2005 年 4 月 18 日 星期一 【晴】

o係嶺南o既日子, 只係得番五個星期.........

>>April 19, 2005 at 3:12:10 PM GMT+8

2005 年 4 月 15 日 星期五 【乍寒還暖】

上個星期apply左牛奶公司o既manager trainee, 今日正午上左去做written test。
原本個半鐘o既test, o係我hea下hea下咁做之下, 半個鐘就攪掂。
自己對於呢份job o既興趣只係一般, 有冇回音都冇所謂啦。
不過好奇怪, 每次我準備得唔好o既interview或者test, 都會有回音。
上次海關 o既aptitude test, 就係一個例子..........

鄭永謙尋晚打尼, 問我今日去唔去西貢行山。我見咁耐冇行山, 又好耐冇見佢地, 所以就應承左。
西貢呢個地方我就去得多, 不過對上一次去西貢行山, 已經係1991年o既事啦.........

我做完written test之後去meet佢地, 已經係一點半。跟住我地o係百佳買野食同水, 再加埋等車時間, o係鑽石山出發時已經係兩點半。去到西貢市中心已經係三點幾。我地原本打算搭車去到北潭涌, 再o係o個度行去一個叫破邊洲o既地方, 但時間已經唔早啦, 最後我地決定o係市中心直接搭的士去破邊洲, 半個鐘左右o既車程, 搭左成舊水.......... -_-"

去到o個度, 好揀唔揀, 偏偏我地落車o既時候先開始落雨, 攪到我地好狼狽。
結果我地只係o係水壩附近行下影下相, 冇爬到出去水壩。
跟住又行左去浪茄灣, 不過因為時間關係, 中途就回程。
最後我地o係起點度野餐下影下相, 六點幾就起程行番出北潭涌。
(我地野餐o既食物居然有燒肉同叉燒......... -_-")

天色七點左右就已經黑晒, 不過都隱約睇到條路。我同謙謙見得個行字冇野好做, 仲一路行一路玩「超級無敵馬拉松」, 最後鄭永謙輸左........

最後行到出北潭涌已經八點, 跟住去左市中心食泰國菜, 埋單$356。
d野食水準幾好, 不過同九龍城果間泰禾美比, 就真係貴得多啦。
最後十點幾我地先離開.........

今日真係好開心, 平時同佢地多數都係篤波食飯多, 行山都係第一次。
唔知下次, 又有咩新奇o既活動攪下呢?

>>April 18, 2005 at 12:14:29 PM GMT+8

2005 年 4 月 13 日 星期三 【晴】

今晚hall B Edmund攪左個打保齡學英文o既活動,
我同VAVA見唔駛比$$就有波打, 所以就去左........
有好多人去, 不過大部份都係「鬼仔鬼妹」, Brendan都有去。

結果今晚真係學左好多英文, 不過全部都係同保齡球有關。
例如而家我先知「落西」o既英文係"spinning"。
保齡球樽原來係叫做"bowling pin", 唔係"bottle".........

今晚順便破了自己的高分紀錄(142分), 仲學識埋點樣"spin"個波, 真係好多謝新朋友阿Chris好比心機咁教我。不過佢d英文就真係講得好快, 聽得我好辛苦。
但係VAVA就真係論盡到死, 打完波之後手指又瘀腰骨又痛。
要我幫佢搽藥油。

不過今晚同時地有好多活動攪, 又有MUSO AP, 又有跆拳班。
原本一早plan好, 諗住先去打一陣保齡, 之後去聽一陣AP, 最後再返拳。
結果.............. -_-" (聽傳健講, 今年AP好正, 尤其係臨尾o既drum solo)

>>April 15, 2005 at 3:25:46 AM GMT+8

2005 年 4 月 9 日 星期六 【晴】

同VAVA去左中環四季酒店個招聘會, 不過今日勁級多人, 連interview都要等一爛餐。
我地十點幾去到, 結果要兩點幾先到我地interview........

中間同VAVA返左屋企, 訓左一陣, 順便係屋企食飯.......

自己套suit冇拎到返尼, 所以焗住要著老豆套suit去interview, 唔arm著之餘仲幾難看!!

個interviewer係外國人, 勁級驚, 因為今次係我第一次對住外國人in。
不過最後又in得幾好喎。佢仲讚我d英文幾流利, 又問我英文咁好, 點解唔揀reception尼做。
最後佢話有second in的話會兩個星期內通知我........

夜晚返屋企食飯, 十點幾先起行返hall........

返hall途中肥婆無啦啦打尼, 話我聽而家係元朗, 仲話一陣經過嶺南再打比我喎。
老實講句, 真係好無聊! 你去左元朗關我鬼事咩? 你又唔係我條女!
阿Emily姐姐, 你都21歲人啦, 唔好再成日做埋D無聊野啦, 你大個女啦!
最後只好回敬佢一句 : 「我完全冇興趣知道你做緊咩喎!」, 跟住cut埋佢線~~
呢條友真係唔可以對佢咁好..........

-----------------------------------------------------------------------------------------------------------------------
呢幾日發左好多奇奇怪怪o既夢........

星期三晚, 發夢見到校長先生寫左封信比hall b tutor Lisa, 叫佢繼續o係度做tutor唔好走。封信o既copy, 仲貼左o係嶺南民主牆度。而夢入面o既自己為左想Lisa繼續留番係度, 竟然係咁走去佢間房問佢英文, 希望咁樣可以令佢回心轉意。最後結果係點就唔知道啦, 因為我已經醒左........

星期五晚, 發夢去左聽beyond演唱會(beyond明明已經解散左了)。但係演唱會未開始, 已經發生左好多騎呢野。首先明明八點半開始o既演唱會, 去到八點九都未開始。跟住見到世榮同一大班女fans傾計, 但係佢把聲, 同平時完全不同。我好想走埋去同世榮度同佢傾計, 但係又比班fans阻住左。家強同阿paul就一路都見唔到, 跟住聽d工作人員講, 因為d特別嘉賓未到, 佢地兩個出左去circle-K買野食。(吓? 咁都得?)仲有一樣野就係呢個演唱會竟然有得派免費CD比觀眾, 我仲記得其中一首歌歌名叫「回到家裡」..........
最後等左好耐, 呢個演唱會都未開始, 等下等下, 我就醒左啦。可惜........

尋晚, 發夢見到館長劉漢良將會尼嶺南教general education course, 佢教o既係咩? 唔駛講就梗係武術啦! 奇怪o既係佢唔係淨係教跆拳, 仲教埋其他o既武術, 佢仲叫左謝教練尼幫手做助教添。夢裡面o既我, 為左想讀館長開o既course, 竟然去左同學校申請defer一個semester畢業。不過學校都未批我o既申請, 我又醒左啦! 激死人.........

>>April 13, 2005 at 5:05:16 AM GMT+8

2005 年 4 月 8 日 星期五 【晴】

為左個Photoshop project, 今日同細ray仲有阿mo同joey去左美孚影相, 影左唔夠半個鐘就攪掂..........

之後仲捉左細ray陪我去買數碼相機, 其實早在year 2時已經想咁做了。之但係o個時老豆又話買, 所以自己就冇行動。不過..........
而家已經係2005年了, 老豆都仲未有行動。所以, 我決定唔等佢啦。
而且我很想o係離開嶺南之前影左d生活照片做紀念, 有左數碼相機, 方便得多。
最後左揀右揀, 揀左部五百像素o既CASIO機, 價錢$3,2xx。

原本仲擔心mum會怪我唔話佢知買相機o既事, 但係講左比佢聽之後佢反而幾開心咁, 仲叫我幫佢影相添........

>>April 11, 2005 at 4:16:36 PM GMT+8

2005 年 4 月 7 日 星期四 【晴】

朝早去左美國萬通公司(eric返工的地方)見佢地大老板, 目的都係為左BUS301 project攞料。成個interview過程自己都好緊張, 好幾次問問題都食晒螺絲, 好彩最後都得到我地想要o既野。

但係我就feel到o個個叫Matthew o既大老細唔係好鍾意我地啦, 不過算啦! 我地遲到在先, 唔怪得人.......(雖然我已經say左兩次sorry)

一個人去左city super食咖哩........

下晝返嶺南做埋d功課, 夜晚係hall玩。
今日過得好快.......

>>April 11, 2005 at 4:09:51 PM GMT+8

2005 年 4 月 6 日 星期三 【晴】

嶺南跆拳表演, 大約半個鐘左右就攪掂啦。
o係永安廣場, o係一大班人面前打free-fight, 感覺很有趣。
一個揪十五個o既君濂, 真係好勁.......

今日要趕功課, 所以只係返左跆拳初班, 跟住就返左hall做野。
臨走前謝教練問我會唔會o係校隊晚宴o個日表演, 我應承了。
同之前兩次一樣, 我都係表演jump back turning kick, 不過今次就難一點, 要踢到頭o既位置。
N咁多年冇練jump back turning kick o既我, 要練番已經唔係容易, 仲要加添左難度。
有d驚驚.........

>>April 8, 2005 at 7:29:01 PM GMT+8

2005 年 4 月 5 日 星期二 【晴】

今個星期又開始忙了。
星期五要交om assignment, 聽日photoshop又要quiz同交功課。
不過到而家, 都仲未攪掂d野.......

夜晚去左hall b攪o既year 3 farewell party, 地點o係新教學大樓。
好幸運地抽中了$200現金獎(全場有百幾人, 得九份獎品)。
印象中, 我好似未試過抽獎比人抽中........

--------------------------------------------------------------------------------------------------------------------
聽日嶺南跆拳隊攪左個十五人組手表演, 下午四點半o係永安廣場進行。
內容就係十五人圍揪一個, 而o個個「幸運兒」就係來屆o既主席君濂啦。
自己將會係o個十五個入面o既其中一個..........

我覺得呢個idea真係幾好, 如果可以繼續落去的話(例如每次新舊莊交接, 新莊P都要比人輪),
真係好唔錯!
之但係o係四月份攪呢個活動, 我覺得時間選擇方面其實不太好。
甚至直接d咁講, 攪尼都唔知為咩!
如果係為宣傳的話, 點解唔等到UOP或者九月份先攪呢?
四月攪唔係冇宣傳效用, 但係呢個時間人人都忙緊功課同PRESENT,
仲邊會肯花時間去嘗試一D新o既活動。
所以o係呢段時間攪一個咁o既活動, 真係好難吸引到新人加入。

新莊暫時比我o既感覺, 就係教練叫佢地做咩, 佢地就做咩。從今次o既活動, 可見一班。
但係佢地唔會自己諗下到底咁樣做會唔會有問題, 或者諗下有冇其他更好o既解決方法。
佢地或者就只係覺得, 教練永遠是對的。但教練都係人, 每一個人都有犯錯的時候。
而且佢地係大學生啦, 做任何事情之前, 係咪應該好好咁想想呢?
佢地係咪應該有一些自己o既想法呢?

但係o係佢地面前, 我咩都冇講過。
其中一個原因係, 佢地真係好比心機去搞呢個活動, 例如俊文每晚都忙於做聯絡的工作。
我唔想做一d事情去discourage佢地。
事實上, 係呢個時候, 我覺得講左出來亦都未必有用。

各位嶺南同學, 有空記得來捧下場~~

>>April 6, 2005 at 5:32:59 PM GMT+8

2005 年 4 月 3 日 星期日 【晴】

MUSO re-u, 去左小欖燒野食。
今次一共有十個人去, 算係咁啦!
最衰達哥有野做唔得閒, 仲有阿輝唔舒服, 如果唔係仲多人.......

七點幾燒到一點, 中間o係個度租左麻雀打, 同kelda, sybi仲有fiona佢地玩下。
大鬼同冠熙都有落下場, 玩得極級開心!
班女孩子們真係服務週到, 燒野食燒埋我地o個份。唔使燒都有得食, keke!

不過今次如無意外, 應該係grad之前最後一次re-u啦。
下次唔知係幾時呢?

>>April 4, 2005 at 7:01:41 PM GMT+8

2005 年 4 月 2 日 星期六 【晴】

平淡的一天........

>>April 4, 2005 at 6:54:35 PM GMT+8