2009 年 7 月 13 日 星期一 【晴】

看完了 八百萬種死法.
我好想講粗口, 因為呢本書爛尾 =]
但係乖既小朋友係唔應該講粗口.
之但係講粗口好似壞男人些, 比較討人喜歡.
唔理點都好.
點都要屌屌佢.
前面以為幾好睇咁.
到後尾, 高潮冇左, 咁就END =]
最後一種死法, 反高潮 =]
=.= 凸

>>July 13, 2009 at 5:33:34 PM GMT+8

2009 年 7 月 13 日 星期一 【晴】



>>July 13, 2009 at 4:29:06 PM GMT+8

2009 年 7 月 12 日 星期日 【晴】

咁早打日記?

今日一早6點起左身, 事關尋晚9點就訓.
一起身上FACEBK, 就見到YEE MAN.
而家下晝5點幾, 又見到佢. =]
佢唔洗番學就成日泡FB ?

今日上下晝係咁睇書, 八百萬種死法, 原來係偵探小說=]
好緊張, 好好睇 =]

下晝去了沙田, 得成=]
睇埋PRINTER.

準備買PRINTER, $ 699, 準備要破產.
買了張CD, 張懸 城市, 真係好聽.
佢 3 張碟都有買=]
大家可以聽聽.





啱聽嗎?

今次去 CD WAREHOUSE, 沒在傻了.
記得住HALL 時候的那次, 為了一張碟, 一個人行去找,
找到, CD 在手上一刻, 真覺得自己傻了, 心同自己講: 你做緊乜鳩?
不過今時唔同往日, 心情不同, 簡單了 =]

聽日BBQ, 唔好落雨呀 !

>>July 13, 2009 at 4:21:10 PM GMT+8

2009 年 7 月 11 日 星期六 【晴】

看了SWIMMING POOL , 泳池情殺案.
講真, 好好睇.
HUBBLE 早幾天問我有冇睇過, 佢話睇唔明.
既然佢睇唔明, 我就緊係要睇明佢, 威番次.

其實唔難明.
呢套戲好好好好睇.
張力好夠.
好多方面都做得好出色.
2 位女主角, 老的那位演得好好, 好帶到觀眾入戲.
導演好.
鏡頭好.
音樂 簡單有力.
懸疑性強.
真係好有力.
10 分 比 8 分.

>>July 11, 2009 at 8:42:13 PM GMT+8

2009 年 7 月 11 日 星期六 【晴】

失眠.
穎仔很少失眠, 只因平因學業工作太忙, 加上9 HEA 的時間, 平日總是累累的.
一跌在床上便睡著.
由於近日暑假, 睡的時間多了, 訓飽了.
工作也沒有, 書又唔洗讀.
咁就導致我失眠了.
當然, 睡前胡思亂想亦會引致我失眠.

今天失眠, 我也不知道原因是什麼.

失眠時,
就是現在.
由於嘗試睡了幾十分鐘至一小時, 腦袋介孚清醒與不清醒之間,
呢篇日記打黎都多9 餘.
點解要打? 可能時間太多了.
點解唔 去迅雷睇套戲?
點解唔繼續睇 '' 八百萬種死法'' ?
點解唔上高登?
點解唔睇咸片?
點解點解?

就是不知道.
心情不好.
憂鬱了嗎?
應該不是, 憂鬱症狀不是這樣.
'' .....患者往往處於抑鬱情感狀態中，並且對以前感到有趣的活動失去興趣。患者往往感到人生無價值、過度或不恰當的罪惡感、懊悔、無助感、絕望、自暴自棄............重性抑鬱障礙的其他癥狀包括集中注意力的能力降低和記憶力減退，迴避社交場合和社交活動，性衝動減少，有自殺念頭或反覆想到死亡。睡眠障礙也是一種常見癥狀，典型的形式是早醒.......'' 引 WIKI

早醒 =]
罪惡感、懊悔=]
性衝動減少 =]
迴避社交場合和社交活動 =]
反覆想到死亡 =]
注意力的能力降低和記憶力減退 =]

講笑, 即使好似中左D PT 咁, 都唔可以亂說.
學心理學/ 精神科, 第一, 唔可以同自己醫/ 診斷.

輕度抑鬱?
不知道.
不想知.
反正現在是 9 UP 時間.

奇怪的是, 點解你會上黎睇我 9 UP ?
可能關心我, 可能想睇我點死, 可能係習慣, 可能太悶, 可能...........
沒可能.
反正時間就係咁, 睇住我9 UP, 一點一點流走.
有冇後悔花左咁多時間睇我9 UP ?
沒有.
沒有人.
ALONE

最近聽到個GAG, ALONE , A LONE ( 地下果D LONE)

今日睇左 TRANSFORMER
一D 唔洗用腦既電影, 又有視覺享受, 的而且確合適香港的即食麵文化.

香港有文化嗎?
文化已死嗎?
沒文化, 就已經是一種文化.
的而且確, 我深感香港已死.
香港人太講求快, 即食麵.
例如要用最少既時間讀個大學學位, 然後要用最短既時間賺最多既錢......

錢同物質, 遮蔽了香港人的心眼?
講真, 而家大熱天時, 我都係忍唔住要開冷氣. =]
香港人就咁屈服了.

今日去老師度學用PS.
小穎咁大個人先黎學執相.
真係遲左D.
人地女孩子十個有十個都識用啦.

事實上, 我不太願意接受新的事物.
新既SOFWARE, 新既電腦格式, 新既歌, 新既書, 新既語言, 新既遊戲, 新既...........
我就是舊人, 喜歡舊舊的事物.
新既就好?
最近留意電話同PRINTER, 發覺科技已經發展到一個無聊的地步.
舊的MODEL 明明好好, 遍遍收埋唔賣, 賣D 新既, 改了條毛, 就貴了很多.
迫你班香港人追潮流.

我好攰, 幻攰.
點解唔比我訓.
點解要失眠.
點解.

點解我要做得咁好?
好比邊個睇?
做好人好嗎?
我是好人嗎?
..........

點解失眠就要迫你地睇我9UP.
點解.

點解想飲酒既時候屋企就冇酒?
點解屋企人唔鐘意飲酒?
飲SN 派既ALCOHOL HAND RUB 可以嗎?
飲了應該好傷胃, 肝.

點解次次問 HUBBLE , 報唔報警好? 佢都唔3唔4.
係 定 唔係 都答我唔到.
第一次入左醫院死唔到人, 你好彩.
第二次我做成晚看護, 都死唔到人.
不過真係好攰, 由其是 施行壓腹法, 乜Q 都出唔到果下好氣餒.

當有秘密時要點算?
幸好我會同HUBBLE 講, 亦可惜只得他一個.
黎黎去去都係講果D.
我都覺得自己煩9住哂佢.
自己好冇用.
成日自悲撚.
真係越黎越毒.

點解仲唔訓.
點解仲要打......
不如訓 7 啦.
好想訓.
I TRY MY BED =]

>>July 11, 2009 at 6:42:46 PM GMT+8

2009 年 7 月 11 日 星期六 【晴】

失眠了.

>>July 11, 2009 at 4:58:49 PM GMT+8

2009 年 7 月 10 日 星期五 【晴】

今天睇戲, TRANSFORMER.
尋晚睇I 睇到3 點.

對不起.
今天我沒有心情, 整天靜靜的.
我不想的, 對不起.

晚上老師家, 學執相.
煮飯, 我廚藝已經好OK,
今餐OK 好食, 好滿足 ! 身為男仔煮得一手好菜.
飲了半支酒, 很想繼續飲, 但晚飯吃得太飽了.....

而家未到12點, 上床訓啦.
今天有點反常,
大家, 對不起.
我也不知道自己發生什麼事......

>>July 11, 2009 at 3:58:22 PM GMT+8

2009 年 7 月 9 日 星期四 【晴】

一定要係夜晚先會做野開工?
而家PS 緊D 相.
識左少少技巧, 得左少少野, 好鬼開心.

下晝水已游.
點解個肚腩仲係度???
游水既時候諗左好多好多野.
游水是最好既思考時間.
唔會諗諗下訓左, 又一個人, 又靜, 又運動緊KEEP 住清醒.
SO 難免諗好多野.

仲想睇戲...
時間.....
總是晚上的不夠用.

HUBBLE 今天放我飛機.
令到我冇得出九龍灣. =[

成日困係屋企, 真係好悶好毒. =[
今日拎左本小說出黎睇,
'' 八百萬種死法'' , 哈哈, 幾好睇咁.
記得舊年放榜前, 問我借番去睇, 等放榜成績差的話, 媽媽都唔敢鬧.......呢個我覺得好笑. =]
就書展了, 唔好買書 ! ! ! ! 我屋企再多幾個書櫃都唔會夠放咁多書.....
可惜, 下星期要上書城 =]
上次同HUBBLE 去書城買既書一本都冇睇=] ( 畫書另計)

我要畫畫我要畫畫我要畫畫....
我唔要再毒係屋企.

BTW, 今日下晝陽光好好, 係房睇書真係一流.

我唔可以再成日煩HUBBLE.
佢有佢忙.
始終變番一個人, 是自己的事, 自己要面對.
呢排成日煩佢, 我都覺唔好意思同GAY 左.
成日搵佢做呢樣做果樣, 真係好GAY.

ANYWAY.
今個星期HEA 9 左.
2 個月既SUMMER 咁就冇左1 個星期.
要反省反省 ! !

表姐要去澳洲,
20 號飛.
其實佢同廖佩讀同一科.
我好想同廖佩講呢件事, 等佢將來準備下=]
爸爸好擔心你既前途呢~

執相方面, 冇PRINTER 真係好唔就手.
買部平既又唔夠用, 買部貴既又敗家.
真係........

>>July 9, 2009 at 5:47:10 PM GMT+8

2009 年 7 月 8 日 星期三 【晴】

7月8日, 係屋企 9 HEA.
睇左 2 套戲.
BEFORE SUNRISE
BEFORE SUNSET.

2 套都飛非好睇
後者比較好睇

評語係BLOG 度講.
聽日先打,
.........夜了, 閉上眼睛, 做個好夢..........

>>July 8, 2009 at 6:58:08 PM GMT+8

2009 年 7 月 6 日 星期一 【晴】

今日, 我屋企容納了17日.
應該破左記錄.
好開心, 有咁多VC 既朋友仔黎, 真係好開心見哂你地 =]
好難得咁多人黎我度.
雖然只係打下牌, 玩下UNO, 打下邊爐咁.
不過今日真係好開心.
尤其是主角NELSON 既出現, 令到今次活動生息不少=]
玩UNO, 係咁比我地屈.
我地其餘8 9 個人好團結, 一於屈到NELSON 爆1000 分=]
最好笑係豪哥叫呀Q 睇路, 呀Q 就換張牌, 咁NELSON 就輸了, 真係真係好好笑.
個個得番一張牌, 都會SHOW 出黎, 叫人比佢嬴, 咁NELSON 就會輸.
NELSON 真係好慘, 比成村人圍, 哈哈.

今日有.
樺, HELEN, 廖佩, HUBBLE, Q, REX, DENBO, ARTHUR, HOHO, ERIC, 達, NELSON, 彭仔, 彭彭, LUN,
TROY, LOR, 我.
18人 =]
地方少少, 迫到咁多人真係好神奇.

好開心
希望大家今日都係開心既. =]
朋友嘛~
我仲感覺到好多朋友仔都好錫我, 身為男子漢, 我有少少感動咁.

廖佩一入門, 就好大聲叫我爸爸.
隔離屋既媽媽同BB 聽到O 左嘴.
我話, 做咩咁快響我朵 =]

打邊爐, 我屋企打, 40 蚊.
平到出汁=],
包括 200 蚊肥牛, 無限野飲, 食唔哂咁多丸類腸類.
咁平咁飽, 大家下次記得要黎 !
朋友仔, 歡迎你地隨時上黎呢個聚腳點,
就係要無端端上黎, 冇乜野, 吹下水咁, 我先覺得係好朋友.
記得QQ 係咁.
LUN 係咁.
真係好開心 =]

另外, 肥仔近來開始, 游水, 踩車, SIT UP, 掌上壓 ! !
務求要減肥同操大隻少少.
最緊要係冇左個肚腩 ! ! 頂住頂住真係唔爽 ! !
雖然你陪左我咁多年, 但係我都要減走你 ! !
為期 2 個月.........住先.

PROTOTYPE 既BUG 問題, 冇人搞得掂,
下定決心 ! ! 呢個SUMMER 唔打機 ! !

今日執左張相.
想印既時候...
搵番部舊PRINTER, 點知冇火牛電線.
果一刻, 我終於感受到.......有煙仔冇火機既感覺 orz
去睇D PRINTER, 雖然真係好平.........
BABA 都差D 幫我買...
幸好我都係忍住,
省得一蚊省一蚊.
錢就係錢, 我唔想咁樣浪費父母既錢.
我仲要開畫展, 費用不少.
畫箱...希望可以唔洗買個新既.....咁又省幾百.
顏色方面, 點都唔可以省, 這是我的堅持 ! 多多浪費在畫布上都可 ! !

早睡早起=]

>>July 7, 2009 at 6:53:53 PM GMT+8