|
2007 年 9 月 26 日 星期三 【晴】
訓訓訓..
訓到十一點半先肯起身,
d功課都未做,
最少畫三個sketch,
ideas都未諗...
即刻諗...諗左個,
返一點半,
但已經十二點,
食埋野就出門,
係車度諗埋果兩個畫埋算..
返到去都係咁..
>>September 27, 2007 at 1:28:19 PM GMT+8
2007 年 9 月 25 日 星期二 【酷熱】
晏晝同左tat剛豪cting釣魚,
今日無咩魚,
下次釣魚一定要釣大魚先會去,
一定會有機會釣到d魚可以帶番屋企食既~!!
釣到天黑去左置樂食野,
跟住返屋企,
沖完涼諗住開始做功課,
但係勁鬼攰係床度訓到唔想起身...
>>September 27, 2007 at 1:23:36 PM GMT+8
2007 年 9 月 24 日 星期一 【陰】
朝早上完等兩個鐘,
估唔到兩個鐘都幾耐,
上埋返屋企,
本身都諗住係屋企過中秋,
但yip得閒約左我地一齊打機,
之後又轉左同一眾上山玩,
依家過節都無哂感覺,
可能真係厭"戲",
因為等yip,
我地差唔多十一點先上山,
上到去見到識既人愈黎愈多人,
雖然係山度無放火,
只係一班人傾下計聚下舊都幾好,
月光..都唔光,
仲好似細左...
外國既月亮係咪真係大個d既呢!?
後尾都係無咩特別野做,
好似差唔多四點就落山,
返到屋企平台出奇地見到地面好乾淨,
得d零散既熒光棒遺留係地下,
如果係十年前一定周圍都係臘周圍都係垃圾月餅盒..
>>September 27, 2007 at 1:18:13 PM GMT+8
2007 年 9 月 23 日 星期日 【微冷】
七點半起身,
返去都無咩特別,
都未真真正正諗個idea..
十二點半就放喇,
避開左唱k,
返屋企訓番勁既...
>>September 24, 2007 at 12:41:21 PM GMT+8
2007 年 9 月 22 日 星期六 【微冷】
崇拜完打陣機就返屋企,
諗住做功課,
但係實在太眼訓所以訓左,
訓到六點幾起身即刻去一龍度預祝ada生日,
落街發現都幾大風,
周圍都好比平時黑暗,
好似有種世界未日咁..
上到去係度打機,
後尾到八點幾九點d野食就到,
食飽哂玩多陣橋牌,
最後仲挑戰一龍打機,
差一滴血就可以贏到架喇..
返屋企之後就開始做功課,
咩都未做...
做到四點幾算...
>>September 24, 2007 at 12:34:43 PM GMT+8
2007 年 9 月 21 日 星期五 【酷熱】
今個禮拜無日夠訓,
今朝返去橋樑迎新日,
做mc,
係度亂up廿四,
完左食野返黎都差唔多夠鐘,
今日個音樂分享會雖然得兩個已經識既人返黎,
但成個音樂會都ok,
keith既分享..
你講既野愈黎愈有文路,
好清楚咁講左你講既野,
雖然無d新人係度,
但我相信你講既野都會感染到人既,
其實準備一篇講章自己都攞左一半得著架喇~
完左開最後一次既職員會,
傾完就打左陣波同打陣機走..
>>September 22, 2007 at 5:20:27 PM GMT+8
2007 年 9 月 20 日 星期四 【酷熱】
今朝返美麗華十一點半,
但係我諗住早d去可以係果度食埋野先開工,
去到尖咀十一點,
第一次返依度所以咩都唔知,
入門口跟住d人俾身份証check in,
跟住又唔知上去定落去,
之前個阿頭帶過我地黎過一次,
但係已經唔記得哂,
咁就落左去搵到攞衫既地方,
但係又唔知邊度係更衣室,
搵左一兩個字見到個似係既但係又推唔入,
我見已經差唔多十一點半,
勁緊張咁求其係後樓梯換衫,
但係我個袋都唔知放邊,
所以都係去返更衣室強行入左去,
跟住又憑住模糊既印象上頂樓,
咁岩同lift有個員工係度問我做咩咁遲,
話上面briefing緊,
估唔到諗住早d黎食埋野,
點知搞到依家遲埋到勁不知所措,
其實到依家我都未知要做d咩,
breifing先知係做元朗信義中小學,
我負責做buffet台,
同一個阿叔拍住,
但係果時因為briefing緊我費事望後面睇下佢,
果度成三十幾個師兄,
加上一開始勁混亂同我個partner走散左,
我完全唔知邊個同我一齊做,
一開始勁俾d經理點我地做野,
勁搬水出黎又要搬台,
真係好快手都軟埋,
後尾開始食野,
又要不停搬d碟出黎同俾人點做野呀咁,
d時間過得勁慢,
三點幾佢地完左就要收野,
因為我做buffet台所以無人地做餐台果d咁快收野,
我又唔想企係度無野做,
所以諗住好心幫下d差唔多年紀既手執下野,
點知我個partner睇唔過眼係度喂我問我做咩..你係buffet台個喎!!!
我話見依家無野做幫下手嘛,
之後佢擺出個死人樣就話:我唔知你...你鐘意啦下!!
心諗..洗唔洗咁呀,
幫下人手都唔得咩,
不過最後我都無幫到,
因為我都幾攰下已經,
跟住到我地可以收野,
個經理叫我地收左d碟先,
我就係咁收來回勁多次,
個阿叔勁過份,
勁係度蛇王係度行黎行去扮野,
開頭我都仲忍到佢,
我以做番自己份內事就算,
搬到果幾張台得番兩大棟碟,
咁我就搬一棟入去,
諗住佢依家無野俾佢hea應該會搬埋果d碟入去,
點知我出番黎果陣仲見到棟碟仲係度,
佢就唔知做咩係果度陪迴,
今次我打死都唔搬入去架喇,
點知個阿叔係度話:喂~!!仲有一棟喎!!搬住入去丫!!!
我即刻火爆到勁串咁鬧佢話:你自己唔搬~!!!
佢即刻回應我話:咁你就唔好話無野做啦~!!!!
我既容忍度已經到達極點,
即刻恕啤住佢個話:喂!!! 我話頭先無野做咋喎!!!幾時有話依家呀!!!!
條友知我唔好野就行開左,
真係離哂譜依d咁既阿叔,
諗起佢真係火滾!!!!
之後係條走廊經過親我都恕視佢,
不過我知我唔可以咁,
咁樣唔係基督徒既行為,
到後尾收爐果陣,
我都算喇同佢一齊搬爐入去..
跟住我地要set場,
要搬哂d台台(登)(登),
又要快又勁重,
勁撞到對腳..魚哂!!
d黑衫(經理)勁惡點左我同兩個師兄黎企係度鬧,
勁慘...
再之後五點幾就有d今晚既賓客黎,
我地就要長時間捧住d野飲,
勁鬼攰又唔可以放手,
因為果幾個黑衫係哂度,
到左六點幾終於可以小休,
成日都未食過野勁肚餓,
即刻落去攞飯食,
坐住d阿姐身邊,
周圍都係白衫既阿叔阿姐,
望住d飯覺得好孤單,
感覺好似軍訓咁,
周圍無一個識既面孔,
自己又身心都疲累,
好似辛苦左成日捱到依家食晚餐既時間先可以食第一餐,
心裡面有d酸溜溜既感覺...
d飯我北左好多,
但都差唔多食哂...
接住落黎又要即刻開工,
真係有d唔想返,
我唔知返工為左d咩!?
我又唔係好需要d錢,
我只係唔想再咁hea再咁得閒先返工,
依家搞到好似為左d錢而辛苦自己咁,
七點briefing大班黎左,
終於可以傾下計喇..
今晚係做婚姻,
今次負責做酒水,
真係好彩..可以避過分餸依個危險工作,
不過我諗下次都會試架喇..
避得一時避唔到一世丫嘛,
做酒宴係唔同d,
唔洗咁辛苦做苦力,
雖然都要係咁清d碟入廚房,
但無晏晝果d咁離譜,
d時間都過得幾快,
到十二點多d先收工,
依度收工返工都好麻煩,
要攞完張單仲要搵d經理排隊簽名,
又得一部lift落到去交衫,
交完衫又要去下面果層攞番個袋再上番去先check out走,
今晚放晏左,
十二點半先走得,
我即刻趕去搭地鐵諗住係旺角搭尾班車走,
我睇過尾班係搭九,
但係我未到旺角站已經搭九,
所以我就決定係深水涉落車,
結果都俾我搭到^^
其實今日都唔算好辛苦,
係企得耐同隻手有d攰...
依份工岩d厚臉皮捱得又大大隻醒目既人做,
我計過架喇,
如果有咁既人佢返兩日放一日月入都過萬蚊~!!
>>September 22, 2007 at 4:37:02 PM GMT+8
2007 年 9 月 19 日 星期三 【酷熱】
連返三日朝早好鬼眼訓,
今日仲要返全日,
本來諗住上今堂之前做下research,
但係沉晚真係好眼訓..
不過都好,
今日遲左半個鐘返去,
都唔洗點做d乜,
但成日都要諗諗諗..
五點半先放..
聽日又返工喇全日..到十二點
>>September 20, 2007 at 1:40:01 PM GMT+8
2007 年 9 月 18 日 星期二 【酷熱】
朝早九點係車度收到電話話cancel class,
唔係嘛..又cancel!!!
成四個鐘時間先下堂,
估唔到英文堂都會cancel,
等我仲咁早起身...勁眼訓,
結果係圖書館打陣機等d同學返黎,
之後食麥當勞勁熱氣,
返去上埋個堂三點半放,
但係今日七點半先開工,
仲有四個鐘又唔知做咩,
好彩d同學都無聊係度射下波,
跟住大班五點到左九龍灣,
我就去會合佢同佢食下野坐下等開工,
今日係我地第一次正式開工,
但係我地兩個人做一圍,
所以錢方便係平分,
其實我地真係咩都唔清楚,
又未試過分餸,
真係好唔知點!!
一開始我地做果圍係女家既親戚,
成台都係四十幾五十歲既男人,
心諗...大獲..實俾人問候都似!!
即刻祈禱,
估唔到個經理就走埋黎同我講話轉台,
唔洗我地做依張,
真係感謝神!!!
神又救左我喇,
依家果圍台多數係d公公婆婆黎,
真係好好彩~
之後好快就要開始,
真係哪手唔成世,
好多都未清楚要點做,
俾d經理話下我地又成日ber住我地,
不過都已經好好無鬧我地,
d阿伯阿婆見到我地分餸分得咁辛苦又慢就話等佢地自己黎,
不過後尾分糖水果d我分到成台都係..勁呢啡,
最大獲既就係今朝冷親,
勁流鼻水,
我已經係返工前特登去買特效傷風藥食,
但係好似完全無效咁,
勁樣衰一路分餸一路流鼻水,
真係想打自己幾巴,
後尾都係跟人執下野,
十一點半終於收工..
終於可以捈鼻涕~haha
搭車返德福就即買tempo同一杯熱飲~
返到屋企都點幾..
我諗經過今日之後果度會有好多人好憎我地..
>>September 20, 2007 at 1:35:57 PM GMT+8
2007 年 9 月 17 日 星期一 【酷熱】
又學3dmax..
lunch跟住上普通話到四點半,
勁眼訓想返屋企,
搭車恰點知恰恰下係中途壞車,
全部人落哂車係度等下班..
唉..麻煩,
人地想早d返屋企剪頭髮搞掂d野早d訓嘛..
>>September 20, 2007 at 1:12:11 PM GMT+8
|
![]()
|
人氣: 55556
Design & Scripting by ShowHappy.Net
|
