>>November 5, 2004 at 8:48:59 AM GMT+8

2004 年 11 月 1 日 星期一 【晴】

今日選SA喎，我揀左有heart d既2號仔，我見個會長咁畀心機咁，咪投畀佢囉！

個死人頭唔知死左去邊....哼...

>>November 2, 2004 at 3:07:46 PM GMT+8

2004 年 10 月 27 日 星期三 【晴】

"哈哈哈哈哈……"，ling，奸我都要笑嫁喇…哈！

聽日有得唱k喇!!!!very good丫>.<唔知tracy、雪同sprewell唱歌好無聽既呢?!哈哈!!!好期待！

陣間又出去打波，今次我會畀心機打嫁喇！不斷既練習就會有進步嫁喇>.
今日去食lunch之前，見到方力申封面既書，即刻買左！哈哈，好可愛，好得意，好靚仔丫！

我諗我就黎習慣隻耳既問題嫁喇....= =

>>October 28, 2004 at 8:28:46 AM GMT+8

2004 年 10 月 23 日 星期六 【晴】

唉…無野好講啦真係，我可以點姐…咪唯有同自己講，冇下次喇。當我怕左你喇

我唔識數野嫁...

隻耳時有事時冇事，唔鬼理…"炆"到爆啦已經

>>October 23, 2004 at 4:17:36 PM GMT+8

2004 年 10 月 16 日 星期六 【晴】

今日一起身又feel到隻耳又有事= ="，不過星期日無醫生睇，聽日都係睇下醫生好d.....

>>October 17, 2004 at 12:03:17 PM GMT+8

2004 年 10 月 9 日 星期六 【晴】

咦!!!勁想打排球呀!!!又勁想唱k呀!!!快d搵人陪我去呀= ="""

尋晚成5點先訓...係咁同阿慎傾計嘛...自己又夜番，所以講下講下先知囉！佢9號生日喎，我好想揀份野送畀佢嫁，不過又揀唔中，又唔知佢鍾意d乜(雖然我知我送咩佢都會開心，不過…如果送到d佢最鍾意既野先至好嫁嘛…唉，都係睇中先算lu…而且呢…11號又到左子詠生日喇喎！都唔知點算…佢又好似乜都有咁，都唔知送乜…唉…而且佢果日又唔多得閒咁…搵唔搵佢出黎都係一個問題…

>>October 10, 2004 at 1:58:32 PM GMT+8

2004 年 10 月 7 日 星期四 【晴】

一諗起今日d timetable就好想死囉....由8點半直落到4點半。今日約tracy同阿ling(我唔知約左= =")，冇遲反而早左，仲早埋上車添…= ="我仲得閒食早餐呢！好唔容易先頂到lunch，於是拉隊去食lunch。哈哈，成班朋友仔去食飯，幾開心^o^！

唉…今日我都唔知想點…

>>October 8, 2004 at 3:15:11 PM GMT+8

2004 年 10 月 5 日 星期二 【晴】

今朝又晨早六點幾爬起身番學，真係慘= ="(好彩無遲到姐)今日一連四堂都係lecture，除左IS之外，都悶到我差d訓著左…marketing唔會訓著，因為我同other同學生係咁鬧佢！都唔知識唔識教書嫁！講完果個英文(本身佢發音已經唔好嫁啦)，仲要唔解畀我地聽，都唔知咩意思！！總之3班既人都悶到死，無人聽得明佢up乜囉！

之後成大班人一齊食野and then去左銅鑼灣行街街，點知中途見到hugo同sprewell哥哥囉，之後咪跟大佬咁跟住佢地行囉。同成班人去左無印良行品囉，唔係阿hugo哥哥帶我地行，我都唔知原來果度利舞台囉……。行下阿豬又走，tracy同阿雪又話出mk喇，得番我地4條友，跟住就去左打機同埋影貼紙相囉。點知果個兩個男仔竟然唔打機嫁囉，呆哂…阿ling又撩我玩搖鼓喎！幾唔想玩呀(因為果兩個男仔係度…唔熟丫嘛…)。死sprewell又錄低左wor…幾過份= =！之後hugo哥哥趕住打羽毛球走先(我見佢成日打咁，搵日搵佢決戰先得…)，sprewell要等fd到5點半，咪陪我地行多一陣囉…(我覺得佢陪到悶嫁，不過唔好意思出聲咁姐…而且佢都要等)。結果阿ling都係無買到佢份生日禮物，我都無收獲，失敗！

anyway，同d同學仔又熟左，幾好~!!

>>October 6, 2004 at 1:19:17 PM GMT+8