|
2006 年 12 月 5 日 星期二 【炎熱】
61338-2C班以drawing為名,
全班去大美督旅行為實,
十點係大埔火車站等,
因為塞車所以我係最遲一個到,
跟住我地搭七十五號k去大尾督,
我地真係好似包左間巴士咁,
原來阿sir一早預左出黎一齊玩,
所以去到我地就即刻租單車,
今次租全日都係十蚊啫,
傻架....超好天氣!!
唔太曬又要涼涼地有風,
望上去見到一大群...飛過
如果飛多幾次就正喇!!
咁我地班就分左兩批,
一批野餐一批bbq,
好在無bbq啫,
如果唔係影小好多靚相...
野餐團...(有兩個行開左)
幾經波折集齊d野食飽後,
見到可愛既小朋友....
跟住踩去bbq場會下其他人,
見到完全無諗過既風景...
因為我要影相所以離左群自己影,
依度放住d無咁好先...
跟住踩番去提霸..
有d微弱既柱光出現但係影唔多到...
其實好好天架!!
第一次影雲...
大家都係度休息欣賞大自然既美~
仲有好多靚得濟唔放...
睇下xanga有無啦~
未夠六點就要還車走,
大尾督真係一個學踩單車既地方,
我又試下放手踩,
由一開始一秒,
到走果陣段路再試,
俾我學到喎...
真係可以放手十幾秒,
最衰有d凸起既石級啦..
我諗我好快又唔記得點放手踩架喇...
後尾係我落斜果陣,
可能學識放手開心得濟,
特登唔踩break落斜,
超高速飛落去,
當要轉彎既時候,
真係要刹制,
但係已經太遲,
架車失控偏側,
我在千鈞一髮既時候即時跳車逃生,
架車就打滾幾轉,
我就失控落地,
當然以我身手可以單腳著地,
然後彈跳幾下減低撞擊力,
結果我安全無事,
後面既同學都嚇呆左..
還車果陣太陽未落山,
我仲好想留低到夕陽果陣影相,
但全部都走...
唯有係van仔度影下...
估唔到大尾督真係可以正成咁...!!!!
有d相真係可能係我攝影既人生代表作添架,
真係靚到可以去比賽丫!!
返到去我就自己係新世紀同郎豪坊影聖誕樹~
>>December 8, 2006 at 4:53:40 PM GMT+8
2006 年 12 月 4 日 星期一 【微冷】
九龍灣堂,
低能架....
因為d日校太白痴,
所以阿sir lock左全部電腦既usb,上網,光碟機...
搞到我地個個排哂隊用阿sir部機過野,
最後過左但係load得勁慢,
幾分鐘先load到張相,
叫我到做喎!!
所以決定自己係屋企做下堂帶返黎,
見佢有printer就print下我影果d相,
可惜帶得三四張相無野好print,
如果唔係狂print爆佢...
雖然效果唔係好好...
放學係德福搵阿天,
咁大個人連宜家都搵唔到...呵呵
係宜家行行行,
好快天黑,
可以去影相喇!!!!
喪影...
因為得知聽日outing大美督drawing,
聽講有BBQ同野餐兩批,
我就支持野餐~!!
最後係野餐我負責菠蘿腸,(我自薦^^)
行到已經八點所以去買定d野先,
嘔心既百佳膠袋行街...
去左淘大食野,
哈~試那個牛肉火煱~!!
後尾行多陣走了....
^^^^^^^^^^^^^^^^^^^^^^^^
我有個習慣,
我影相影得一唔滿意就會即刻刪左佢,
其實唔係習慣,
係我接受唔到有d唔好既相存在...
所以我影咁多張每張都係唔同,
如果d相無刪相信一日會影到幾百張....
>>December 6, 2006 at 4:06:58 PM GMT+8
2006 年 12 月 3 日 星期日 【颳風】
今日返去交完folder,
又開新既project,
今次係一月頭交,
四個人一組,
但係我地玩開既得七個男仔,
仲要一個經常唔返學唔做野,
一個返黎堂堂都訓教遲交野,
一個間歇性唔返加做野唔多,
加上某人與某人又不和,
好在神既帶領,
提示我以最就到大家既方法提議分組,
暫時都ok,
仲有一個重大既消息!!
miss話四月至六月期間將會搞個交流,
一係去日本一係去泰國,
分別為六千蚊同四千蚊四日,
嘩...相當吸引既節目~
但係要去既話真係要搵下part time...
放學再去apm影過相,
因為覺得之前影得好核突...
^^^^^^^^^^^^^^^^^^^^^^^^^^^^^^^^^^^
相機
無相機之前就勁想有部相機,
可以攞黎影低去過既地方,
記念一下搞過既活動,
同埋同朋友影相...
但係...
依家多左樣...影靚相...
可能就係自己要求,
搞到影唔到/唔識影靚相所以唔開心,
依幾日先開始真正研究部相機...
都算了解左少少部相機,
留意到自己之前影相我鐘意打斜影,
咁影幅相的確係可以靚d,
依家唔咁做,
係因為真正識影相既人絕多數唔會打斜部相機黎影相,
我想學....但係真係有難度...
依排先開始學識適當咁教光暗.....
距離影靚相仲有一大一大段距離...
仲有我發現一樣野,
其實一年前已經留意到,
就係當有d值得影相留念既活動,
例如:睇煙花...睇show果d...
有左相機就掛住想影靚相就完全投入唔到個活動,
去左等於無去過一樣...
依家睇聖誕樹又係咁,
好似失去左聖誕節果種開心同興奮...
唔通想影靚相真係要咁大犧牲!?
我唔想咁....
>>December 4, 2006 at 3:33:51 PM GMT+8
2006 年 12 月 2 日 星期六 【颳風】
沉晚返到去諗住整xanga轉style,
間斷咁整左幾個鐘,
有d語法好麻煩..
想轉圖又難親喎,
此終都係過唔到自己果關,
所有都係用番原本果個...
showhappy好似同我講話我偏心,
成日放哂d相係xanga,
好喇...話哂識你在先,
我放番兩張open day既相啦..
就咁睇依兩張相都知前日係幾咁無聊呢!?
今日崇拜負責ppt,
都無咩特別既,
係display出黎較淺色,
跟住同毛毛keith食野,
返番學校一陣返黎..
好...努力d呀要!!
結果做功課上下網,
d時間過得好快...
睇明日之後,
真係冬到好似身在情景,
冬天特別有溫暖感...
唔知點解睇番自己之前影d相,
真係好垃圾!!
好想喊既感覺...
個心好唔舒服.....
原來心情真係會影響哂d野,
之前開心好想周圍影聖誕樹周圍去,
突然好想放棄....
>>December 3, 2006 at 4:39:35 PM GMT+8
2006 年 12 月 1 日 星期五 【颳風】
沉晚搞ppt,
執執下執到四點,
唔知幾時開始逼自己每日都要靈修,
就算已經四,五點超攰果靈,
結果前幾日有晚因為太攰唔想靈,
但係神又俾我睇到james20061001既分享,
真係奇妙~
我此終都係覺得係電腦睇會好過睇書,
睇書唔好在...
一黎又要渣住睇,
二黎對眼又特別容易攰,
三黎d字又細粒,
四黎d光線好難就得岩,
五黎存放麻煩,
六黎做唔到其他野,
七黎睇唔到其他野,
八黎無得copy&paste,
九黎哂譜,
十黎巴嫩...
雖然有依十個唔想睇書既理由,
但我都會繼續靈修....
講番今日,
準時返去,
一切順利,
跟住打幾球毛波,
執野坐下,
好快七點回家..
>>December 2, 2006 at 11:45:42 AM GMT+8
2006 年 11 月 30 日 星期四 【颳風】
十二月喇....
咁快就過左依個十一月,
好快就零七年,
個個都開始大喇,
諗諗下其實好快就死咁...
十點鐘返去幫手open day,
相當無聊..
朝早依段時間係得一,二個外來人參觀,
都無咩做,
就睇吓下面果d活動fashion show,
好快兩點交接,
我地就可以走了,
落到去下面食野,
跟住同同學行左陣apm,
d天使真係好恐怖...
一個二個釣哂頸....
四點左右走~
返到屋企五點幾,
真係好累好眼訓,
終於可以訓番餐好既,
真係好舒服呀~^^
聽日仲有一日open,
但係唔去...要返團契
>>December 1, 2006 at 1:35:48 PM GMT+8
2006 年 11 月 29 日 星期三 【微冷】
點解上堂d時間成日變架!!
今日原本點半去vtc training,
九點返去幫手佈置open day野,
但係我十一點幾先起身,
跟住諗住出門口先知道唔洗上vtc,
咁就無返到去,
係屋企upload同處理果三百幾張相,
到左七點出去市中心大姆指,
一齊同kelly慶祝~
出面d白殘殘令到我好眼訓好呆滯..
食完影下相,
佢地去建生,
我就返市中心,
想影聖誕樹,
但係原來hello kitty裝飾都唔係幾靚,
係咪睇過d靚商場有對比呢!?
跟住就返家....
好鬼攰呀依幾日...
係咁出去香港果邊咁...
>>December 1, 2006 at 1:25:12 PM GMT+8
2006 年 11 月 28 日 星期二 【微冷】
因為xanga post左好多相,
所以依家post d差d既...
沉日搞掂埋今日d手尾,
所以可以安心去影番日,
十點出到去中環,
我既同行者...
本來阿天都黎,
但係要做功課..太可惜,
咁就出發去南丫島,
轉左開始,
依d全部都係果個伯伯同婆婆整..
穿過幾間木屋,
右邊就係沙灘仔..
沿路爬上去見到廢棄既..
上去上面民居有一d藍色既蜻蜓,
之後無路行就行番轉頭,
去番頭先既轉左上去...
我企住既就係楚河漢界既地,
可以搵夠三十二個人黎當棋玩,
跟住轉右落去,
 >
途中見到d植物..
就到個亭
但係有個鬼佬飲哂酒咁,
我地就落去影相..
跟住返轉頭行到小沙丘時,
我見到d沙好似有d野,
咁就"某"係度掘,
跟住唔知咩事有隻貓行埋黎我度,
佢好似意為我有野俾佢食咁,
傻架佢地超熱情,
完全唔驚我地都得既,
超得意~!!!!
尤其係依隻痴住我唔走
我仲同佢kiss埋添^^
真係好乖好可愛~!!
超爆鍾意呀~
跟住愈黎愈多貓走埋黎,
最衰無野食俾佢地啦..
對唔住呀貓仔....
最後好捨不得咁走,
隻蟹仔突然出現俾我捉,
好似係d貓叫佢留住我係度咁,
結果都係強忍著淚回去,
行番轉頭發現有路上去,
上到去聽到d鼻寒聲同埋d酸叔味,
所以都係走先...
回到原地轉右,
係時候去廁所,
當我去完想衝水,
見到依個提示我就禁依個燈制,
澎!!!!!!!!嘩~勁大聲~
嚇親自己同外面d阿伯,
原來依個真係燈黎...
之後繼續行,
見到依個...
所以...
但係抽到既竟然唔係依d數字....184
這是甚麼意思...!?
繼續行行到天后廟
發現記憶体不足!!
你唔係同我講笑嘛...
岩岩先開始行過黎咋喎!!
好在有fan姐既card,
又咁岩又岩用喎,
咁我地就食野,
然後繼續出發,
行到右邊盡頭,
無咩特別野睇,
最特別係依個女廁
左邊好似被人強....
之後行番轉左,
即係咁行...
無耐見到人地既佈置~
仲有好多自己畫既石頭...
(個巫婆帶假髮)
再行...
去到d屋後既地方
影完行番出去轉左,
入到一個田園地帶
完全係鬼鬼祟祟偷...
棵樹做錯d咩呢!?
再行..入沙灘
原來真係咁細...
依個沙灘勁多石,
真係想攞d番屋企畫黎送俾你地,
但係靚果d太大舊,
係度用左唔少時間,
起程後地下見到d...
再上哂山咁行,
見到..
d路真係好似菠蘿山,
可惜其實佢叫菠蘿山莊,
繼續行山咁行呀行,
好少有既路牌
你會想到d咩呢!?
終於到喇...
咁都俾我發現有趣既配合~
依度又有個亭
發電發到幾時呢
跟住就落山咁落去,
果時已經諗..
唔係要上番黎嗎...!?
中途發現裝甲車,
結果上演左一幕...
幾經辛苦落到去下面個灘,
不但無咩睇,
仲要俾我見到d咁既野..
真係成個灘都係...
太可怕喇...
咁我地再搵路行,
路就搵到,
上到去係d墓地黎...
唔怪得周圍都咁恐怖咁,
之後又俾d路牌呃左,
話去第二邊,
行得我地幾辛苦,
最後係行番黎原地...
咁就死行番上山,
係大風車下抖抖,
果時已經五點多,
所以決定係度等到天黑,
咁就可以影靚相^^
天就黑喇,
但係相機就無電...
真係慘!!
係無調教既情況下影到幾張....
無計啦...
咁就落山喇,
嘩....個天黑得勁快,
好快就黑到見唔到前路,
真係無誇張!!
我用電筒同電話下影既...
摸摸下落番去,
攰透了既腳...
返到碼頭見到七點三有船,
仲有九個字咁就可以食下野,
咁就坐低食番碗山水薑汁豆腐花,
個老闆婆係度同佢家人傾計,
後尾問我地豪毛隻!?
我話豪食呀!!
跟住佢問我點解識聽喎,
又話咁識唔識聽佢地頭先傾咩,
我話少少,
佢話連佢老公都唔識你識!?
佢地講到咁明點都識少少掛...
差唔多七點返去,
點知七點有船開左...
好在仲有快船係三個字後啫,
返到去中環此終都好不奮!!
好多靚相靚境好想影~
入到去ifc見到d佈置終於忍唔住要搵電芯買!!
實在太開心喇有得影靚相!!
狂影狂影....
因為要靚所以張張都要教好多野,
希望唔會悶親無電既人喇~
途中見到吳唱k同佢助手經過...
跟住周圍行周圍影,
去埋繽紛歡樂小鎮,
再去添馬艦到會展,
因為實在太多相...
所以依家暫住先,
有機會再post番夜境~
俾住張你地睇先~
>>November 30, 2006 at 5:49:23 PM GMT+8
2006 年 11 月 27 日 星期一 【颳風】
又四點幾...
今日要特登出灣仔print兩張紙,
搞搞下都三點幾,
要返觀塘cut埋d紙交俾miss,
因為聽日我唔返,
同一位同學返去做到五點半,
佢仲差幾多未做好,
咁我就走先,
自己係apm行下,
入下去平時食飯忽略既鋪,
最重要既係影相,
不過apm d 裝飾都唔係好靚,
可能未到聖誕未有聖誕氣氛喇...
^^^^^^^^^^^^^^^^^^^^^^^^^^^^^^^^
我由細到大都好鍾意食公仔麵,
由一開始阿媽煮既多湯多林既公仔麵,
d湯當水咁飲,
到中期既少湯加辣椒醬既公仔麵,
食完碗麵d湯可以得一匙咁多既深紅色汁,
至後期少湯多煙un既公仔麵,
期間真係有段時間想食公仔麵多過想食飯~
但係依排見到d公仔麵就無哂胃口,
明明好肚餓,
但係見到包公仔麵,
真係有心無力,
係佢地d公仔麵公司整得難食左!?
定係我轉左呢!?
睇見諗起都想嘔...
好在我仲接受茶餐廳既肉丁牛肉果d啫...
>>November 28, 2006 at 3:27:56 PM GMT+8
2006 年 11 月 26 日 星期日 【微冷】
本來今日改左返三點半,
但係要朝早返去cut片,
返到去又要搞下晝份功課,
結果完全無cut到片,
其實我地連幾時要交都唔知...
點算!?!?
跟住食野啦,
食完炒肉丁麵一陣,
就覺得呼吸困難,
勁辛苦又暈暈地...
成身都好似俾野吉住好熱,
即刻自己走出去透左陣,
返到去做下其他野,
可能分左心所以無咩野,
今堂俾分,
我放低左份作品就偷走,
因為約左cki陪我買褸,
驚佢自己等得耐,
我話走先果陣,
有個同學對我講左一句說話,
令我真係要好好咁諗,
"你唔好又好似佢地咁啦"
我真係變懶左!?
我自問唔會,
不過自從果日聽完現場說法後,
覺得唔洗咁辛苦都得啦,
還掂都係畢業啫既壞感覺,
點都好我會努力既...
睇呀睇呀,
終於買左,
跟住見有時間就去奧海城,
咁就可以影相啦~
行完二期去一期,
見到個海突然好想去吹下風影下相,
點知去到完全唔知發生咩事,
無風景不特講,
仲要激臭屎味,
即時走人,
衝果兩條馬大路,
係中間仲影埋相,
可惜遇人不淑,
唔係手震就嚴重傾斜...
唯有photoshop喇...
之後射波,
開始又攰又肚餓,
差唔多十點就走...
點都好...thx cki陪我~
>>November 28, 2006 at 2:07:00 PM GMT+8
|
![]()
|
人氣: 55558
Design & Scripting by ShowHappy.Net
|
