2005 年 8 月 3 日 星期三 【炎熱】

今日朝早要起身呀，好耐冇咁早起喇…食左少少野就出左門口，又要番學 LU！

約左係巴士站等，點知有人遲到？下次唔好喇 = = " 番到學又同未來 3D 既同學傾計～

傾完就要入 HALL 考果個澳洲數學，填 D 資料真係填到我大頭了，很麻煩！

初初做份 MC 都好順利，做做下…做到廿幾題開始唔識，比果題年份考起左我。

果題係講話 2004 年既 2 月有 5 個星期日，咁要等到邊年先會再有五個星期日呢？

呢題我亂撞．斷估都係 4 年一次啦…今次做得好慢，我諗自己都係做到好差…

下年想再參加過，因為佢 D 題目真係唔錯。而且又唔太難，做多 D 對自己都有好處

做完就番左屋企，抱頭大睡了一大頓。呢幾日都係訓得不太好，找天早點睡先！

我哥個 FD 之前係東張西望抽到 RAIN 隻親筆簽名 CD＊上網 BID 到差唔多$600＠＠ ....

上面果題個答案係 2032 年，即係 28 年後…莫翠怡撞岩左＊

>>August 4, 2005 at 12:48:39 PM GMT+8

2005 年 8 月 2 日 星期二 【晴】

聽日去訂蛋糕＊星期五有得食 ^^ 我係分班張 LIST 度唔見何健然同何永樂，

有冇人話我知點解？定係我眼花＠＠？人地話可能 #64 教 MATHS ... 咁我既 MATHS 下場.. ..

界線

那天我們交換彼此心願 　不管夢想有多遙遠
時間靜止在藍天的邊緣 溫熱昨日風中諾言

未知的改變 充滿冒險 　愛恨這一切 我用心體驗
胸中的火焰 不斷蔓延 　就算傷痕累累依然向前

*即使在眼神交會的瞬間 我倆已站在不同的界線
只要這一刻能與你心意相繫相連

即使在星月交輝的起點 我倆已注定分手說再見
我依然深信有一天與你　並肩實現約定的明天

那天我們錯過彼此容顏　獨自走向漫漫長夜
星空消失在無人的邊界　留下寂寞悄悄離別

對你的眷戀 沒有終點　愛恨這一切 已不需語言
心中的思念 無法停歇　就算傷痕累累依然向前

* 點解首歌可以咁押韻？好似首詩多 D .... GAME 既歌都作到咁，真係好勁＞０＜

>>August 3, 2005 at 12:29:14 PM GMT+8

2005 年 8 月 1 日 星期一 【酷熱】

又同小宜入 3D，3D 唔知好唔好呢？＊今日一知道咩班，就打比小宜～傾左好耐．．

研究左好耐，# 64 係我班主任？好怪異…點解我要同陳家裕一班！？算了”

只要跟小宜一班，我已經滿足了…好！明天交完入數紙食早餐＠＠

我發覺到今次升班好多人好唔開心，希望你地唔好唔開心！邊班唔重要，記住比心機！

唔諗喇…有乜聽日先算啦～近排真係好想玩幻二，奈何精裝板賣＄１９８…癲的＊

>>August 2, 2005 at 3:47:48 PM GMT+8

2005 年 7 月 31 日 星期日 【清涼】

終於又一個月喇，8 月既心情永遠都係特別好 ^^ 昨天失蹤左一日，祕密係度玩明星志願 2

玩完又打 PS2 …我點解咁鐘意打機架？漫畫展咁快完左？我想去都冇得去 LU ，

不過我想睇電玩展咋 MA～而家唔係咁鐘意玩 ICQ，太悶了！諗起有次我媽問我…

玩 ICQ 係咪要幾日先收到訊息架？我突然啞左，果陣屋企電話轉 NO.，呀媽見到咁既情況

佢又突然話…唉！你叫你 D FD 寄信比你咪得囉，咁簡單＊咁我想問…部手提要黎做乜..

我仍然未諗到呢幾日做咩好，慘喇…今個星期四可能要跟媽媽番大陸玩＞^＜

之前我一直講去蒲台島，結果而家仲未去！因為而家改左去大澳、沙洲 WOO～

見到有個行程話「蒲台島，南丫島雙島大聯遊」咪搞我 = = 好抗拒又去南丫島…

題外話：＊30 號出左幻想三國誌 2，一百廿幾蚊，我買唔買好呢？定係買明 3？苦惱中

>>August 2, 2005 at 3:42:03 PM GMT+8

2005 年 7 月 29 日 星期五 【乍寒還暖】

今日真係超開心，昨天好夜先訓，所以今日 10 點幾先起身！同 FATHER 去左食晏奏，

食呢個魚蛋河，勁好味＞＜10 大大碗！下次再去食過～用左兩個字食野＊

之後過左去太和，早到左就買枝水飲同係商務睇書，等我下次買乙一本書睇先＠＠

個封面真係好靚…不過佢出左四本書，點買得哂？等到 1 點半就去啦，點知得 YAN 黎左

那說是說 SHAN & YANYI 遲到 = = 見到人地個 D 整到咁靚…我地仲好擔心冇生意！

原來跟關姑娘另一組係林翠君，都好耐冇見佢喇 WOO。執好野 2 點鐘開始 LU～

本來我地仲以為冇人會玩，點知勁多人玩！本來我地呢個 GAME 係要 ＄2 有 3 個波．

之後轉左＄1 有 2 個波，我地個 TEAM 勁拋離人地。有個細佬超有錢，玩左十幾次…

原來佢係上次我地搵佢試玩果個細佬＠0＠！熟客仔捧場，私人醒多個波比佢～

我而家先發現，一直話唔靚既禮物，原來係咁靚！係 BARBIE 公仔呀…陰公＊

早知我又玩啦，換禮物咁正丫拿…今日做左 2 個半鐘，籌到超過＄250！可能有＄300

全場最簡單既一個攤位，點知係最多人玩！做到 4 點收工 LA～超開心…

見到佢地個個都有禮物，我地又籌到咁多^ ^ 太好喇…上番去做檢討，一人一罐即食粟米＊

好味＞v＜比左 D 意見佢地，希望下次會搞得仲好！之後又搭 71K 番黎，

以後又有小宜陪我做義工，唔知８月１０號佢去唔去賣旗呢？今日 E N D * * *

P.S 今日隻腳指公係咁抽筋，而家都有少少…係咪我血氣唔夠呢？

>>July 30, 2005 at 10:39:29 AM GMT+8

2005 年 7 月 28 日 星期四 【雨】

岩岩同人係 ICQ 玩 100 問，真係爽！不過做完有 D 吽…講番今日做左乜先＊

今朝一起身就落雨，之前同 CHERRY 講話一齊食 LUNCH，但係落雨 WOO！就冇去到 LU

同人地 CHAT左一陣～再食埋午飯，又係時候做功課喇！我要係 8 月中做哂所有作業，

本 M A T H S 仲差廿幾板…唔知幾時先做完呢？不過都做左好多架喇我…

英文差作文未做咋。加油！晏奏訓左一陣晏教，就起身出門口去太和，我今次早到左？

好喇，今日有我，YANYI，姍去！首先總結完個 GAME 點玩先？最後我地改左做一擊即中

唔知洗唔洗播番首歌先呢？KEE，今日我識左陳淑芝同埋曾穎欣，多多指教！

聽日就係喇…２點到４點，希望生意好好啦＠＠第一場我好似管秩序？第二場…

負責做介紹！？第三場招來？？招人玩…我真係唔識 =w= 都係偷懶算喇，哈哈＊

講左個祕密比姍知，而家有五個人知 LU ^^ 你地想唔想知呢？．．唔講住，玩 PS 2

>>July 29, 2005 at 2:36:56 PM GMT+8

2005 年 7 月 27 日 星期三 【晴】

本來以為今日係冇野做既，不過都係出左去唱 K＊今日係偷走出去架！

拎左剩低既少少錢就走左去唱 K，我發誓永遠唔再唱 H A P P Y H O U R！真係貴…

今日又出左去沙田啦～睇黎我去既地方唔係沙田就係旺角架喇…等齊人就搭的士～

去富豪 NEWAY 唱，唱左足足有 4 粒鐘！真係乜都夠哂啦＊好自然咁唱左如果的事，

連呀 YAN 都話呢首好好聽，睇黎有同道中人 ^^ 唱完諗住影相，但係太貴了。

結果放棄呢個念頭；再去埋一人一雪糕…好味道！今次食左薄脆曲奇＊

食完同左蕙搭火車番屋企，YAN就同CARMAN行街～番到黎差唔多 5 點。

死喇…近排食得太多熱氣野，但係我飲左好多清熱既湯個 W O O，一 D 效都冇？

明天又要去太和了…後天又要去太和了…太和遲早變左我第二個屋企 = ="

一諗起下個禮拜又要去太和，真係好想死！以後都係行路去果度喇，好蝕車錢…

>>July 29, 2005 at 2:14:10 AM GMT+8

2005 年 7 月 26 日 星期二 【炎熱】

今日將個地板擦得乾乾淨淨，花廢左我 2 個鐘既時間，不過 1 0 0 $ 就咁袋袋平安！

雖然唔係好多＠＠不過夠我唱 K 就掂哂架喇；晏奏同左媽食午餐，食鯇魚…

點知唔記得講要魚頭，突然間好嬲 T I M。近排脾氣差左少少，不過都係個電話啦＊

打黎同我講賣旗簡介會係 8 月 5 號，明明約左 8 月 6 號架！最後都係講左 4 : 3 0 去，

但係果日就要早 D 番黎，唉。不過我而家仲未諗到去邊…唔怕～仲有一個禮拜諗

點解我而家好似好多野仲未做既？果三本書一定要搵日睇左佢！好喇…

下星期可以見到佢喇 ^^ 希望快 D 到啦！由 9 月開始，爸爸失業了…怎辦好呢？

幸好而家屋企財政方面冇乜影響，因為我大哥又有工做！不過又係去番 W A L C H，

我問大哥點解要選呢間做，佢話：「因為果度有得坐房，番工打機都冇人理。」

講開又講，今日呀哥先同我玩 I C Q 黎，如果番工真係咁得閒就好喇…每個月有萬 2 蚊。

我兩個呀哥都係做會計，唔知我大個又做乜呢？聽日去唱 K，我要唱如果的事，有冇呢？

＊ * 誰愛誰沒有所謂的對與錯 不管時間　說著我們在一起有多坎坷〞
●我不敢去証實 愛你兩個字 不是對自己矜持┐
　　　　　　　　　　　　　　　　　　　 § 也不是諷刺 別人都在說我其實很無知↓

>>July 27, 2005 at 3:33:50 PM GMT+8

2005 年 7 月 25 日 星期一 【酷熱】

今日係識左小宜差唔多兩年既第一次出街，咁耐先出都好似有少少失敗？

約左 1 0 點半等，大家又會咁岩一齊早左？搭火車去旺角，去到旺中…舖頭都未開。

果陣只係 1 1 點幾，係度行下傾下計咁等…等到開哂就睇野喇，看來小宜同我一樣＊

行左幾次都唔岩心水…去左影相，影得還可以。最正係可以係本簿度選效果架，

不過真係有少少唔識用，下次再去玩過先！今日我既收獲係一條牛仔褲，

明明話要買短，結果買左長褲…不過開心既係，上次我去果度買褲要大碼先得，

但係今次中碼已經有鬆。小宜今日就買左對尖頭鞋，原來我隻腳咁大架＠＠

成隻龍船咁…今日岩岩行過間店舖，點知有個女仔撞到個試衫公仔，

跟住公仔個假髮甩左＊笑到我肚痛呀…點可以咁架？哈哈。近來小宜又去報義工！

行完旺角再食埋野番新達，見到朱仔佢地～唔講唔知…原來有成兩個星期冇見喇＞＜

不過下星期要番學，唔係咁想著校服。今個星期五接 C H E R R Y 食 L U N C H ^ ^

>>July 26, 2005 at 12:18:55 PM GMT+8

2005 年 7 月 24 日 星期日 【清涼】

今日都係冇出到去買書，結果朝早一起身開電腦睇番王子變青蛙同埋惡魔在身邊。

始終…每個星期一都有呢兩套戲比我解悶既！睇完又去左玩 P S 2，玩 F F X＊

玩左好耐呀，一玩就玩左兩粒幾鐘？聽日仲要有部 P S P 玩，引誘我 W O O .....

好喇，2 點幾就同左呀哥出去食下午茶。又去岡本櫻田食！食完就去左增值，

我唔係好明，而家我好似用多左電話費？跟住去左還書，再借左本書就行番黎 L U！

我好耐都已經冇跑步喇…今日出一出去對腳就起水泡＞＜聽日出街都係著涼鞋喇…

唉！我諗星期五都係去唔成睇戲架喇…對唔住＊P R O M I S E 左星三幫媽擦地，

洗完先得果１００ $．唔係太夠…不過為左唱 K，為左身形不再惡化，都係照做啦 ..

>>July 25, 2005 at 12:12:37 PM GMT+8