2006 年 4 月 30 日 星期日 【晴】

今日同老陳&加加去唱K呀~~~

一起身洗完白白就去左銅記同佢地去CEO唱K Lunch, 嘩~~正呀, 勁唱JOEY D歌, very happy^o^

唱完之後三個人都未夠喉, 但係都走左去報名去旅行先, 老陳bring左我地去左一度好多旅行社架地方, 我地行左好耐都找唔到我地想要架團, 因為小may子好想去泰國玩呀, 但係無一個旅行社可以係我地放假架期間去喎...

到左最後我同加加就報左去中國架旅行團, 係去珠海呀, 有得浸溫泉, 都幾好, 但係就好似貴左少少, 要成$1,098!!!!!!

報完名之後我地三個人就去左繼續唱k....哈哈哈哈, 又係勁唱JOEY架時候喇~~~~~~~~

>>May 15, 2006 at 11:32:04 PM GMT+8

2006 年 4 月 29 日 星期六 【晴】

今日唔洗返工呀, great~

一訓就訓到點幾, 正呀~ 之後加加就黎左(其實係因為加加黎所以要醒) 睇完租返黎架碟碟之後同加加訓左一陣加加就返工工而我就留左係屋企度睇電視

睇到咁上下就返學, 今次學左豉油焗中蝦, 鬼馬炒牛肉同星洲炒米粉, 三道送我都好有興趣整呀, 睇黎真係要諗下要整乜野好喇~

>>April 30, 2006 at 12:20:11 AM GMT+8

2006 年 4 月 28 日 星期五 【雨】

公司盤點喇~~

今日返9:30喎, 所以見有時間就好慢慢咁返工, 但係原來係返9:20...遲到+.+ 今日盤點我個一part盤得好順利呀, 不過當中都有d小插曲, 就係係10點幾個時print架其中兩份報表, 係11點幾check返有無錯個時居然唔right, 嚇到我同我阿head立即係咁找點解會咁, 真係找唔到個時一打電話比台灣問, 原來佢地做緊testing, 真係想嚇死may子咩~.~

Lunch第一次同我阿head一齊食飯, 但係當然係比佢拉去架喇, 因為要加埋個台灣同事-.- 去左食小肥羊, 我個減肥計劃又失敗左喇=口=

夜晚突然好有興趣同媽媽傾計計喎, 但係一傾就傾到2點幾3點至訓, 今次架傾計架得益係, 可以同加加去旅行呀, 5月4到5月7, 期待期待非常期待呀>v<

>>April 30, 2006 at 12:24:54 AM GMT+8

2006 年 4 月 27 日 星期四 【乍寒還暖】

Lunch個時買左隻JOEY架CD, 呢一隻係我咁大個女第一次自己買架CD呀~~~

返學, 真係揀左整雞翼, 結果搞到成隻手都係d香料味, 但係整左出黎都好好味~~ 返學去左接加加放學, 買左一盒中中架朱古力手指餅比佢食, 唔知佢係唔係真係會一邊食個時一邊諗起我呢~

>>April 29, 2006 at 11:59:50 PM GMT+8

2006 年 4 月 26 日 星期三 【晴】

唔知點解, 最近好似食極都好似食唔飽咁, 肥左好多呀, 又係時候減肥喇, 但係今次唔知減唔減到呢~~~

返工個時搭地鐵諗住send massage比加加個時發現, 我隻心愛架龜龜鼠鼠同豬豬跌左呀, 勁唔開心, 今個月都唔知做乜先跌介指, 而家又跌龜龜鼠鼠同豬豬, 乜野鐘意同心愛架野都跌曬唔見曬...嗚嗚

>>April 29, 2006 at 11:48:27 PM GMT+8

2006 年 4 月 25 日 星期二 【晴】

今日台灣又派人黎喇, 一定要打醒十二分精醒做野至得>.<

今次黎架係一個男架又係商品部架人, 所以我都無咁緊張~~

夜晚學左風沙雞翼, 大良炒鮮奶同羅漢上素, 本來對大良炒鮮奶好有興趣架, 但係睇完師父試範之後又覺得好難, 又無想像之中咁好味, 仲要好油...有d失望呢~~ 個羅漢上素仲油, 所以我諗到實習個時我都係整雞翼好喇6v6

>>April 29, 2006 at 11:36:20 PM GMT+8

2006 年 4 月 24 日 星期一 【晴】

今日其實都無乜特別野發生, 不過呢~~~

夜晚加加黎左屋企玩, 之後係加加要走個時帶左pate散步, 但係原來加加係唔識得溜狗狗架, 係人家跑係前面等pate追跑個時, 個傻蕉居然扯住pate跑而唔係比pate拉住佢跑-.- 好彩我跑下跑下望返佢地姐, 如果唔係都唔知pate會比佢扯成點...隻蕉仲要跑得好開心 =.=...

>>April 29, 2006 at 11:28:06 PM GMT+8

2006 年 4 月 23 日 星期日 【溫暖】

又去左加加屋企玩~~

夜晚突然又行雷同閃電, 搞到訓得一D都唔好, too bad, 一合埋眼d閃雷就閃醒左我...電話架另一邊加加就訓到成隻豬咁...對比洗唔洗咁大呢?o?

>>April 29, 2006 at 12:32:28 AM GMT+8

2006 年 4 月 22 日 星期六 【晴】

今日激死may子喇, 第一次比人話我態度差>.<

今日又係要返OT, 同平時OT唔同架係, 今日要OT到去夜晚11點, 所以我無去到返學整唔到加加鐘意食架滑蛋~~

本來一直都好順利, 但係去到夜晚埋數個時, 因為夜晚係唔比人買野架再加上我已經埋左數關左帳, 所以有客問可唔可以買野個時我同鬼妹(我同佢留夜)都話唔得...有一個客佢咁咁同我講話如果關左帳架話佢就等第二日買, 咁我就好正常咁同佢講話已經關左帳, 佢都無乜野, 但係當佢收到個朋友話要買野個時就開始同我發脾四話做乜唔比佢買野, 態度一百八十度變曬, 自己所講架野都乜都唔記得曬, 真係吹漲+.+

當我好似同佢傾計咁講叫佢都要體諒我地(我同鬼妹都未食飯), 佢又勁發脾四咁話都要體諒上黎要買野架人...乜喎~~我地係乜呀, 唔洗食野呀, 你自己食飽飽就唔好話我地乜野喇, 自己都知夜晚唔出得貨同野已經關左帳就唔好係度發脾四喇~~ 都唔知點解而家D人可以咁橫不講理架, 仲要因為咁比佢投訴我態度差, 真係有無可能呀~~~

>>April 29, 2006 at 12:27:20 AM GMT+8

2006 年 4 月 21 日 星期五 【晴】

今日好驚驚呀><

晏晝去銀行喎, 行下行下有個男人stop左我問我neway點去, 同佢講完之後佢就伸手要握手, 咁我咪好禮貌咁同佢握手啦, 結果咁就死喇, 佢突然問我點稱呼(心諗奶野喇=口=) 咁就同佢講話要趕住去銀行, 但係佢捉住左我隻手縮唔到, 佢就好慢咁錫左我隻手手一啖, 我就乜都唔理fing走佢隻手跑出街街, 真係嚇死may子喇/_\ 走左出街街之後即刻打加加, 結果好似比人鬧左餐+.+ 嗚~嗚~我都係想有個人錫返我之嘛...

夜晚加加又難得咁主動話要去睇戲, 我地就走左去睇冰河世紀2, 入到去有好多架小朋友好嘈... 不過都幾好睇, 好過癮架係聽到有個小朋友係好緊張個一度喊左, 個爸爸就好無奈咁話無事架喇, 但係我同加加都係度笑緊>v<

>>April 22, 2006 at 8:24:27 PM GMT+8