2004 年 3 月 25 日 星期四 【陰】

煩死人的legal aspect.................

呢幾日情緒波動極大.........

Nicky : 我會繼續努力的, 唔會令你失望!!

>>March 26, 2004 at 5:19:33 AM GMT+8

2004 年 3 月 20 日 星期六 【晴】

大專盃, 嶺南拎到1金2銅同埋女子色帶組季軍, 成績唔錯啦!

至於我同妳, 唉............就首圈出局, 無緣為嶺南爭光.......

其實都自己知自己事, 狀態一直唔好, 技術又唔係勁過人, 加上自己得68kg, 係light磅既磅頭(light磅 68-72kg), 更重要既係, 好揀唔揀, 偏偏比賽前o個晚我就唔夠訓。所以, 比賽前, 我同人講, 自己只係期望過到首圈, 拎到牌就已經偷笑, 更加唔期望得到總冠軍.................

好多人o係比賽前都好緊張, 但我就剛剛相反, 心情好平靜。可能因為今次係我第一次打比賽啦, 我只係抱住一個學習既心態去參與大專盃, 反而o係成績方面, 我對自己並未有咩要求..........

終於...........到我啦。睇見自己個對手, 我眼都突埋!! 佢高我成個頭(或者係我太矮啦!!), 腳又長。雖然我已經有心理準備, 因為我知道自己好大機會會遇到高過自己既對手, 之前o係嶺南練習時, 亦都經常搵d高過自己既人去練free-fight, 但見到o個條友, 我真係有d驚.........

Nicky教練同我講, 我冇得揀, 我一定要同佢打近距離, 係咁埋佢身, 等佢既turning kick拎唔到分。我就照做啦。都幾奏效, 同上次阿賢一樣, 佢都係冇晒我符, 係咁出punch想打開我, 但又唔得。結果第一round打完, 3比1, 我輸o個1分仲要係佢踢中我對護手, 班盲左既"香蕉人"count左而失既..............

可惜o係第二round, 我o係戰術方面犯左錯誤, 就係冇去守分, 反而繼續用番第一round既打法, 加上體力差, 第一round既戰術並唔奏效, 結果比佢一下turning, 再一下high-turn踢中我個頭, 我反輸3比4。餘下既時間, 我好想追番輸左既分, 但有心無力, 結果我第一次既跆拳比賽就咁輸左...........

好多人都話我打得好好, 連我個對手都話我好強, 但輸左, 真係難免upset...........

就如Nicky話齋, 如果我贏到佢, 我就真係"威震天下"啦..........可惜可惜........

打住咁多先..........

>>March 23, 2004 at 6:15:49 PM GMT+8

2004 年 3 月 18 日 星期四 【晴】

大專盃跆拳道比賽~~

日期 : 3月21日
地點 : Poly U 邵逸夫體育館


小弟打第B15場(估計大約o係朝早十點), 各位好朋友仔, 得閒既話就尼捧下我場啦

多謝!! ^v^

希望可以過到首圈啦, 咁你地就可以睇到我繼續打落去.........

>>March 19, 2004 at 5:32:23 AM GMT+8

2004 年 3 月 16 日 星期二 【晴】

朋友仔們, 我會好好保重.............

>>March 17, 2004 at 6:38:42 AM GMT+8

2004 年 3 月 8 日 星期一 【晴】

膝頭的傷, 比想像中更嚴重.........
原來係傷左十字韌帶
仲以為只係撞親咁簡單........


Heidi師姐, 我唔係當你係pk, 唔好誤會呀...........
其實我好尊敬你架, 亦都好appreciate你同Nicky教識我咁多野
等我呢個冇咩運動細胞o既人都可以玩到跆拳, 仲識得踢三百六turning...........


睇完蓮爺o既日記, 真的給我好大o既提醒..........

>>March 10, 2004 at 5:07:13 AM GMT+8

2004 年 3 月 4 日 星期四 【晴】

今晚去左牛頭角同莫sir既學生一齊操拳。等左今晚好耐啦!!
去之前都有d驚驚地, 一來莫sir所教既學生都幾勁, 二來自己呢幾日唔夠訓又有d病病地, 驚自己好快就冇氣操落去。
好彩上課內容都唔係太劇烈, 做左小小熱身就開始free-fight!!

一共打左2場, 其中一場對住一位同我一樣藍紅帶, 叫阿賢既男仔, 佢高過我而腳又長過我。至於 磅數方面, 我估佢重過我小小。打之前Nicky教練教路, 叫我一定要壓住佢尼打, 唔可以比佢有優勢, 否則.... -_-"。我就照做啦。佢對腳咁Q長又高過我, 我咪選擇埋佢身law, 等佢d turning 踢唔到我件"甲"。阿賢比我想像中水皮, 面對住我係咁"痴"埋佢度, 佢好似冇埋計咁, 係咁出 punch 想打開我。但佢d punch又冇力, 結果都係徒勞無功。反而我痴埋佢度之後, 出拉 turning 或者 double punch 加 turning 什至double turning, 都幾奏效。雖然冇計分, 但呢場free-fight我會覺得我係贏o個個。當然, 仲有d不足之處.........

例如埋身既時候, 我覺得自己做既野唔夠多, 可以試下做多d野, 爭取多d得分既機會........
仲有就係中左人地腳既時候, 通常自己都冇意識去還拖.............
更重要既就係步法啦, 仍然唔係好掂..........

第二場對康師兄, 唔使講啦, 強弱懸殊!! 人地係黑帶, 我就只係玩左年幾既藍紅帶。結果........

增添左新既傷患, 左手比康師兄既2腳turning踢到腫左, 仲有對阿賢時大家膝頭撞膝頭, 要抖2, 3日。

但係, 今晚都練得幾開心...........

有小小失望, 真係好想同阿宇打番場, 佢太勁啦, 好想同佢切磋下!! 輸贏我都不在乎........

繼續為大專盃而努力!!

>>March 8, 2004 at 5:39:38 AM GMT+8

2004 年 3 月 3 日 星期三 【微冷】

今晚, 發左好大脾氣..........

每當講到呢d問題, 我就會好炆。

喊, 除左因為唔開心, 仲有係因為妳同貓貓一齊氹我, 令我好感動!!

多謝妳陪左我成晚!! 當然仲有貓貓啦!!

>>March 6, 2004 at 2:19:38 PM GMT+8

2004 年 3 月 2 日 星期二 【微冷】

因為一D小事, 攪到自己上8點半o個堂時完全集中唔到精神。
咁大個人, 小小唔開心野就攪到咁..........原來自己有時都幾唔成熟。
有咩緊要得過自己既學業丫?

下晝ISM201 test, 4課入面溫得2課.........
又一次溫唔晒書
炆Q到我死!!
結果, 只係識做溫左o個d............

夜晚做gym, 九點九先去到, 但好彩最後都做得晒要做既野

同阿達, 阿man同阿sa夾歌, 大出洋相。d歌全部唔熟, 我又太耐冇練............





距離大專盃仲有18日..............

突然諗起ken師兄好耐之前講既一句野 : 打free-fight既時候, 當你既對手係一條仆街........你就會有火架啦

還記得對heidi師姐o個場比賽, 我簡直變左另一個人............

今期, 操拳既心好熾熱.............




阿mo, 好彩有你陪我傾計..........

>>March 3, 2004 at 6:21:25 PM GMT+8

2004 年 3 月 1 日 星期一 【微冷】

今晚操拳操得好開心.........好耐都未試過啦
其實自己都仲未係好fit, 踢幾十腳就已經喘氣.
但唔知點解, 今晚既意志力比起之前強左, 所以........最後都頂得住

開心之餘, 亦有d無奈.........
無奈既係........點解自己o係呢個時候先至有番心機操??
之前既一段低潮, 真係令我miss左好多野
距離比賽仲有19日, 但自己既狀態..........唉!! 真係不值一提
唯有把握剩番落尼既時間.............

體重o個度真係攪唔掂.........
今晚操完之後去磅, 唔夠66kg
有d擔心.........

增磅~~增磅~~增磅~~增磅~~增磅~~增磅~~增磅~~增磅~~增磅~~增磅~~

大專盃願望 :
1.) 希望各位親愛的隊友們唔好受傷
2.) 自己能夠過到第一圈

咁就已經夠啦!!

>>March 2, 2004 at 5:13:22 PM GMT+8

2004 年 2 月 22 日 星期日 【晴】

呢幾日同傅建研究過一個問題..........就係...........

當D好friend既女孩子出街既時候, 都好喜歡拖住手行街, 但點解D男仔唔會咁做? 因為覺得難頂? 抑或係害怕人地既眼光?

所以我地2個呢幾日一齊出街既時候, 都會試下拖住手.............

我地仲話唔理人地點睇, 我地覺得冇問題就得啦。

但係結果............

當見到有人迎面而尼既時候, 我地都會忍唔住縮手, 哈哈!! 始終都係唔夠膽咁做..........

----------------------------------------------------------------------------------------------------------------------------
弟兄姊妹們, 多謝你地為我祈禱!!
我會繼續努力的。

心情終於開朗番d.........

>>February 23, 2004 at 2:20:06 PM GMT+8