2004 年 8 月 7 日 星期六 【溫暖】

reply session~
小涼:sorry呀....今日先睇到你個message~不過我地都會再打多次比佢地喇~哈哈~星期一晚見啦.....

>>August 8, 2004 at 6:50:07 AM GMT+8

2004 年 8 月 6 日 星期五 【晴】

返教會....

兒天得一個小朋友返左....
4個大人陪一個細路仔去m記食嘢~
食左個紅豆新地...好味~

小組預備明天的盼望....
meet紙碎meet到手痛~
傾傾下,alex的電話打來~
聽到佢把聲,好感恩~知道佢比我想像中樂觀~我已經好開心喇~
之前真係擔心死我~

>>August 8, 2004 at 6:25:16 AM GMT+8

2004 年 8 月 5 日 星期四 【雨】

今朝去中大上堂又遲到....
遲左3個字....
如果讀中學係咁既話~我都唔知見左程sir幾多次喇~

落街搭小巴果時勁大雨喎~
搞到上車都好狼狽~勁肉酸~

今堂講返香港文化~
播左少林足球既少少片段....
哈~仲有許冠文做的喜劇~~笑爆我~~
基本上在場冇人冇笑囉....

好嘢~今晚有得去field trip~
係去深水埗鴨寮街d地攤度體驗下香港既貧窮問題....
聽日唔洗去遊行lu....
不過要夜晚11點先集合~去到1點~
未試過咁夜先開始出動去街的....
好彩都有人住屯門....同我一齊搭車返屋企....
上完個lecture之後,就去左briefing~
哈哈~勁搞笑~~~~~

2點半返到屯門同細佬食lunch....
今日好感恩....因為由我一坐低食嘢至到返屋企咁耐(都有2個鐘架)~
同細佬傾左好多話題....
真係冇幾可同佢傾d咁內心,感性既嘢喎.....
知道佢大個仔左,諗嘢成熟左,我都好開心~
大家都同對方分享左好多自己既睇法....especially關於屋企的~
了解佢多左....

真係發覺....當胡太唔喺度,我同其他屋企人一齊既時候,係自然好多架....
唔洗下下都驚講錯嘢比人炳...
如果連胡太呢個障礙都打破既話.....咁就好喇~
始終都係觀點與角度問題~=.=

ps.今日個tutor話呢排深水埗可能有人會開片劈友....
唔知點解,我好有興趣see see wor....
睇戲就睇得多....真實就未見過~哈哈~可能我唔識死啦~
不過就算今晚有,d tutor都要我地走啦....
始終佢都要負責任既~

>>August 6, 2004 at 9:14:14 AM GMT+8

2004 年 8 月 4 日 星期三 【晴】

今日出銀行開acc....(係呀....我一直都冇銀行戶口架!!)
囉左poly之前寄果封叫我去interview既信做住址證明...
果個銀行男職員(好鬼死有禮貌,應該都>30)囉封信出黎睇~
睇左一陣都唔見佢有聲氣....
以為封信有d咩問題啦~
之後佢叫左個女人埋黎做支援,個女人叫我比張大學學生證佢睇~
我奇怪喇....無啦啦關咩事呢?
於是我就話比佢知我唔係大學生,只係poly寄信比我je....
之後果個勁有禮貌既男人同另外一個男人一齊再睇真d,先話:「呀,係喎,application咋喎......」
勁搞笑~

我都想有大學學生證呀.....
再等多5日啦....就知架喇~

做完烈火雄心lu....

>>August 5, 2004 at 2:33:50 PM GMT+8

2004 年 8 月 3 日 星期二 【晴】

上網睇返下星期二jupas放榜既嘢~
主要都係睇ust同poly既安排(因為只有呢2間係有可能)....
ust勁搞笑喎~
註冊果時要assess埋healthy and fitness....(要帶埋運動衫)
用黎配合返yr 1個healthy life style既course....
估唔到大學都有pe堂....
不過都好既~我自己都唔係唔中意做運動~
至少每日都有跑步.....

遲d要教人英文呢~
都唔知自己o唔okay....盡力啦~

>>August 5, 2004 at 2:42:08 PM GMT+8

2004 年 8 月 3 日 星期二 【陰】

今朝心情麻麻...
由屋企去中大咁耐既車程....
個腦都係想住好多野...
完全唔理今朝遲左成個鐘起身,一定會遲到既事囉~

上完堂就即搭車返屋企....
冇同d組員仔食飯~
一來銀包出左好多血,二來又要去銀行開acc.,三來我好累,好想返屋企休息~
返到屋企睇電視,上網,"fun"機~
唔想講野(把聲又唔舒服)...
總之就.....唔知點形容啦~

祈禱祈禱祈禱祈禱祈禱祈禱祈禱祈禱祈禱祈禱祈禱祈禱祈禱祈禱祈禱祈禱祈禱祈禱祈禱祈禱祈禱祈禱~

>>August 4, 2004 at 9:54:31 AM GMT+8

2004 年 8 月 2 日 星期一 【晴】

今晚喺icq睇到alex的一篇message,
覺得好心痛....個人係呆左囉~
我一直都覺得你變緊,變得孤獨左~
身為朋友既我,又咩都做唔到~
唔知點樣去幫你...因為只有你自己先幫到自己~
只係可以幫你分擔.....
但係...你連一個幫你分擔既機會都唔比人....
呢個機會你唔比我都好,都要比其他朋友嘛~
見到你咁樣....我真係好心痛~
我真係唔想見到一個2年前好多野講,幽默既朋友
因為一d挫折變到而家不發一言,完全唔中意同人相處~
阿靜真係唔想...infinity個唔想囉~

如果你真係要咁樣,咁我係唔係應該一早去放棄自己呢?
但係我而家仲生勾勾,冇穿冇爛咁喺度bor~
好多野,真係視孚你點睇咋喎~
你臨off send比我既一個message:「朋友,妳幫唔到我架,無謂令自己增添煩惱啦」
唔通我幫唔到你,我個心會安樂咩?
記住身邊有好多人都好關心你架~包括我~
我真係唔想見到你咁呀~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

但願你睇到呢度,會比個回應我~
icq又好,留個言又好,打電話又好.....
總之比我知道你而家點啦~

>>August 4, 2004 at 9:40:24 AM GMT+8

2004 年 8 月 2 日 星期一 【酷熱】

出camp lu~
累爆~2點多返到屋企...
大昏迷到8點....
連course都冇去上~
食飽飯,沖涼,玩icq,傾電話....
到點半又訓過....真係大昏迷~
但係我變左老牛~患左「說話困難症」....
病因係去camp成日都要講野,大叫+唔夠訓....
癥狀就係講野成日走音,沙曬聲咁~
但係傾左個零鐘頭電話就好返好多....真奇怪~

仲有一個星期...

>>August 4, 2004 at 9:20:52 AM GMT+8

2004 年 8 月 1 日 星期日 【晴】

今朝8點幾出camp返中大上sociology~
第一次去camp途中要離開一陣架~
多得胡太喇~!!

不過今堂都幾interesting,玩社會學版的大富翁!!
我係最有錢果個situation呀~
月入2.8k~wa.....如果現實都係咁就正咯~

大約3點幾返到camp啦~
之後要同炳,貞子預備今晚的karaoke的節目.....
第一次做mc...都okay啦~
我都有份唱....+埋mandy~
不過今晚講得勁多嘢.....下午個group game有一part係要大叫的~
所以夜晚把聲沙左好多.....
國輝好好呀~佢見我同貞子把聲沙曬~
專登買左涼茶比我地呀~係蜂蜜銀菊露~
yeah^^~

夜晚玩左個好好笑既game....
不過玩玩下已經係差唔多去到3級內容.....
所以都係唔玩,去左訓lu....

ps.個camp最難頂既係d昆蟲~勁多.....
especially沖涼房.....搞到我要咪埋眼沖.....
勁多不知名,樣衰的昆蟲......見到都毛管戙!!
諗起都驚!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

>>August 6, 2004 at 9:41:40 AM GMT+8

2004 年 7 月 31 日 星期六 【晴】

又一個月既開始喇....
今日要入約瑟團的camp>>>「歡營」~
冇得同connie佢地去chok墨魚....
不過可以同弟兄姊妹過夜....都好開心架喇~

生命線好好玩~係開頭有d驚囉....
成日比gie同joe"mun"左去~哈哈^^

今晚訓得2個鐘only....
聽日仲要出幾個鐘頭camp返中大上堂~
冇法啦~如果唔係,胡太又大發雷霆架喇~

>>August 5, 2004 at 3:08:24 PM GMT+8