2005 年 3 月 21 日 星期一 【晴】

鍾志威今日就派番OM份midterm啦。
一如所料, long question o個part做arm晒。爆燈拎65分。
不過mc做得唔好, 40分入面只係拎得17分。
最後overall78.1分, 個mean係70.1。
好耐都冇試過midterm高過mean啦.......

傍晚去左assembly, 難得學校請王冬勝尼講talk, 就算走堂都要去聽下。
不過winnie wong都highly recommend我地去assembly, 所以今日o既SM堂就唔使上啦。
得著, 總會有點兒o既。
原本有諗過問問題, 但自己想問o既野比人問左先。所以慳番!
聽左個半鐘, 時間過得好快。

>>March 22, 2005 at 4:10:59 PM GMT+8

2005 年 3 月 20 日 星期日 【晴】

終於完成左一連串o既工作........

3月16日 Narrating Hong Kong presentation, 全靠細Ray諗到咁多point, 我地先至present得唔錯。
聰頭仲讚我地做得幾好添!
如果冇細Ray的話, 肯定死得..........

3月17日要交Narrating Hong Kong 2000字 essay,
聰頭要我地寫一D自己o既事情, 從而串連到同香港o既關係。
結果我寫左三千幾字。
原本仲可以有野寫落去, 不過........
唔夠時間! 如果唔係, 要我寫多一千字都唔係問題.........

今朝8:15 Operations Management midterm, 因為呢幾日要同時溫Macro midterm同做present。
結果尋日先開始溫, 所以幾乎係「空槍」上陣。
好彩鍾志威「手下留情」, d題目出得勁淺, 結果全部計數o既題目我都識做,
最後仲早走添!
不過d mc就真係幾難..........

11:30 Media Ethics presentation, 老實講, 因為有阿paul同阿jess o係度, 所以我擺明"hea"過就算。
結果仲攪到臨present之前先發覺諗錯左d point, 要靠阿paul補鑊!
最後好彩都過到關。
不過五十分鐘o既presentation入面, 我只係講左7-8分鐘, 阿jess講左10分鐘左右,
加埋discussion大約10分鐘, 其他o既時間, 都係阿paul擔正大旗。
回想起呢幾年o既presentation, 除左e-commerce o個次present我係認真做之外,
冇咩邊次我係好比心機咁做。
結果好多時, 自己都係做配角, 對自己 o既group冇咩contribution。
有時仲要我d groupmate幫我解圍。

16:30 Macro midterm, 又係幾乎空槍上陣, 結果兩題long question唔識做一題。
有做o個題仲要唔知拎到幾多分。
不過mc就做得幾好, 幾乎全部都識晒。都算係咁啦!
呢個midterm, 希望求到mean啦!
不過考左咁多次試, 都未做過d咁「貴」o既mc, 10條夾埋成40分。
即係4分一條, 圈arm個答案, 就可以拎4分架啦。
真係筍到爆........

返hall之後巧遇細Ray, Sharon同阿Mo佢地。
一齊打左四圈麻雀。兩個鐘就打完, 真係快!
我地呢個「夢幻」組合, 合演左一場精彩o既雀局。
最後我贏$42!!
跟住成班出左去富泰食飯, 大家有講有笑, 極級開心!!

尼緊呢幾日會稍為得閒d, 所以係時候花d時間係搵工方面, 仲有要跳番繩做番gym keep fit。

上個星期因為極級忙碌, 所以連過會要準備o既野都冇時間攪, 要勞煩Vava做晒。
真係極級唔好意思啦!
Vava, 辛苦晒你!

>>March 21, 2005 at 2:18:31 PM GMT+8

2005 年 3 月 18 日 星期五 【晴】

下星期一就係兩科midterm同media ethics present o既日子,
但係到而家我只係溫過macroecon一科,
present仲要今日先開始準備,
唉! 真係有d擔心........

今個星期又唔返得屋企了!!

>>March 19, 2005 at 3:11:27 AM GMT+8

2005 年 3 月 14 日 星期一 【晴】

跆拳莊傾莊大會, 來年「一如所料」由君濂做P。
仲有一班已經互相認識o既人。
太好了!
原先仲擔心緊會唔會唔夠人接莊, 最後都係攪掂左~~

第一次開會開左大約一個鐘就完了, 君濂o既表現我覺得ok。
有d唔係好慣, 因為君濂平時都係好靜, 但今晚佢成為其中一個最多野講o既人。
我有預感, 君濂會係一個好o既P........

不過突然諗起D野,
過去o個三屆P, 佢地都同比賽獎牌無緣。
vava今年整親所以無緣大專盃, 之前阿john師兄同阿國師兄就首圈出局, 再之前的主席阿joe師兄亦都因為受傷, 所以冇再玩跆拳。
唔通主席呢個位真係咁邪?
(當然我講o既野純粹猜測, 完全冇數據支持)

P.S: 我覺得唔同上hall莊, 系會莊或者係學生會咁,
上跆拳莊呢d咁o既細學會, 莊員真係唔需要有好大o既辦事能力。
最緊要係肯做就得。
而且跆拳莊所做o既野, 一般都只係book場, 聯絡學員等等o既工作。
更重要o既係我覺得作為跆拳學員(尤其是由謝教練訓練出來的學員), 上跆拳莊係對教練, 對嶺南跆拳o既回報。邊有地方玩跆拳咁平架? $50一個semester仲要有護具同器材供應比你, 仲要有兩個咁好o既教練。

之但係我覺得有d人就唔係好明呢個道理啦。
上星期五我叫阿基來年上跆拳莊幫下手, 因為來年唔夠人接莊。
之但係o係我講清楚晒跆拳莊而家o既situation之後,
佢都只係回應一句:「等我好好考慮下先啦!」(最後當然係冇回音。)
老實講, 我真係好嬲, 大大話話你都o係嶺南玩左兩年跆拳啦,
而家叫你上莊幫下手做野你都唔制?
阿哥仔, 呢個世界有權利必有義務架, 你都享用左咁耐o既權利, 係咪應該付出一下呢?
如果個個都好似你咁, 嶺南跆拳一早就摺左啦!

>>March 19, 2005 at 3:43:36 AM GMT+8

2005 年 3 月 11 日 星期五 【晴】

下晝去左藍田聖言中學做海關o既aptitude test,
傻更更o既自己, 以為三十分鐘做三十條題目。
所以當開始之後冇耐, 見自己已經做左12題, 就拖慢尼做。
做做下先醒起原來係有40題o既, 於是就急起直追。
可惜最後都係做唔切, 剩番3題..........

完左之後同vava o係藍田商場行左一陣, 仲係咁食野。
又食冷麵, 又食棉花糖(用機器整o個隻)。
老板好好人, 佢教我點樣自己整棉花糖, 見我攪唔掂先自己整。
仲私人醒多d比我食..........

不過比人地話我食野個樣成個小朋友咁.........

受vava所託, 今晚要同佢細佬傾計。
因為佢細佬呢期好唔掂, 又懶又唔聽話。
vava叫我講下自己以前o既經歷比佢細佬聽, 希望可以等佢有d得著。
我就照做啦。
結果講完一大番說話, 佢都好似無動於衷咁。
有小小對牛彈琴的感覺!
不過算啦, 佢始終仲細, 有好多野唔急得o既。
好似我自己咁, 我都係開曉左幾年之嘛。

下星期要present, 再下星期又要present, 又要midterm, 所以今晚返左hall溫書同做功課。
希望可以快d攪掂d工作啦~~

>>March 13, 2005 at 1:32:49 PM GMT+8

2005 年 3 月 8 日 星期二 【晴】

發脾四, 兩拳PUNCH把自己的printer KO了........
唉, 以後print野要去itsc了, 不再像以往那麼方便。

我認我係脾四唔好, 但鬼叫「它」今朝o係我趕時間時,
唔乖乖地同我print resume同公司資料?
print五份resume, 用了我二十分鐘。因為「它」係咁同我skip頁數。
攪到我班hallmate等左我咁耐!
不過算啦, 呢部爛鬼printer都係$100之嘛。
「它」咁唔聽我話, 唔要都罷!

不過VAVA好似唔太明白我的situation, 仲潤了我幾句。
可惡的VAVA!

下晝去左職業博覽, apply左幾份job。主要都係同catering, hotel或者tourism有關。跟住順手apply埋國泰o既空少............

不過為左呢個博覽會, 我走左兩堂, 仲攪到冇左4分ilp..........

>>March 10, 2005 at 9:06:01 AM GMT+8

2005 年 3 月 6 日 星期日 【晴】

今日成日上堂, 都唔可以集中精神。
腦海裡總係想著尋日的那場比賽。
原來我依然係咁耿耿於懷........

原先打算打完大專盃之後, 就要專心讀書。
但係因為尋日自己o既成績實在令人失望,
而家我已經重新考慮會唔會參加體育節。
之但係日期就係o係四月尾, 撞正我d present同考試。
要好好咁諗下.............

>>March 10, 2005 at 9:10:46 AM GMT+8

2005 年 3 月 5 日 星期六 【晴】

第二個大專盃, 和前兩年一樣, 嶺南奪得了一冠兩季的成績。
和第一次相比, 我們每一位隊員表現都很出色, 很多都是差一點點就能入到四強, 否則今年嶺南拿的獎牌會更多..........

至於自己, 就重蹈去年的覆轍, 在第一圈出局。
而且今年的情況, 和舊年十分相似。
同樣地, 我是在第一round打完之後領先三比一; 也同樣地, 我在第二round後勁不繼, 被對手後來居上, 最後輸了比賽。不同的, 是上年我真真正正地在比數上輸了(上年我輸三比四), 但今年我和阿paul最後的比數是打和(六比六), 只是因為我被裁判warn得太多, 所以判了阿paul贏(我被警告四次, 阿paul兩次)。

比賽前nicky教路, 叫我要提防阿paul的右腳, 因為他的右腳turning kick力量十分強勁, 還有叫我頭三十秒要打得小心一點, 千萬不要失分。結果我只照做了一半, 我有提防著阿paul的右腳, 但我沒有很小心地應戰。因為我萬萬料想不到, 阿paul會在開始後不久就向前攻擊.........

結果開始後一到十秒, 我和阿paul就開始埋身肉搏起來。我用了去年的打法 -- 不斷向前衝。大家你一拳,我一腳, 好像在打「爛仔交」一樣, 我們兩個都打得很亂。但總括而言在第一round我佔了相當大的優勢, 因為我的狀態和體能遠比阿paul好得多, 但另一方面亦是因為阿paul在留力, 因為他知道不能與我硬碰(佢事後講的)。第一round打完, 我領先三比一...........

但很可惜的是, 像上年一樣, 我在第二round沒有改變我的打法, 亦因此埋下了我出局的伏線。上半段時間, 我依然有氣有力, 結果再多取兩分, 把比數拉開到五比一。此時的我其實應該改變打法, 轉打防守反擊, 但是因為自己的魯莽(我誤以為阿paul的體力已經下降了不少, 實則不然; 加上我看到比分, 見到自己領先了四分, 心想應該可以順利勝出), 令我的優勢很快便化為烏有。完場前十五秒, 比數已經變為六比五(阿paul用他的怪腳偷了我三分, 我也懵然不知), 當我再看比分時, 心裡很愕然, 但是這時我已經筋疲力盡, 結果阿paul再多取一分, 把比分扳成了平手..........

雖然每一個人, 包括nicky和heidi, 都認為我已經打得很好, 但是老實說, 我對這個結果十分的失望。假如在領先五比一時, 我能夠好好想一想自己應該怎樣做; 又假如我有多一點體力的話...........

更難堪的是, 阿paul在第二圈輸了給科大的那個選手, 而換著是我對那一個人, 我有很大的把握會打贏他, 進入四強。但是因為我的魯莽, 我失去了這個機會; 因為我的魯莽, 我眼巴巴的看著去年打敗我的那個IVE對手站上了冠軍頒獎台, 科大的那個選手, 最後也得到了亞軍。

今天也發生了一些更不開心的事, Brenda因為我們嶺南教練人數不足, 沒有人帶她比賽, 最後被取消資格。看見她喊, 我真的不知道說什麼好。事後回想起, 其實自己也很幸運的了, 起碼自己也有機會, 把訓練所學的東西在比賽中運用出來。阿昭也因為忘記了過磅而不能出賽, 為了這件事, 他也十分難過........

比賽到了六點左右就圓滿結束了, 比想像中快。看見別人站上頒獎台領獎, 心裡竟然有點羨慕的感覺。或許這是一件好事, 因為只有這樣, 才會有動力去比心機, 才會有機會進步。頒獎結束之後, 我們拍了很多照片留念, 尤其是像我這些老鬼。因為今次是我的最後一次了.........

晚上, 一大伙人去了佐敦打邊爐, 大家有講有笑, 極級開心。
忍口忍了兩星期的我, 當然大開殺戒, 吃了很多肥牛和雞子。
唔知係咪吃得太多太熱氣, 去到尾聲時我竟然流鼻血, 要勞動理teammate幫我止血。
真係唔好意思啦!

臨走前, 教練叫我們呢班老鬼分享一下自己的感受。突然要我在一大班人前開口講話, 有點不知所措。最後講了一番組織很差的話。但當中有三個point, 是我的真心分享來的:

1.) 感謝兩位教練的悉心教導, 讓我這個沒有體育細胞的人, 也可以懂得踢360 turning kick, 我仲曾經用過呢招來取了nicky一分。
2.) 感謝每一個同我做過partner或者打過free-fight的隊友, 因為如果沒有你地, 我唔會有今天的進步。
3.) 感謝已畢業了的ken師兄, 因為係佢真真正正地教曉我點樣打free-fight。

十一點左右, 我地就走啦。下次再咁樣一齊gathering, 唔知會係幾時。或許, 未必會再有咁o既機會.........

P.S: 很多謝Helen今天來捧我場, 她是第一個非跆拳人來支持我的。

>>March 10, 2005 at 12:03:52 PM GMT+8

2005 年 3 月 5 日 星期六 【晴】

2005年大專盃跆拳道比賽~~

日期 : 3月6日
地點 : 蒲崗村道體育館 (黃大仙蒲崗村道120號)

小弟打第B30場(估計大約o係十二點至一點), 各位好朋友仔, 得閒既話就尼捧下我場啦。

多謝!! ^v^

希望可以過到首圈啦, 咁你地就可以睇到我繼續打落去.........

>>February 24, 2005 at 4:47:31 PM GMT+8

2005 年 3 月 4 日 星期五 【晴】

多謝你地的留言!!
很感動......
明天我們要打場漂亮的比賽!!

比賽前最後一天, 輕輕鬆鬆咁過。
九點幾起身, 同dad去左食早餐。
之後返屋企上下網, 聽下歌。
下晝去左對面公園跳繩, 跳左2000下。
跟住去左阿sum屋企借佢個電子磅磅下體重...........
71.4kg。唔錯o既數字!!

5點幾一個人去左行山, 順便睇日落。
都好耐冇試過啦! 升左year 2之後, 印象中都冇咩點行山。
感覺很好!!

今晚要早d訓..........

>>March 5, 2005 at 11:31:13 AM GMT+8