2004 年 9 月 10 日 星期五 【微冷】

今日同左阿莤有第一次的dp tiime
我好想講好多野俾佢知道
俾佢明白自己之餘, 都可以幫自己點樣諗得更加似神~~
同佢完全冇insecure 的感覺~~
好自然就想講好多野佢知~~
我好想自己有一個咩都唔識咩都想問既心~~
好希望一年之後會有人話我開始有d似佢~~ ^^

>>September 14, 2004 at 6:06:36 AM GMT+8

2004 年 9 月 9 日 星期四 【陰】

今日同左樹仁學妹linglum 同cherly食lunch ~
佢地真係好簡單~~好得意~~可能大家都係基督徒~~
特別同linglum傾多左佢屋企係點~~感覺真係好親切

之後係lg5 我就見到larry~~ 都同佢傾左好耐好耐~~
想了解一下佢而家點~~都係好感激大家係好朋友!!

夜晚去左打籃球喎~ 因為係籃球隊第一次練波~
事實上我係一個完全唔識打籃球既人~~
不過都係好感激阿mike leo 好有耐性咁去教我地~
我都知道呢個係新嘗試
我知道呢個籃球隊係會成功的!! 嘻嘻
banana~ 加油呀!! ^^

>>September 14, 2004 at 6:03:52 AM GMT+8

2004 年 9 月 8 日 星期三 【雷雨】

今晚同左新bt pair up 的弟兄姊妹食飯，都係幾開心架喎
有ｄ識，有ｄ唔係好熟咁．．個感覺好新鮮
又真係好似family 咁食飯．．．大家講下屋企人點叫自己
講下大家想玩咩野．．講下工作上遇到既事情
咁就過左一晚～～真係好～～

>>September 14, 2004 at 5:58:42 AM GMT+8

2004 年 9 月 7 日 星期二 【雷雨】

今日一早去左interview~~ 份工我都係好想做~~希望有2nd in 啦~~
之後去左causeway bay 唱k~~
好搞笑~~ 阿細竟然會唱日文歌~~kenny仔唱閩南歌
哈哈~~真係好開心~~~
唔知黎緊既時間會唔會再係可以咁free 咁去玩呢?!

今日終於完結左我既campus life喇.........
作為single既我...其實都未諗得好清楚自己條路應該點行.......
有d 唔捨得campus.....
會唔會唔適應single life呢.......@.@

>>September 8, 2004 at 5:07:13 PM GMT+8

2004 年 9 月 6 日 星期一 【晴】

今日好特別~~ 因為係昨晚好夜既時間 阿new就約我食lunch喎~~
出到去就見到阿細 阿聰, 仲有2個弟兄姊妹 <---好特別的組合
哈哈
我地去左元氣食野~~之後去左睇凶相<---好好笑的戲..
不過阿new 就好驚~~ 哈哈
真係好鐘意同阿new 一齊~~~ 佢真係好得意~~~
希望黎緊我地會愈來愈friend 啦~~^^

>>September 8, 2004 at 4:54:06 PM GMT+8

2004 年 9 月 5 日 星期日 【晴】

有d野真係好難諗.....係咪我唔夠聰明, 太過小心眼, 太過計較?
我唔知道.....
如果可以唔洗諗.....會有幾好...會有幾唔好呢? <----好複雜
搵唔搵...去唔去...做唔做.....愛唔愛.......講唔講....
無時無刻都要做決定
做決定難嗎?? 我相信難在於"作決定:背後的原因......
要諗自己點解要咁做....人地會點諗我咁做..係咪build up 緊..定係destory 緊....follow 自己定follow 人....<----好煩.....
好在...我可以follow 神.....但神....可唔可以俾我智慧去明白你同取悅你??

>>September 6, 2004 at 5:58:47 PM GMT+8

2004 年 9 月 5 日 星期日 【晴】

今日都係係屋企sent 信
之後就去左補習~~ 其實都真係幾鐘意同小朋友一齊~~
如果第時份工都係可以對住小朋友就好喇

夜晚去左猫地攤食飯~~真係好怕猫~~ 好在入左間房裡面o者
之後我地係度等野食黎既時間玩game~~ 好搞笑~~ 去完個金沙
個個好似變晒賭鬼咁~~ 係度拎d波子估單定雙, 剩返幾多粒~~
又拎個計步器玩~~candice 同阿ken 先搞笑~~ 同個鼻吸住粒波子鬥耐~~好搞笑呀~~
哈哈

同呢班人一起真係好開心~~
雖然佢地好多人都有野做... 不過佢地仍然係好喜樂~~ 真係好enjoy 同佢地一起呢~~

>>September 6, 2004 at 4:32:22 PM GMT+8

2004 年 9 月 4 日 星期六 【晴】

今日係星期日~~ 我地係渡假屋入面自己靈修同埋有聖餐的時間~~
今日的聖餐係好特別~~ 因為我地係珠海係買唔到平時係sunday service 食到既無酵餅
最終我地惟有買d麵粉返黎~ 加d 水, 之後由eric搓勻, 壓到好薄好薄, 再放係個鑊到慶熟佢( 因為我地連油都冇....)
所以呢個餅真係得來不易, 真係好感激可以take到個聖餐~~ 原來可以有個sunday service 都係得來不易架~~~

到下午的時間我地就去左澳門玩, 一齊去大三巴影相, 去鉅記手信, 去金沙, 去新帆船食野~~
真係好開心~~ 好enjoy 同佢地一齊呀~~

到最後終於都係要走喇......真係有d 唔捨得~~
好looking forward 我地既關係真係可有咁deep得咁deep ~~~

>>September 6, 2004 at 4:19:13 PM GMT+8

2004 年 9 月 3 日 星期五 【晴】

今日係去珠海的第2日~~~ 一早我地就去左食早餐
真係好累.....因為夜晚訓得唔好...
不過都真係好好既~~ 因為可以同姊妹唱歌俾神聽, 同阿莤去pray ~~~
之後kalun仲猜左個message添~~ 當佢問到我會留係呢個地方幾耐既時間....
事實上我係冇諗過離開......但佢講到既係我地之間的關係要有vision 有expectation
我覺得好被inspire 架喎~~ 因為可以同呢班人有好deep 既friendship 係神的blessing!!
到5年後 10年後唔知會點...但我都係好sure 可以同班人既friendship 係可以long lasting 既!!!

個class完左之後,我就同阿莤, 阿mike＆tim 一齊去食lunch 同傾下黎既一年應該做d咩好~
本來仲有simon 架~~ 不過好可惜佢病左....真係慘.....
食完個lunch 之後, 真係認識左自己bt 同pair up 多左好多~~~ ^^

下午的時間, 我地就去左水上樂園~~
嘩~~ 超級曬同超級多人.......簡直我連行都唔想行....不過我又好想玩喎
之後我地係入面玩捉迷藏, 123紅綠燈 呀呢dgame...真係搞笑~~ 哈哈
之後睇住eric ryan mike tim 玩個條超斜滑梯~~ 真係好好笑~~ 不過都係好欣賞佢地既勇氣!!!
不過我地最想玩都係個條river ~~~ 要玩就要同人搶水泡先可以玩~~
之後我地就展開搶水泡之旅~~ 哈哈我同candice 莤 mike 等人地跌左落水就拎走人地個水泡
哈哈~~ 最終我地14個人終於有晒咁多個水泡去玩~~ 大家都玩得好開心~
特別係mike 同ryan添~~~ ^^

琉完去食飯~~ 大家都已經好肚餓~~ 今晚我地係食海鮮~~ 超好食!!!
埋單仲要好抵添~~

返到酒店...simon 已好返好多~~ 之後我地仲一齊打牌~~ 打到2點幾~~
仲傾左好多野~~ 都俾我明白多左你地同身邊人呢~~
真係好感激有呢d時間~~ 好坦白..好感激....

>>September 5, 2004 at 4:24:39 PM GMT+8

2004 年 9 月 2 日 星期四 【晴】

好開心!!! 因為今日終於可以去珠海喇~~~
雖然今朝先有時間執野......希望冇執少喇.....
因為我同fion mike 都唔洗返工住...而eric 又請左假喎
於是我地就同candice kalun 搭2點半船出發去珠海先~~
去到既時間都差唔多4點~~~ 間house 好熟口面 ( 因為去年我都係同candice 佢地黎過呢樹~~^^ 嘻嘻 )
感覺好特別~~~ 可能一年前同而家相比之下同佢地熟左好多好多~~~
我地去到既第一件事就係去左supermarket 買野食 for 早餐、宵夜、零食呀咁~~
去到supermarket 我地簡直瘋狂~~ 仲買左d野食for 我地自己既tea~~~
食完個tea之後...距離食dinner 仲有時間(而且要等埋ken karen同ryan), 我同fion mike & eric 去左打保齡~~ 嘩~ 我地打左3局 ------係每人3局....打到手都斷.....
打完保齡再去篤波.......到食飯個陣...我隻手已經好痛好痛~~ 不過...又真係幾好玩~~~~
而且呢凌玩係free 架~~ 好抵!!!!!!
夜晚我地一班人係度打牌..之後仲一齊睇電視~~
真係好warm ~~ 好family !!!!

>>September 5, 2004 at 3:56:45 PM GMT+8