2004 年 6 月 10 日 星期四 【晴】

今朝九點半就要去到delight club, 因為約左話會有training比我
但所謂既training其實都只係聽一段兩個鐘頭既錄音
中間我仲幾乎訓著左.........

等緊安排training期間, 比我無意中發現左o係間公司塊broad度, 釘左一份員工守則o係度......
睇完之後真係嚇一驚, 因為d規矩真係好harsh, 最過份既就係唔俾員工o係返工期間用mobile phone, 就算o係toilet或者後樓梯都唔得, 如果唔係就警告, 警告三次就炒, 冇人工俾返......

Training完左之後我就問公司既負責人, 點解interview o個日唔同我講有d咁既員工守則??
佢地就話諗住o係我第一日返工時先講我知喎...........
呵呵呵!! 擺明就係想扼我地班大學生啦!!
呢間delight club都真係狡猾........
之後同kelvin佢地傾番, 大家都有相同既諗法, 就係唔返呢份工而繼續搵其他工.........

之後去左妳屋企同妳一齊食lunch, 妳煮...........kekeke!!
兩點幾就走左, 因為3點要去到加州紅o係灣仔既office度interview
不過今次interview就好簡單, 只係要我介紹番自己同埋問左我幾條問題
跟住佢地就叫我等消息, 如果有second in就打俾我........
不過加州紅既人工就唔太理想, 得o個4k幾一個月, 仲要返工時間係irregular.........
就算佢地請我, 我都要好好咁諗諗..........

5點左右返到屋企, 抖到8點幾就出發去練拳, 今晚冇咩特別, 都係一如以往咁練基本動作
好想打free-fight, 但係條腰又未好番, 結果冇打..........

成一點鐘先返到home.............

>>June 15, 2004 at 10:02:30 AM GMT+8

2004 年 6 月 9 日 星期三 【晴】

訓到12點起身, 入嶺南攪appeal既手續(check OB卷), 跟住就去左搵蔡師傅..........
其實條腰已經冇咩點痛, 不過穩陣起見, 都係去check一check好.........
雖然傷得唔太嚴重, 但都要抖幾日, 唔可以打free-fight, 只可以作輕鬆既操練........

夜晚返屋企食飯........

平淡的一天~~

>>June 15, 2004 at 8:11:09 AM GMT+8

2004 年 6 月 7 日 星期一 【晴】

之前o個幾日, 我仲o係度怨緊點解send咁多resume出去都冇回應。
但係, 神果然係聽禱告既神, 尋日先後收到三間公司既電話同信, 叫我今日去interview........
仲要有兩個interview撞左時間...........
哈哈!! 多謝神!!

上晝首先去左delight club度in, 呢間係一間promote自助餐既公司. 我係o係嶺南既mass email
度睇到呢份工既. in左5分鐘之後佢地就話請我, 仲話人工有6k一個月加commission......
呵呵呵呵!! 睇落好似好正咁!! 但我都覺得有野唔妥架啦..........
佢地話每日要打200個電話, 而且仲有好多規矩要遵守, 犯左規就要罰錢喎!!
聽完佢地講之後就真係幾"咬"底, 不過都裝模作樣同佢地講話有信心會做得好...........

下晝就去左海事處interview, o個度既interview就嚴格好多.........
一共有三條友一齊見我, 仲用齊三種唔同語言添........
結果in得唔係太好, 尤其係普通話o個part........
仲比人串我, 問我到底係咪真係讀過statistics架..........
可惡!!

原本三點半有另一個interview, 不過就要去到沙田, 結果冇去到........

夜晚返拳, 練練下條腰勁痛, 企都企唔到, 行路都痛.........
驚到我即刻唔敢練.........
可能上星期比阿宇踢到訓低, 整親都唔知........

發生左d事, 都幾嬲. o個條粉腸郭希文, 夠膽死打soft-fight既時候當打free-fight咁
打到Erica周身傷.
睇見都眼火爆!!
都唔明佢點解咁唔妥我地嶺南既漢道人??
上星期已經feel到佢對我地冇咩好感架啦..........
點知今個星期佢仲過份!!
呢d人正一仆街尼架!!
有機會比我同佢打丫啦!! 我一定出盡法寶打到佢殘(包括矛招)!!
等佢打唔到女子賽都好!!
呵呵呵..........

返屋企, 狼狽到死, 咁arm妳o係旺角食完飯, 跟住妳就尼搵我, 仲陪左我返屋企
仲攪到妳要o係我度借宿一宵.......
真係好多謝妳!

要快d搵蔡師傅check下~~

>>June 13, 2004 at 3:06:18 AM GMT+8

2004 年 6 月 5 日 星期六 【雨】

話說今日原本想早d起身, 目的係想早D去睇康師兄打黑帶賽.
但係當8點半諗住起身時, 又發覺自己好倦, 結果就訓多左兩個鐘.
去到黃大仙既時候已經十二點, 諗住都遲硬到啦, 於是就食個飯先, 食完飯先再過去
但係.........我唔知道原來黑帶賽係打三分鐘兩回合既..........
當去到既時候, 康師兄原來都仲未打(仲爭兩場就到佢)..........

康師兄第一場打得幾好, 好早就憑一下turning拎左一分, 之後發揮得都幾暢順
最後結果贏6比3..........
可惜第二場表現完全走樣, 最後輸0比2.........
睇左20秒左右, 已經覺得唔妥, 點解康師兄係咁向後退唔肯進攻?
o個時已經覺得佢輸左一半. 點知到最後.........
唉!! 心理質素好與壞真係有好大影響, 任你再好技術同體力都冇用........

之後亦都有睇埋其他既賽事, 尤其係light磅既比賽, 雖然短期內都唔會升黑帶,
但係多留意下一d同磅既高手點打, 點都會有得著既........
light磅既黑帶, 水準只係一般, 不過如果我要打黑帶賽的話, 就一定要再多下苦功..........
因為我同佢地比, 我就更加唔掂............. >.<

留到7點幾先走............

夜晚返屋企食飯, 跟住就睇木村做既"GOOD LUCK".........

十一點幾同妳講電話, 一直講到成一點...........

雖然成個禮拜冇見妳同聽妳把聲, 但唔知點解, 當妳三點幾打比我既時候,
我反而冇咩太開心或者興奮既感覺, 就好似平時一樣........
有冇掛住女朋友? 話冇就扼人既, 不過時間就真係唔多.........

奇怪~~

>>June 7, 2004 at 2:13:58 AM GMT+8

2004 年 6 月 4 日 星期五 【酷熱】

今日又返拳, 不過今次係跟番Nicky操.........
十二點操到兩點, 跟住就同Nicky, Heidi仲有Erica一齊食lunch....

5點幾約左泳地同車厘子睇史力加2, 笑鬼死!!

夜晚同屋企人食dinner, 就住就返教會.........
-------------------------------------------------------------------------------------------------------------------
知道左姨媽既病情急轉直下, 真係唔知點好!
好想過去加拿大睇下佢, 但又唔忍心見到佢病入膏肓既樣.........
不過唔見的話, 以後就唔會有機會啦........
尼緊又可能有工返, 而我又唔想放棄呢個工作既機會........
唉, 煩!!
---------------------------------------------------------------------------------------------------------------------
聽日妳返尼啦, 但唔知點解, 唔係好想去接妳...........
但其實都有d掛住妳架喎...........
不過都好既!
有d野, 做得太多, 反而會變得公式化...........
令人覺得係必然......

>>June 7, 2004 at 2:19:15 AM GMT+8

2004 年 6 月 3 日 星期四 【晴】

今日分別同Rebecca, Dr. Wong傾過電話, 主要係想了解番點解Legal同OB成績比想像中差......

同Rebecca傾左十五分鐘左右, 佢好好人, 首先幫我搵番分數既record
原來我final得47分(mean就58分),
跟住仲解釋番final既答案比我聽.........
原來好多地方, 我以為自己答對左, 但實際上係錯既..........
聽完佢解釋, 我已經打消左check卷既念頭.........

過左一陣, 就輪到同Dr. Wong傾........
原來我final得53分(mean就62分), 又係below mean
真係莫名其妙! 明明我考試既時候識晒, 點解考出尼會係咁架?
不過Dr. Wong就唔肯講答案比我聽, 佢話規矩上唔容許喎.........
佢真係好有原則..........
但我o係度死纏爛打(因為我真係好唔服氣),
仲同佢講話我唔係淨係想加分升grade, 我仲好想知道自己到底o係答essay上, 出左d咩問題.
最後佢都話好樂意幫我, 仲比左其中一題final既題目我, 叫我做多一次
然後開學之後拎比佢睇, 等佢比d comment我..........
haha........
真係好多謝佢啦, 我咁Q煩佢都咁好聲好氣...........

成個下晝, 都o係度疊埋心水搵工, 仲幫妳apply左一份工.........

夜晚返拳, 操練既份量ok啦, 唔太heavy, 之後仲打左兩場free-fight
第一場, 我對阿宇(等左咁耐, 終於比我恨到啦!!)
但阿宇冇咩心機打(佢事後講番比我知, 因為今晚太熱)
再加埋一向打free-fight唔驚死既我, 竟然好少有地驚左對手.........
結果..............悶戰一場(如果有計分的話, 應該會係零比零)
第二場, 對住一個體力同身材幾好, 但冇咩頭腦既黃帶.....
一開頭大家亂鬥亂, 都打得幾難睇, 因為佢係又衝前唔係又衝前, 而我又o係度同佢鬥撞..........
但之後冷靜落尼, 嘗試改變自己既戰術, 用counter打法.
都幾奏效!! 仲偷左佢幾分........
有時打free-fight真係要用下腦先得.........淨係有體能同技術都唔夠.........

練完拳之後, 仲同莫sir佢地成班一齊食個靚飯先走, 成點幾先返到屋企.........

今日, 過得幾充實~~

>>June 5, 2004 at 4:32:56 PM GMT+8

2004 年 6 月 2 日 星期三 【酷熱】

因為OB拎唔到B grade, 我尋晚唔開心到訓唔著, 諗極都唔明, 點解出尼既成績會咁差?
結果, 五點先訓得著........
但訓到八點又醒左, 跟住又訓唔番.............

今日約左hall E o個三條女去踩單車, 下晝點半開始踩, 一直踩到六點.........
佢地三個都好騎呢..........
Carmen炒車炒左兩次, Eva有兩次都幾乎炒, 不過最後都冇事,
但睇見佢咁狼狽個樣, 真係笑到我死.............
Winnie冇咩事, 但速度就慢到死, 學Eva同Carmen話齋, 佢行路同踩單車既速度係成正比既.....
都係咁慢!!!! kakaka............

夜晚, 返屋企, 同老爹兩個人去Fresh & Fresh食dinner.............

老母大人呢排都要開ot, 好耐冇同佢一齊食飯lu...........

>>June 5, 2004 at 3:49:28 PM GMT+8

2004 年 6 月 1 日 星期二 【酷熱】

訓到點幾起身, o係屋企食d野之後就返嶺南交summer intern既form
一口氣交左7份, 雖然都知機會不大, 但即管試下啦........
o係嶺南留到6點幾就走左.........

夜晚, 約左老朋友helen食飯, 傾左好多野, 主要都係佢既問題多
希望佢早日解決到自己既問題啦..............
好多野, 講就容易做就難........
我自己好多時都會咁.........

坐到十一點幾, 收到winnie icq msg話可以check accumulate gpa
急不及待去check.........
check之前個心真係跳得好勁, 因為今個sem真係好關鍵, 唔可以有差錯
結果.............accumulate僅僅過1.67, 好險!! 出年我仲可以留番o係嶺南
不過, 話就話gpa進步左成四份之三, 但我都係唔滿意
尤其係OB同LEGAL, 睇見個grade我真係愕左然
OB我咁勤力溫, 竟然得C+, 我真係接受唔到
LEGAL又係, 明明final有80分識做, 結果竟然係C-, 雖則話midterm炒左, 但都冇理由咁差.........
呢兩科我打算check卷, 因為每一分對我尼講都好緊要...............
反而MS有B, 我就有少少surprise, 因為final只係做得一般, midterm個分又只係o係mean附近
ism200, ism201既成績就完全o係預計之中..........

知道成績之後, 唔係咁開心, helen就調番轉頭安慰我同引我笑..........
haha.......真係多謝佢!!
亦都好多謝每一個關心我既人!!
更重要既係要感謝神, 因為你有垂聽我既禱告
從今次考試入面, 你亦都話比我知, 你係一位公義既神

十二點幾, 返屋企............

>>June 2, 2004 at 7:17:13 PM GMT+8

2004 年 5 月 31 日 星期一 【酷熱】

達哥既日記入面有d野真係講得冇錯.........
"日記係寫比自己睇, 唔係為左俾邊個睇"
所以寫日記, 想寫咩就寫咩, 唔使理人地點諗..........

----------------------------------------------------------------------------------------------------------------------------

今日過得好快..........

尋晚五點左右訓, 訓到一點左右先起身, 起身之後攪學校summer intern既野, 填左幾份form
原本諗住返嶺南交form, 之後就o係嶺南hea下, then就直接去黃大仙練拳
但當搭緊車出去既時候, 先至發覺自己咩equipment都冇拎, 只係帶左袍
冇計! 唯有即刻轉車返屋企. 結果冇返到嶺南........聽日先返.

o係屋企check下email, 搵下工, 7點左右就出發去漢道練拳.
阿paul唔練得, erica又唔得閒, 結果得我一個人去.
不過冇法啦! 我選擇跟莫sir操, 都係希望自己有多d進步, 有冇人陪都冇咩關係......
今晚既操練, 比上星期五既稍為heavy d, 做到提腿再出front kick o個度, 我已經開始頂唔住
練左個半鐘左右, 中間break過兩, 三次, 跟住就開始soft-fight同free-fight........

free-fight我又對番上星期五對過既o個個藍紅帶(仲係唔知佢叫咩名)
今次佢冇留腳啦, 但我還可以應付得尼. 而且佢亦都冇我想像中咁勁........
不過唔知係咪太耐冇練定係太緊張, 有兩次佢出cut down上我頭時, 我都唔小心推左佢落地
唉唉! 真係唔好意思啦!

不過同莫sir既學生比, 我真係水皮到死.
同一d同帶既比, 我各方面都唔及佢地
同一d低帶既比, 技術我未必勁過佢地好多, 但佢地既體力就好過我好多啦
所以同莫sir既學生打, 真係冇咩把握 (上次攪到我傷左十字韌帶既阿賢就例外, 佢真係好唔掂)
另外佢地打free-fight, 好少會打埋身, 而且仲會出唔同類型既腳
反而我技術唔好, 成日都打埋身或者亂咁湧, 同佢地真係有d格格不入
真係......好想好想改變自己既打法, 我唔想打free-fight打得咁樣衰..........

漢道同嶺南有樣野好唔同, 就係o係漢道入面, d人好似唔太團結
打free-fight既時候, 都唔聽見有人o係度打氣或者提場
或者係因為d人來自唔同既地方啦
十幾歲既又有, 好似我咁既年紀既又有, 出左尼做野既又有...............
不過我反而幾享受o係漢道操既日子.
原因就正正因為人都唔識多個, 可以專心咁操
我唔係話o係嶺南操唔好, 但同d人咁friend, 有時真係會冇咁專心
而且妳亦都會o係度, 有時亦都要理下妳, 唔可以淨係自己顧自己..........
但o係漢道就唔同........

操到十點半就完啦, 跟住就一個人去左上環食野, $30食一碟紅腸餐肉火腿蛋飯
笨左! 以及都唔去o個度食..........

返到屋企一點半, 咁又過左一日..............

>>June 1, 2004 at 6:22:15 PM GMT+8

2004 年 5 月 30 日 星期日 【酷熱】

訓到一點起身, 妳打比我, 妳入緊西貢, 準備去outward bound, 傾左一陣, 依依不捨地收線, 尼緊今個星期都唔會聽到妳把聲啦...........

雖然要分隔開一段時間, 但我既感覺其實冇咩特別, 只係o係收線既時候有d唔開心, 但係好快就冇事..........

做浪子既第一日 :

o係屋企執下野, hea下, 五點幾打比謙謙約佢篤波, 點知佢約左佢女朋友阿west, 但佢話我出埋尼都冇所謂喎, 佢仲話阿west想見下我, 同埋好想睇下我地篤波喎.............
結果我地三個人去左銅鑼灣食飯, 我都好耐冇做過"發光物體"啦..........

去左某餐廳食野(唔記得叫咩名), $110任食任飲, 我地夾埋叫左6碟意粉, 2個pizza, 2個沙律, 5件蛋榚同6杯野飲, 抵到爛啦!! ~^.^~

食飯既時候都有傾下計, 阿west同謙謙呢一對都幾有趣, 佢地d對答都幾攪鬼, 聽見我都忍唔住笑.........

食完飯去左篤波, 篤左5局, 第一局打得好精彩, 大家互有領先, 最後我贏謙謙十幾度. 但就因為咁, 撩起佢把火, 之後o個4局都係佢贏, 仲要係大勝o個隻, 或者......係因為我o係阿west面前落佢面掛..........kekekeke..........

玩到一點, 走人! 返到屋企一點半, 沖完涼check下email, 就開始打呢幾日既日記啦.........

咁就過左浪子生活既第一日...............

----------------------------------------------------------------------------------------------------------------------------

今日打比阿paul, 睇下佢情況如何, 知道佢要抖一段時間, 暫時唔練得. 唉唉!!
希望佢快d好番啦. 雖然阿paul哥都幾乞人憎, 但話晒都係師兄弟, 關心下佢都係應該既..........
不過我就慘啦, 尼緊要自己一個返漢道操. erica又要返工, 唔知佢會唔會尼喎..........

腳板既傷進展唔錯, 聽晚應該可以練到, 熱切期待!!
不過有d驚呀, 阿宇咁勁, 如果我對佢的話, 唔知我會唔會步阿paul哥後塵?

求神保守~~

>>June 1, 2004 at 9:37:14 AM GMT+8