2005 年 3 月 3 日 星期四 【晴】

看來我的「超復原期」來的太快, 也走得太快了!!

上星期六操完後, 星期日倦得要命, 到了星期二, 開始有腳痕o既感覺, 好想快d打比賽, 好想打殘阿paul。但係到左今日, 突然好像沒有了動力, 連跳繩都唔起勁, 跳左千幾下就已經想「收皮」。

原來我的「超復原期」是那麼的短!!

>>March 5, 2005 at 12:06:36 PM GMT+8

2005 年 3 月 1 日 星期二 【晴】

尋晚check過自己o既體重, 輕描淡寫下已經減到落70.5kg。
於是我就放寬番食量, 實行獎勵一下自己。
點知咁就出事啦.........

夜晚再磅o既時候, 我又去番73kg。
原來減磅真係要好有恆心先得..........

>>March 5, 2005 at 11:27:17 AM GMT+8

2005 年 2 月 26 日 星期六 【晴】

第一個大專盃打完了, 嶺南取得了三面銅牌, 成績算是不錯。
自己今日冇份比賽, 就借機睇下每一場賽事, 尤其係light磅o個幾場。
因為當中有一部份, 下星期會有機會相遇..........

累死了的一天~~

>>March 7, 2005 at 7:48:22 AM GMT+8

2005 年 2 月 25 日 星期五 【晴】

今朝一起身, 就同俊文去左gym房磅重。我o既體重係71.8kg, 剛剛好o係上限之下(72kg), 開心到死!
果然多菜少飯呢一招對我減磅真係好有幫助........

今天是比賽前最後一課的操練, 教練事前已經講明, 今天將會加倍操練, 因為要達到「超復原期」的效果。

一共操了四個小時, 我地每一個都好疲倦。每一分一秒都過得很慢.........

最後十五分鐘時, 突然有想哭的感覺, 最初我仍能強忍淚水, 繼續練習下去。但去到最後兩分鐘, 我終於都忍唔住了, 在一眾人面前哭了..........

事後想起, 我也覺得自己很莫名其妙, 為什麼自己的情緒會突然會這麼波動?
係捨不得這個時刻? 太辛苦? 不服氣? 還是有其他連自己都不知道o既原因?
我玩了跆拳兩年有多, 今次係我第一次操到喊。

又增添了幾處傷患.............




一起練習的機會, 不多了~~
這些場面, 以後就只能在相片中見到..........

>>March 5, 2005 at 11:17:46 AM GMT+8

2005 年 2 月 24 日 星期四 【晴】

雖然星期日o既日記寫住, 我星期一就要開始減磅日子,
但其實, 我今日先正式開始認真面對呢個問題........

早餐吃生麵王, 午餐只吃了一隻香蕉, 晚餐吃了一碗飯, 好多白菜同午餐肉。

希望有成果啦!!

>>March 5, 2005 at 11:21:33 AM GMT+8

2005 年 2 月 22 日 星期二 【晴】

上marco tutorial, 又比cherry姐姐問問題, 又係唔識答...........
上narrating HK tutorial, 聽classmate present, 仲有要參與discussion,
不過一句說話都冇講, 因為唔知講咩好.........

每次, 上呢兩堂真係好無奈..........

不過其實我好喜歡上呢兩科o既lecture, 尤其係narrating HK, 雖然有時都唔太明「聰頭」講咩,
但係我覺得呢科其實幾有趣........

我o係嶺南讀左咁多年, 今個sem係讀得最開心o既。
因為大部份o既科, 我都好喜歡。

夜晚同校長食晚飯,
D野食極級少, D女仔都話唔飽‧
不過可以同校長一齊食飯, 實在係難得。
結果呢餐飯食左兩個鐘頭..........

半夜同mo姐, 細ray仲有阿細打麻雀。
自己同vava孖份打, 贏了$160。
全靠vava, 佢今晚好好摸手...... ^v^

>>March 5, 2005 at 11:52:28 AM GMT+8

2005 年 2 月 21 日 星期一 【晴】

今天晚上, 去了跆協的大專盃抽籤..........

跆協原先是通知我地八點開始抽籤的, 但我同VAVA八點左右去到時, 先知道跆無啦啦改早左一個鐘開始。結果去到o既時候, 抽籤已經完左。唔止我地唔知道, 亦有其他院校唔知抽籤改早左.........

看過了賽程表, 我地最唔希望發生o既事情, 真的發生了。而且仲要係發生o係我身上..........
我第一場o既對手, 將會係我嶺南o既隊友阿Paul.........

說實話, 我覺得很大機會有人從中作梗, 先攪到有咁o既情況出現。LIGHT磅只有13個人參賽, 而嶺南只佔兩席, o係首圈出現自己人打自己人o既情況, 機會其實好微。再加上抽籤o既時候嶺南冇人o係度, 所以真的唔可以排除這個可能性。其他院校有咁o既情況, 不足為奇。但嶺南人很少, 只得15個..........

不過, 講咩都係冇用。我地又冇真憑實據..........
跆協, 真係一個混帳的傢伙........

很多人都覺得我贏阿Paul冇問題。但係事實上, 跆拳隊的人大多都應該唔知道, 阿Paul其實係我最怕的對手。我向來打free-fight, 對住任何人都唔會膽怯(包括Nicky, Heidi同Ivan師兄)。但係阿Paul實在太了解我了, 很多時打搏擊o既時候, 我都會叫佢幫手留意下我打成點。所以每次同佢打o既時候, 都總係有老鼠拉龜o既感覺。因為佢每次都會知道我將會點做。

今天晚上, 心情沉重.........

>>February 25, 2005 at 4:46:12 AM GMT+8

2005 年 2 月 19 日 星期六 【晴】

今日o既schedule, 同尋日一樣, 又係跆拳操練........

不過今日只係操左兩個鐘頭, 我就走了。
一來想留力o係尼緊呢個星期做gym, 二來尋日先至靜完四個鐘頭, 對腳仲好痛........

發生左D事, 館長無啦啦尼「攪屎棍」, 攪到教練要轉移操練地點。
可憐的教練......

不過館長講o既野, 有一小部分都有道理。
有得揀, 我(地)都寧願有個室內場比我地操練, 好過o係室外練, 好似做小丑(醜)咁!


聽日就要開始我o既減膀日子啦, 目標係要o係3月6日前減2-3kg左右。
教練吩咐落, 要少吃澱粉質的食物(e.g 飯, 公仔面), 另外午餐只可以吃生果。
不過今晚mum o係屋企煮飯食, 難得有住家飯吃, 我最後也放寬左自己o既原則, 食左三大碗飯。
做完運動之後, 食量真係會特別驚人, 八點幾先食完飯, 十點幾又覺得肚餓啦!

減2-3kg唔係大數目, 之不過對於為食o既我尼講, 真係唔容易!

P.S: 記得舊年大專盃, 就面對唔夠磅o既問題, o個時仲要係咁食野尼增磅;
今年就要驚超重, 唔可以亂食野。 -_-"

>>February 21, 2005 at 3:53:39 PM GMT+8

2005 年 2 月 18 日 星期五 【乍雨乍晴】

今日, 又係嶺南跆拳隊o既操練......

不過巧合o既係, 亞洲跆拳金盃賽咁"arm"又係o係九龍公園室內運動場舉行,
而我地o既操練地點, 就只係o係運動場側邊o既空地。
攪到今日o既氣氛好奇怪........

好多時金盃賽o既選手同埋跆協班裁判休息時, 都會出尼空地呢度。
所以我地今日o既練習有好多同道中人睇住。
感覺, 怪怪的.........

今日自己遲到左小小, 但係教練居然比我更加遲。
所以自己趁教練未到, 就先行去左睇人地比賽。
講明係亞洲跆拳金盃賽, 當然會有好多唔同國家o既黑帶尼到呢度。
之但係選手o既水準都幾參差不齊, 有D真係好鬼死勁, 有D就真係好唔掂。
不過一入到去就見到D唔開心o既事, 有個香港隊o既選手比對手KO左, 係咁流鼻血。
結果未打完就要投降, 當時佢輸緊一比七。

跟住仲睇左一場LIGHT磅o既比賽(即係我個磅), 兩個選手o既身形都好似我咁上下。
之但係速度同技術就遠遠比我勁得多, 什至快過晒我地team入面所有輕磅o既人。
所以以後練習, 我諗我都係唔好賴自己重磅所以動作唔夠人地快啦。

睇左幾場之後, 教練就到啦。雖然好想繼續睇落去, 但始終練習要緊。
今日一練就練左四個鐘頭, 倦到死!

練習去到五點幾, 金盃賽仲未打完, 所以我又去左隔離睇比賽啦。
一睇就係一個鐘頭。

夜晚返屋企食飯。

今晚好倦, 十一點幾就訓左了。

>>February 20, 2005 at 4:31:01 AM GMT+8

2005 年 2 月 17 日 星期四 【微冷】

原本要去馬士基集團聽recruitment talk同做recruitment test,
誰不知去緊灣仔途中我左眼隻con竟然移了位。
攪極都攪唔番佢落尼, 結果interview變左去急症室睇醫生。
極級無奈! 咁就錯失左一個搵工機會........

>>February 20, 2005 at 4:38:32 AM GMT+8