2006 年 9 月 1 日 星期五 【晴】

3/9/2006 sun 9:07pm

呢日玩左一整天呀！！
朝早同芝蛋華ｅｖａ去左ｍｋ唱ｋ
係唱到顛晒呀！
芝同蛋成日揀埋ｄ國語歌呀　我地都唔識！！
唱到１點半就ｃｕｔ歌喇！

之後就行新之城同旺中
一開始都驚時間會好長　所以會好難捱
但係當女仔一ｓｈｏｐｐｉｎｇ既時候就．．．
哈哈哈！～　時間好快就過了～～
我仲買左３件衫添

差唔多７點就上左一間ｃａｆｅ
食野＋傾計～
ｕｍｕｍｕｍ～～～ｇｏｏｄ～
下次可以試下第２間啊～～
傾左成晚～１２點幾先返到ｈｏｍｅ呢～

>>September 3, 2006 at 3:14:15 PM GMT+8

2006 年 8 月 31 日 星期四 【晴】

1/9/2006 fri 7:30pm

今日９月１日　係開學天～
但係唔關我事啊
我４號先開學禮
１１點幾起身　冇野做＝０＝
睇下電視
用下電腦
之後搞ｒａｉｎｂｏｗｓ　ｄ野
感到煩惱．．．．．
忍唔住咁樣落去　就去聯絡下佢地
約會呢ｄ野真係好煩．．．　但係都要做．．．
問下價錢問下大家意願問問問問問．．．
勁唔鐘意做聯絡
傾傾下　變左同阿芝分享　哈
近幾日真係好煩
好多煩惱呀！！！！！！！
不論係學業同教會
唉　我唔想諗　我咩都唔想諗
畀條生路黎行下好冇？

ｐ．ｓ．蛋蛋阿芝生日快樂啊～！！

>>September 1, 2006 at 11:42:29 AM GMT+8

2006 年 8 月 30 日 星期三 【晴】

31/8/2006 thu 10:16pm

ｈｅｙｈｅｙ～
由尋日出ｃａｍｐ開始講啦～

出左ｃａｍｐ　坐小巴同火車返ｈｏｍｅ
坐小巴既時候勁同ｓｈｅｒｒｙ分享
差ｄ講到喉嚨痛．．．
另外身體真係好支力呀～～
ｏ係火車度訓著左ｌｕ～

３點幾返到ｈｏｍｅ
即刻拎晒ｄ野出黎洗
同埋洗埋個書包　因為好驚有蟻
爸爸話：「咁勤力既？」
平時我一返到ｈｏｍｅ一定唔會即刻執野的
但今次係即刻即刻執晒ｄ野
仲要洗埋　太勁～～～
我自己都嚇左一跳～～～　哈哈～～

身體真係好支力　但係冇得訓住
因為即日約左阿芝去左傾宣傳ｄ野
５點去到麥當當
見到ｅａｓｏｎ衛蘭軟硬天師ｏ係度拍廣告
我唔太興奮　因為我都冇得同佢地影相
睇左一陣　就走了～
去左校牧室傾～　傾到７點～
傾完第１次宣傳既野了～
ｔｈａｎｋｓ　ｇｏｄ！

再帶住疲倦既身驅返ｈｏｍｅ
都冇得訓．．．　因為就食飯了
ｏ係ｓｏｆａ死下死下咁
食完飯　去ｓｙ個網睇返學個時間表啦
我要返晒５日呀．．．
星期５返第１，２堂　之後就冇了．．．．
希望可以調時間啦．．．
仲有唔知點解有科係ｈｉｓｔ囉．．．　勁唔鐘意．．．．
睇睇下　個人真係頂唔順
白白完１０點幾就訓覺ｌｕ

今朝７點幾起身　要返包裝．．．
我仲未訓夠呀！！！！！！！
ｏ係ｓｏｆａ度發住夢咁食早餐
媽媽話：不如唔好返工啦
我諗諗下　都係唔返了　上床再訓過　哈哈！
因為份工返唔返埋今日都冇咩所謂的
所以就繼續訓啦～　到１點先起身

下午冇咩野做
ｈｅａｈｅａｈｅａ
打左個勁長既ｃａｍｐ日記
之後就打返宣傳ｄ野
之後就開始整我個ｃｏｎｔａｃｔ　ｌｉｓｔ喇
我想將我識既人既聯絡方法寫低呀～
留返個ｂａｃｋｕｐ都好啊～
整左２個鐘．．．　都係只係整左教會ｏ個ｐａｒｔ咋．．．
整到對眼好支力呀～
聽日繼續整～


ｔｏ：阿晃
我都好感謝神帶我入呢個ｃａｍｐ～
好開心呢～

ｔｏ：瑞芹
係呀！　真係好難食～
我返到ｈｏｍｅ同我細妹講
佢都話佢入過去呢個ｓｉｔｅ
同我一樣覺得ｄ野咁難食！

>>August 31, 2006 at 3:35:42 PM GMT+8

2006 年 8 月 29 日 星期二 【晴】

31/8/2006 thu 1:14pm

終於有時間有體力有精神去打日記喇～～

呢３日（２８～３０號）入左ｃａｍｐ呀～
個ｃａｍｐ係樹仁團契搞既～

２８號
ＡＭ１０：００
同同組既人ｏ係鑽石山集合
我地去左麥當當整組飾
我地整左團火呢～～
顏色好ｓｈａｒｐ～　好突出的～
整左都幾耐的～　之後去左食ｌｕｎｃｈ
再去百佳買零食～～

ＰＭ２：３０
坐完巴士入到西貢戶外康樂中心
呢個地方對上一次去都係小６畢業營　好耐啊
入到去　首先就介紹返自己既組名　口號
我地組叫ＧＩＶＥ　ＭＥ　ＦＩＲＥ！
之後就玩一連串遊戲啊
解手　解左幾次都解唔到呀
明明傳到電的　但係真係唔知點解會解唔到
搵返自己電話
連返ｄ成語既頭同尾
轉報紙　呢個ｇａｍｅ我地第１呢～
坐大脾圍圈圈
玩人技　阿ｙａｎ好勁呀！

ＰＭ６：００
食ｄｉｎｎｅｒ　ｄ野好難食！

ＰＭ７：００
玩ｍｉｓｓｉｏｎ
我地玩既第１個ｍｉｓｓｉｏｎ係入一個黑房搵半支火柴
ｏ係過程當中　做左一ｄ唔畀做既野
主持就會叫停　而我地成日畀人叫停＝０＝
但到最後都搵到～　ｙｅａｈ～
第２個ｍｉｓｓｉｏｎ係玩ｃｈｅｃｋ　ｐｏｉｎｔ
除左兩個組員　其他人都要蒙眼
黑柴同ｃｙｒｉｌ帶得好好　又安全～
最後我地第１組返到去呢～
第３個ｍｉｓｓｉｏｎ就係搵返自己既組員
我地派左組爸熊貓去做人質
我地搵左好耐呢　最後１７分鐘就搵返佢了～
到我地做脅持人
去左一個草叢中　好多蚊呢～

ＰＭ１０：ＸＸ
玩完就返房　白白～
真係玩到成身汗呢．．．
熱死人啊～

２９號
ＡＭ１２：００
小組開組　唱唱詩歌　分享一下～

ＡＭ２：００
訓覺
ＡＭ７：３０
起身
ＡＭ８：００
食早餐　ｄ通粉超難食　不能忍受
阿華田　都係好難飲＝０＝

ＡＭ９：００
敬拜

ＡＭ９：３０
ｏ係西貢市中心玩ｃｈｅｃｋ　ｐｏｉｎｔ
好熱．．．．．．．
我地班女仔跟住ｄ男仔行
男仔負責帶路　女仔就諗點整個祭壇
行行行影相影相　買野整祭壇
我地仲走圍執垃圾添～

ＰＭ３：２５
返番ｃａｍｐ　ｓｉｔｅ
整祭壇呀　同埋要諗點ｐｒｅｓｅｎｔ
整整下　黑柴噴鼻血
可能係ｄ薯條．．．　真對唔住．．．
最後都整好個祭壇了
之後仲識變身添　遲ｄ有相就畀大家睇下
我地組個祭壇係有豪華版同實用版的　勁啊～

ＰＭ６：００
食晚飯　難食！

ＰＭ７：００
玩一個攻城搶祭壇既遊戲
我負責守城同做庇護工場
要做掌上壓　＝．＝”
最後都唔知自己組贏左定輸左

ＰＭ１０：ＸＸ
白白～～
開組～～～

３０號
ＡＭ１２：００
繼續開組～
開完組玩ＭＣ　Ｋｉｌｌｅｒ
好好玩呀～　玩到唔想訓啊～

ＡＭ７：ＸＸ
訓左１個幾鐘～　仲好眼訓啊～
早餐都冇食了～

ＡＭ９：ＸＸ
敬拜

ＡＭ１０：００
分享　我地組仲要唱山歌添～
尋晚開組作的～　好正的山歌啊～

ＰＭ１２：００
午餐　怪怪的咕嚕肉．．．
總結一下呢個營地ｄ野食
就係．．．．．真係超難食的！！！
大家唔好去呀！

食完飯飯　就去左西貢既滿記食糖水～～
坐小巴返ｈｏｍｅ　ｌｕ～

個ｃａｍｐ既過程就係咁了～


其實以下先係重點既內容　哈哈！！
ｏ係個ｃａｍｐ同組既人大多都係讀ｂａ架　好開心呀
而有部份都係８６年出世架　好開心呀～
同組ｄ人都好好～
組爸係熊貓　組媽係阿ｃａ
ｈｅｌｐｅｒ係阿華同ｊｅｆｆｅｒｙ
組員有ｙａｎ　ｇｉｇｉ　ｓｈｅｒｒｙ　黑柴　ｃｙｒｉｌ　ｈｏｗａｒｄ　我～
宜家大家都ｏｋ熟了～～～　ｙｅａｈｙｅａｈ～
大家都好互相照顧　合作得好愉快啊～

仲有呀～我好鐘意阿ｃａ媽媽呀～～
佢好照顧我地的！！！
尤其我畀蟻蟻軍團侵襲既時候　媽媽真係好勁！

話說ｎ耐前有一日　我放左ｄ糖ｄ入書包
我已經唔記得左有呢回事了
因為呢兩日實在太熱　ｄ糖就溶左
入到營　ｄ蟻實在太勁　畀佢地發現左我書包有糖食
連我唔知既野佢地都知囉
就叫黎左ｎ咁多隻蟻攻擊我個書包了
我一見到　真係唔知點算好　因為場面實在太驚人
之後話左畀媽媽知
媽媽就幫我打擊晒佢地了～～　好勁啊！！！
之後我就掉晒ｄ糖．．．同埋沫返乾淨個書包啦
點知．．．第２日早上執野既時候
ｄ蟻又圍我書包囉
我真係好激氣同唔開心．．．
媽媽又再次向ｄ蟻發出攻勢　就剷除左蟻蟻軍團了！
感覺上　媽媽真係好好好好好好勁呀
同埋好有受保護既感覺～～～～～　＞３＜

ｏ係呢個營　個人方面都冇咩點話經歷左神ｄ咩野
話晒呢個都係ｏｃａｍｐ　目的都係迎新多ｄ～
唔知未信既阿ｙａｎ同ｈｏｗａｒｄ覺得點呢～
希望佢地可以初部了解下呢個信仰啦～
信埋就仲好好好好好好好好好好呀～

而ｏ係呢個ｃａｍｐ中　睇到神既大能當然係籌委方面啦～
得５個籌委就可以搞到一個咁大既ｃａｍｐ
仲係頭頭是道的　絕對係一個好ｃａｍｐ黎啊～

而自己都識到ｂａ既同學仔～　好開心呢～～
開學之後可以互相扶持啊～

暫時ｃａｍｐ既分享係咁多啦～
遲ｄ有相既就補畀大家睇～　呵呵～

多謝收看咁長既ｏｃａｍｐ特別版日記～哈哈！！

>>August 31, 2006 at 7:59:08 AM GMT+8

2006 年 8 月 26 日 星期六 【晴】

27/8/2006 sun 9:45pm

返教會～
約左阿彤返祈禱會　遲左１５分鐘添．．
做招待
敬拜
講道
「學習順服神既說話　唔好再畀藉口自己呀！」
ｈｈ　查經
有兩個新朋友阿詩同阿欣　幾鐘意佢地呀～　哈～
「因信稱義　係神畀我地既一樣好大既禮物呀
壞習慣　要改！！！！！！！！！」
好鐘意ｈｅｌｅｎ姐帶組啊～～～
佢一邊帶　我一邊學點帶～　ｙｅａｈ！～

準時完　食ｌｕｎｃｈ
芝晃華芹彤一齊食～
搞左個驚喜的生日會畀阿彤～
好開心啊～～～　哈哈！

２點９返到敬拜隊聚會
玩左兩個ｇａｍｅ～　幾好玩啊～
一個一個再分享下～
哈．．．我都唔知我自己講咩．．．
敬拜員最重要既係心～
５點完

ｏ係校牧室彈下琴７點返ｈｏｍｅ了

聽日去ｃａｍｐ呀
樹仁團契搞既３日兩夜既ｃａｍｐ
唔知會點呢～
希望好玩啦～～～

>>August 27, 2006 at 2:20:59 PM GMT+8

2006 年 8 月 25 日 星期五 【晴】

27/8/2006 sat 12:04am

今朝１１點幾返到校牧室組訓
好快傾完ｄ野～
１２點幾就走得呀～～
ｖｖｖｖｖｖｖｇｏｏｄ！！！

返ｈｏｍｅ食左個ｌｕｎｃｈ
坐７５ｋ入大埔工業村返包裝
記錯左條街名＝．＝
以為係大昌街　點知係大順街至岩
搵到我成隻野咁～
又勁熱喎　搞到我成身汗啦

２點半返到去
唔駛做出爐啦　ｔｈｘＧＯＤ
整下珍珠綿　非常悠閒～　好開心呢～
之後ｌｉｎｅ長叫左我去入碟
終於有得入碟啦！！！
勁開心～～～～～～～～
不過真係要入得好快呀～～
一開始有ｄ壓力呢～　哈～～～

做左包裝呢份工
我發覺我唔鐘意同ｄ機器一齊做野
因為ｄ機器真係冇血性架！
明明做唔切ｄ野　但係部死人機仲要繼續
一ｄ都唔識就下人
機器唔識體諒人　我唔鐘意～

原本諗住今日ｌａｓｔ　ｄａｙ架～
但係今日我同上頭講話唔做既時候
佢話可以ｋｅｅｐ住張證
得閒可以返黎做架　所以我諗住得閒都返黎做下
或者ｄａｙ　ｏｆｆ既時候返黎做一日～　哈～
所以呢～　我下星期四都會返黎做一日啊～～～　哈哈

呢份工唔計ｄ師奶啦～
都識左ｄ朋友仔　就係阿彤既同學仔～
我地日日一坐埋一齊就會發顛呀
食ｌｕｎｃｈ＆放工坐廠車既時間就係我地發顛既時間了
真係笑過不停的　好ｈａｐｐｙ呀～
真的不能想像我地已經工作左１３小時
我地仲可以ｏ係架車度勁嘈囉～～
可能其他人好想打我地的　哈哈～～

仲有就係有時我會坐ｅｖａ既單車既車尾返太和
第１次企ｏ係度坐單車尾就咁就畀左ｅｖａ架單車ｌｕ
企ｏ係度真係好得人驚的！
ｅｖａ手車都幾辣的～　不過都好穩既～　哈～～

仲有呢．．．．．
唔話你知～


ｔｏ：油菜
我做緊ｏ個間廠係做包ｃｄ架
個師奶真的好過份嘛！
仲有人既憤怒有時會不能以理性控制的！

>>August 26, 2006 at 4:23:43 PM GMT+8

2006 年 8 月 24 日 星期四 【晴】

25/8/2006 fri 11:05pm

嘩～　幾日冇打日記喇又
呢幾日勁返工　由朝返到晚
好支力　所以返到屋企都唔想再開電腦
洗完白白就死左ｏ係張床度ｌｕ

過左呢幾日　真係有好野發生呀
希望我唔會漏打一ｄ有紀念價值既野啦

２２／８　星期二
返包裝　９～２２
阿芝約埋我一齊返～　點知就唔知醒了　哈～
好在因為約左佢　所以佢打畀我既時候即刻飛起身
４個字就飛到大中坐廠車了～

我呢幾日都係做出爐ｏ個個位
真係好熱　好慶
有個師奶我覺得佢係睇我唔順眼　成日罵我囉
我好憎佢　打從心底地咁憎佢
我巴不得踢佢上火星！！！
佢好勁　佢令到我真的爆粗了
我真的真的好憎佢！
因為佢　我有即刻想唔做既感覺
但係呢～　放工既時候又會冇左呢種感覺了　哈哈
呢份工有個男仔我覺得佢好有趣呀～～　哈哈
好鐘意同佢玩呀～～　哈哈～

２３／８　星期三
返包裝　９～１９
發覺某個師奶都幾搞笑
狂搞ｇａｇ
有時都會因為佢既ｇａｇ而令我笑返
因為我覺得我自己返工既時候都幾黑面的
因為我要對住個死人師奶
呢個死人師奶　成日話我
所以佢話我　我宜家每次都會駁佢咀的
佢唔好以為佢自己好似大晒咁　扮咁大牌
我心諗　收皮啦！！
算　唔好再講佢　我又火起

收７點之後　同阿彤出左ｍｋ
約左珊珊食飯睇戲～
好耐冇３個一齊去街喇～　好開心啊～！
首先去左食晚餐　去左北京ｘｘ
好好味呀ｄ小籠包～～
而個酸辣面真係好辣呀！
之後去左睇《魔盜王》
都幾好睇呀　衰就衰在冇結局
迫人睇第３集
之後去左石磨坊食糖水　繼續傾計　哈～～
差唔多１點幾先返ｈｏｍｅ
坐飛快的小巴　返到ｈｏｍｅ又死左～
２點９訓

２４／８　星期四
７點幾　一早起身　勁眼訓
返包裝　７～１９

放工又出ｍｋ
約左樹仁團契ｏｃａｍｐ的小組聚會
去左一間ｃａｆｅ
第１次去呢ｄ地方呢～
ｄ野食好貴
我埋單６０蚊　叫左一個面同一杯野飲
不過環境真係幾舒服的～
我地ｏ個組有１１人　組員就３男４女
唔好意思　ｄ人ｄ名唔記得／．＼
因為我最遲ｏ個個黎到
佢地約左６點　我放左工８點先去到
之後就傾下ｏｃａｍｐ　ｄ野～
之後就散ｌｕ～
一ｄ人就走左　一ｄ都留ｏ係度睇漫畫
我都留ｏ係度啦當然～
畀左咁貴既＄　梗係要睇返ｄ漫畫回返本啦
大家都係咁諗　哈哈！
之後我就留到１２點左右先走
坐火車返ｈｏｍｅ　ｌｕ～
真係好支力呀　ｏ係車度企左ｏ係度訓著左＝．＝”
２點左右昏迷ｏ係床度～

２５／８　星期五
終於有一日可以訓晏少少　９點幾＝．＝”
都係好眼訓～
一早又出去ｍｋ
首先去左影音個門市拎ｃｈｅｑｕｅ
書展終於出糧了　＄１３ｘｘ～　ｙａ～
之後就去ｒｂｔ返工
今日ｌａｓｔ　ｄａｙ　ｌｕ
尋日先打去話辭工的
不過今朝好眼訓　成日做錯野＞．＜
當然冇畀人知啦　哈～
之後就越做越起勁了
今日企到腳抽筋　勁痛呀！！
收８點　有ｄ唔捨得ｄ同事呀！！！
我都拎左佢地ｍｓｎ　ｉｃｑ　ｏｒ電話
ｅｒｉｃ同阿銘臨走都要滅我塊面～　哈！

收左工　去左睇電話
因為出面落緊雨而我又冇帶遮
而始創有好多間手機網絡供應商＜－－呢個名好ｐｒｏ
咁我就睇下ｄ機啦～
我鐘意摺機呀　又要薄　要影相的～
我都睇中左幾部架　但係好貴囉　要３ｘｘｘ
我ｂｕｄｇｅｔ　ｍａｘ係２８ｘｘ
唔知我捨唔捨得買呢？
我睇中左ＬＧ８８０
Ｓｏｎｙ　Ｅｒｉｃｓｓｏｎ　ｚ５５０ｉ
ＳＨＡＲＰ　ＳＸ６３３
得閒大家都畀ｄ意見我丫～哈

９點幾返到ｈｏｍｅ～　係最早既一日啊～
同媽媽傾傾計～～
講我返工ｄ辛苦野～～～
用下電腦～　打下日記～
宜家去白白之後就訓ｌｕ～

今日既日記又超長了～　哈～
感謝你能睇到最後一行呀～　哈哈！！

>>August 25, 2006 at 4:40:08 PM GMT+8

2006 年 8 月 20 日 星期日 【晴】

21/8/2006 mon 11:20pm

今日返包裝啦
９～２２
今日唔知發咩顛
全部人都好火好燥　包括我
有ｄ阿姐好自私呀
把風扇自己吹晒　少少都唔漏ｄ畀我
真係好衰格
我今日９～１９都坐ｏ係個爐前面
熱到我死丫
佢地用ｏ個支咁既熱槍就ｏ係度吱吱喳喳
真係勁想打爆佢地囉
我熱都忍啦　忍到冇得再忍先出聲叫佢畀少少風黎
之後個阿姐竟然可以話「唔得！」囉
今日全日ｏ係個心度勁叫佢食屎呀
因為佢真係好衰格
超出我容忍既範圍以外
有一兩次我忍唔住都串返佢　同佢頂咀
佢真係好鬼煩囉
個口狂ｏ係度嘈　我心諗：唔好做囉你！

晚上ｏｔ左　點知遇險
兩個ｌｉｎｅ長勁躁　ｏ係度差唔多係鬧交咁制
個問題仲係出自我地做緊既工作
其實我地都係岩岩接手黎做
係之前ｄ人做衰左　搞到我地好似畀人鬧咁
ｂｕｔ我地一ｄ錯都冇囉
個ｌｉｎｅ長ＭａｙＭａｙ勁慶
佢地對話得勁大聲　係引晒全場望住
ｅｖａ睇到都以為我地畀人鬧
但係其實唔係架．．．．．．．
唔關我地事的
佢地嘈完之後　即刻令到劉頌誼好驚會做錯野　戰戰兢兢咁
反而我覺得冇乜野　可能我覺得唔係我地既問題
佢地自己發脾氣而已
所以呢　今日個個都勁火火火火火火火火火
簡直係擦出火花呀！！

>>August 21, 2006 at 3:46:36 PM GMT+8

2006 年 8 月 19 日 星期六 【晴】

20/8/2006 sun 10:31pm

今日返教會丫～
遲左少少添．．．
敬拜～　唱左ｄ舊ｄ既歌～
耐唔中唱下　感覺唔錯～
講道～　今日寫左好多ｎｏｔｅｓ呀！
清潔～　祈禱同立志呀！
要將自己ｏ係罪中分出來～～

ｈｈ傾計　新人叫麗頤
ｈｅｌｅｎ姐ｏ係我ｏ個組帶　ｇｏｏｄ～

ｌｕｎｃｈ　ｗｉｔｈ瑞芹瑞華～
ｈａｐｐｙ！！！！！！！

２點半上浸禮班
唔知點解今日上堂好眼訓呀／．＼
身體好軟弱添
今日講事奉～～

５點幾完返左ｈｏｍｅ
之後同媽媽去搞上台ｄ野
最後都係上返ｐｅｏｐｌｅｓ呀～～
大家同台就ｓｅｎｄ下ｓｍｓ畀我啦～
而個電話號碼就冇改到呀
ａｎｄ部機都未換
等我睇岩邊部鐘意既就換啦～　哇哈哈～

搞完同媽咪去左吉之島
好耐冇同媽咪行街街呢～～

返ｈｏｍｅ～　上網　睇電視～

補習個ａｇｅｎｔ打黎呀
咁快就有補習介紹畀我做
中二呀　不過價錢都幾少
＄７０／ｈｒ　補星期２５
不過已經好過我宜家做緊ｏ個ｄ好好好好好多了
仲有個ａｇｅｎｔ勁搞笑呀
同我勁傾計　好似講電話咁　哈哈

>>August 20, 2006 at 4:53:16 PM GMT+8

2006 年 8 月 18 日 星期五 【晴】

19/8/2006 sat 11:51pm

今日返包裝呀～
好鐘意一個阿姐
佢講ｄ野好ｇａｇ架！！
有個ｇａｇ有３級既成分
笑到我失控＋流晒眼水　哈哈哈～～～

今日大部份時間都ｏ係度ｑ碟
ｑ到我對眼真係金睛火眼咁制
又乾到勁流眼水

做呢份工我覺得自己好醒目呢　哈哈哈
因為當我每做一樣野既時候
即係ｑ碟　拆雞　吹野　磅野
我都勁諗一個最快同最有效率既方法
而且又實行到　ｙｅａｈ！
我太醒啦～～　哈哈哈！

宜家ｄ時間真係好難排呀
聽日要返教會
星２又想去ｓｙ個ｏ　ｐｒｏ
星５又要返ｒｂｔ
仲要返ｓａｒａ介紹ｏ個份工　ｓｏ要早退呀
即係得星１３４６返到包裝？
星６又可能去迪迪尼
點算呀？～
呢個星期我要衝埋去！
搵錢！！！！！！！！！！

講起錢　影音ｏ個度仲未出糧！！
想幾時先畀＄我？！
本想今日打去再問下的
但係手電冇分鐘　而我又成日都唔ｏ係屋企
所以打唔到去問
哼　呢幾日得閒一定要打去問下！
真係唔知影音想點！

係丫　今日聽埋ｓａｒａ同ｓｙ團契個電話之後
我部手電已經冇晒分鐘了
諗住聽日去搞手電ｄ野
但係唔知有冇咁既時間
而我又冇預先睇岩邊部電話
又唔知用咩台　用咩ｐｌａｎ咁
唉　真麻煩！
如果聽日去唔到搞．．．
可能就要用多＄１００電話卡先上台呀
但係我覺得如果真係要轉號碼既時候
好似入ｕ之前轉左去會好ｄ
究竟轉唔轉號碼好呢？
改左的話　會唔會有一舊朋友搵唔返我呢？
煩惱中．．．


ｔｏ：ｊａｓｏｎ
就快３份添丫～　哈！

ｔｏ：油菜
尋日打漏左一句～
係「異性相吸　同性相距」至岩～
哈哈！

>>August 19, 2006 at 4:26:44 PM GMT+8

愛上ＮｅｗＳ 廣告 讀者留言 |  路人留言   | 哈~唔知點解想恭喜你買到部新手機 >>October 6, 2006 at 1:50:02 PM GMT+8 組長,多多指教!!! >>September 25, 2006 at 9:42:32 AM GMT+8 哈～ <br>咁下次的ｉｄｅａ　 >>September 16, 2006 at 10:46:27 AM GMT+8 今晚TVB有側田唱歌WO~~ < >>September 9, 2006 at 1:15:40 PM GMT+8 你睇o左醫生未呀?? <br>要 >>September 8, 2006 at 4:36:35 PM GMT+8 嘩~多謝你掛住我呀!! <br> >>September 6, 2006 at 4:15:37 PM GMT+8 傻ga,,,無lala同news >>September 6, 2006 at 4:48:16 AM GMT+8 有咩事唔開心呀? >>September 3, 2006 at 4:25:06 PM GMT+8 勁呀~佩儀~ <br>你個聯絡人 >>September 2, 2006 at 1:41:30 AM GMT+8 嘩~ <br>呢個camp d野 >>August 31, 2006 at 12:59:34 PM GMT+8 都話神一定看顧你家啦, yo, >>August 31, 2006 at 12:31:24 PM GMT+8 返包裝?咩黎嫁?? <br>個師 >>August 26, 2006 at 2:23:34 PM GMT+8 喂!!ar姨!!>v< <br> >>August 19, 2006 at 4:07:04 PM GMT+8 e你而家做緊兩返工呀? >>August 18, 2006 at 6:04:36 PM GMT+8 嘩!份工唔係我架~我都係魚蛋介紹 >>August 15, 2006 at 3:32:21 PM GMT+8 i got my money t >>August 10, 2006 at 2:46:47 PM GMT+8 佩儀, 神真係會有祝福家!! >>August 2, 2006 at 1:57:04 PM GMT+8 ................ >>August 1, 2006 at 2:16:49 AM GMT+8 真係唔睇你個板 <br>唔知你又 >>July 31, 2006 at 7:23:41 AM GMT+8 hot 多 lee call 咩 >>July 30, 2006 at 10:49:02 AM GMT+8 唉~好同意你講o個句.... < >>July 29, 2006 at 11:59:27 AM GMT+8 嘩 你做野個邊咁正既 可以飲d特 >>July 28, 2006 at 2:23:39 PM GMT+8 你都幾好呀, 同事好真係好好多呀 >>July 28, 2006 at 1:47:10 PM GMT+8 又有新工作啦, 一切順利呀!!! >>July 27, 2006 at 12:30:21 PM GMT+8 我琴日見到你呀^^ >>July 22, 2006 at 6:19:55 AM GMT+8 哈~你sale 野都有一手呢~勁 >>July 20, 2006 at 2:16:37 PM GMT+8 好野!有工做啦~恭喜喎! <br >>July 18, 2006 at 2:20:59 PM GMT+8 HAHA~ <br>你high >>July 17, 2006 at 2:24:35 PM GMT+8 你係書展度做呀??? 我聽日可能 >>July 16, 2006 at 5:30:04 PM GMT+8 打錯字, 係順利!!!! >>July 13, 2006 at 8:36:47 AM GMT+8 似乎幾順便喎, thx god! >>July 12, 2006 at 6:27:35 AM GMT+8 梗係知啦, 我d"飲歌"呀!! >>July 11, 2006 at 3:11:10 AM GMT+8 ............嚇親我. >>July 11, 2006 at 2:48:39 AM GMT+8 真係幾開心咁喎!!!! >>July 7, 2006 at 2:27:52 AM GMT+8 過去的A-LEVEL是曾經帶給我 >>July 1, 2006 at 7:16:35 PM GMT+8 你要撐住呀! 神必定會帶領!! >>June 30, 2006 at 5:35:17 AM GMT+8 好耐都冇見啦!!唔知你記唔記得我 >>June 29, 2006 at 2:09:52 AM GMT+8 多謝你覆我的貼ar~ <br>好 >>June 28, 2006 at 1:16:14 PM GMT+8 你不可以死的，因為rainbow >>June 27, 2006 at 2:26:40 AM GMT+8 你都被貼了！！！　呵呵！！！　詳 >>June 24, 2006 at 11:06:52 AM GMT+8 你被貼了！！！　詳情看我日記！！ >>June 24, 2006 at 5:02:41 AM GMT+8 小心d呀~ <br>如果真係叫你 >>June 19, 2006 at 5:25:47 AM GMT+8 唔好咁灰心啦. <br>我支持你 >>May 30, 2006 at 4:54:37 PM GMT+8 我都係呢個花香型呀, yeah! >>May 29, 2006 at 8:06:40 AM GMT+8 nono......係睇你個樣. >>May 20, 2006 at 11:32:33 PM GMT+8 haha....你第一次落機鋪? >>May 20, 2006 at 2:22:08 AM GMT+8 星期一就完喇 <br>你好快d諗 >>May 13, 2006 at 9:34:41 AM GMT+8 我要轉工!! >>May 6, 2006 at 3:33:44 PM GMT+8 我都有睇向世界出發呀, 呢個星期 >>May 6, 2006 at 4:31:59 AM GMT+8 考完試就唔好諗啦, 要盡情去玩先 >>May 4, 2006 at 11:02:53 AM GMT+8

人氣: 48444

Design & Scripting by ShowHappy.Net