2005 年 9 月 22 日 星期四 【陰】

恭喜紀豪搵到新工喇
組長, 你好叻呀!!!

昨晚的文軒小區組長組,很開心呀
從大家講笑講到咁事無忌憚
分享得比從前更深入
感覺是更熟絡、互相信任的關係
是我地每個人共同努力 & 拼合出來的景象
大家同意嗎?
我相信靠著上帝, 我們都可以做得更好
生命不斷有更新、長進

緊記文軒的教導及提醒
我們都要做個好執事呢

想起昨晚的ice break
大家分享成長幾個不同階段
還拿來各人的舊照
嘩.......嘩......嘩.......
笑死左, 大開眼界 @__@

>>September 24, 2005 at 3:46:38 AM GMT+8

2005 年 9 月 21 日 星期三 【陰】

呢排develop左一樣一上車就可以訓既skill
放工喜歡選擇乘182
在中環上車, 經灣仔
未出到銅鑼灣已經訓到中下中下
呢個係阿妹話我知的

有時feel 到個頭會撞向隔離塊玻璃窗
or 中去隔離位果個人
頓時開一開眼
見未到, 又即刻再訓過
到了大圍就醒了

試過搭地鐵
中環至旺角
甚至轉車由旺角返九龍塘短短幾個站
一樣照中....情況令我覺得好嚴重

從前我在車上係點都唔會訓架
最累都係閉目養養神

可能.....係我知道, 晚上還有各類活動要我用精神參與
可能.....真的需要好好地休息一下

>>September 24, 2005 at 3:45:18 AM GMT+8

2005 年 9 月 20 日 星期二 【酷熱】

要愛上星期一
呢個星期, 要叫自己愛上埋星期二、三、四....
星期六仲要返足一日工,緊接去竹居台聚會

開始懷疑星期一的全身按摩
攪左什麼出黎
成個膊頭, 手臂, 腰背
又痛又冤
d 火仲蔓延至....我隻牙肉腫左呀
加上返工呢幾日忙碌的工作
唉....

urgent 再搵音樂會的場地
令人覺得.......>_<
阿媽煲了野葛菜都墜唔到火呀

請見諒晚上沒有抽空出席cd製作會議

>>September 22, 2005 at 4:12:04 AM GMT+8

2005 年 9 月 19 日 星期一 【晴】

第十二餐生日飯
頭盤係<魔法嬌妻>
成套戲主力望著女主角個樣同身形
好fit 呀, woo…IFC也很好坐
謝日安的安排

渡海過了尖咀海運會合edith
主菜係舒服地在餐廳暢談
edith 真係好可愛啊~~~
日安小組、搵工都要加把勁呢!

甜品係漫步海旁回家

^o^

>>September 22, 2005 at 1:49:03 AM GMT+8

2005 年 9 月 18 日 星期日 【晴】

甘李生日北上尋歡同樂日
開心十分滿分有廿分!!

總結一下一天的行程: 十大之最(順時間敘)
最感恩 - 今年係小妹第一年同甘榮潔小姐同慶生日, 也是第一年與青三各組長慶祝!
最prof領隊 - 阿小由往羅湖火車上的briefing開始, 讓我地狂歡左多達十二小時!
最潮貼紙相 - 背景 + 分幾多割 + 搭腳掣拍攝 + 過膠片樣式 .., 好耐冇影喇, 好開心!
最爽足浴 - 可以一邊睇住龍咁威2, 笑到肚痛 ,一邊俾人按隻腳, 爽到爆呀!
最一般的全身按摩 - 同我地4個女仔按果d 姐姐仔, 唔係好夠力水!
(男士們果邊, 應該有另一番見解, 詳情參閱連日記)
最頭望望的書城 - wah, 好多書呀!!由於小妹唔多好睇書, 成程行書城的時間, 都係睇書名 + 望下同行者在那兒!
最grand 最舒服既mall - 外貌既似又一城又似奧海城, 但最正都係隔離d pub, 下次再北上的吸引力!
最豪食大陸晚餐 - <王子飯店>, 環境食物都好ok, 果隻時價咖哩蟹, 冒著敏感損咀都要食!
最襯我的生日禮物 - 呢句係modified from charles HO, 好靚的"貝姆"手鏈!
最funny的組合 - 是日9男女, 5男4女, 人數唔多唔少, 笑聲此起彼落, 多謝晒!

>>September 20, 2005 at 9:00:49 AM GMT+8

2005 年 9 月 17 日 星期六 【乍寒還暖】

沙田堂23週年堂慶崇拜
嘩, 有好多人呀, 好犀利呀!

在台上跟隊員化成七彩
竭力地用心靈誠實敬拜主
喜見台下每個弟兄姊妹的面孔
很有力、很跳躍、很美麗
謝謝上帝給我看到這美妙的圖畫

大部分組員們坐在一起
散落的, 我也搵到你地呢
今日有10組員同慶教會生日
當後來知道大家肯定地站起來
回應牧師明年分立的挑戰
wah....很感動呢
組員們, 加油呀!

回家累得昏睡個半鐘
吃過飯
跟家人共渡中秋佳節

各位, 中秋節快樂!

>>September 18, 2005 at 1:03:35 PM GMT+8

2005 年 9 月 16 日 星期五 【雨】

可以一訓到11點, 真係好
下午返教會練詩前有敬拜隊的祈禱會

其實我真的明白大家為各事忙碌
有時未能抽空出席
只是.....通知一聲也不用我獨個兒在教會呆等呢
不是第一次的事了 >~<
幸好, 捉住了釵釵、智衡及通勝陪我

我不是生大家氣
只想可以溝通得更好

練了獻詩、緬文歌、堂慶崇拜歌
唱唱唱, 好興奮呀
最鍾意都係大家最後圍著鋼琴時....
係一team 人的感覺

唱了一晚,越來越覺得自己不是唱的人
又不能彈.....
聽埋琪的一番話
那我在敬拜隊的角色是什麼呢?
上帝要我在這裡發揮什麼呢?

>>September 18, 2005 at 12:39:15 PM GMT+8

2005 年 9 月 15 日 星期四 【晴】

愛一個人
是要用他認為最好的方式去愛他


在爸媽眼中的乖乖女
一般是常常能回家吃飯的
幸好, 我爸媽是非一般的 ^_*

>>September 16, 2005 at 8:02:02 AM GMT+8

2005 年 9 月 14 日 星期三 【酷熱】

抗逆力的十二個素質
1. 健康的自我形象
2. 有獨立的思想和行動的能力, 但又不怕向人求助
3. 有良好的支持系統和傾訴對象
4. 有高度的自律和責任感
5. 對新事物開放、容易吸收
6. 敢於夢想
7. 有多樣的興趣
8. 有幽默感
9. 了解自己和別人的情緒, 並能作出合宜的表達
10. 認識及懂得發揮自己才幹
11. 能忍受不快
12. 對生命有熱誠, 有一套了解人生的哲學

你有幾多樣呀?

討論了生命成長的原則、成長指標
小組式的裝備站
很有大學上tutor的feel
很多啟發....

思想自己生命的成長
轉捩點是那件事......

如何尋找成長的契機?!
人多是怕改變、怕離開安舒環境、怕要付代價負責任....

在經歷患難中
成長就更快、性格更被雕琢
但怎樣將患難呢個"危"為成長的"機"呢....

仍在成長過程中
其實很想離開
還有什麼要學呢

阿爸,父啊
呢個苦杯幾時可以撒去
然而,不要從我的意思,只要從你的意思。

>>September 16, 2005 at 9:42:51 AM GMT+8

2005 年 9 月 13 日 星期二 【晴】

今日同事請食大班冰皮月餅
好好味呀, 最愛係芝麻綠荳蓉

放工跟阿妹逛逛新城市
等哥哥食飯
好想換左部手機呀........
8點3, 終於見到哥哥喇

第十餐生日飯食左雲南嗔家菜
d 米線真係幾好味
一貫自信、風趣幽默
又很會說話的哥哥
真的令我同阿妹都笑逐顏開

返shift 的工, 真的要人命
哥哥你有時間要抖多d呀
帶飯食啦, 健康d呀

今次上唔到我地屋企飲湯
不如下次我地上返你屋企玩丫

>>September 14, 2005 at 3:58:28 PM GMT+8