2006 年 12 月 31 日 星期日 【晴】

HAPPY NEW YEAR *

2007 第一天

在睡房看報紙,凝望著窗外的藍天白雲
細看著床邊的足球,相簿,獎牌,cd,卡紙
一種好舒服的感覺,簡單就是最快樂的
捉住這種輕鬆的感覺溫書迎接考試
等待看今晚比較好看的叱吒頒獎禮,
新一年,希望是開心順利簡單的一年!

>>January 4, 2007 at 11:38:29 AM GMT+8

2006 年 12 月 30 日 星期六 【晴】

☆ HAPPY BITHDAY TO YING ☆
　be a hapi girl !! ⓟⓤⓨ support you forever !!
　Hope you like the presents !! 31-12-2006

>>January 4, 2007 at 11:38:06 AM GMT+8

2006 年 12 月 23 日 星期六 【晴】

MERRY CHRISTMAS
　　　聖誕節快樂　　　*

昨天睇波睇到三點半～超開心 !
車仔再次完場前入波勝利 !! YEAH

朝早去左打 badminton !!
有我,Eva,羚,Eliza,文,Kami,文樂
Haha !! 好好笑 !!
EVA 要用聲控來打波
ELIZA 傻笑地嘻嘻哈哈咁打
臨尾和阿羚去另一個場同果兩位阿叔打
超累呀 !! 隻手傷左後好內都冇做過運動 lu
WA～～我地總共打左三個鐘～～
之後食完野返屋企沖完涼訓覺
哈～其間個電話響左好多好多次
訓到 5 點先醒 , Crazy ahh -睇黎我真係好倦 -

夜晚去左中環 join 阿羚,Eva,阿影,Kami
哈哈～旁邊個 BB 超得意,係咁同佢玩引佢笑 !!
真係超可愛 !!! 佢捉住我隻手唔放,對住我哈哈大笑 !!
真係想捉左佢返屋企 !! hAHAHA ! 要同佢影返幅相

在巨型漂亮的聖誕樹下影相合照
後來文樂都黎左做聖誕老人派禮物 !!
搭船過去尖沙咀 - 海景超靚呀 !!
果然係聖誕節 !! 好迫人好多人呢
周圍行周圍行,影相,睇燈飾,行到好累
搭正十二點去倒數聖誕節既來臨 !!
點知架大型電視機準時熄機~
Hehe !成班人係街度白等一場 !!
最後我地搭 MTR 各自回家 lu
HAHA ! 花花 EVA !!! Flower ♣
同阿羚捉住佢唔俾佢落車搭到去柴灣 !!
多謝文樂份聖誕禮物（雖然未收到）
多謝阿影張 BLUE 聖誕卡

2006 年 12 月 24 日
一個好平安又愉快的平安夜 *
祝所有朋友同學聖誕快樂 !!!

>>December 25, 2006 at 10:26:52 AM GMT+8

2006 年 12 月 12 日 星期二 【晴】

Forget present ．Recall Past．Laugh innocently

　Enjoy my easy Sunday 　
．Study Phy exam
．Listen music to feel every stories of songs
．Be touched by ' One Litre Tears ' tonight
．Watch soccer match to support my team Chelsea

看完一公升眼淚 . . .
這班是什麼同學來的 ?
真過份.....一點同情心都冇
朋友會介意好友令自己添麻煩的嗎 ?
越來越鍾意看二家姐 !! HAHA!!

夜晚的倫敦大戰好精彩呀
感受到車仔落後的威力 - 好強的反擊 !!
艾辛的超級世界波我一世都射唔到 ! 哈哈 !
好可惜呀 !! 臨完場前又中楣又中柱 . . .
看到我凌晨兩點勁嘈咁係度亂叫 . . . ''

昨天發了好多夢,已忘記每個細節
只記得每個夢都是果幾個人
那一刻是多麼的真實 . . .
不願起身把故事延續下去
再分不到現實與夢境 . . . . . .

hapPY CHat !!
Although 九唔搭八 - kakaka !!
笑死我 - 果然易開心都係一件好野 !!

>>December 13, 2006 at 3:55:06 PM GMT+8

2006 年 12 月 2 日 星期六 【晴】

夜晚去左球場看班隊友比賽
在場邊看著的感覺一點也不好
得個望字,乜都幫唔到手 . . .
我好想同佢地一齊作戰呀 !!
真的超想落場踢波 . . .
這兩個月真的等死人喇 lu .
我好想比賽呀 !!!!!!!!!!!!!!!!!!!!!!!!!!!!!!!!!!!!

完場後我地去左玩
我 Keith 羚 Kit 余小 吳大 航
整晚的 5 小時充滿 gag , 笑聲 , 廢話 ～～
Haha ! 咁就玩左一晚 lu ! 個個都好累!
凌晨好夜先番到屋企 . . .
余小真係十分搞笑呀 !!
個個都眼訓到痴晒線亂玩
A HaPpY Funny NIGHT
這兩天真的完全輕鬆夠了
快樂過後要付出代價
累積了很多功課 . . .
明天開始又要為考試預備
展開繁忙的兩星期之旅
不可停下來直到下星期五
期待忙碌後的聖誕節假期
呢兩個禮拜就好好努力吧 !!
Wah.....已經天光了.....訓覺 lu

>>December 5, 2006 at 12:54:50 PM GMT+8

2006 年 11 月 3 日 星期五 【晴】

HAppY
夜晚去左踢波～哈哈 !
好開心呀 ! 4 比 1 勝利
我地踢出漂亮足球 ! 好鍾意呢種感覺 !!!
Keith,Kit,羚,我,Angus,Derek,韓,哥,Chris,余小

開波十幾秒好快我就入波喇 ! 心裡是十萬個開心 !!!
跟住第 2 球超有組織呀 , 首先 Kit 交給阿羚 ,
阿羚再交給我,之後我再後腳交番俾給 Kit,最後佢射入第二球!!
加上 Angus 連入兩球 , 其中一球笠入 . . 入得好靚呀 !
Second and Third Goal both are Wonderful !!
卡卡～佢地話成隊波表現得最好就係頭果三十分鐘喇
哈～臨尾好瘀 . . . . . . 唔該晒 羚同 Kit 呀 !!

我係咪有 d 任性 ?
病左暈暈地都照去踢波 . . .
但係踢果陣唔知點解好精神
踢完之後仲好似冇晒事咁添 Amazing !!
卡卡～唔通阿羚既魔咒係真既 . . .
受傷先可以入到波
而家可以加埋病先入到波喇 . . . !!

踢完後同佢地去左打冷
食完野後同阿韓搭車返小西灣
哈～笑死我地～個司機真係慘
個女人一上車就不停鬧佢,真係橫不講理....
---------------------------------------------------------------------
下午去左表哥度打擾佢幾個鐘 . . .
哈～唔知佢會唔會埋怨點解有我這個表弟架
果陣我真係覺得暈陀陀,好想訓覺
睇見佢用心研究我份功課,
而我就攤係度就死咁,又走左去講電話,
真的唔好意思同埋十分抱歉呀 ! 哈哈
如果唔係表哥迪最後改正我果個 Lab report 結果
我肯定到時成績一定 C or D 緊 . . . 錯漏 8 出
講真架 ! 我一定會好好報答你 ! 有事找我啦 !
Sorry Ar ! 連累你冇左咁多個鐘忙自己既功課
走之前姨媽煮左個味千拉麵俾我食 ! 太好了 !
跟住就在超級眼訓的情況下搭巴士去跑馬地 lu
Wahahaha ! 踢完波後証明決定冇錯呀 ! 好開心 !

嗯~今天總算搞掂頭痛的 Lab Report
但係份中文議倫文一點頭緒都冇 . . .
後日交 . . . 希望聽日可以 Finish !!
-------------------------------------------------------------
重複犯錯 . . . 不停的重複重複著 .
好想知道,卻怕答案是失望的 . . . .
假如任何事也簡單一點就好了 . . .
--------------------------------------------------------------
真開心夜晚同表哥傾左好多開心野 !!
就是這麼簡單,已經開心左好內 la ! haha !
只盼望一生不用太深 . . .願純真永未變 . . . *

>>November 6, 2006 at 3:16:21 AM GMT+8

2006 年 10 月 17 日 星期二 【晴】

車路士 VS 巴塞隆拿

今朝終於趕得切食完早餐先上堂 ~ Yeah !
Maths 進度還可以,可以暫時開心住先!!
上完堂後就去搭巴士準備返屋企
突然有個陌生人走埋來用普通話問路
唔知點解第一個意識係想用英文同佢溝通. . .
用不正中的普通話回應 ' Li 省處那 ly ? '
上車後才發覺告訴他的位置好像有點偏差 . .
哈~相差少許者,同一個方向,Gd Luck !

下午訓醒午覺後又死左去 CWSR
今天陪伴我的是不良少女冬瓜影
後來還有 Kami 齊齊坐三人位
終於溫好 Chem 和領略到 Maths 喇!!
真開心 ! 十分理想 ! 好滿意 !!
其間發生好多有趣和驚險事呀 !!

．賭博阿叔若無其事地講電話 - 懷疑落注買馬或買波中
．正義大叔 ' 0殊 ' 附近大聲喧嘩既學生 - 好利害 !
．愉快傾歡樂天地加冒險樂園 - 哈哈 ! 突然變得好嘈 !
．不良少女正面挑釁討厭的男女 - 幸好制止得快 . . .
．邊個係圖入面怒啤人地隻豬 - ah....um....p...u...y.....
．ＶＳ＋ＫＯ - 　Come On ! 一拳打死佢 ! 卡卡!

我的嗅覺和耳朵都有問題嗎 ?
為什麼感覺不到任何香水
也聽不到像蜜蜂的嗡嗡聲

明天又到了苦惱的星期四
要上最困難的一科 -PHY
希望可以有點收穫～加油 !!

>>October 23, 2006 at 2:30:00 AM GMT+8

2006 年 10 月 16 日 星期一 【晴】

Congratulations
下午收到訊息 - Good News
恭喜阿朗考車成功 !可喜可賀 !

在灣仔 Lunch 時在餐廳巧遇 Cherry
原來佢係果度做 Waiter
她好好人呀,埋單時給了我折扣,
哈～多謝晒 !

最近幾天經常撞到認識的人 ～
前天Dicky,昨天Sandy,今天Cherry
唔知聽日會唔會又撞到任何人呢 ?

放學又去了 CWSR　在巴士上睡著了
張開眼睛時已經到巴士站 D 人落車中
開頭還以為冇位添 . .. .
最後找到座位坐在 Kami 附近 (Eva 家姐 )
落街食野後上番去看見 Eva 的打氣紙仔 !
叫我唔好訓覺,一齊努力直至十點,還有..........
我的薄又多了一個封面 . . . . . .
已經降低晒級數 , 變成 Keroro Schedula . . . .

蠢怪獸趁我講電話不停攻擊係咁用拖鞋踩我!!
哈 ! 有人好貪心呀 ! 獎賞都麻煩過人 !!
唔好再扮溫柔喇 !! 改唔到架喇 . . .
因為每次最多只能維持五秒就打回原形
呀 . . . 什麼 . . . 部 MP3 又失靈了 . . .
唉 . . . PHY . . . 真的不想抄功課呀 . . .
無論多努力鑽研 Notes . . .
只是看了好久好久也看不懂 . . .
已超越了自己的能力範圍 . .
再這樣下去希望不會倒下吧 . . .

天天也去 S.R , 回復昔日最癲的時代 !!!!
或者因為這樣才有無悔無憾的感覺 . .
所以即使多麼疲累也要堅持下去呀 !!
Never Give up !! The only successful Way !!

>>October 23, 2006 at 2:27:50 AM GMT+8

2006 年 10 月 15 日 星期日 【晴】

* 好開心呀 !
部 MP3 起死回生復活了!!!
以後我一定會好好珍惜你 GA !

前幾天阿朗返左落黎,
約好了今朝去佢度打機較量
Hehee～遊戲過程非常峰迴路轉呀 !
首先是贏 6 : 2 和 4 : 1 , 最後總比數是 8 : 9 . .
遊戲玩法自己定架者～最緊要開心 !!
哈～係喇 ! 我輸了 ! 由你得戚下 lo !!
* 希望手下朗聽日順利考度車牌啦 !!

之後佢去學車, 我就去 CWSR
兩點鐘整個 Room 也是空空的 . . .
hehee ! 一個人坐中間,好像霸佔了 3 個位一樣
溫左一陣發覺忘記帶一本書. . .
於是決定回家拎,竟然在 Van仔度遇上Sandy
原來佢正要去小西灣其中一間學校教書,
落車帶佢去學校門口就返屋企拎書再出去 lu
無幾內唔知幾時 Madman 打來問我可否返小西灣 . . .
幫佢接收 Thomas 的書本暫放在我屋企 . . .
可是我剛剛至出番來 ja . . . 不想再來回浪費時間了 . . .
不過又不忍心看見他白行一趟 . . .
最後只好唔該媽咪開門給他暫放書本好了！
媽咪好像第一次見 Madman 的真人呢 !!

網球王子 . . . . .haha !! 都唔合邏輯既
以後唔信你講野喇 !!電話,低分,,,通通呃人!!!!!!
阿朗學完車後返到黎搵我落去下午茶
Madman 接著也黎左一齊食 !!
我地係咁問佢果陣會考自修室果個人叫乜名
佢死都唔肯講,扮唔記得,我地不停回想,
哈哈 ! 後來阿朗終於從日記查到了! 叫 ' 啤啤 '

上番去看見 Eliza ,我地係拖鞋一族,Haha !
果個 Fancy 還記著果日玩果陣打過佢 . . .
都兩個幾月前的事啦,咁記仇 ga ! 哈 !
溫溫下無意中望下遠方 - 咁熟口面既 . . .
望多兩眼 ! 原來係 Eva 呀 !! 果一刻佢又望過黎
卡卡 . . . 大家同一時間發現對方的存在
反應是一樣驚奇和搞笑的 . . .
哈 ! 我同蠢怪獸都察覺到 4 號來了 4 個鐘
有接近 3 個鐘是不在自修裡的 . . . . . . .
之後換了新眼鏡的 Bess 來了坐在 Eva 旁邊

今天我整天坐在兩個不認識的人中間
進度好滿意呀 ! 不過有點疲累 . . .
太好了 ! Maths 終於跟上進度 ,
另外 Chem 也掌握到 80% 喇 !!
現在只剩下令人無從入手的 Phy . . . . . . .
---------------------------------------------------------------------------
夜晚回家後看了一公升眼淚 !!
果個女主角真係同人地講既一樣幾靚~
擁有一個幸福令人羨慕的家庭
看了十多分鐘已經覺得這齣電視劇好吸引
不過越睇越痛心,完全感受到果個女仔既慘
特別係跌低受傷痛哭果幕 . . . 好可憐. .
最慘是她完全不知道自己發生乜事 . . .
終於明白為什麼有人說看完會喊喇 . . .
播完後看了下一集的預告 . . .
看來下次真的會流眼淚 lu . . .
----------------------------------------------------------------------------
兜多幾個圈也沒有問題呀 . . .
* 好好享受每一天

>>October 23, 2006 at 2:30:13 AM GMT+8

2006 年 10 月 6 日 星期五 【晴】

07-10-2006
Bicycle 東涌
我 羚 影 Eva Kami + 文樂

今朝約好阿影和 Kami 在小巴站一齊出發
為左食個小蛋糕早餐所以我遲左 3 分鐘落去
不過最遲的不是我呀 !! 哈 !有ｄ人卻埋怨 . . .
在地鐵站她們兩個買了看起來很好食的西餅
之後在地鐵鬼鬼祟祟地快速偷吃它 !很吸引 !
如果早知道之後沒有午餐食,我也買一個來吃好了 . . .
在北角會合阿羚和 Eva 就展開我地的中秋東涌之旅喇 !!
在漫長的地鐵裡和阿羚聽著 MP3
旁邊有個好得意的 B B 又喊又笑
哇～沿途的風景真的很美呀 !!

落地鐵步行十幾分鐘終於到達阿羚屋企喇
上一次來玩的時候已經是上年暑假 lu
個景真係好靚好靚 !! 張床好彈好彈 !
傻人孖寶在人地張床度放肆地跳來跳去 . . .
（飛機呀）Eva 指著出面的天空 !! 哈哈 !!
上到去大家坐著沙發上看叮噹
什至攬住公仔舒服到躺在果度不願起身
在那裡當她們回味相簿的時候,我地玩Winning!
參觀一輪放低物件後就離開去屋村租單車喇 !

由十二點幾一直踏到下午五點幾
其間發生不少趣事和意外呢 !
阿影由好喜歡衝落斜路最後變到有陰影
Kami 好快就由不懂踏單車變到學懂了
Eva 最 Danger ! 幸好她沒有事 ja . . . !!

我地起初圍著東涌繞圈
途中經過海旁,上天橋落天橋
當架單車踏到好快好快的時候
微風吹著自己的感覺真的好爽呀 !!
沿途中阿影經常無啦啦在耳邊尖叫 !
踏得好地地都差 d 俾佢嚇到炒車. . .
佢同 Eva 一落斜路就癲左地狂叫 !! haha !
穿過一條小徑後抵達類似廟堂拜神的地方
有一個球場,我同阿羚又即興地借人地個足球玩左陣
後來阿影,Kami,Eva 佢地發現左一個充滿石頭的沙灘
果度有好多細小的蟹在泥沙中穿梭
另外又有好多魚在水中飛快地跳來跳去
（哇 ! 架飛機向上飛呀 !!）Eva 指著對面的纜車附近的山
哈 ! 阿羚教片石 ! 佢片得好犀利呀 !!
之後 Eva 傻奸奸地唔理對鞋濕晒自己一個走左個對面
卡卡 !! 我同阿羚不停用石頭擲佢!
我們當然肯定擲的方向和力度不會掉中她至擲啦
真開心同好玩 ! 哈哈 ! 我地真係衰格 !! Kakakaa !!!!!!!!!!!!!!!
之後當 Eva 想返番過黎果陣 ,阿羚繼續嚇佢 . . .
更不小心把石頭掉中佢隻腳 . . .
卡卡 ! 今次真係激嬲 Eva 喇 , 她發嬲痛罵阿羚 !!!!!
最後我地返番去東浦果面圍著屋村繼續駕駛單車踏踏踏

途中先後發生不少意外,真為他們擔心
Kami 落橋時跌親,整到隻腳瘀晒,十分同情她 . . .
去到屋村落斜路時超級 Danger 呀 !!
我第一個落去先,之後在下面等埋佢地
落斜後對著的是一個欄杆和一條馬路
看見兩個傻瓜在上面好興奮地衝下來
首先是 Eva , 真的嚇親我呀 !!
我看她像沒有剎掣般地衝落來
完全是極速地撞埋欄杆度
當時真係好擔心佢會飛左出馬路 . . .
好彩最後只係跌低左 ja .,沒有受傷實在太好了
剛剛想落車去扶佢起身睇下佢有冇受傷的時候 . . .
接著衝下來的阿影在旁邊像蕃薯般跌左係度
真係嚇死人 . . .兩個一齊跌左係度 . . . 一左一右
. . . 都唔知扶得邊個好 . . . 唉 . . . 小心ｄ啦 . . . !!
所以阿羚用責備的語氣話佢地係完成正確的 !!
阿影整到隻手流血,隻腳又損晒,真係可憐 !好慘呢!
哈 ! 從此落斜路有陰影有陰影有陰影喇 !!!!!

踏多陣繞多幾個圈就去還單車 lu
在店外影相留念 - 單車五人組 !
之後我地上返阿羚度遂過遂過沖涼 !!
冇幾內文樂都黎來玩呀 !! 太好了 !!
哈哈 ! 趁 Eva 和阿影走左出來 !!
衝入阿羚間房度訓覺～好舒服呀 !
真可惡 ! 被她們不停拍打追殺 !!
真係好累呀 ! 訓左一陣已經精神晒 !!
他們在出面玩 PS2 打鼓和層層疊
阿羚在廚房傻左咁拍乾衣機 ! 哈哈 !

夜晚去 KFC 食野 !
之後去了海旁玩蠟燭,螢光棒,燈籠
哈哈 ! 好像只有我們這班人還在慶祝中秋節
因為四周圍鬼影都冇隻 . . . . .
個熊仔燈籠十分得意 !!
oh , 阿Bea送給我個燈籠咁快就損毀了 . . . .
真係 Sorry !!

跟住去左公園玩飛碟 - 飛來飛去
哈哈 ! 她們經常爭飛碟 ! 爭呀爭搶呀搶 !
玩完飛碟 6 個人玩 ' 糖痴豆 '
個個玩到滿身大汗 ! 跑來跑去 ! 累得來幾好玩呀 !!
差不多十一點上番羚屋企收拾行李
走之前影左好多搞笑相呀 !!
阿羚記全放我地幅相係東涌間屋呀 !!!哈哈哈 !
今晚阿羚留低訓,我同阿影Eva文樂Kami 就回家
回程的地鐵感覺上比出發時內好多好多
我地在地鐵月台等左好內好內 . . .
返到屋企都已經點幾 lu !!
唔知佢地有冇人俾人鬧呢 ? 哈 !

今天是一天開心天 !!
今次或者真的是短期內的最後一次聚會 lu !!
哈哈 ! 傻人一族 - 我地要一齊加油呀 !!!!
希望下次多 d 人一齊玩啦 !! 一定有機會的 !!
-------------------------------------------------------------------
十分感謝 Ｅvａ 呀 !! 好好人
* 四葉草!突然想起這齣令人懷念的電視劇

>>October 12, 2006 at 6:23:13 AM GMT+8