2004 年 12 月 6 日 星期一 【晴】

去左搵阿Joe(教我FM的老師), 問了佢好多野。
一傾就傾左成四十分鐘。

聽日FM考試(我期望最高的一科), 唔知點解好似冇咩戰意。
心情好平靜, 完全冇壓迫o既感覺。
係好定係唔好呢?

目標 : B+ (唔知會唔會定得太高, midterm後教o既野, 好多我都唔識做)

神, 求你幫我........

>>December 7, 2004 at 4:14:14 PM GMT+8

2004 年 12 月 5 日 星期日 【晴】

溫ISM o既科, 唔知點入手好。
救星Andy又未返尼, 唯有靠自己慢慢摸索........

今日o既進度, 亦都只係一般.........

夜晚同許燕華ICQ, 我地呢兩個前世撈亂骨頭o既, 居然傾得好和平, 大家都冇互窒對方。
kekeke.......
謝謝佢的message! 加油了, 朋友仔~~
----------------------------------------------------------------------------------------------------------------------------
Kobe同我講佢終於諗通了, 希望佢真係諗通左啦。
因為水神曾經講過:「真正諗通左o既人係唔會話比人聽自己諗通左架!!」
細佬, 你加油啦~~

>>December 7, 2004 at 2:06:47 AM GMT+8

2004 年 12 月 4 日 星期六 【晴】

溫書o既進度比預期中慢, 唔知點死!!

今個星期, 考四科, IS o個兩科仲要編埋同一日。
真係唔知校務處D人攪咩鬼, 玩野咩!!
隨住第一科炒左, 對今個sem GPA期望已經跌左。
有2.4已經偷笑。

唔知出年可唔可以著住袍影相呢??

只怪自己以前種下o既禍根........

--------------------------------------------------------------------------------------------------------------------------
夜晚同Kobe icq, 知道佢近來好唔開心, 面對緊我舊年面對o既問題。
希望佢可以振作啦, 唔好步我舊年o既後塵。
感情呢家野, 係你o既, 你一腳踢開佢佢都唔會走。
唔係你o既, 你對佢做咩都好, 佢都唔會留。
神會有佢o既安排架啦!
而家, 都係讀書最緊要.........

>>December 6, 2004 at 8:26:19 AM GMT+8

2004 年 12 月 3 日 星期五 【晴】

HRM203考試, 唔太理想, 有成25分唔識做, 做左個D仲要唔知拎到幾多分.......

一早都知道黃銳添係流灘人, 但萬萬估唔到佢會翻炒之前o既題目, 仲要咁鬼多。
總知係咁, 我就淨係做佢d past paper唔溫書啦!
笨左~~

而家考成咁, 希望攞到C+啦, 有B-就真係偷笑。
第一科就攪成咁, 真係開壞個頭........

下晝波波打比我, 話佢新買o個個手寫板唔知點解寫唔到野, 問我點算好。
結果我答.........
「你不如拎番間鋪頭度同佢講, 叫佢換過比你啦。」-_-''
呢個答案看似好廢, 但係又一D都冇錯喎~~

Vava病了, 要好好照顧佢, 今晚煑粥比佢吃........

十二點幾同Vava出去買宵夜, 沿途o係南宿斜路見到好多星, 一齊睇左好耐........
好開心~~

Betty的喪禮已左定左o係12月11日, 可以的話, 我都好想去睇下。
可惜真係冇可能.........
一來我o個日要考試, 二來而家D機票貴到嘔電,
咁樣去一去加拿大, 又唔見成萬銀..........

>>December 5, 2004 at 3:29:01 AM GMT+8

2004 年 12 月 1 日 星期三 【晴】

E-commerce present, 都係不過不失啦。
同上次present一次, 自己都係負責introduction。
所以都係冇咩好比人插.........

Echo個demonstration真係好正, 辛苦晒佢啦!
為左呢個present, 佢前一日o既early exam只係溫左幾個鐘。

比Irene Kwan讚我地個idea好innovative, 不過就爭小小mature。

除左present之外, 我地仲報左名參加匯豐銀行個programme。
今日就知道結果啦, 完左present之後我地就即刻上網睇。
可惜冇我地份.........

展豪仲問我有冇興趣go ahead搞呢個business。
興趣就有o既, 不過一定唔係而家。而家最緊要o既, 都係考試........

---------------------------------------------------------------------------------------------------------------------------
夜晚mum打比我話我知Betty姨媽病逝o既消息, 坦白講, 雖然有D唔開心, 但係都已經有晒心理準備。始終佢患o既係末期cancer, 遲早有一日都會離開我地。同埋佢臨尾o個幾個月o既情況都好壞, 我反而覺得, 佢o既離開, 可能係一件好事。同埋佢已經信左耶穌, 佢o既離開, 係我地眼中係一個完結, 然而係神眼中卻係一個開始。因為Betty可以返到神o既懷中, 過另一個世界o既生活。

mum仲叫我打電話過去同佢地傾下計, 佢話Raymond(我表哥)喊得好緊要喎。但係結果我都係冇咁樣做。事實上, 我都真係唔知講咩好, 唯一可以做o既, 就係幫佢地祈禱。

唔知Betty係天堂裡面開唔開心呢?
雖然你走左, 但係我(地)會永遠掛住你架!

----------------------------------------------------------------------------------------------------------------------------
最近幾年, 每年身邊都有人離開自己。
人真係好脆弱........
不過冇辦法啦, 每個人遲早都要死o既..........

>>December 4, 2004 at 8:44:36 AM GMT+8

2004 年 11 月 30 日 星期二 【晴】

普通話口試, 詞語讀得一般, 課文就有幸抽到最容易o既其中一課。
好彩! 感謝神~~

多謝Vava呢幾日陪我溫普通話!!
不過佢就即刻「打蛇隨棍上」,
話要我請佢食雲吞撈麵, 冬菇餃同豪餅喎。

聽日E-commerce present, 我地個個都好認真咁準備。
入尼嶺南咁耐, 最比心機做present都係今次。
上次case 6拎到A, 對我地真係好大鼓舞。

攪下攪下, 三點幾先訓, 聽日仲要八點幾起身。
不過Echo就仲夜過我, 我訓o既時候佢都仲做緊.........
今次present佢真係放左好多心機落去, 好多謝佢!
當然, 其他人o既努力亦都唔能夠忽視.........

>>December 2, 2004 at 9:55:19 AM GMT+8

2004 年 11 月 29 日 星期一 【晴】

倒楣的一日~~

一起身就因為小事同Vava嗌交, 攪到成日都心情唔好。
結果三點幾先開始做present。

之後又因為小事, 發左好大脾氣.........

夜晚練普通話, 練到頹晒。
又發脾四........

今日真係死唔少細胞!!

sorry Vava........
我有時真係好差........

>>December 2, 2004 at 6:48:53 AM GMT+8

2004 年 11 月 28 日 星期日 【晴】

同Vava去左屯市。原本只係諗住買個袋同件衫(Vava有馬拉松八折coupon)
點知行下百佳同吉之島, 無啦啦洗左百幾蚊。
跟住去埋小巴黎食野, 又冇左$77。
唉唉! 洗錢真係容易。

就咁樣, 波波上星期比我o個$628蚊, 一晚就用晒啦。
仲要洗突左添..........

>>November 29, 2004 at 3:56:59 PM GMT+8

2004 年 11 月 26 日 星期五 【晴】

估唔到星期三的日記竟然會得到咁多人o既留意。
haha! 原來有好多人關心自己, 多謝你地啦!

Helen : 好同意你所講, 呢個世界真係有好多欺善怕惡o既人。
不過呢個世界上實在太多呢D咁o既人啦,
如果次次都要開波KO佢, 睇怕我會好唔得閒。
事實上, 咁o既人我都唔係第一次遇見。
比佢更衰, 更仆街o既都見過(我返工o個兩年就見得最多)。
呢D又算得係咩丫? 濕濕碎姐!

EVA : 我淨係知佢係BBA人, 咩stream就唔知啦!!

>>November 29, 2004 at 3:52:03 PM GMT+8

2004 年 11 月 24 日 星期三 【晴】

E-commerce堂, 聽其他組present。
極少有地問問題插阿MO姐 o個組。
都好似好耐未試過啦, 通常聽人地組present, 我都只係靜靜地坐o係度聽。
就算規定每組一定要問一條問題, 通常都係由我d groupmate去做。
對上一次問問題, 好似已經係year 1時o既global business堂啦。
不過o個次全group除左我之外, 全部都走晒堂, 所以我被迫要開口問人野。

之但係今次o個組就真係好有問題啦。有D論點完全冇point支持, 叫人點信服你呀?
例如佢地只係話「香港o既失蹤人口比例好高。」
點樣高先? 今年有幾多人失蹤呀? 過去o個五年呢? 十年呢?
同其他國家比, 香港o既比例係咪好高呀?
呢D資料通通欠奉!!
所以, 雖然同阿MO姐都頗熟, 之不過friend都冇情講!
真係唔好意思啦。

P.S : 近來, 做左好多以前好少做o既事情~~

>>November 27, 2004 at 9:33:08 AM GMT+8