2007 年 5 月 16 日 星期三 【晴】

尋晚整傷了左右腳, 訓覺時就遭殃了。
側左邊睡, 就弄到左腳; 側右邊睡, 就弄到右腳; 自己一向不太習慣仰臥睡覺,
結果睡得不太好.....

請了半天假去屯門搵蔡師傅執番劑,
又被師傅潤了一番。
「出左來做野仲玩跆拳? 你真係屎忽痕啦! 成日咁傷, 因住比人炒魷呀 !!」
師傅呀師傅, 上來我來拜訪你好像是一年前的比賽之後了。

一拐一拐回公司, 只是把事情告訴了Jerry弟兄和一兩個人,
很快就好像有很多人知道了,
連素未謀面的Yuko也打電話來問候我, 嘻嘻!
剛巧公司今天走火警, 沒有我的份, 不用大熱天時在街曬太陽,
在office裡hea下hea下等同事回來。
呵呵呵...
謝謝Sukier姐姐借雨傘給我做拐杖~~

>>May 21, 2007 at 4:19:35 PM GMT+8

2007 年 5 月 15 日 星期二 【晴】

放工後, 返漢道操拳, 莫sir終於讓我地打free-fight, 真好。
但是事前不知道今天有得打, 所以沒有帶自己的私伙護具,
只好借「阿公」的用。
但係「阿公」的東西, 大部份size都不合我。
最後, 只係拎到護甲、護陰和一隻護腳。
沒有護手, 拿了小朋友用的細碼護腳頂住先, 事後想起, 覺得很有趣。

對著高佬賢, 記得3年前曾交過手, 最後打到兩敗俱傷, 真係不打不相識。
(詳情在2004年3月5日的日記)
今晚, 對著佢, 情況有點相似,
整傷了左右腳, 因為幾次踢中佢手肘, 但係我相信佢比我咁樣踢, 都唔會好過的了。

廢了兩腳, 平時的我一定乖乖休息,
但是接著毓華師弟又約我對打,
自己又覺得好像未夠喉, 最後應承了佢。
跛跛下咁打, 傷上加傷.....

練習完, 去了Eva靚姐度食飯。
每次Eva靚姐都會好好招呼我們。
在佢推介下, 飲了個唔知什麼靚湯(下骨火的), 很好味。

>>May 19, 2007 at 6:59:53 PM GMT+8

2007 年 5 月 11 日 星期五 【晴】

星期六, 返full day 11am-8pm, 整個下午很得閒,
hea下hea下, 聽下收音機, 同Lisa吹下水, 還有上網,
好不容易先到八點, 悶到傻了。
不過我倒寧願得閒好過忙, 星期六下午/星期日忙, 不是好事來的。

連續兩個晚上, 都去了打麻雀。
尋晚, 約了大師, 阿LO同佢兩個friend阿「旺」與阿「角」,
先大敗後勝。
阿「角」的章法好像很好, 而且仲o係後面教我打,
呵呵, 全靠佢我先贏。

今晚, 沒有了大師和阿「旺」,叫埋謙謙一起來,
又贏了。被阿LO詐形.....

>>May 17, 2007 at 3:38:34 PM GMT+8

2007 年 5 月 9 日 星期三 【晴】

10MAY - 兩傻遊澳門

因為星期六要返full-day, 被Rita編了今天先放假一天。
沒事可做, 咁arm Helen Lin去了澳門3日2夜, send短訊問我過唔過去,
之前也想過今天去找她, 於是乎, 一天假期的節目就是過大海了。

一點幾才去到酒店找她, 一起去了路環,
想去安德魯餅店買萄撻, 竟搵了半個鐘。
最後找地方坐低食野, 在海邊慢行吹吹風,
打算離開的時候, 才發覺餅店的位置, 有人當場爆了粗....

之後, 坐了四個站巴士, 去玩小型賽車。
原以為有機會兩個人包了條賽道玩,
點知來的人遠比想像中多, 和另外8條佬一起玩, 不斷被人爬頭....

玩完, 返酒店小休一會, 又去了觀光塔同漁人碼頭,
夜晚去了九如坊食飯, 再之後去了搵何生。
Helen Lin很好彩贏了八百蚊, 但係自己就....

十點幾坐船返香港, 短短九個鐘去了都不少地方, 算是唔錯。
喜歡優哉悠哉的感覺。

>>May 13, 2007 at 5:20:58 PM GMT+8

2007 年 5 月 7 日 星期一 【晴】

話說今晚約了Helen Lin同Winnie Yuen食飯,
到了之後, 才知道陳國偉先生今天也有來。

Helen和Winnie, 已經有一段時間沒見,
但是陳國偉先生, 如無記錯的話, 起碼有4年時間未有見面。
至於4個人一起吃飯, 對上一次已經是大約8年前的事了。
8年, 不短的時間.....
陳國偉先生的行路姿態, 依舊十年不變;
Winnie驟眼看來, 竟覺得她有點細路女。

對著很久冇見的朋友, 竟然話題不多。
氣氛還是不錯的, 但和八年前的我們, 好像差一點。

所以我想, 有時間的話, 最好多見見朋友仔們, 免得日子久了, 變了陌路人...

>>May 15, 2007 at 4:29:46 PM GMT+8

2007 年 4 月 29 日 星期日 【晴】

終於, 有一次較為「似樣」的神經失常,
還以為自己是冷血的。
謝謝她~

今晚, 恆商人約打邊爐, 沒有了嘉亮,
但仍然充滿著快樂的空氣。
每次同這班人一起, 都會笑得好癲。

可惜明天要返full day, 唔能夠join佢地踢波,
又唔能夠去睇威將盃, 紅假返工, 就係有呢個唔好處。

>>May 3, 2007 at 3:26:31 PM GMT+8

2007 年 4 月 27 日 星期五 【晴】

過了幾天一個人的生活, 感覺不錯。
雖然心裡很難過, 但還是繼續做平時要做的事情。
在感情問題上, 自己是一個理智的人。
可是今次, 也覺得自己好像太理智了。
連我自己也不相信, 失去了一段3年多的感情, 我只用了一天時間便回復過來。
身邊的人都不相信我失戀的事實。

早就不止一次說過, 這世界沒有事情是絕對的。
既然感覺變了, 勉強去挽留也沒有意思。
早就不止一次說過, 這個世界冇話冇左邊個就唔可以生存的,
一個人, 都可以好好的生活下去。

我很衷心感謝關心自己的人。
尤其是阿林這個人細鬼大的小朋友,
當你搭著我膊頭, 說:「我擔心你多D喎!」的時候,
真的很感動。
不過你好像唔太清楚我地發生左什麼事,
你這個小朋友都係唔好胡亂下判斷了。
兩個人分開, 一定是雙方都有問題的。
好好地聽家姐話了。

>>April 30, 2007 at 4:41:13 PM GMT+8

2007 年 4 月 23 日 星期一 【晴】

2個人-->1個人

2003年12月22日-2007年4月24日

或許是我太冷酷, 但我真的想說句:
「哭的不應該是妳, 因為是妳下這個決定的。」

祝妳開心快樂~~

>>April 28, 2007 at 3:04:05 PM GMT+8

2007 年 4 月 21 日 星期六 【晴】

這個星期, 被一些事情困擾著, 不知所措, 但心情卻反常地不錯。
不知道自己可以做些什麼, 唯一可以做的,
便是等待別人的回覆, 和嘗試作出補救。
弄得如斯田地, 自己也有一定的責任。
要多謝我的好朋友們, 尤其是細Ray, 每次一有麻煩不如意的事,
我第一時間總會想起這個老朋友。

我是看通了? 還是不再著緊?
自己也攪不清楚。

星期六, 約了Wicky打麻雀, 又叫了謙謙一起來。
見到面, 才知道原來佢兩個係同一中學的, 仲好似話一齊打過波的,
這種事情已經是第三次了, 這個朋友鍊真的很有趣。

去了Wicky的朋友屋企玩, 十二圈贏了$370。
被Wicky的朋友說今日請左個賊上來打牌, 真攪笑!
不過Wicky同佢朋友都係差人來的, 咁做乜唔「塔」我返差館呀??

>>April 23, 2007 at 3:30:19 PM GMT+8

2007 年 4 月 14 日 星期六 【晴】

體育節跆拳比賽, 原本今天是返full day,
經過多番波折, 先搵到人頂我的更,
可以去看比賽了。

今天是榮榮和李煥林師弟的比賽,
十點半左右到了, 去了買野食比他們,
又看下他們熱身練習, 等到十二點幾, 才到榮榮打第一場。
最後沒人能拿到獎牌, 下次再努力吧~

自己竟被莫sir等人拿了來做「研究」的對象,
「研究」我為什麼今年不報名參加比賽,
令各位失望的話, 那我真的不好意思了。
其實自己也覺得有點可惜, 如果我的對手像今天的Welter磅那樣水準的話,
相信要我贏兩三場拿獎牌, 應該問題不大....

比賽完了, 同兩位選手仲有肥師奶去了看「戇豆放大假」,
不過不失啦, 始終做了這個角色很多年, 也發覺路雲艾堅遜先生已經開始技窮了。
晚上在觀塘打邊邊, 食得很飽, 飲了都不少酒,
十點幾頂唔住眼訓, 先行告退了.......

>>April 16, 2007 at 3:53:31 PM GMT+8