2004 年 10 月 5 日 星期二 【晴】

夜晚係FM midterm, 但係到左今日都仲未溫晒書。
唉唉! 成日都係咁..........

下晝努力溫書, 連普通話堂都走埋。終於臨考前一個鐘左右先溫晒!!

midterm形式係90分鐘內做25條mc。
發覺自己好緊張, 頭四題竟然用左四個字先做完。
跟住就祈禱, 好似好左D.........
就繼續做落去.........

最後, 當然係做得晒啦, 不過有兩條唔識, 唔知今次拎到幾多分呢?

之後去左MUSO o'night, 去到o既時候已經完左, 得番幾個freshmen同MUSO莊員, 仲有達同冠熙。
一如所料, 今年都遇到同道中人。而且仲有兩個添!
其中一個唔記得叫咩名o既, 真係有料到! 技術真係好全面, 而且仲幾靈活, 自問自己最勁o既時候都比唔上佢。可惜佢太show-off自己, 同阿達夾夾下歌, 竟然可以掛住自己solo, 唔理阿達, 攪到達哥有d尷尬。做鼓手唔係淨係打得叻同識solo就得架, 仲要識得同其他人夾, 如果唔係仲邊叫做「夾band」丫, 有冇道理先?

今年MUSO班莊員真係唔係好掂, o'night完左之後竟然得番Wallace同阿Sa兩個P o係度善後, 其他人全部都走晒。最後我地三個「老鬼」幫手執野.............

>>October 8, 2004 at 2:48:53 AM GMT+8

2004 年 10 月 4 日 星期一 【晴】

今晚返拳, 又有機會比我做教練, 我仲負責教比加昭添!
一個紅帶做一個黑帶三段o既教練。真係攪鬼!
結果冇咩好講, 講左一堆廢話。

「你打得好好架啦, 照番第一round咁打啦。要好好運用自己o既長處, 好好攻擊人地o既短處。你o既短處係咩呀? 你應該最清楚!!」

講左等於冇講..............

跟住自己同君濂打, 一早已經知道佢係一個唔容易應付o既對手, 但係同佢打o既時候, 卻發覺佢比我想像中更加難應付。原先已經諗好用走側應付佢, 但係佢d反應同turning太快啦(或者係我太慢!), 結果之前o既戰術全部用唔到, 再加上自己刻意嘗試用中距離打法, 未能好好適應, 最後輸11-17。

同妳and阿paul去富泰買野食, 巧遇hall E o個幾條女, 死人許燕華都o係度..........

聽日FM midterm了, 有點擔心~~

>>October 11, 2004 at 5:34:35 AM GMT+8

2004 年 10 月 3 日 星期日 【晴】

尋晚返左屋企, 今日兩點幾先起行返嶺南..........

又是平平淡淡的一天...........

報左嶺南o既part-time job(立法會選舉調查), 所以夜晚要去聽talk。
但係都唔知做唔做好, 一來冇得o係新界西做, 二來人工又唔係好(原本話每晚$150底薪, 之後又話$100), 有點不知所措..........

同妳去左富泰食dinner..........

2點幾訓..........

>>October 5, 2004 at 3:47:15 AM GMT+8

2004 年 10 月 1 日 星期五 【微冷】

今日涼左好多呀........

訓到一點幾起身, 同妳一齊玩煮飯仔, 食完之後就各自各做野。妳就攪埋跆拳莊d數, 我就溫FM........

中間又午睡左一個鐘..........

原本打算今日下晝返屋企, 但因為尋晚發生左D不愉快事件, 我決定今晚唔返屋企, 再同妳去元朗食日本野。

夜晚食得好飽, 好開心呀!!

半夜又同Kenny佢地打麻雀, 呢幾日真係放肆, 下星期開始要比心機溫書..........

>>October 3, 2004 at 2:48:42 PM GMT+8

2004 年 9 月 30 日 星期四 【晴】

浪費左成日假期.........

訓到一點幾起身, 原本諗住上7樓叫醒妳, 點知叫叫下自己又訓埋一份, 最後5點幾先起身......

夜晚過左元朗行街, 原本打算行一陣跟住去食日本野, 點知同妳因為小問題嗌交, 攪到不歡而散。
唉唉~~
真係好唔開心同好嬲..............

十一點幾返hall, 我地又無事了! 好野~~

半夜又打牌, 今次同small ray, 阿zuk同joey打, 8圈牌夾埋贏$4, 白做咁滯!!

5點幾訓~~

>>October 3, 2004 at 2:41:06 PM GMT+8

2004 年 9 月 29 日 星期三 【晴】

尋晚成晚冇訓過, 為o既都係因為e-commerce份功課........

4點左右開始做, 做到7點半做完, 中間同傅健icq左一陣, 跟住佢仲打長途電話比我添, 真係勁surprise!!! 結果我地傾左半個鐘左右..............

九點鐘去左交功課, 原本諗住順便上埋e-commerce堂, 結果成堂訓到死左咁, 仲要扯埋鼻鼾, 好彩有阿kenneth叫醒我, 如果唔係就真係醜死鬼...........

上完堂返房訓覺, 一訓就訓到五點幾, 仲走埋Planning & Staffing堂添, 唉唉...........

夜晚同俊文食飯...........

半夜同hall b o既朋友仔打麻雀, 輸到傻!
不過我成晚o係度攪gap, 攪到Chris, Kenny佢地笑餐死!!
同佢地一齊打牌真係好開心.........

>>October 3, 2004 at 2:36:57 PM GMT+8

2004 年 9 月 28 日 星期二 【晴】

中秋節翌日.............

今日訓到十二點左右起身, 自己煮lunch食之後, 就同開始做功課了。

個網站依然係好唔穩定, 有時去到有時去唔到........
原本諗住出門口前應該會做到大部份o既功課, 結果只係做左好小........

四點幾出門口..........

bbq前出現左好多阻滯, 結果攪到成9點幾先開始燒。中間仲有小小唔愉快事件出現........
雖然我都覺得himhim有少少安排失當, 不過算啦! 最緊要大家玩得開心........

一點幾先走, 好彩有阿鈞車我返嶺南, 真係唔該晒佢!

三點返到嶺南, 沖完涼之後又要繼續做我o既功課啦, 想訓都唔得..........

>>October 3, 2004 at 2:27:10 PM GMT+8

2004 年 9 月 27 日 星期一 【晴】

今日雖然係中秋節, 但係只係過得很平淡...........

lunch同hall b o既朋友仔們去左嶺南中菜廳食飯, 之前都聽過其他人話呢度好正, 果然係唔錯!
d野食又唔貴, 而且又裝修得好靚。最後埋單, 位位$30..........

從Larry口中得知一些事情, 勁嬲! 親愛的阿Paul, 你真係好可惡!!

下晝上Planning and Staffing..........

夜晚去左新世界中心o既東海同屋企人食飯, d野食尼得勁慢, 七點幾食到成十點.........

食完飯自己一個人返左hall, 做埋e-commerce功課。
返hall o既途中, 見到街上好多人, 有d一家大細, 有d就一雙一對........
唯獨是我自己一個人, 唔知點解, 感覺很得意.........
其實都有d後悔點解今年唔係同妳過。
不過一來妳一早約左妳d朋友仔bbq, 二來我自己又要做功課.........
所以算啦!!

返到hall諗住做功課, 點知個website無啦啦入唔到去, 結果只係做左小小..........

3點幾訓~~

聽日同7L班o既朋友仔bbq, 熱切期待。好耐冇見佢地啦! 好掛住佢地每一個..........

>>October 3, 2004 at 2:09:55 PM GMT+8

2004 年 9 月 24 日 星期五 【晴】

因為下星期一要負責普通話堂o既專題討論, 同埋要做2個assignment
所以今個星期我決定留o係hostel唔返屋企。
其實我好都想返屋企架, 因為星期一媽咪就飛去加拿大探姨媽啦, 仲去成兩個幾星期添........
仲有家姐聽日就要去英國讀書, 今晚教會又有gathering喎, 如果今晚唔返去的話, 就唔知幾時先見到佢lu.............
不過我又好驚自己做唔晒d野喎, 所以最後我都係選擇留低........

今日妳要上大陸, 聽日先返, 所以今日大部份時間都係自己一個人過, 一點幾送左你去搭車之後, 我就自己一個去富泰街市買野, 諗住夜晚自己煮飯食, 之後我就返左hall了。

下晝唔記得左做過d咩野, 唔知點解成五點幾先開始做野。唉唉! 成日就係咁樣浪費左d時間.........

夜晚借用俊文o既電飯"bowl", 自己一個人煮飯食。

好喜歡星期六晚一個人o係hall, 因為d人大部份都走晒, 所以呢度好靜, 可以好好咁諗下野, 做下自己o既事情..........

兩點幾訓...........

>>October 3, 2004 at 11:30:58 AM GMT+8

2004 年 9 月 21 日 星期二 【晴】

朝早上9點半堂, 成堂o係度發緊夢, 我d老毛病又尼了...........

上完堂返房訓覺, 很累呀!!

夜晚係muso re-u o既日子, 除左阿fa同阿達哥冇尼, 其他人都尼晒, 仲齊過以前開會, 真係開心~~

成班人出左屯市打邊爐, 氣氛都幾好, 大家都有講有笑. 我仲唔小心爆左大鬼舊年MS midterm得3分o既秘密出尼. 不過原來唔止我一個人知..........

我同Eva呢兩個pic真係做得唔錯, keke! (雖然實際上做o既野唔多, 只係負責contact下其他人)

>>September 24, 2004 at 5:16:39 PM GMT+8