2004 年 5 月 30 日 星期日 【晴】

幾有意思既一個故事........................

----------------------------------------------------------------------------------------------------------------------------
理髮店的對話

有個人去理髮店剪頭髮和修鬍子。這人和理髮師有一次很好的交談，他們談論了許多事和各種各樣的主題。

當他們最終接觸了關於上帝的話題，理髮師說： "我不相信上帝存在。"
"為什麼您這樣說？"顧客問。

"您只須出去街道走走，你就意識到上帝不存在。
告訴我, 如果上帝存在的話, 為什麼會有這麼多患病的人呢?

為什麼會有這麼多被遺棄的兒童呢?
如果上帝存在的話,應該是沒有受苦亦沒有痛苦。我無法想像一個愛人的上帝會允許這些事發生。"

顧客思考了一會兒,但他並沒有回應﹐因為他不想和他開始辯論。理髮師完成了他的工作，而顧客亦離開了。就在他離開理髮店之後,他看見了一個留著骯髒長髮，滿面鬍子的男人站在街上，這人看起來很骯髒和不整潔。

顧客轉身，再進入理髮店，和理髮師說: "您知道什麼?理髮師不存在。"

"您怎可以這樣說?"驚奇的理髮師說。 "我在這裡,並且我是理髮師。我剛剛才服事過您!"

"不是!"顧客說。 "理髮師是不存在的，因為如果他們存在,應該是沒有人留著又骯髒又長的頭髮和鬍子, 好像外面那個人。"

"呀, 但理髮師是存在的呀!是因為人們不來找我，所以才會有這事發生。"

"就是這樣!"顧客肯定地說。
"這就是重點! 上帝, 同樣 , 也是存在的!

是因為人們不去找尋祂，不去仰望祂，所以才會有這麼多痛苦和災難發生在這個世界上。"

如果您認為上帝存在, 請轉寄給其他人

如果您認為上帝不存在, 刪除它!

願主祝福您!!

>>May 31, 2004 at 5:52:43 AM GMT+8

2004 年 5 月 30 日 星期日 【晴】

今個星期, 要暫時同妳分開啦, 因為妳去左outward bound.............

其實我自己都好想參加, 但GPA唔夠, 結果連報名既資格都冇, 為左呢件事, 我真係好唔開心.
o係呢件事上面, 其實心情都幾矛盾, 一方面妳有得去, 固然替妳高興. 但另一方面, 每次當聽見妳同人share話你有得去, 或者妳同我講outward bound既野時, 我難免都會唔開心, 有時真係想叫妳唔好再講, 因為我真係唔想聽. 結果上個星期六, 就因為呢件事, 我地嗌左交..........
有時我都攪唔清楚, 到底我係羨慕抑或妒忌..........

唔開心, 唔止係因為冇得參加呢個活動, 最重要既係因為今次呢件事, 令我好後悔點解year 1時我咁懶, 原來GPA低真係有好多影響..............

但係o係呢件事上面, 我明白左一d野. 當我地同人分享自己既喜悅時, 我地都要顧及下別人既感受..........
你同個失業既friend講話你升職加薪好開心, 你有冇諗過, 人地聽完之後既感覺會係點?

>>May 31, 2004 at 5:44:38 AM GMT+8

2004 年 5 月 27 日 星期四 【酷熱】

今晚去左漢道o係牛頭角既道場跟莫sir操, 係我考左紅帶以來第一次既操練...........(都兩個月啦!)
之前其實已經一早plan好, 今個暑假想返下漢道既道場
唔係Nicky唔好, 而係我好想跟下唔同既教練, 學下唔同既野, 所以有咁既打算.
阿paul同erica都有一齊去.................

兩個月冇操既我, 狀態還可以啦, 一直都跟得上操練
可惜兩隻腳板底唔爭氣, 練左一個鐘就甩晒皮, 連行路都痛到死........
當打緊呢篇日記既時候, 我左腳腳前掌既傷口仲未好番, 可能連星期二既堂都返唔到..........
不過莫sir話, 呢d係正常架喎, 因為我太耐冇練, 所以會比較客易整傷腳板...........

打左一場free-fight, 對住一個我考黃綠帶時對過既男仔, 記得o個陣一齊考帶時, 佢真係好屎.
但今晚, 我o係佢留左腳既情況下(莫sir叫佢咁做, 因為我太耐冇練), 都只係打成五五波.
唉, 冇練一排, 又水皮左..........
當然, 佢亦都進步左好多........

o個個死人阿paul, 今晚又o係度"串串貢".
首先o係阿宇面前串我屎, 跟住又o係莫sir面前落我面, 話我d turning唔掂.........
再跟住又話跆拳莊班莊員乳臭未乾.........d人做野又唔efficiency
真係好過份!!
結果, 有報應啦!! 佢比阿宇一下back kick KO左..........
仲入左廠..........
同門師兄弟佢都唔俾面, 真係唔抵可憐. (好似好衰咁)

今個暑假目標 : 練好free-fight, 希望出既腳可以多完化d, 唔好淨係識出turning.

>>May 31, 2004 at 8:50:02 AM GMT+8

2004 年 5 月 23 日 星期日 【晴】

搬返屋企, 心情失落...........
唔捨得你地每一個, 尤其是即將畢業既兄弟...........

掛住3樓既後樓梯................

>>May 26, 2004 at 5:48:05 PM GMT+8

2004 年 5 月 21 日 星期五 【晴】

考完試後既呢幾日, 都係優哉悠哉咁過, 打麻將, 篤下波, 同hall b既兄弟玩下winning..........
不過妳就要上錦繡前程, 所以考完試之後, 一齊既時間都唔太多..........
原先都有諗住報呢個course架, 但係又覺得考完試係應該玩下既, 咁辛苦做咩呢??
不過而家諗番起, 又好似覺得自己好衰咁...........

今個星期真係過得好快, 眨眼間又要搬走啦, 咁就兩年, 出年我就係老鬼啦!!
唉唉, 有D依依不捨...........

考完試, 開心既感覺其實唔太大,
一來仲擔心緊出年會唔會仲番到o係嶺南(雖然好多人睇好我今年既gpa會大躍進)
二來, 仲煩緊搵工既問題, 就算萬一真係搵唔到工, 都唔想浪費左呢個summer holiday
而且身邊仲有好多唔開心野困擾住自己(不過某程度上如妳所講, 係我自己睇唔開, 太執著)
希望一切事情可以順順利利啦..........


早幾日一個人去左新書館, 睇到一本講關於基督教既書
入面既內容, 解答左一d 我對信仰既問題
講起就可悲, 我都好耐冇返過置浸啦
一來真係幾忙, 但某程度上係自己懶
神一定好唔妥我啦...........haha!!

本書入面有一句說話講得真係好好...........
「真正的快樂是不會隨著苦難來臨而離開我們的。」
原來一直以來, 我好多既所謂快樂都唔係真既.............一個AP就攪到我跌入谷底..........

係時候努力啦, 要多親近神.
我要得到真正既快樂!

>>May 22, 2004 at 6:11:34 AM GMT+8

2004 年 5 月 19 日 星期三 【晴】

打麻雀打到今朝十點, 贏$290..........
傅健就真係騎呢, 打北尾之前都仲輸緊$280
臨尾o個局比佢自摸十番, 連jackpot加埋一共贏左$300
overall贏$20
佢真係執身彩!!!!!!!!!!!!!!!!

半夜, break緊既時候, 做左d野令妳唔開心.
sorry呀!!

夜晚買宵夜, 發生左小插曲
o個條賣粥既阿姐o係度拎我同妳尼講笑
話我唔買粥比妳食, 叫妳撇左我
真係慶!!!!
最憎人拎呢d野尼講笑..........
仲要妳sense唔到我嬲.......o係度笑埋一份
火滾!!!!!
有時妳真係好蠢架, 人地嬲妳都唔知
人地想點妳又唔知.........................>.<

>>May 22, 2004 at 5:35:31 AM GMT+8

2004 年 5 月 18 日 星期二 【晴】

「人與人之間的溝通,真係一門高深既學問」

好多野諗得好理想, 但到頭來, 卻唔係o個回事..............

同妳之間, 有好多好多minor既問題出現
一兩個問題, 唔足以影響我地既關係, 但咁多minor問題就..............唔知啦!!

>>May 22, 2004 at 5:34:22 AM GMT+8

2004 年 5 月 15 日 星期六 【晴】

努力溫Legal......
唔俾自己亂諗野.........

>>May 16, 2004 at 2:39:30 AM GMT+8

2004 年 5 月 12 日 星期三 【晴】

考左MS, OB..........

OB考得ok啦, 有15分既題目做唔晒, 其他都識做, 但拎到幾多分就唔知...............
MS就麻麻地, 最後40分冇做, tree diagram做唔晒,
雖然頭5題做晒, 但唔知拎到幾多分..........

呢兩科, 求B-算啦, 唔期望B以上........

夜晚同傅健, Andy o係library溫書,效率奇差, 可能因為考完兩科, 心情放鬆左
臨尾溫到悶悶地, 傅健同andy一齊計下我GPA會有幾多
得出結論 : 我比心機溫legal就會2.44, 唔溫就會2.33
kakakaka..........
係咪真架?? 係真既話請食飯我都冇所謂呀 ~^.^~

跟住返到hall b, 同tutor豪傾左一陣今日OB考試
佢又話估我起碼會有B+
kakakaka..........
氹到我鬼死咁開心!!

女朋友 : 多謝妳一直陪我捱過呢幾日
傅健 : 都多謝你咁撐我! 希望承你貴言

5月17日 1400-1600 : Legal Aspect
目標 : C+

感謝神保守帶領~~

>>May 14, 2004 at 8:01:44 AM GMT+8

2004 年 5 月 11 日 星期二 【晴】

呢個時候, 如果有人對我講話好擔心學業, 驚保唔住自己個hon或者驚成績唔好
我會忍唔住串佢地..........
因為..............
你地差極都好, 起碼都幾乎肯定有hon畢業, 或者最起碼既, 你地都肯定自己出年會o係度
但係我.............情況就比你地差好多
我而家都仲擔心緊..............出年到底我仲會唔會o係嶺南
就算o係度, 都要擔心有冇hon畢業

你地對住我訴苦, 就好似一個患左傷風感冒既人
對住一個末期癌症病人講話自己病得好辛苦

對唔住各位, 好似好衰咁.........
但也希望你地明白一下我既感受

大家努力啦~~

>>May 12, 2004 at 3:25:07 AM GMT+8