2004 年 12 月 23 日 星期四 【晴】

《高俊》第353期
唔知點解每次返到屋企，都可以提起精神寫日記，真係有d奇怪。

終於完0左個camp啦！真係好累啊！
我覺得今次0既camp十分之成功，而且我睇到d同學女都十分之投入成個活動。
勁！真光女書院的同學果然係唔同d呀下！
每個同學仔都好勇敢，唔怕困難，挑戰自己。我好欣賞您0地呀！
其中有位同學女因為唔小心燙傷食指同指公，好痛呀……
咁我同Garfield一齊去處理佢囉！不過可能我太大力啦，整到佢更加痛。
唔……真係一d都唔溫柔！咁粗魯0既！高Sir。

到左第二日，我同大佬財入去個湖度set 飛河，我覺得自己都set得好有信心。
係好smooth果隻！之後同大佬傾計，佢都同我講左好多工作上我仍需要改善的地方。
好啦！完晒所有program，返到中心，settled所有野之後，就同大佬財、Grace、袁豪食飯。
行去榮發之前，大佬財讚我個飛河set得好，又話﹕「係咪我上次鬧完你之後，你覺得有壓力呀？」咁我就話啦﹕「如果要比您鬧先知要改善，咁就我唔醒目啦。」

講真！就三年啦，關於攀石的高危歷奇活動的遊戲已經學過好多，如果唔識set就好論盡！
不過我呢個所謂一、二級的運動攀登，都係識係d唔識d，哈哈……

Grace…Sorry呀，係我小器0既！

大男人…要學下風度同氣量！

>>December 23, 2004 at 5:09:57 PM GMT+8

2004 年 12 月 19 日 星期日 【晴】

《高俊》第352期

究竟甚麼叫"緣份"呢？！是上天刻意安排，抑或真的只是巧合？

緣份，真的很奇妙，奇妙得令人摸不著頭腦。古人說，無怨不成夫妻，無仇不成父子，估勿論感情是好是壞，其實有幸能成為夫妻、父子、兄弟姊妹、以及所有親戚，相信也是上天作出的安排，總算是種緣份。

還有我們認識的每一位朋友，不管是朋友介紹、讀夜校認識、在虛擬的電腦網絡世界碰上、或是通過電話誤打誤撞而遇上，怎樣也好，都是一種緣份。所以，我認為朋友之間就算曾經有過任何誤會、怨恨、吵鬧，都不應放在心裡太久，更不應為了一些小事而絕交，你可能從此不會再見這人，更不會記得對方的容貌，但這又何必呢？！因為始終是有緣才能相聚相遇，就算曾經遭遇到別人的"虧待"，也不要緊，這可能是你的福氣，因為沒有了他/她，你就不會清楚明白甚麼叫做"虧待"。

我們每天總會在街上碰上很多人，雖然只是擦身而過，有時連對方的樣子是怎樣也趕不及望一眼，基本上是不值一提，要提也不大清楚可以提些甚麼。可是在茫茫人海中，也能在一條不足十呎寬的街上擦身而過，大家有否想過這也是一種緣份？

以後在街上碰上擦身而過的人，不防用善意的眼光去望一望對方的容貌，嘗試將他/她印在腦中，因為從此之後，你未必再有緣份能夠與對方碰上。


一首最近經常聽的正歌﹕

(男)沒有一聲再見 沒有半聲嗟怨
淡淡去但無言 過去終於過去
留下了當初一切在懷念
(女)每段美好的片段 腦海一再閃現
是否能證實曾與他有緣
(男)在困苦中百轉 但結果在眼前
事實證實無緣 我已不敢再說
來日可相見
(合)你我相隔多麼遠
那年那天可相見 那處竟可會改變

>>December 19, 2004 at 6:15:23 PM GMT+8

2004 年 12 月 17 日 星期五 【晴】

《高俊》第351期
今晚係機構聚餐，唔經唔覺已經係第三次參加今次的聚餐。
意味著過多半年就係我在楊震工作三年的日子了。

今年的歌唱比賽又"林"莊，我同賢賢又得到合唱冠軍；而大佬財病住都有個獨唱冠軍。
勁！！！

不過今年過得平淡少少，可能多左d新同事啦，總要比佢地適應一下Yang的氣氛0既！


在此總結過去兩年的工作上的得著及需要改善的地方。
1. 未盡全力﹕因為自己有太多工餘事務，未有好好分配時間。
2. 反思能力需要進步﹕應該好好掌握何謂"Start where the clients' is"
深入了解他們的需要，並對症下藥。
3. 需要全面的Planning﹕唔需多講啦！
4. 工作上的信心相對地進步﹕因為得到了工作經驗，係時候做d經驗整理，
讓專業上有更大的長進。

差不多三年啦，這是首個三年，亦係最後的三年。之後打算進修，
希望Full-time收我啦！不過都會一邊讀、一邊工作。(期望)

希望趕係05年尾之前加入警隊。

補充昨日的香港頭四名﹕應該係輕量級的頭四名。
如果唔係就好勁ga la……想比人串咩！

>>December 17, 2004 at 5:12:35 PM GMT+8

2004 年 12 月 16 日 星期四 【晴】

《高俊》第350期
胸口好痛！因為So Sir拳腳都十分到肉，
但我知道自己的練習未夠勤力！

如果唔比多d心機，咁點考警察、點樣打奧運？
So Sir當年都要付出十分多的努力，先至可以打世界賽，
而我呢？香港的頭四名都入唔到！

比心機！唔可以放棄！

>>December 16, 2004 at 5:22:00 PM GMT+8

2004 年 12 月 15 日 星期三 【晴】

《高俊》第349期
今日開Team Meeting，有好多開心的事分享。
不過遠在西班牙的大佬財精神上存在係我地當中。Miss u^^……
好鬼抵死的部門主管陳志Tao先生就坐左係我隔離，成日晒命，
講佢同佢老婆點好點好！唉！好煩呀！不過我睇得出您好愛您老婆0既！

之後呢！我拎左Grace部Palm 0黎玩，佢條友扮晒野係度話我，之後拎走左部
palm自己玩！死仔！

仲要係度翻舊賬，一年前見到我同個女仔係尖沙咀行街，話自己平時同老婆出街，
都有時會見到d同事拍拖，攪到我比人串！死仔！不過都係過去式啦！

臨近尾聲，講到楊震入面的同事，需要多跨team合作，力求服務創新。
大家同事都有唔同意見……

而我反問，係咪跨隊合作就一定會服務創新？
點解唔係呢個時候，清楚機構的定位，鞏固基礎，之後先去發展新的服務呢？

我覺得唔可以盲從，而係用自己的頭腦，殺出香港社會服務界的一條血路出0黎！

>>December 15, 2004 at 6:18:12 PM GMT+8

2004 年 12 月 11 日 星期六 【晴】

《高俊》第348期
嘩！今日同阿Ling出去講Talk，有喜有悲，百感交雜！
喜0既係見返Imran，原來佢係民政署的種族關係組工作，真係為佢開心！
而且完左個talk，就行左一陣，傾左好多野，0黎緊會約埋一齊行山tim。正！^^

悲0既係個talk就講得差啦，好明顯英文係好唔得啦！
仲話做南亞工作，睇0黎除左要improve自己英文之外，而且都要
去惡補一下成個香港的社會服務的概念先得啦！

加油啦！

返到屋企，同Coolye傾左陣icq。
"放心啦！冇事既。"
祝您媽咪早日康復。

之後就落街跑步，踢甲，
係公園旁的燈柱練習，引黎幾個小朋友圍觀。唉，鬼叫球場度比人趕咩？
而d小朋友都有學跆拳道，之後又問我呢樣、問我果樣。
不過d小朋友都好可愛0既！

有個小朋友問我隻腳會唔會好痛，我就話初學時都好痛ga，
不過耐左就冇咁痛囉！
我就同佢地講，
凡事都需要好大的付出，先至會有收穫，但收穫只是Bouns，
我0地求既係自己付出過幾多！

因為……我愛跆拳道！

>>December 12, 2004 at 4:14:12 PM GMT+8

2004 年 12 月 9 日 星期四 【晴】

《高俊》第347期
要考警察就快啦！唔好再拖……
因為，人一生中有四樣東西一去不再收得回來……

說出去的話

射出去的箭

已逝的光陰

錯過的機會


最後兩句係最大的提醒。

>>December 10, 2004 at 4:03:15 PM GMT+8

2004 年 12 月 9 日 星期四 【晴】

《高俊》第346期
種瓜得瓜，種豆得豆，你讓你的孩子充滿著什麼價值觀來成長呢？

成長在批評中的孩子，學會責難；

成長在敵意中的孩子，學會爭鬥；

成長在嘲諷中的孩子，易於畏縮；

成長在羞辱中的孩子，易於內疚；

成長在寬容中的孩子，學會忍耐；

成長在激勵中的孩子，充滿信心；

成長在讚美中的孩子，學會欣賞；

成長在公平中的孩子，學會正義；

成長在肯定中的孩子，學會信任；

成長在讚許中的孩子，學會自愛；

成長在接納及友誼中的孩子，

會在世界上追尋愛心。


我希望我將來的孩子會在愛中成長！

>>December 10, 2004 at 3:07:35 PM GMT+8

2004 年 12 月 8 日 星期三 【颳風】

《高俊》第345期
個嘉年華終於都完左啦！辛苦晒咁多位同事！
多謝Lucinda，最近同您合作都好開心！
希望您開心的放AL。
多謝所有支援同事。

不過個跆拳表演都唔太理想，可能人不太多啦。算啦，身為一個黑帶，
居然失0左手！踢唔爆最後一塊板，努力啦……唯有。


Lucinda放假，0黎緊就要擔起署理Sub-team Leader的工作，
不過都係提d支援同事要交Time log呢。^^

>>December 8, 2004 at 6:16:26 PM GMT+8

2004 年 12 月 7 日 星期二 【晴】

《高俊》第344期

「反省你今天所擁有」，作者是哥倫比亞高中生，和讀者分享：

這個世代的吊詭是，
我們有更宏大的華廈，更急躁的脾氣；
更寬闊的路，更狹窄的觀點；
我們花錢更多，但擁有更少；
我們有更大的屋，更細的家；
更多方便，更少時間；
我們有更多知識，更少判斷力；
更多專家，但更多的問題；
更多藥物，更少健康；

我們說得太多，愛得太少，怨得太深；
我們學懂了怎樣謀生，卻不懂得怎樣生活；
我們登陸了月球，卻不願過對面街認識新鄰居；
我們潔淨了空氣，污染了靈魂；
我們征服了外太空，但變成（內太空）；
我們破解了原子，但沒有破解成見；
我們有更高的薪水，但更低的士氣；

我們生產量多，質少；
這是高頭大馬，但心胸狹窄的年代；
利潤高，關係淺；
眼見世界和平，內戰頻仍；
更多閒暇，更少歡愉；
更多食物，更少營養；

這時代興公一份婆一份，但更興離婚；
時尚雅緻的屋，破碎的家；

要以恩慈相待，存憐憫的心，彼此饒恕，正如神在基督裏
饒恕了你們一樣。

>>December 7, 2004 at 7:05:55 PM GMT+8