2004 年 10 月 4 日 星期一 【晴】

同d 蟲蟲做左2個月朋友,佢地終於聽話喇
好野.....我可以開始我既bioassay
我今日plan左整個十月在ust 的工作...........
個個星期六都要返工.....
重陽節都要......
不過夾到一星期有返d half day off,都好~
今日仲搬左幾箱用具去ust,
呢次要成功呀~
要努力!努力!再努力!
快d做好個bioassay
快d返浸大~

>>October 6, 2004 at 12:20:50 PM GMT+8

2004 年 10 月 2 日 星期六 【晴】

好開心,今日同左mummy慶祝生日去飲茶
一家人星期日去飲茶
真係好難得架....因為次次屋企人都話我要返教會
所以我今日absent左開一次小組
我好鍾意每一個屋企人
daddy為屋企好辛勤咁工作
而家退休了...在家也很勤勞咁協助媽媽打理屋企
mummy呢...一向她都係十分盡責咁照顧我地
一日唔止3餐...因為我地唔同時間食既早午晚3餐佢都會煮
有時係唔同款式既...所以佢一日係煮好多餐...辛苦晒!
係食野方面,我同媽咪最岩key
所以有咩好野食,媽咪都鍾意搵我陪佢去食~
大家姐係一個小學既輔導老師
平時個人傻傻地...咩都算到最平最抵...但食野就好講究,而且要食好多食多先得
今個新學年,見到姐姐返工成日都ot..每朝都要6:15 起身..真係辛苦你喇
我孖生妹妹...雖然我同佢一樣大,但佢幾時係我心目中都係個妹
我同佢就最夾架喇,始終都係同步成長既
成日放工都會約埋一齊行一陣街,逛逛先返家
我地又會成日都好為食...但食完又嗌怕肥..哈哈哈
前2日同佢去天道逛
見到一d變色介子...佢好似好鍾意咁
我就買左一隻"喜樂"俾佢,一隻"忍耐"俾自己
我仲有一個細佬..今年讀hku space 既associate degree
佢個人好有自己性格,而我都好欣賞佢
亦都好錫佢,
但有時佢太有性格...令人好激氣~
我希望我每個家人都開開心心
身體健康而且生命可以有盼望既~

2004 年 10 月 1 日 星期五 【微冷】

今日又返左ust 既lab..
見到蟲蟲佢地settled 左
好開心...勁興奮~
要再努力....一定要成功~

天氣涼左好多
係ust 做lab,覺得ust 好靚,尤其係海邊好寧靜
但係卻就帶俾我一種孤單同寂寞既感覺~

3點返到屋企,等埋家姐放工先食lunch
夜晚難得同家姐,妹妹去行街街
因為daddy 同mummy去左睇大戲
很好丫...我覺得我地3個越來越似樣
哈哈哈
分別同佢地分享左天水圍既體驗
佢地都好支持我多d去探訪,好野...
佢地2個都係教育界既
一返學校既時間就好忙
所以星期六日要抖多d
你地要加油呀!!!

>>October 3, 2004 at 12:29:31 PM GMT+8

2004 年 9 月 25 日 星期六 【晴】

今日係沙田堂22週年堂慶既大日子
亦係震撼天水圍本地短宣之日
好感恩好感動
有好多提醒同鼓勵~
.....不要記念從前的事、也不要思想古時的事。看哪、我要作一件新事、如今要發現、你豈不知道麼?.....
是的,要向昨天說再見
要回想上帝在過去的作為
但不可再單單沈溺在回憶中
要觀看上帝新的作為

對於我黎講.........我好怕要我在人面前數算神年月係我身上既恩典
因為我次次都會喊到唔收聲
今日都唔例外.....
最令我感恩既係見到小組既復興同改變
組員們為我既祈禱
令我覺得一切在神國既努力
一點都唔徒然
並且...最受祝福同激勵既係我
感謝主~
要繼續為組員既生命祈禱
知道大家都有難關
你地要努力~

下午走進天水圍......
去了探訪家庭
伙拍偉真姐同天約堂既平姐
獲益良多,亦係一個好好既配搭~
探訪既係一個只有媽媽,哥哥同妹妹既家庭
爸爸5年前因病過世
知道呢件事對一家都有好大既打擊...要切切紀念他們呀!!
16歲既哥哥出左街
2個女仕同媽媽傾偈
我就走左入房
同14歲讀中一既妹妹傾偈
又同佢分享信仰
佢平時冇咩野做
鍾意星期六日去圖書館借小說睇
問到佢有冇聽過主耶穌基督
佢好好咁答我有...話我知佢係讀基督教小學的...都識得祈禱
再問佢有冇邊個同佢講主耶穌基督
佢話個個星期去圖書館都會有人同佢傳福音
我即刻有d驚....問佢係咩教會
佢拎左尋日收既單張同小冊子出黎
一睇..........係鍚安教會.......
魔鬼真係好勤力........好驚
即刻再問妹妹有冇跟佢地返教會
妹妹話打算下星期會返........
感謝主......讓我今日可以認識到她
讓我可以見到一個好想尋求主既靈魂
我梗係拉佢返出黎啦
同左妹妹講知唔知咩係錫安教
佢話叫人飲雙氧水果d,係唔好既
聽到再一次要感謝神........正當我擔心唔知點解釋錫安教唔好既時候
神就唔駛我講,妹妹原本係知道錫安教會係唔好既
咁我就介紹左天約堂俾佢
再同佢做左一次認罪決志既祈禱
見到妹妹好誠心既合十雙手,閉上雙眼
最後大大聲咁講阿們
我知道神既平安同同在係佢既心入面~ amen!!!
想送一些小禮物俾呢隻小羊...
發現自己原來冇預備到任何card仔
結果拎出左一張過往對自己有好意義既card仔
送俾妹妹...見到佢好開心咁接住
我知道一個被祝福既生命比起我留戀在呢張card既心
黎得更值得,更有意思.....而且........承今日既領受
我要不再思念從前既事....我要作新事
最後仲拎左佢既地址同電話
希望自己可以keep到同佢通訊
其實有d想一個月去探佢一次....
一黎係擔心佢返左其他唔好既教會
又想同佢對神都開放既媽媽傳福音
三黎係想為佢同哥哥補習英文
因為我見佢好俾心機咁做功課
但係佢話佢既英文追唔上
而且都擔心哥哥讀完中三就唔可以再升學....

但係........我有冇呢個時間呢?!
唔敢亂許承諾.....因為我呢期陪屋企人既時間都少左
好似做唔到咁多野
但相信有心做...在神裏係冇難成既事~

2004 年 9 月 23 日 星期四 【微冷】

今日如常咁去ust 既 coastal marine lab
照日子,今日d 蟲蟲應該可以試試settle 喇
1點既時候分別加左幾樣野
induce佢地settle
如果係好正常,最快果種induce method只需要1 hr
其他要4-5 hr
咁好啦,我就一於等等等,等佢地settle
走出去lab,係大個好靚既海
我坐低左係海邊既石階上
祈祈禱....唱唱詩
感覺好好!!

2點半返到lab.....竟然見佢地仲好活潑咁暢游...完全冇想停低settle 既感覺
我搵左個phd幫我睇佢地
個phd 答我....俾多1 hr 佢地la...佢地個樣都應該夠大settle
咁我就上左LG7行行啦
見到紅十字會既捐血流動隊
今日係最後一日於UST...就想用左d時間去捐血
因為上星期佢地o係浸大set counter果時我又過左去UST...miss左

點知一等....就等左1個hr 先見護士 for consultant
佢見到我4月去過緬甸
就話我一係一年之後先捐
一係就我捐既血
只會用serum唔會用我d blood cell
因為擔心我有感染到瘧疾
.....................大家緬甸隊員..........要留意喇~~~
但係我見都等左1hr...就捐啦
serum 都有用既
到我捐血既時候
姑娘同我講會拎走我350cc 既血
相等於十份之一既血咁上下
見住d血好深色,好快咁流出去
我有d被更新同埋拎走左一d老我既感覺
姑娘仲送左一份禮物俾我
因為我係生日既月份捐血
真係好開心

點知.....我捐完.....走去有野食果邊
就開始見暈喇....
有1-2秒係覺得眼前一黑既...
姑娘即刻扶左我去令一張sofa
訓一訓低
個腦上番血又ok wooo...唔見暈
再抖多一陣
姑娘幫我量埋血壓話ok
我先可以走
臨走之前,姑娘不斷問我有冇人陪我走
住得遠唔遠
仲拎左我手電號碼........

走返海邊既lab....
見到我d蟲蟲都仲係好生猛咁游水
真係灰晒.......
究竟你地想點呀..........

走既時候已經係8點幾喇
一路走...一路都覺得個人有d弱
返到屋企食d野....冇頭暈....但係個肚好想嘔...好似有d野頂住咁
岩岩收到紅十字會姑娘既電話打黎問候我
佢真係好好呀~

今日既心情.......好複雜~

2004 年 9 月 22 日 星期三 【微冷】

去ust做lab....有少少寄人籬下既感覺
還是努力做自己野
快快做完快快走
原先今日約好左源仔同鏗文係ust食tea
但係源仔突然有事返左屋企
就同鏗文2個撐枱腳喇
嘩....聽到佢既分享
覺得佢真係好鍾意唱歌
又好有心學樂器
而且好有敬拜神既心
十分好
你要加油呀,鏗文~

>>September 23, 2004 at 2:39:20 PM GMT+8

2004 年 9 月 19 日 星期日 【綿綿細雨】

身體唔舒服既朋友,請多休息
心情唔好既朋友,請更要多休息
讓自己找個地方抖抖氣
給自己多些空間
好好的想想
好好的對待自己~

2004 年 9 月 16 日 星期四 【酷熱】

我d虫虫仲係養得唔好
佢地夠大...但係又唔settled....
咁樣樣....我開始唔到實驗....唔得唔得
有見及此...
老細叫我一星期去ust 個coastal marine lab 度
跟人地學下點養
做唔成唔好返浸大
壓力.....壓力......壓力
就係咁....由今日開始我要去ust...
比返bu遠好多
個地頭又唔係好熟
用d咩apparatus 都好似要問人借咁.....唔自在...
但好彩果到既人都幾helpful
下星期我要努力...
我d 虫虫都要努力呀!
你地真係要聽聽話話呀~~

2004 年 9 月 13 日 星期一 【炎熱】

今日係lab忙左一日...
但係難得下午同班labmates 去左試staff can 既tea buffet
款式都ok...味道都唔錯
不愧我捱住唔食lunch到2:30
輕輕鬆鬆一邊傾偈,一邊食野
我同melody仲同左佢地講沙田堂..去緬甸既野等等
見佢地都幾有興趣聽woo
希望可以搵個機會
同佢地講下福音
班undergradu幾日之前已經約左我
book定位...話一定要試試呢個tea buffet
其實佢地上星期二都同左我去新校飲茶
慶祝我生日
佢地個個都好得意
又好鍾意我地個lab
大家都對個lab好有belongings
佢地成日都攪lab functions...好好玩
一知道我平時帶飯食
就即刻夾大家上堂既timetable
結果空出到星期二既lunch time
就約好逢星期二出去樂富,新校果邊食好野
真係令我覺得好warm~
今日除左幫阿仁 & mandy 試做prelim...因為佢地做左好多次
d results 都唔理想
仲協助woody 做 acid digestion
同佢講起我做final year project既時候
都係咁做acid digestion...d sample多到得人驚
聞返果陣acid 味..接filter paper...
加上走既時候已經7點..天都黑埋
一陣風吹黎...涼涼地...呢種感覺
真係好似我2年前
為我自己個project做生做死既時候咁
時間真係過得好快!

你地5個同我都要俾心機做lab 呀

2004 年 9 月 12 日 星期日 【晴】

d 普通話越來越難.......
個course 上左一大半...
進入最後一個phase...
係for 考國家評核試
但係我一d都唔覺自己既普通話係可以應付到呢個試...
我一定要考到呀..
唔係我果幾千蚊學費就涷過水
唔可以係持續進修基金到claim返.....
所以我要努力~
如果你地見到我用普通話同你地講野
請你地都禮貌地用返普通話同我講野
幫我練習練習~

>>September 13, 2004 at 2:51:17 PM GMT+8