2005 年 5 月 17 日 星期二 【晴】

今日考哲學導論
六個考試之中，今日呢個試算係最寫意啦～～
又唔使早起身，日日溫書都可以堅持「一日一鋪機」的原則：P
考得又淺，只係將四個tutorial的report題目，重考一次
寫果時幾乎唔使plan，一筆寫到尾，幾乎唔使點諗
寫完重有半個鍾覆卷（Raymond重要訓埋覺添）

真係出左目的論論證，考果時將尋晚日記寫果D意，較準備地寫多一次就OK，哇哈哈哈～～


考完同左Raymond去旺電買老翻：P
終於買左真三國無雙3PC版啦～～～WAHAHAAHAHAAAA
Raymond用40蚊買左隻三國群英傳5……點知正版都只係賣98……佢超後悔，HEHEEHE！！

之後同文聰去左食飯，44蚊有意粉，超正牛扒，電糕，凍飲，羅宋湯，餐飽，沙律……強！！

睇左《不死狗》，哇！！！！超好睇！！！最後重搞到我有D眼濕（要知道我呢D鐵石壞心腸的人，唔易眼濕GA）；戲中李連杰好可憐，令我有種想盡力幫佢，保護佢的衝動……呀，我變左GAY佬？！

食完之後去左食糖水，24蚊食左成粒鍾，超爽～～

我地又去左女人街行，哈哈，我心血來潮，買左佢我愛羅T-Shirt～～WAHAHAAHAA

＝＝＝＝＝＝＝＝＝＝＝＝
Tracy：努力搵工呀要～～妳呢？：）

>>May 17, 2005 at 4:16:52 PM GMT+8

2005 年 5 月 16 日 星期一 【晴】

大家試就考完啦，我地過氣EXCO成員係時候聚佢一聚！咁o岩今屆聯地又搞BBQ，我地打算JOIN埋入去，又可以RE U，又可以棒下自己友場～～～大家意下如何？

而家阿MI大人要統計人數，各位過氣EXCO同工，去唔去都請麻煩SEND個MESSAGE比阿MI大人（22873081）︿︿

日期: 2005年5月21日(星期六)
地點: 城門郊野公園
集合地點: 城門郊野公園遊客中心(可乘專線小巴82號來往荃灣兆
和街與城門水塘，遊客中心位於
終站旁)
集合時間: 早上11時
費用: 每位40元 (車費自備)
名額: 50人

>>May 16, 2005 at 5:21:47 PM GMT+8

2005 年 5 月 15 日 星期日 【晴】

溫書：




宇宙論論證（第一因論證）：

形式A：任何事物的存在都有至少一個原因，而不可能有無窮無盡的原因，所以有一個所有原因的原因，即第一個原因，便是神。

形式B：宇宙的存在是偶然的，而任何偶然存在的存有都有一個原因，所以必定有一個必然的存有，作為第一個原因，便即神。

反駁：形式A的宇宙論論證的論據（前提），是自相矛盾的，因為既然任何存有都有一個原因，則不會有所謂第一個原因（第一個原因的原因是甚麼？）；且無任何理據去支持，不可能有無窮無盡的原因；最後，即使有第一個原因，也不一定是神，而可以是指宇宙自身，自然而然化生萬物。

形式B的論證較佳，沒有前述的技術問題。不過同理，看不到任何理攄去否證無窮原因的存在，及宇宙才是第一因的可能性。

其實這類論證，關鍵核心問題是「為甚麼存在者存在，而非不存在？」，但這個以問題形式提出的句子，不一定是一個問題，很可能只是一種情緒上的表達，而非真想找出答案。而且這個問題，不可能回答，任何回答都必犯乞求論點謬誤，因為任何解答的內容都是存在者的一部份。


目的論論證（設計論證）

人造的物件（如手裱）必然是一個設計者設計的；宇宙呈示有目的秩序，就如人造的物件；相似的果有相似的因，所以宇宙是由一設計者設計，這個設計者是神。

我們很難否認宇宙「呈示」有目的秩序，但不見得這個論證成立，可從三個角度攻破。一、所謂設計者設計宇宙，它的意思不完整或沒有認知意義，例如根據宇宙的定義，它是一切時空的萬事萬物的總和，甚至包括神（如有）；二、不見得宇宙呈示有目的秩序，就一定如人造的物件，為甚麼不可似一株菜？若宇宙食似一株菜，則我們很難決定它是否被設計出來，故這能攻破它的類比推埋；三、如果有一個與目的論說明一樣強的理論，去解釋「宇宙呈示有目的秩序」，則不見得一定要接受目的論論證，例如自然主義說明，指出雖然非生物界有具目的秩序的呈示，但它不是為了現存生物的生存而呈示這個狀況的，用物競天擇的原理去解釋，未能適應現在的非生物界「設定」的生物早就不再或不可能存在。


不過當然，以上批評雖然能有效反駁以上兩種證明神存在的論證，但不能反駁神存在的可能性

溫完。

>>May 16, 2005 at 3:44:53 PM GMT+8

2005 年 5 月 14 日 星期六 【晴】

今日先開始溫哲導，後日考～～

溫之前去左跑步，體能欠佳，加上陽光猛烈，大有死去活來的感。

這種痛苦（哈哈，腦中的C-fibre受刺激），令我進一步反對「平行論」、「副現像論」（剛剛溫到呢度）……哈哈～～

雖然無乜理由支持，但我都係比較接受「交互作用論」，或「同一論」……

(＊死Raymond見倒唔好驚，我只係由最尾果科溫起，有排都未溫曬，哈哈哈～～～）

>>May 15, 2005 at 10:22:31 AM GMT+8

2005 年 5 月 13 日 星期五 【晴】

一如以往，每餐飯我都睇Friends，今集講到Chanlder同Monica結婚，而Ross見倒就相當感概，因為Ross離婚三次，第一次係結左婚七年，老婆Carol先發現發自己係女同志；第二次係Ross同Emily結婚，但Ross在結婚宣誓時叫錯左老婆個名；第三次係係Ross因為飲醉左酒而「唔小心」結婚。

所以Ross不禁感概：
You've been so lucky..

no one said the wrong name....
no one getting drunk..
on one being gay...

>>May 15, 2005 at 2:33:59 AM GMT+8

2005 年 5 月 13 日 星期五 【晴】

剛剛睇左十本棋魂啦……
在心理素質上的啟發頗大。（因為我一向都唔係咁好）

點樣既執著勝負，比任何人都想勝的鬥志下，又可以在勝利或遇到挫拆時保持平常心？
實在係好高學問！！！

把如野獸般的殺氣，收歸體內，光華內臉，是劍客的至高境界。

>>May 14, 2005 at 7:11:51 AM GMT+8

2005 年 5 月 12 日 星期四 【晴】

搞左幾粒鍾，終於搞好報案手續，浸會保安部主管請左我食餐午飯，哈哈～～

幫我落口供的CID，思考能力麻麻地，成日問錯問題……類似「點解呢條路翻倒屋企GE」這種問題……答案係咪「好運囉！」？

呀，原來張八達通可以證明我清白之身！！真係無諗過！！


之後，去左旺角掃貨，買左都有六百幾蚊野，四百蚊係買左套棋魂（忍唔住啦終於！＞＜），其它的買下紀錄片、書……

have左haircut，唔錯，但顯得頭好肥，係時候為地獄Field Camp作好體能準備啦……減肥keep fit！！

＝＝＝＝＝＝＝＝＝
Corliss：哈哈，不過對我來講，女仔靚先係最重要；靚女即使無內涵，也已是一件魔鬼的藝術品，不過不適合作結婚對象，只適合作鑑賞對象：P

>>May 13, 2005 at 10:58:45 AM GMT+8

2005 年 5 月 11 日 星期三 【晴】

好，考完第五科，又過一關。

我覺得，考試越來越輕鬆。今個SEM比上個SEM輕鬆，上個SEM比再上個SEM輕鬆，再上個又……可能因為，我很少會犯相同的錯誤。（當然輕唔輕鬆，同成績無關，今次唔一定好過上次）

今日考中國能源發展，好在我平時黑，考試就無事。臨出門口，決定決速刨埋最後一份未睇的reference，點知Larry出曬所有上堂教的，加所有eferences，睇少一份都唔掂。我寫到差D寫唔切，哈哈哈哈～～～

鬼王都考得好好～～多謝鬼王份「得來不易」， 人手印製的Remote Sensing書！！我只係代寫左左半篇論文，又有飯食，又有references，重有埋書！！抵呀！！

考完都七點幾，「迫」鬼王去又一城食飯，然後佢就去學日文（變態GA，剛剛考完，聽日重有一科KK，重有心情學日文……）；我就因為開始超太閒，去左灣仔買VCD睇……好耐無買正版……

雖然重有一科要考，但係17號先考，而家已經擔心緊，考完試，去完CAMP之後無野工……日日起身望天打掛，間唔中有一日就超正，成日都係咁，簡直生不如死……所以一定要搵倒工呀！！！！

上進的人，不論男女，最有魅力，唔知大家同唔同意呢？

希臘神話中，天堂係比D做好事的人去，地獄係比D做壞事的人去……
終日無所事事，做乜都得過且過，無資格上天堂，落地獄，只能以無意志無精神的靈體身份，不死不滅。

＝＝＝＝＝＝＝＝＝＝＝
Opal：我也不是任何時候也有男子氣概（應該說我通常都不見得有咩男子氣概）；通常同我做倒朋友的，一定唔會係完全剛陽型的人，這類「猛男」我相當怕，可能因為我不是GAY佬。

有些女仔會blame佢男朋友唔夠男子氣概，理由可能係食飯時，個男仔唔敢向個侍應投訴，好怕事咁；但係咁係相當片面GE，要判別一個男仔有無男子氣概要睇場合。有D文人型的人在運動上可能笨手笨腳，毫無氣概，但在研究時時，那種投入上進的神情卻充滿男性魅力；有D運動型的人，身材一流，打波時熱汗四散，擁有一對攻擊性的眼神，極有魅力，但一叫佢做活動籌劃時，卻如白痴一樣，唯有以笑遮醜，嬉皮笑臉……

我講咁多做咩？就係想指出，判別一個男仔有無男子氣概，一個女仔有無女性魅力，要好全面咁睇。

而以我較全面旳角度，比出的判斷，錯的機會不大；

信我是上策：P

>>May 12, 2005 at 4:40:13 PM GMT+8

2005 年 5 月 10 日 星期二 【晴】

好神奇！！

無啦啦整親條腰！！重唔知幾時整倒！！

我呢幾個月做乜咁黑？！

比個埋由我～～～



剛剛溫好Changing role of Chinese oil in 1970s - present 及 Offshore Oil in China
重有三課呀……Changing role of chinese Oil Trade; Natural Gas in China , Electricity in China....

>>May 11, 2005 at 8:24:07 AM GMT+8

2005 年 5 月 10 日 星期二 【晴】

太好啦！！！



6大學畢業生薪酬全升

中大薪酬最高 科大升幅最大


【 明 報 專 訊 】 6 間 大 學 畢 業 生 就 業 情 况 於 03 年 SARS 疫 潮 「 雨 過 天 晴 」 ， 04 年 畢 業 生 平 均 薪 酬 全 線 上 揚 ， 當 中 又 以 中 文 大 學 平 均 薪 酬 最 高 ， 達 11,266 元 ( 不 包 括 醫 科 生 ) 。 平 均 薪 酬 升 幅 最 高 則 為 科 技 大 學 畢 業 生 ， 較 03 年 C 升 兩 成 。 最 高 薪 畢 業 生 亦 是 科 大 生 ， 於 跨 國 投 資 銀 行 從 事 財 務 分 析 員 ， 月 入 高 達 4.9 萬 元 。


科 大 訪 問 1348 名 04 年 畢 業 生 ， 81.5 ％ 獲 聘 或 創 業 ， 較 03 年 微 升 4.1% ， 平 均 月 薪 達 10,688 元 ， 較 03 年 8,888 元 增 兩 成 ， 04 年 薪 酬 水 平 創 過 去 3 年 新 高 ， 已 追 近 01 年 水 平 。 薪 酬 增 幅 最 高 是 經 濟 學 畢 業 生 ， 平 均 薪 酬 11,536 元 ， 上 調 了 36 ％ 。 另 14.8% 畢 業 生 繼 續 升 學 ， 待 業 率 由 03 年 的 1% 降 至 0.6% 。


科 大 學 生 事 務 處 助 理 處 長 （ 輔 導 ） 譚 中 嶽 指 出 ， 全 校 32 個 課 程 ， 22 個 課 程 畢 業 生 就 業 率 達 百 分 百 ， 或 創 下 歷 來 最 佳 成 績 。 他 形 容 ， 畢 業 生 就 業 「 像 嚴 冬 已 過 ， 春 天 來 臨 」 ， 05 年 畢 業 生 就 業 情 况 非 常 樂 觀 。 他 說 ﹕ 「 到 校 園 招 聘 的 商 界 數 目 太 多 ， 甚 至 未 及 撥 時 間 安 排 而 被 迫 婉 拒 。 」


中 大 方 面 ， 04 年 度 畢 業 生 平 均 月 入 11,266 元 ， 計 算 醫 科 畢 業 生 在 內 更 高 達 13,628 元 ， 每 名 畢 業 生 平 均 獲 2.24 份 聘 書 。 最 多 畢 業 生 從 事 行 業 依 次 為 電 腦 及 資 訊 科 技 、 會 計 及 審 計 、 行 政 及 管 理 等 。


中 大 就 業 策 劃 及 發 展 中 心 主 任 方 永 豪 說 ， 04 畢 業 生 升 學 及 就 業 率 為 97.4% ﹔ 升 學 率 較 去 年 下 跌 4.1% ， 就 業 率 較 去 年 上 升 4.9% ， 反 映 經 濟 好 轉 吸 引 畢 業 生 選 擇 就 業 。 他 表 示 ， 04 年 度 中 大 就 業 資 料 庫 收 集 的 職 位 空 缺 較 03 年 增 加 兩 成 ， 預 計 05 年 度 畢 業 生 的 起 薪 點 將 再 上 升 約 4% 。

>>May 11, 2005 at 2:02:48 AM GMT+8