2004 年 8 月 5 日 星期四 【溫暖】

今天, 要走了...........
大家保重~~

去到加拿大我都會照打日記的
大家有時間就尼睇下........

>>August 6, 2004 at 3:48:32 AM GMT+8

2004 年 8 月 4 日 星期三 【晴】

去加拿大前的一天..............

十點就起左身, 食d野之後, 十一點左右就出發去中環搵stella拎d野比姨媽
跟住就返嶺南...........
之前收到學校o既mass email, library請人, 所以就apply左.
同妳一樣約左今日兩點interview, 係group o既, 一點八就入到去.

始終係第一次group interview, 加埋有d緊張, 所以表現只係一般
3點幾離開嶺南, 同妳去左富泰食野, 跟住就出旺角..........

買左一對新鞋.........

返到屋企, 同屋企人一齊執行李.
突然醒起原來我未買旅遊保險, 真係大懵.............
聽日要一早起身去攪.........

8月6日-8月16日 : 不在香港
有事可以icq我或者call我, 不過我多數唔會聽(電話費貴嘛!!), 之後先覆你地..........

>>August 5, 2004 at 5:09:36 PM GMT+8

2004 年 8 月 2 日 星期一 【晴】

原本一直o係bond's返工都幾開心, 點知o係最後一日就爆左個大鑊
好嬲, 好失望...........
Jacko真係好衰, 乘機出糧出小d比我, 錢只係小事,
main point係比佢咁樣抽我水, 我好唔服氣.
點解我要比你抽水呀? 我又唔係表現差.
我斤斤計較? 我真係斤斤計較的話就唔會請你地飲茶啦!
仲要串我好同佢計到咁盡, 又話我玩野, 返尼bond's扼人工.
我頂你個「Lung」呀? 我都有做過有建設性o既野架. 你估我白拎你人工架?
講到我好似廢柴咁...........
你go to hell 啦!! 請到個咁好o既員工你都唔知!!

幸好Ricky明察秋毫, 讚我幫得手, 又問我grad左之後返唔返尼做? 仲話keep in touch, 叫我grad左之後打比佢. 我o既努力總算冇白費..............

Last day同平時一樣, 都係冇咩特別, 唔太忙. 不過今日就好放肆, 係咁玩icq, 同左好多人傾計......
包括patrick, erica 同埋o係加拿大o既helen, 同佢地傾左好多野......
睇唔出patrick平時咁靜, 原來佢識得手語, 仲有開班教學生........
同erica傾了好多自己o既問題, 很多謝佢. 其實erica都幾識諗..........
helen就更加不在話下, 覺都唔訓, 同我係咁icq, 兩點幾同我傾到成六點, 又係傾左好多野, 真係唔知點多謝你好, 最初你第二時返到香港我唔成日蝦你啦........ ~^.^~

臨收工前發左d事, 第一次夾o係妳同媽咪中間, 好彩最後都解決到..........

六點幾離開公司, 又要同bond's講聲拜拜, 唔知後會有冇期呢?
平心而論, jacko有時係好衰, 但我有今日, 其實都係全靠佢同ricky.
當初唔係佢地肯請我, 我諗唔知幾時我先會"開曉".
心情好矛盾, 希望佢唔好將件事放o係心入面.........

夜晚o係屋企食飯.........

send左個offline message比heidi師姐, 講左很多野.
希望佢快d好番, 再返到跆拳team當中教我地.........

>>August 4, 2004 at 11:48:20 AM GMT+8

2004 年 8 月 1 日 星期日 【晴】

聽日就係返工o既最後一日, 所以今日lunch time就同成班同事同兩位老細出左去飲茶.
叫左十幾籠點心, 仲有一碟炒飯, 幾隻灌湯餃, 同埋十隻黃油蟹小籠包
埋單$703, 都幾貴, 不過算啦, 最緊要大家開心.
當初如果唔係Ricky叫我返去做summer job, 可能我今個暑假o係度做緊糧地官.
d同事又好好人. 最初我話請o既時候, 佢地都異口同聲話唔好, 因為知我人工低, 唔想我破財.
所以呢餐飯都係抵請o既~~

不經不覺就過左五個星期, 呢段時間過得真係好快, 同埋好開心. D同事都好照顧我.
好鍾意同Krystal玩同埋講笑, 公司有我同佢o既時候真係會開心好多, 氣氛亦都冇咁緊張同嚴肅
Gloria亦都好好, 佢share左好多佢o既工作experience比我知, 教識我好多野
相信第二時如果o係其他公司做, 都好難遇到一班咁好o既同事

開心o既日子, 永遠都係過得好快.
真係有d唔捨得~~

>>August 2, 2004 at 10:35:48 AM GMT+8

2004 年 7 月 31 日 星期六 【晴】

3日2夜的training camp終於告一段落, 自己因為要返工, 所以星期六下晝先入去. 原先只係諗住睇下班師兄弟姊妹練成點, 夜晚就會走, 但係妳又想我番o係度陪妳, 加埋聽日又唔駛返工, 最後都係留左o係度.............

成個camp入面, 有開心o既野亦都有唔開心o既野.
開心o既係可以同班師兄弟姊妹聚一聚, 尤其係grad左o個d, 真係唔知幾時先再可以見到你地
唔開心o既係, 同妳有d爭執, 攪到有d僵, 其實都係自己唔arm, 有時候太過情緒化, 所以.............

仲有o既係, 見到部份隊員之間有點不和, 阿ken, 立文同阿john佢地似乎都幾唔喜歡阿paul. 睇見佢地咁, 都唔知點好. 講句公道話, 阿paul有時係幾乞人憎, 把衰口有時唔太識收, 講野有時又唔經大腦. 但唔可以否認o既係, 佢對跆拳so都有好多貢獻, 例如管理equipment呢樣工作就真係好惡頂, 但阿paul一路都有比心機咁去做, 我地作為team member, 有冇多謝過佢? 反而好多時你地只係執住佢o既衰野尼講, 又話佢擺師兄格, 又話佢搬席o既時候成日唔見人.............仲有好多好多, 咁樣對佢公平嗎? 咁你地敢唔敢話你地自己從未擺過師兄格? 你地每次搬席o既時候, 係咪都會一定在場幫手? 睇人係應該從各方面去睇, 唔應該只係側重於某d地方. 唔妥阿paul o既人如果有機會睇到我呢篇日記的話, 希望你地好好去諗下我講o既野...........

今朝最後一課操練, nicky教練講o既一番話, 令我不禁流下眼淚! 教練講o既野真係冇錯, 尤其係提到heidi o個部份, 我真係好同意! 講真o個句, 我地o係度跟nicky同heidi學左咁耐, 心入面到底有冇appreciate過佢地所做o既野? 反而好多時, 我地都冇好好珍惜而家學跆拳o既日子.
o係外面返其他館, 每個月學費成二百幾, 仲要自己買成套equipment, 次次上堂都拎餐懵.
但係o係學校入面, 淨係交o個50蚊ilp錢就有得玩, 而且d equipment仲好齊, 兩手空空就可以去上堂.
nicky同heidi未必係最出色o既教練, 但佢地肯定係最盡責, 最為我地著想o既教練...........
所以我地要好好努力, 唔好令nicky同heidi失望~~

大家加油!

感謝每一位抽空出席的朋友, 同埋有份參與籌備工作的莊員(Eva, IVP立文, EVP阿Paul, Himson, 仲有自己 ~^.^~)

>>August 3, 2004 at 1:12:45 PM GMT+8

2004 年 7 月 22 日 星期四 【晴】

今日, 不提也罷........
太唔開心了~~

>>July 24, 2004 at 3:25:50 AM GMT+8

2004 年 7 月 22 日 星期四 【晴】

近來很忙, 沒有空寫日記...........

o係Bond's返工已經有４個星期了, 不過返埋下個星期就唔做啦.
八月頭會去加拿大探姨媽, 其實有得揀的話,
都想返耐d工, 搵多d $$.
但係又怕如果今次唔過去, 就以後都唔駛見到佢.
結果都係選擇左辭職唔做........

機票就貴到死, 成$12k.........
不過我自己o係旅行社做, 自己做番自己o既旅遊顧問,
幾有趣!

打住咁多先啦～～

>>July 23, 2004 at 1:25:15 AM GMT+8

2004 年 7 月 8 日 星期四 【晴】

呢期身邊特別多衰人...........尤其係女人...........

唉! 世途險惡~~

>>July 9, 2004 at 3:49:24 AM GMT+8

2004 年 7 月 4 日 星期日 【晴】

呢期好放蕩, 勁飲勁食, 肥左唔少.........嗚嗚!!!!!
又要keep fit~~


我...........在好心做壞事嗎?
但...........真係唔想見到你地o既誤會加深...........

>>July 5, 2004 at 4:23:57 PM GMT+8

2004 年 6 月 28 日 星期一 【晴】

今日返工時同Erica icq, 同佢傾到拍拖o既問題.........
佢講左一句「要好好保護自己喜歡的人噢」
真的講得好好, 我很喜歡呢句說話.........

回想起同妳一齊咁耐o既日子, 自問有時真係對妳唔太好, 尤其係嗌交o既時候.........
無疑有時妳令我很唔開心, 但自己其實亦都有好多問題........
好多時自己只顧住自己o既感受, 冇好好咁為妳諗下.......
所以當見到呢句說話o既時候, 真係好慚愧同唔開心........

我將呢句說話打左o係icq info同日記o既第一版, 藉住咁樣提醒自己.........
以後同妳有咩爭執或者嗌交, 我都要諗下呢句說話.........

>>July 13, 2004 at 1:51:03 AM GMT+8