2009 年 1 月 21 日 星期三 【颳風】

呢個位係由我呢個老婆打番第三日既長洲之旅既~

我先係原裝正板架! but 大家要等我呀,因為我仲未打住 ^_^



我寫給老公的i love u


兩公婆既影子


我地一齊著情侶拖


今次到我操刀影日落


我食緊雜果冰糖葫蘆!???haha


>>January 26, 2009 at 6:10:18 PM GMT+8

2009 年 1 月 21 日 星期三 【晴】

長洲生態考察團 - - - 第三天

--------------------------------------老公打的日記(冒認我=v=)-----------------------------

今日我地4點鐘就起左身 靜雞雞咁樣偷走左出camp睇日出
老公既裝備非常之多 又有冷衫又有報紙又有暖蛋又有電筒 攪到我個袋鬼死咁大個

我地2口子就著住對爛鬼人字拖 著到隻腳好痛-_-
一出到去呢 諗住去返第一晚市集(老公叫既)果到睇下有無野食
比我地發現左一檔就收既車仔麵 我地就拿拿聲買左碗雞翼米線+油菜 份量係極之豐富
係車仔麵檔後面有一個碼頭 當我地入到去老公發現有人係到玩音樂
佢就鬼死咁high 一路unun腳一路聽音樂食麵 仲掉哂d雞骨落海-___-"
食飽飽呢 望下個錶 成5點鐘 我地就驚死個太陽就出黎
係咁跑呀跑呀 點知跑到去海灘一個人都無 仲鬼死咁凍添-_-

一開始我地揀錯左個位黎坐 食風食到應一應
之後老公就搵到一個好似乞衣既地方比我地2公婆呢埋 仲要搵d報紙come住自己黎坐 哈哈
係坐坐下既途中呢 發現有個啊伯著住條三角褲跑出黎沖落海 原來佢係到游早水
係咁凍既天氣底下望住佢游水真係凍上+凍 不過老公非常之欣賞佢
但係基於老公近視既情況下 佢成日話個啊伯個人頭唔見左 -_- 比佢激死
一路等呀等 個天都開始有少少光 我同老公係咁搵邊邊先係日出呢
最後知道邊到出太陽都無用lu 因為個天太多雲 而且又有座山擋住 唉 攪到睇唔到個日出lu /__\"
不過唔緊要啦 今次係第一次同老公睇日出 雖然睇唔到 但係都好有意義 仲影左好多相 呵呵
老公應承左下次去第到同我再睇多次日出! 勾左手指尾嫁啦老公大人=]
睇完日出就返左老公間房抖一陣 老公去左洗頭 洗完就出黎陪我訓覺啦 佢又話唔會訓
點知唔洗3分鐘就訓埋一齊 好彩啊楊返黎敲門敲醒老公ja
之後又到食早餐-__- 去camp根本就係一個狂食既旅程 今朝既早餐仲要食返琴晚果d bbq 麵包添
食完就要做功課啦 一路做做做 4點鐘就放左我地啦
一放左出黎陳sir又回復佢啊伯既本色 叫我地同佢一齊跳出個小長城到趕船-_-
攪到比人地學校白眼 成班人跑呀跑-.- 我同老公就定過台油
因為我地2個要留低係長洲玩多陣先走 送哂佢地上船我地就開始2人世界啦

第一步梗係行下d小路睇下有無新奇既野食啦 比我地發現到巨薯捧同 雜果冰糖葫蘆?!
我都唔記得叫咩名lu 各位自己睇相啦 haha 一咬落去 un 好冰凍好爽 我同老公都非常滿意
第二步就係搵我恨左好耐師妹甜品啦 搵左5分鐘 終於都搵到佢個大閘 原來佢今日無開門/_____\
哎呀 失望死我啦 我個火焰雪山呀~~~~~ 不過老公又應承會同我黎食既 我信哂佢嫁 hehe
最後我地就再次周圍遊蕩 比我地行左去另一個海邊 咁岩比我地睇到日落喎!!! 興奮死我同老公啦
跑過去影下個日落先 好彩個天都對我地不薄 睇唔到日出比我地睇返個日落補數 =]
最後行到無野行就諗下食咩野啦 比我諗到去西9食壽司喎 老公都讚我醒呀 hehe
拿拿聲去搭船啦 今次搭既係慢船 原來都唔係慢好多ja~ 係船上面老公同我係到sd相
老公渣住個電話等收相啦 等到訓著左喎 我都話佢會訓到趺個電話落地嫁啦 佢又話唔會唔會
唔洗一陣就趺左落地-0- 比佢激死左 哈哈 我係船到又訓到流口水落老公到喎-3-""
去到西9就等左一陣就有得食啦 係食既途中有2條友仔唔知做咩不斷咁望望望 好鬼煩-_-"
佢地走左就黎左一家人 有個細路仔渣快子好得意
食飽飽就去搭巴士返屋企啦~一上到巴士第一個站都未到老公就訓左 仲要挨住我黎訓
攪到我成個男人咁 haha 訓訓下佢個頭仲要不停咁趺落黎 攪到我要扥住佢個頭黎訓
今次到佢訓到流口水啦 仲要笑笑口指比我睇 haha 好可愛呀 之後又唔洗5秒訓返著-_-" 痴線
今次訓左係我大脾到一直到總站 仲要叫極都唔醒
但係我一扯佢佢就成個彈起 咩起個書包就走左-_- 鬼咁清醒 唔知咩事 haha 怪得咁可愛
之後老公懶到唔送人返屋企-3-" 叫我搭的士返去啦
一返到去老公又話等我 點知佢沖完涼就即訓左-_-! 哼哼哼 算啦 佢都係太累先咁ja
我唔會嬲佢既 因為我平時成日都係咁 呵呵

總括黎講呢 呢3日都玩得非常極之開心 因為3日都同老公朝夕相對 ^^
呢3日真係過得好幸福呀 =] 老公我愛你


老公寫給我的 I LOVE U


老公的背影~ 在追太陽 HAHA


老公操刀影的


老公在吃雜果冰糖葫蘆!?


>>January 24, 2009 at 3:55:03 PM GMT+8

2009 年 1 月 20 日 星期二 【晴】

長洲生態考察團 - - - 第二天


踏入最精彩既第二日喇~今日一早起身食早餐,之後就做lab~

食埋lunch ruby&winnie就搭船番中環,我地就搭船去梅窩~今日我地要去考察fresh water



睇下我呢副武裝,似唔似外賣嬸??老公話自己拎住個魚網就係漁夫之寶~haha!




睇下老公個發姣外賣佬背影~真係五行欠打patpat! haha



然後我地上演左一場外賣嬸Vs漁夫之寶.但係我拎左老公個魚網ge?最後我捉到佢喇!hoho



行去目的地既時候,有好多人踩單車經過,我狂講瘋話,哈哈!老公可能聽死左-v-'

我地果組會係呢度做野~哇~雜草叢生咁wo.錯喇!我地唔識果隻品種唔=佢係雜草



=v= bio sir教我的~haha! 睇唔睇到一個著黑衫一個著藍衫既背影?就係我同老公喇!!

捉生物果陣~大家都勁high!呀揚同呀璀捉到勁多~我同老公都差d捉左隻手咁大既蝦架!

同埋我地捉到冇一組捉到既無敵大蟹!!!點知唔見左wo,一定有人放左佢la!

唉~好唔開心ar!我地努力既證明冇左喇.....不過唔緊要,呢段回憶我一定會記得架^o^

番去果陣bio sir又走左去買m記食~仲要食新地.真係好呀伯呀~~~oh no!!!!!!!!



搭船出去左狂影相~好正好sweet呀!叫老公幫我影飄逸相,飄逸到我成個傻婆咁=v=".

呢張背光~但係影得好有feel ar! 認得出邊個係我嗎? 我地既組員照woo~






老公會露齒笑,呢堆相我要keep低私人珍藏! 係番site途中,去左買五花茶既時候

冬冬佢地好矛咁係石度狂影相~我地即刻又去快閃黨,我地係....人丁單薄組.........哈哈!!



要追番上佢地追到我地虛脫咁滯~今日夜晚ge節目係bbq活動,每人比$7咋!好抵~



不過個場好多毒蚊~全世界都係度跳營火舞~最難忘係我燒面包老公燒豬扒,整左豬扒包

真係好好好味道!!!bbq完左就去電腦室做project,之後就去canteen食糖水!wow,好正ar!

食完番屋企沖涼,之後開會~我好過份ar,一路開會一路敷mask=v=傾傾下大家終於有個方向

之後轉戰去大房傾~咁上下就係度訓教~我同老公訓中間-v-" 係度講鬼故~

老公果個東京人頭真係好唔掂~哈哈~但係嚇到我同璀係咁叫!傾傾下呀揚就訓左

佢d鼻鼾聲~一晚有好多pattern,仲要識走音!最好笑ge係,佢無啦啦好似醒左咁坐係度

之後攬住左老公! hahaha!!!笑到我肚痛喇!! 5個人訓3張床,問你試過未!?

我同老公訓教就慘喇....呀揚係咁轉過黎~最後搞到我郁唔到=__=好辛苦ar~

老公果句痴線,我一定記住~你仲要話自己得意,haha!! 4點到同老公起身喇,靜雞雞出去二人世界..

究竟我地去左邊?睇下第三日就知道架喇^__________^


第二日就係咁完結左~^^

>>January 26, 2009 at 6:09:53 PM GMT+8

2009 年 1 月 19 日 星期一 【晴】

長洲生態考察團 - - - 第一天


哇~今日真係好早起身!本來老公5點半叫我起身,點知比呀璀截左糊打黎整醒左我-v-

我好快就換好哂衫拎好哂d野落左樓等老公黎接我~點知我6點就落左去

老公都未搞掂好d野,我咁就破壞左比佢做100分男朋友既plan~我想早d見到你丫ma!

辛苦哂你喇~又要幫我拎野,又驚我凍帶好多衫比我.真係唔洗買埋早餐比我你都已經滿哂分

我著住一件短衫出去,即刻叫老公比件褸我著~wow~我地今日個style好似^v^

去左買m記係火車度食~搭車過到去碼頭岩岩好~好可惜德利唔黎.

等齊哂人就出發喇~坐快船真係幾搖,好彩恰左陣止暈~哈哈!

到左之後就要上山去我地個camp site喇!我地今次個camp site距離碼頭有千億個難行

我都真係未試過行到好似去行山咁辛苦~我地仲要比bio sir點錯左,行左冤枉路~



去到參觀周圍~哇~好大隻龜,我之前做老人探訪都見過架!又有蜥蝪睇,摸落去好得意=v=



我地就要上堂先~我仲以為唔洗上堂tim.真係估唔到果度會有lab,要係果度做實驗咁正

今次除左我地,仲會有另一間學校ge人同我地一齊.但係我想講....好唔掂囉....

即係唔可以話我以貌取人,但係我真係接受唔到果個明明女仔但勁似男扮女裝既人,

仲要有個紮噴水池,去觀星又冇啦啦戴多個頭cool既人..........

=__= 唉.......總之望住佢地都冇眼睇~根本完全唔需要擔心老公會去望女仔~

一黎老公係唔會睇,二黎d女仔真係好唔得!

食lunch,d野食真係幾好味~老公係咁夾送比我,winnie佢地又係度咁玩,哈哈~好搞笑

我地訓教果度都幾好,男女分開一幢,好估唔到bio sir竟然同我地一幢woo.....

咁我地夜晚玩ge話,個廳就用唔到喇....好可惜-___-

之後就要去考察lichen,會係番個site入面搞~所以一d都唔辛苦~



首先係屋企near,呀揚吸蟲調轉左吸=0=食左隻蟲,佢會唔會變甲蟲王者架??

老公同winnie係捉蟲專家~老公吸到痴哂線~哈哈,睇住佢真係笑到碌地

呢度又好好笑,因為老公要唱錢,bio sir即刻勁似街頭騙案咁幫佢唱.遲d一定要放番上黎!!

then~我地行左個小長城,果度仲有好多唔同形狀既石,好得意!!



最好笑係呀揚係呢度影左輯好好笑ge相,遲d要放番上黎!!

番到黎做下lab,睇下microscope,完左未食飯就叫呀璀同我&老公打羽毛球~max又加入~

點知呀璀好勁-口-....係咁win我同老公~max全程似報導賽事多過打波,haha!

老公費達拿,拿度一齊上身都冇用~有我搞到輸哂,哈哈!!

食飯又係好好味~真係冇得彈呀!夜晚重頭戲---觀星*



果個人好專業,用雷射燈指去天空d星星,最好笑係老公同我講支雷射燈鴨寮街有得賣

點知一問之下要千幾蚊,哈哈!! 老公快d安果個睇到星星既software,下次係你屋企就可以玩喇!

我咁大個女未試過拎住望遠鏡,訓係席上面睇星星~仲要可以同最愛既人睇^^

完左睇星活動,我地成班就落左山去買野食~同老公掃街~

點解bio sir可以咁呀伯架!不過真係好搞笑好開心ar!ruby唔見左錢,我地懷疑係另一間sch果d人做

唉....總之對住佢地我地就冇好感~好唔鐘意佢地~ 希望ruby今年平平安安~

唔好再有唔好ge事發生喇...去美國一切都要小心~我地好擔心你........

今晚冇人通宵,我3點幾都訓左. 好可惜冇得陪老公,大家又冇一齊玩..................

而今晚我同左呀璀+winnie+ruby四人同眠~ 我堅持訓教唔訓中間,哈哈!!

全女班! 少左bobo呀=_________="



第一日就係咁完結左~^^

>>January 30, 2009 at 3:56:51 PM GMT+8

2009 年 1 月 18 日 星期日 【晴】

又到左好唔鐘意既星期一,因為又要番學喇~不過今個星期好開心!

星期2-4去field trip,星5就家長日,之後就放新年假喇~~~

琴晚我真係好想好想做功課架,但今日先做完-v-"...........................

同ruby兩個電直左番學,大家都問我地係咪一齊電,又唔同style?

我地心有靈犀,精神上一齊電姐~呵呵!!

今日呀璀話我地年初3可以去林sir屋企拜年!有得逗利是~~好開心好期待呀!

激死人,兩堂ue冇啦啦要uniform test?= ="果然好突然,搞到冇得做功課

m&s又冇聽到,係咁係度做作文~ 唉,佢話做得好差果堆,一定有我份啦~

因為我做完都唔知自己做左d乜=3=.....pe堂冇意欲去上,拎左衫同鞋都話冇帶.

臨尾趕住走去搵老公,又比ruby聲稱的老虔婆扣留我同cherry.

都唔明做乜要寫埋果d課堂記錄,你比我溫下書做下功課仲好啦...膠的-_____-

lunch好開心!因為老公見我要做功課,所以琴晚特登即刻跑落街買送煮~

見到好多豬扒覺得好尷尬,haha! 你真係好體貼!好感動!! 真心真係好味道,自然真情流露~~

放學去左增值同買白飯魚~番屋企用左9個字到就執哂field trip d野lu~

然後去左買2盒小丸子,哈哈~好瘋癲~諗住會合老公啦,點知有人分唔到運動場同體育館

個誤會美麗到我就快笑到碌地喇..haha~~去左老公屋企執field trip衫褲~訓左陣就走喇

送我番屋企既時候,有人比我迫到佢錄靚聲王.呢個陳年走音gag,我願意聽一世~

而家我已經set左做老公打黎既專屬聆聲喇~支持靚聲王既,請坐低~ haha,笑到好辛苦

明天入camp喇~今次入長洲,我一定要食到師妹甜品!我要食火焰雪山同心太軟呀!!

睇星星同bbq都一定要搞得成呀~~~~

>>January 19, 2009 at 1:05:02 PM GMT+8

2009 年 1 月 17 日 星期六 【炎熱】



我與高達的合照*

-------------------------------------------------------------------------------------------------

今日好晏先起身~起身之後就同左媽媽去食野~食魚~~haha

之後就去左買沐浴露喇,因為要裝d去camp用丫ma~

買完番到屋企就執下野,then就去搵老公lu~今日我地去左踩單車^^

係太和兜下圈咋~我都踩得唔錯丫?老公好危危乎,我成日都好驚你會跌親會整傷邊度~"~

拿~遲d等你學有小成,我就會帶你衝出太和架喇!相信我,我會保護你的,哈哈!!

之後係老公屋企開左我既mini concert,我大聲到佢哥哥都應該聽到-v-

我諗佢一定以為我係低b妹架喇~~番屋企果陣我又係條街大唱我自己既love情歌集~

如果有個女仔係條街度大聲咁唱「分分鐘需要你」比個男仔聽,係咪應該會好開心既呢?

>>January 19, 2009 at 1:05:29 PM GMT+8

2009 年 1 月 16 日 星期五 【晴】

呵呵~今日真係一個大日子,因為今日我終於去電負離子.

唔肯起身,同老公互等起身~結果我係屋企煮米粉做晏奏~"~..........

補習果度調唔到去星期三....得番星二同星五,選左星二7:10~會唔會太晏呢?

以後既星二除左做lab之外,都要打定個肚去補習=v="..今日補習教oral lu!

如果早d教我既話,咁我考試就可以再好d喇!不過呢d都係要練番黎ge~

放左補習即刻去電頭~唉....我都估到今日一定好多人架喇~不過真係冇諗過成間舖竟然坐滿哂

足足係果度整左4個幾5個鐘....攰死我喇...係度聽周杰倫聽足咁耐,我都真係怕怕喇!

佢同我整事實上用左3個鐘咋ma=3=....要老公等左我咁耐~真係好對唔住呀!

整完就即刻去食野~真係好肚餓呀....雖然間野d野食麻麻,不過同你去食咩都好!

食野睇同邊個食~其次先係味道^_^ 總之有你,我就開心~

係旺角街頭講冷到無語倫比,老公係第一人! 係咁話踩到我塊sin水布,都話左唔係lor,haha

仲要爆到去落雨不怕....但係唔知點解我真係笑得好開心~ 我個蓮花座都好勁架!

本來講好今日影貼紙相,不過去到已經閂左門喇.......要等下次再有機會先得lu~

but我相信會好快好快既~^^

>>January 19, 2009 at 1:31:24 PM GMT+8

2009 年 1 月 15 日 星期四 【颳風】

老公話今日應該係我最開心既一日~計我話呢,有你自然日日都咁開心~

打重點-v- 老公叫我今日拎2隻蛋蛋番學暖手,左一隻右一隻~呵呵!隻手一d都唔凍

至於今日既m&s test...好慘呀~錯哂喇~chem上堂唔記得做d咩lu~哈哈,

我淨係記得講講下係度講鬼故~wow~recess我一定係陪老公!

ue我真係唔記得自己做左咩喇-v-" 空堂我一定係掛住老公的!! 我記得我跑落去叮飯架,haha

lunch~今日有沙爹肥牛烏冬食~~yeah 我都分享左我屋企d送比你食

我仲收到花ar~金莎花^_^ 好開心呀~我已經將佢插左係我枱面個樽仔度lu!

孖bio做實驗~哇!!d mealworms好恐怖呀! 如果跌左落我耳仔入面,我會暈低喇真係!

做得普普通通la~都係有時有d蝦碌姐~做完就講field trip事項,haha

bio sir明講比我地聽~好喇好喇~我地會努力工作,等你訓左,我地先出去狂野,ok?=v=

放學去左老公屋企~係條走廊諗住踩單車啦~點知窄到踩唔到~~

跟住就唔記得哂~"~....不過呢,我記得老公常在我心架!哈哈

>>January 19, 2009 at 2:12:55 PM GMT+8

2009 年 1 月 14 日 星期三 【颳風】

today is a meaningful day because i get a great lunch box from my lover

雖然係好行貨好淺白的英文~但係簡簡單單就表達到今日~足夠了.

今朝老公個鬧鐘唔響,我自己個鬧鐘又閂左,好彩我個警鐘答3響起~

ruby今日冇番@___@ 我今日先知....一定係琴晚啦,做左隻懶訓豬

一次暈低令到有好多問題,我知道ruby呢排一定好辛苦架喇~"~ 撐住呀!! 我撐實你呀!

唉~如果...好多如果~ 如果果日我地成班接住你,就唔會咁....我都有d怪責自己

未上堂之前就收到老公既暖蛋~好暖好開心好窩心! 雖然著唔夠衫,但成個人都暖左好多,haha

chem堂比chem sir串...-___- 「哇,好靚呀~d graph paper! 」乜好好笑咩?我令佢爆笑了......

小息~phy人全部消失哂...成個班房勁清靜!冇老公係度,我唯有做住中化notes先~

上bio我地好過份,哈哈~勁誇張咁拎住個暖壺係bio lab飲柚子茶,kaka! 好味道好暖烘烘

至於ue,繼續睇戲~睇完喇~但係究竟套戲想講d乜架?主旨是什麼?太有深度嗎??

lunch重頭戲!!!!今餐係食老公既炒飯~我覺得真係炒得好好味!就算㕡味都係咁正~



炒飯配以柚子茶~真係極品喇~! 不過有d唔開心,phy lunch要補課~"~搞到老公要食到咁趕~

chin堂老公要出去朗讀,haha~我地個距離好短,我地好close呀,haha!

聽埋其他同學仔朗讀,真係好好笑~個個都好得意~可能係我笑點又低左啦?嘻

assembly~同老公一齊坐^^另一邊係cherry同balloon.咁坐法都幾明顯但又幾搞笑,哈哈

今日講性教育~我無法控制自己唔笑.個講者真係好膠=3=...........

最好笑係有一part好似話另一半講既野,老公同balloon同時問我同cherry佢地講野岩唔岩我地聽

笑到我同cherry要碌地~係咪個個另一半既男都會咁問?haha

放學係課室度覺覺豬,一路陪住老公^^~臨補習之前老公又陪我去食m記~

我唔要再咁大食呀~haha~我都頂唔順自己喇~ 補完老公接我番屋企 ^3^

聽日約左愛人兩個齊齊帶飯食~好溫馨好幸福好開心~

今日自從食左個你個愛心炒飯,我全日就係咁咪咪笑~我真係好開心好開心好甜~

>>January 15, 2009 at 4:17:20 PM GMT+8

2009 年 1 月 13 日 星期二 【乍雨乍晴】

我晏左打呢篇日記~因為我做左隻大懶豬~訓教訓左好耐~連電腦都冇開過

真係好sorry好sorry! 我好似冇哂d記憶咁..................

我淨係記得recess老公買左勁多早餐比我食! 有牛肉球,珍S擢姉P朱奶~好過份ar我,haha

lunch同老公去飲茶,食左芺蓉蛋同蒸鱔~哇~~好好味呀~lunch食呢d好過食汁扒飯呀真係

放學呢~就精彩喇又~ 同老公過左大埔墟行~ 我地食左亞婆豆腐花,一個字 爽!!!!

之後又去左食腸粉同燒賣~哈哈! 我真係好為食呀~~~~

我係咪患上左貪吃症? -v-? 同老公一齊係最開心既 !! 食野都開懷d !! yeah*

>>January 15, 2009 at 4:32:22 PM GMT+8