2005 年 7 月 3 日 星期日 【晴】

最後我還是決定重返Bond's做, 不過post同以前就有點不同。
以前不嬲做開travel consultant o既我, 而家o既post係叫做"executive trainee"。
之但係做d咩我仲係未知道, 要好好同阿老細傾一傾..........

雖然唔能夠如自己所願找到自己心目中o既工作, 但o係呢度返工始終有好處。
首先, 地點夠近, 由屋企搭車去上環, 朝早繁忙時間廿分鐘就到啦。
咁樣我就可以每朝八點先起身。
第二, 返工時間夠穩定, 因為o係Bond's返工基本上唔駛點開ot,
所以我可以更容易地去plan自己o既時間。
事實上自己亦都打算夜晚讀course, 換轉係返其他o既工, 要shift duty的話, 就可能冇咁o既機會。

希望同Jacko合作愉快！

>>July 12, 2005 at 5:52:58 PM GMT+8

2005 年 7 月 1 日 星期五 【清涼】

約了himhim等一行五人去西貢行山, 被太陽伯伯曬死了。

太耐冇做運動, 加上尋晚又訓得唔係太好, 所以今日真係好辛苦。
尤其係由西灣去浪茄上山o個段, 真係想死!
最後還是靠意志力捱過了。
行了整整六七個鐘, 太陽下山我地先離開。

有趣的是今日竟然o係西灣遇到VAVA, 佢同朋友們去o個度camp。

夜晚一大班人去左銅鑼灣打邊爐, 精力透支o既我, 吃得唔多。
而且很早就走了。

>>July 9, 2005 at 4:18:23 AM GMT+8

2005 年 6 月 23 日 星期四 【晴】

United Airlines interview, 我的表現實在是很差。
咁多次interview中, 我從未試過有這樣低水準的表現。

我覺得今次表現咁差o既原因, 是因為我實在太緊張了。
我對這份工作很有興趣, 對自己期望很高, 結果希望越大, 失望越大。
很多時一些自己滿不在乎o既interview, 自己反而可以表現自如。
而成個interview都係用英文, 雖然自己早已經預料到會係咁樣,
但自己o既vocab向來都唔好, 結果有時自己唔知點樣用英文去回答佢o既問題, 攪到詞不達意。

更糟糕o既係, 我遲到了四十五分鐘。原本約左十一點interview, 結果我十一點九先去到。
朝早不停地落大雨, 雖然自己已經預早左半個鐘出門口, 但係途中因為好多地方水浸,
塞車塞得要命。雖然自己已經向兩位interviewers道歉同解釋, 而佢地亦都好nice,
但我覺得自己遲到肯定對最後會唔會被取錄有影響..........

不過我覺得今次o既interview係一次很好的經驗,
以往我從未試過去面對一次全英文的interview。

>>June 28, 2005 at 3:39:12 AM GMT+8

2005 年 6 月 22 日 星期三 【晴】

明天要去United Airlines interview, 希望有好表現。
現在我正努力準備中。
(不過其實都唔知準備咩好?)

>>June 23, 2005 at 4:21:21 PM GMT+8

2005 年 6 月 21 日 星期二 【颱風】

今朝9:30上左去United Airlines做written test同listening test。
25分鐘o既test入面, 要聽2篇article, 答2條問題(唔可以寫多過70字), 做5條MC同埋30條true and false。
寫字一向慢o既我, 最後做唔晒。5條MC做得3條, 成part true and false冇做。
徹底地炒了這次test..............

原本以為自己interview無望, 但係UA下晝又打來叫我星期五in喎, 真係執番身彩。

今日同聽日勞工處攪了一個大專生招聘會, 雖然今日o既公司唔係自己o既心水,
但最後我都係去左一趟。
人多得要命, 十一點幾去到, 等左成個鐘先入到去。
最後apply左兩間酒店同永安o既post。

今日累透了, 但係聽日Delifrance同Hong Thai會擺counter, 所以明日又要出動了。

P.S: 對下雨天又愛又恨。

>>June 24, 2005 at 4:18:28 PM GMT+8

2005 年 6 月 20 日 星期一 【颱風】

今朝9:30要到Abacus interview, 因為今朝天氣都唔太好, 為左唔想遲到, 八點三就出了門口,
最後亦都可以早十分鐘到........

今日in得都係不過不失啦, 但因為呢份工都幾辛苦, 流失率好高, 所以interviewer問我問題時都好謹慎。例如佢問如果tourism industy低迷, 會唔會做番ITo個行?

雖然自己表現還可以, 不過個interviewer就因為我o既major係information system, 所以唔太相信我會做得長。最後佢話有second in的話會月尾前通知我........

食早餐途中Jacko打來, 主要又係問番我有冇興趣第五次回巢Bond's。
傾左成15分鐘, 最後我當然係冇應承實佢, 只係話會好好咁考慮下。
始終呢個唔係我心目中o既first choice, 雖然係bond's做Travel Consultant真係一份好有趣o既工作..........

下晝去了觀塘APM同VAVA仲有伍永強食lunch, then去了VAVA屋企hea。
六點幾才走..........

>>June 24, 2005 at 3:39:51 PM GMT+8

2005 年 6 月 19 日 星期日 【晴】

最後我還是決定不去Ivision做了, 我想再找找自己想做的職業。
希望我今次o既決定係正確的!

朝早去左華閩旅遊interview, 十分鐘左右便完成了。
interviewer問我假如被聘請的話, 願唔願意簽一年長約。
我當然唔制啦。
跟住佢又話我冇sales o既經驗, 如果請我的話, 可能會安排我做番travel consultant。
雖然做TC比做sales好玩, 亦都冇sales咁辛苦, 但我正正是唔想做番以前的工作。
希望可以有理想的post比到我啦........

>>June 23, 2005 at 3:40:28 PM GMT+8

2005 年 6 月 12 日 星期日 【晴】

應承左Ivision話6月22日返工, 但又三心兩意。
始終IT呢行唔係我首選o既行業, 雖然我好喜歡一些要成日同人接觸o既工作。
寄左幾封信去Hong Thai, Abacus, Delifrance等等心儀o既公司, 希望真係有回音。
心目中始終都係想做番tourism或者catering.........

「我愛他,他卻偏不愛我; 他愛我,我卻偏不愛他。」
用呢句說話來形容我現在o既心情, 實在最好不過。

好苦惱!

神呀, 求你帶領我~

P.S: 最近欠了很多人的人情, 要還番晒睇怕都有排。
感謝每一個幫過我的人!

>>June 16, 2005 at 11:25:32 AM GMT+8

2005 年 6 月 11 日 星期六 【晴】

3日2夜camp的最後一天........

尋晚天光先訓覺, 因為床位唔夠, 攪到要同軍佬仲有肥娜同床訓。
又係十一點幾先起身, 不過今日其他人都好早起來, 結果自己係最遲起床的人.......

吃完野之後就一齊走了, 原本搭車去東涌線轉車係會快d o既
但我同himhim佢地就揀左搭船船, 因為我地都覺得搭船先至有去camp feel喎.........

返到市區之後, 去了佐敦拿o個套價值$680的suit加西褲, 順便買了一件恤衫同TIE, 又用了$2XX.....

回到家, 執下野, 訓下午覺, 等夜晚同mum and dad吃飯。
今晚一口氣睇左3個幾鐘頭電視, 睇完獎門人睇"Pride"。

明天又要開始努力搵工了~~

>>June 23, 2005 at 12:20:49 PM GMT+8

2005 年 6 月 10 日 星期五 【陰】

三日兩夜camp的第二天..........

訓到十一點就醒了, 其他人都訓緊覺, 只有himhim和嘉亮醒了。
極級hungry, 煮麵吃, 順便煮埋himhim o個份.........

十二點幾各人陸續都醒了, hea到兩點幾。
中間o個段時間, 就係屋入面同阿昌仲有肥娜玩埋d無聊遊戲........

下晝有d人出左去買bbq用o既野, 其他人就去沙灘玩。
不過今日沙灘就多左好多人啦, 唔可以好似尋日咁free。
最後我地冇咩好玩, 又玩數字球。
肥娜一如尋日係咁比人造...........

之後見仲有排先天黑, 就同嘉亮仲有阿晶游左去防鯊網最出o個度。
真係極級地爽。
我同嘉亮仲o係碧海之中吹水...........

再過一陣, 見仲未天黑, 就同軍佬仲有肥娜o係淺水d地方玩浪。
玩下玩下, 終於到左七點..........

夜晚係渡假屋bbq, 我地竟然可以由七點燒到凌晨一點幾。
中間仲玩「超級無敵馬拉松」, 內容實在係極級地搞笑..............

鈞佬: 9亮個亮呀! 亮晶晶個晶
Himhim: ...精力充沛個沛呀!
Vin神: ...佩帶個帶呀!
林記: ...帶錢個錢呀!
9亮: 9亮個亮呀!......錢幣個幣呀! (第一次聽佢叫自己)
康康: ...弊家火個火呀!
鈞佬: ...火...係原始人生活中必需既一部分個分呀! (開始玩野...)
Himhim: ...分子個子呀!
Vin神: ...子宮頸癌個癌呀!
林記: ...癌細胞擴散個散呀!
9亮: 9亮個亮呀!......散步個步呀!
康康: ...暴力虐待性伴侶個侶呀! (kaka!! 亂咁黎)
鈞佬: ...女權份子活動個動呀!
Himhim: ...動物園個園呀!
Vin神: ...元世凱個凱呀!
林記: ...海皮個皮呀!
9亮: 9亮個亮呀!......皮膚發黑個黑呀!
康康: ...黑人條x好x長個長呀! (哦...粗口...)
鈞佬: ...長毛死x左未個未呀!
Himhim: ...未來戰士...第五集個集呀! (亂嗡...)
Vin神: ...集會個會呀!
林記: ...會面9亮個亮呀!
9亮: (會面我?) 9亮個亮呀!......亮麗的頭髮個髮呀!
康康: ...髮菜好x似紫菜個菜呀! (咪又係個菜字!?)
鈞佬: ...菜好x多蟲個蟲呀!
Himhim: ...從前...有三隻小豬，小豬叫小明，大豬叫大明，咁二豬叫乜野問呀個呀呀!
Vin神: ...阿門個門呀!
林記: ...長毛死x左未個未呀!...未...未...未......(GAME OVER!!)

>>June 21, 2005 at 4:27:32 PM GMT+8