2005 年 6 月 9 日 星期四 【酷熱】

3日2夜camp的第一天, 九點幾便起床, 因為仲未執過野.........
最後執左一個鐘左右就執完啦, 十一點幾就出門口。

去到香港站巧遇myfung, 原來佢約左阿lam同himhim, 不過佢兩個都未到。
結果我陪myfung等埋佢兩個, 十二點三先上地鐵, 遲到了。

跟住阿昌同maggie又無啦啦話要遲兩個鐘先入尼, 結果第一批到左既人, 得七個........

一大班人去左百佳買野, 買了七百幾蚊東西。
我同肥娜臨時決定今晚玩煮飯仔, 所以就o係百佳買埋煮飯用o既野。
最後買下呢樣, 買下o個樣, 竟然買到兩點幾先攪掂。
阿昌同maggie呢個時候剛剛到左東涌, 於是一行九人就一齊入塘福.........

入到去塘福已經三點幾, 去到渡假屋擺低d野, 抖左一陣, 就成班落沙灘玩。
我地成班玩數字球, 輸三次就要落水, 結果好多人都不幸遭殃, 包括自己。
自己向來都唔喜歡o係沙灘游水, 對上一次o係沙灘游水已經係小學o既事。
最初濕水o既時間, 都有點抗拒, 但係原來感覺都幾舒服。
肥娜係咁比我地做, 輸到死, 濕水都濕左幾次。做佢真係做得好開心。

玩到七點幾就返渡假屋沖涼同開始煮飯, 我同肥娜仲有maggie一齊煮,
一個鐘就攪掂。不過今次好多送都係由athena煮, 我只係負責炒下菜煮下米咁。

九點幾食完之後就開始o係屋度玩, 首先九個人拆開兩組, 一組人打麻雀, 一組人玩鋤大D。
我就當然去左打麻雀o個便啦, 始終自己鋤D技術只係一般, 費事比人斬到一頸血!
同肥娜, steve仲有himhim玩, 可憐的阿steve一家輸三家..........

十一點幾嘉亮入到尼, 我地都差唔多玩完, 就開始玩「耍盲雞」。
呢個遊戲我地幾乎每一次去camp都會玩, 今次都唔例外。
一玩就玩左3, 4個鐘, 緊張得來又好搞笑, 尤其係肥娜做盲雞o既時候。
玩到中段我地仲拍埋video..........

4點左右d人都筋疲力盡, 有d就去左訓覺, 有d未倦o既就出左去沙灘行下。
自己不倦了, 4點半就上床訓左...........

>>June 16, 2005 at 11:35:53 AM GMT+8

2005 年 6 月 8 日 星期三 【晴】

明天同7L班去3日2夜camp..........hurrah!!

>>June 10, 2005 at 1:37:05 AM GMT+8

2005 年 6 月 6 日 星期一 【晴】

成日o係屋企執野, 不過進度好慢。

我搬返來之後, 屋企而家有兩台電腦。
為左令到兩部腦都有得上網, 下晝就去左阿steve間鋪頭買router同接收器。
夾埋$500就攪掂。
返到屋企攪左一輪, 終於兩部腦都有得上網了。
不過只係用左半個鐘, 個接收器就收左皮, 太可惡了!
一分錢一分貨, 有時買野真係唔可以貪平。

>>June 24, 2005 at 3:21:14 PM GMT+8

2005 年 6 月 5 日 星期日 【晴】

終於要離開住了三年的HB306了, 真的很唔捨得..........

夜晚約了7L班吃飯, 今次連Miss Kong都有來。
太好了! 很久冇見佢。
今晚仲有幸坐o係佢隔離, 同佢傾左好多野。

飯局完左之後同佢地成班去左飲酒(其實係劈酒先係)。
N咁多年冇豪飲o既我, 個幾鐘就比佢地KO左。
最後頂唔住要早走。
太耐冇飲而豪飲o既感覺, 真係好惡頂。
而家諗番起, 真係唔明自己點解以前咁喜歡劈酒..........

>>June 24, 2005 at 3:05:53 PM GMT+8

2005 年 6 月 3 日 星期五 【晴】

成日就o係度同vava一齊l執野, 準備聽日搬走........

>>June 23, 2005 at 12:22:39 PM GMT+8

2005 年 6 月 2 日 星期四 【晴】

一如尋日, 今日又係訓到日上三竿。

lunch約左伍永強一齊吃, 佢今日返左尼嶺南。

之後約左展豪去搵irene kwan, 傾番online digital camera o既事。
irene kwan講了很多, 不過講左等如冇講, 冇乜得著!

跟住仲傾下我地搵工o既野, 當irene知道我想o係tourism or catering發展時,
即時變臉。
不過由得佢啦, IT畢業唔代表一定要o係番呢行發展.........

跟住展豪同伍永強上左我房, 四個人係度hea。
冇野好做, 又拎左我副麻雀出來玩一陣.......
五點幾佢地就走左啦........

夜晚又同vava煮飯, 跟住又睇電視。

呢幾日過得好開心呀, 不過聽日就要開始執野了。

不過聽日就要開始執野啦!

>>June 16, 2005 at 11:54:49 AM GMT+8

2005 年 6 月 1 日 星期三 【晴】

今日訓到成十二點幾先起身, 同VAVA o係hall煮牛尾湯蝴蝶粉吃。

下晝同VAVA一齊努力搵工,
夜晚一齊煮飯吃,
跟住又睇電視。

基本上, 今晚係做番尋晚做過o既野........
雖然很單調, 但很開心!!

>>June 16, 2005 at 11:46:44 AM GMT+8

2005 年 5 月 31 日 星期二 【晴】

今朝八點幾先訓, 訓得唔太多好, 兩點幾就醒左。

四點幾同zuk佢地去富泰食tea, 跟住去左新墟篤陣波。
八點幾就散水!

夜晚同VAVA叫左三盞燈外賣吃, 跟住係一樓睇電視, 兩點幾就訓啦。
今日過得好快!

>>June 16, 2005 at 11:42:24 AM GMT+8

2005 年 5 月 30 日 星期一 【晴】

今日成個下晝, 都係度攪緊寄去康泰MT封信。

攪到三點幾終於打好了, 拎左比SSC Sara睇。
結果比佢話我封信唔太掂, 跟住又要返返SO computer lab改。

改到四點幾終於攪掂, 再拎比Sara過目, 今次佢話可以了。
終是我就寄左考完試後o既第一封application letter, 希望有回音啦。
始終呢行先係我心目中想投身o既行業。

五點幾zukzuk話今晚要入尼我度打牌, 原本只係以為佢講下, 點知十一點幾佢打尼,
話已經同粗眉仲有叮鈴入緊來, 只好應承(雖然原本打算今晚早d訓)。
最後打到天光先訓, 小勝$10。

>>June 15, 2005 at 4:18:12 AM GMT+8

2005 年 5 月 29 日 星期日 【晴】

今日, 上了Ivision interview, 我apply o既post係sales executive..........

原本對呢份post興趣都唔係太大, 但聯絡我的那位Yvon很好人,
原本我是在四月apply這份工, 佢知道我o個時忙緊考試, 所以就叫我專心考完個試,
五月尾先再聯絡我。

interview有成整整一個鐘頭, 但是基本上o係interview開始了不久,
我就知道呢間公司會請我。
基金上, 整個interview根本就唔係一個interview。
Yvon問左我好多一般interview唔會問o既野, 例如問我有冇兄弟姐妹, 有冇宗教信仰,
又問番我以前o既經歷。
interview完左之後, 佢就開始解釋呢個post要做o既野, 大家有傾有講, 氣氛好輕鬆。

呢間公司比我o既感覺, 就係佢地好有心去train一班人出來。
事實上, 係ivision返緊工o個班人, 好多都係grad左一兩年。
Yvon亦很明白我的想法, 佢叫我好好考慮一下, 如果搵到其他適當o既工作都冇所謂。
咁有人情味o既公司, 真係難求。

>>June 15, 2005 at 4:08:55 AM GMT+8