2004 年 12 月 16 日 星期四 【晴】

許x華 : 我唔係話緊你呀!!
----------------------------------------------------------------------------------------------------------------------------

普通話考試, 都係不過不失啦。
有少少做唔晒。
不過自己普通話水平一向都唔係太好, 所以.........
呢科目標求C+啦~~

夜晚同HALL B朋友仔們打邊爐, 好開心!!
半夜又係打牌o既時間, 8圈贏$23~~
----------------------------------------------------------------------------------------------------------------------------
今日Emily打尼, 約我一月尾睇Beyond演唱會。
結果又比我例牌菜地推左佢。
主要原因係, 雖然自己係beyond o既fans, 但係今次真係冇咩興趣。
Beyond呢一年都冇出過新歌, 買飛入去咪又係聽番以前D歌。
如果係咁, 不如我自己o係屋企播住隻「超越Beyond2003演唱會」碟就得啦!

當然, 另一個原因係....
我唔想同佢去街啦.........

>>December 18, 2004 at 11:27:18 AM GMT+8

2004 年 12 月 15 日 星期三 【晴】

平淡的一天~

下晝約左network班groupmate傾project。
完左之後同阿為食野.....

傾開感情呢家野, 佢俾左個忠告我。
就係通常D一對對grad左之後都會無可避免地淡左(尤其係一齊住hall o個D)
叫我到時pay more attention喎........
之不過而家都唔驚得咁多啦, 順其自然..........

夜晚繼續溫普通話, 好心散.........

>>December 17, 2004 at 3:03:57 AM GMT+8

2004 年 12 月 14 日 星期二 【晴】

話說原本今日lunch約左許x華食, 點知佢話要趕住做3000字o既paper,
所以想今晚先食喎, 最後我都係同番hall b班朋友仔食午飯..........

下晝去左搵楊永樂(我個advisor), 傾番揀科o既問題。
then就開始溫普通話啦。
不過溫呢科一樣都係令我咁束手無策.........

六點幾許x華打比我, 話佢而家同佢roomate仲有winnie一齊,
但佢roommate又唔想同我一齊食喎。
咁我都get到佢想講咩啦.....
最後我同許x華o既飯局就咁cancel左啦........

有時D女人就係咁鬼煩.........

不過算啦, 波波又唔係度, 等埋佢都唔遲啦。冇佢係度梗係覺得冇咁好玩........

最後dinner變左我同vava食(我負責煮)~~

食完飯, 繼續溫普通話........


聽日schedule : 一點鐘約左network班groupmate傾group project
-----------------------------------------------------------------------------------------------------------------
下晝係宿舍巧遇君濂, 問及佢training camp既進度時。
佢o既答案係打算考完試後先開始聯絡其他跆拳人........

坦白講, 我有點不滿.....
一來training camp o既進度比我想像中慢。
二來很多細節, 似乎仍未安排得很好(例如場地問題), 但點解你地又唔問我?
而家已經十二月中啦, 仲有唔夠一個月。
另外今年training camp明明好似有兩個PIC, 我真係好想知另外個位PIC有冇做過野?
點解由頭到尾好似得一個人做野?(當然君濂都有問題, 佢其實可以將部份工作分配比其他人)
Anyway, 我暫時唔會胡亂下判斷。
希望今次, 唔係所託非人.......

>>December 19, 2004 at 3:28:10 PM GMT+8

2004 年 12 月 13 日 星期一 【晴】

Apply左Event Elite份part-time手提電話promoter, 今日下晝上去見工。
不過interviewers只係叫我地介紹一下自己, 仲有講解下工作性質係咩, 跟住就走得啦。
要返去等second-interview..........
唉, 有D無聊。點解唔一次過攪掂呢??

而家D大學生, 講野真係唔經大腦。
其中一個interviewee, 本身o係smartone做緊promoter。
比人問佢點解想轉過尼做o既時候, 佢夠膽死答話因為smartone人工cheap D,
所以過尼做。
係你都唔好講出口丫! 攪到自己咁市儈咁!
我係老細就一定唔請你啦!!

問到我o個part, 兩個interviewer問左我一個好奇怪o既問題 :
「點解你year 3都仲尼apply呢份part-time??」
當堂呆左一呆, 跟住我咪答話因為想趁grad之前拎左d工作經驗囉。(其實係見你地人工都唔差, 所以先apply咋!)
雖然好多applicant都係year 1或者year 2, 但係year 3 appy呢份工又有咩問題呢?
莫名其炒!!

受vava所託(vava今晚要考試), 夜晚去左vava屋企, 教佢細佬做功課。
份英文功課真係唔容易做(連我自己都唔肯定D答案啱唔啱), 再加埋佢英文程度真係幾唔掂。
真係唔知點教佢好!
最後某程度上都係我幫佢做(雖然係由佢自己寫)。

跟住順便o係vava屋企食飯, 伯母整o既飯菜真係好食。

十二點幾返左hall, 同中基佢地打左四圈牌(我又打牌啦, 真係曳!)
贏左$85.......
hurrah!!

四點先訓~~

--------------------------------------------------------------------------------------------------------------
可能因為太耐冇返教會同靈修, 覺得自己好似越來越差。
最近身邊有位朋友感情上有問題, 自己居然有心涼o既感覺
(雖然事實上, 重色輕友o既佢真係唔抵可憐,
o係人地面前攬自己條女攬到出晒面, 我極級討厭D男仔咁樣)
但換著以前o既我, 就算唔關心佢都好, 起碼都唔會有咁o既想法。
自從入大學之後, 自己好似經常唔妥身邊o既人, 不滿o既次數越來越多。
冇錯同以前比, 而家o既生活環境比以前複雜, 見o既人比以前多。
但可以肯定o既係, 自己某程度一定係有D問題。
睇尼我真係要好好咁檢討下, 好好親近番神!!

>>December 15, 2004 at 10:06:45 AM GMT+8

2004 年 12 月 12 日 星期日 【晴】

優哉悠哉的一天~

訓到十一點起身, o係屋企無聊左一陣。
lunch去左香港仔間謝記食野, 順便行左一陣街。
then就去左大會堂圖書館溫普通話........
不過今日溫習效率唔太高呀, 唔知點解溫到五點開始頭痛。
結果..........
都唔知溫左d咩出尼。
六點幾就走左啦......

夜晚返屋企食飯........

十二點幾就訓左啦。
臨訓前同vava講左陣電話。

P.S : 聽日見工

>>December 14, 2004 at 3:52:32 AM GMT+8

2004 年 12 月 11 日 星期六 【晴】

尋晚喪打麻將, 玩到今朝七點先訓。總共贏左$40.....
今朝七點先訓......

十一點半就起左身, 陪vava去大圍教拳。
o係o個度留左一陣, 睇下vava點教人。

之後一個人出左銅鑼灣, 去左佐熊坐下, 順便食左個lunch。
久違了的佐熊.........
太耐冇上尼啦, 有點陌生.........

返屋企途中開始唔太舒服, 又頭暈又想嘔, 都係因為尋晚訓得太少。
返到屋企, 頭暈眼花, 但仲要幫vava打paper喎。
最後,死頂之下終於打完.........

夜晚同屋企人食飯, mum煲左海星螺片湯, 極級好飲。

星期二先返hall, 呢兩日要o係屋企歎下世界.........

傅健23號返來了, yeah~~

>>December 13, 2004 at 5:30:20 AM GMT+8

2004 年 12 月 10 日 星期五 【晴】

Planning and Staffing考試, 算係唔錯啦。Part B o個60分題目都識做。
不過Part A o個40分題目就做得唔太好。
有12分題目唔識做, 最唔抵o既係, o個part只係直截了當咁問notes入面o既野。
但因為我唔太明佢講咩, 所以我就由得佢。心諗唔會咁Q出o個部份卦!
點知..........

夜晚同vava, 阿安同阿豪一齊煮飯食, 自己負責整鹽焗雞翼。

發生左極級騎呢o既事, 就係我鎖起左自己o個櫃筒, 但又漏左條鎖匙o係入面。
結果成班兄弟幫手嘗試開鎖......
又用萬字夾, 又用螺絲批, 都係唔得。最後........
要問樓下阿姐借木鋸鋸開把鎖先掂......
前後攪左成個幾鐘......

更騎呢o既跟住發生, 跟住我又發覺自己唔見左個電話。
成班人幫我手開完鎖, 跟住又要搵我部電話。
最慘係我較左震機, 唔可以打自己電話號碼尼check下自己部機o係邊。
成層三樓搵過晒, 最後終於搵到。
原來.....
係o係自己張床度。
唉, 呢兩單野攪到兄弟們手忙腳亂, 真係極級唔好意思啦!!

半夜同得意仔, 細ray, chris, brian喪打麻將。一共打左十二圈。天光都未訓..........

>>December 12, 2004 at 2:34:57 PM GMT+8

2004 年 12 月 9 日 星期四 【晴】

全日都o係度溫書, 仲有做左network份功課。

唔小心整爛左自己條褲, 可惡!!
---------------------------------------------------------------------------------------------------------------------------
o個個Emily又icq我話約我出尼飲野, 不過..........
又比我搵左好多理由推佢啦。
一來同佢去bar都唔好玩,
二來同佢又冇咩好傾,
三來呢條友根本唔飲得酒(佢飲左會出疹), 我唔想攪到阿伯母冇左個女, 唔想攪到全教會D人怪我。

睇怕佢永遠都約唔到我出尼~~
kakaka..........

>>December 11, 2004 at 1:34:53 AM GMT+8

2004 年 12 月 8 日 星期三 【晴】

考左兩科IS.........

Network比預期中好, 原本只係expect自己識做畫圖o個題, 其他o個六題都唔會識做。
但又居然比我識做其中三題。

E-commerce都一樣, 呢科之前根本冇溫過。
好彩有D題目, 自己都隱約記得Irene上堂講o既野。
平時留心聽書就咁救我一命! 再加埋有d題目係可以吹水o既。
雖然自己吹水唔叻, 但點都好過交白卷丫.........

衷心多謝Andy星期二同我一齊溫書, 如果唔係, 睇怕我科network都要retake。

仍未絕望........

星期六考Planning and Staffing.......

>>December 15, 2004 at 4:20:05 PM GMT+8

2004 年 12 月 7 日 星期二 【晴】

FM考試, 考得只係一般, 有廿幾分o既題目唔識做, MC又唔知拎到幾多分。
唉, 考成咁, 求B-算啦.......

最有把握o個兩科都落得如此田地, 真教人氣餒。

聽日兩科IS, E-commerce未溫過, Network又未溫晒。
今晚有排受........

>>December 8, 2004 at 11:27:37 AM GMT+8