2011 年 6 月 3 日 星期五 【晴】

睇番之前d日記的時候發現我睇漏左d野，不禁大叫了一句仆你個＿！


「呢一年,可能係羅恆威最不能為自己定位最dry的一年 」


賤人李淇！咩叫最dry的一年！Fu_K You！


雖然可能唔止dry一年，哈哈！


_威

>>June 3, 2011 at 4:23:58 PM GMT+8

2011 年 5 月 30 日 星期一 【晴】

我不是一個喜歡買手信的人

但是想到大家的笑臉

不由自主的買了一堆又一堆

開心share!!


_威

>>May 30, 2011 at 4:01:45 PM GMT+8

2011 年 5 月 29 日 星期日 【晴】

我發現我真的很討厭煩膠

_威

>>May 30, 2011 at 2:33:18 PM GMT+8

2011 年 5 月 26 日 星期四 【晴】

凌晨十二時多，人在墾町，淡淡黃燈，小木屋中，聽著縱貫線的亡命之徒。

未來的路已經決定好了，走下去是精神病患的詩或是煙花燦放也好，隨他去吧，

我們都只活一次，路直路彎，天黑天亮，也是我選擇的路，無悔。

假期過完，沒什麼打算，只是不想我的問題等待別人的答案，我只想嘗嘗沒有藉口的失敗，

讓我當一個徹徹底底的自我中心，不怕誰失望，不為誰而忙，繼續貪玩。

不成熟嗎？為什麼要成熟？可能有一天我會遇上那位，可能有一天要成家立室，

可能今天應該好好規劃一生，會，我會，只是不是為那位不是為自己，不是為什麼可能性，

而是為了繼續玩下去，繼續不成熟下去。

沒有後顧，野性貪玩，堅持自己，堅持理想。

活著多好，不需物證，堅持自己，堅持理想。

看破一生，心跳渺渺，堅持自己，堅持理想。

再說一次，我的理想，不是什麼，不是怎樣，只是要玩。


_威

>>November 9, 2020 at 4:10:49 AM GMT+8

2011 年 5 月 25 日 星期三 【晴】

我衷心咁希望,我get到既野係錯的

leaky

>>May 25, 2011 at 6:37:46 PM GMT+8

2011 年 5 月 17 日 星期二 【晴】

在嶺南大學三年時間當中

我踏進了她們的世界　
她們踏進了我的世界

碎步湖上

有三位都曾經到達過那臨界點

可惜

Timing 心態

如果是三年前的我 也許已行動

如果那時沒那麼多顧慮 也許已行動

如果妳不是已有伴侶 也許已行動

如果

沒有如果

過去就讓它過去

未來

我期待

_威

>>May 18, 2011 at 3:02:11 PM GMT+8

2011 年 5 月 17 日 星期二 【晴】

多謝jade！

_威

>>May 18, 2011 at 2:55:39 PM GMT+8

2011 年 5 月 14 日 星期六 【晴】

其實都唔知係唔係一時衝動或者太一板一眼

但係一時衝動可能可以成就一生！

多謝你LAMK! XD

_威

>>May 15, 2011 at 1:35:28 PM GMT+8

2011 年 5 月 14 日 星期六 【晴】

堅持你的主見,堅持你的態度
意見只係人地比你GE一個參考
最重要都係自己去分析
決定好就大步向前衝啦!!
撞板又或者失敗又如何
我地總會係你背後=)
Respect+Support你
加油啦羅恆威!

LamK*

>>May 14, 2011 at 7:52:11 PM GMT+8

2011 年 5 月 14 日 星期六 【晴】

或者有人會覺得我好任性好幼稚好短視

竟然唔係將前途、薪金、興趣放係第一位黎搵工

竟然係將童軍擺係第一位黎搵工

搵工前題係唔好影響到我繼續參與童軍

或者對於一個無經驗無技能無學歷的傻仔黎講　實在太奢華的想法

換個角度黎講亦都係少左好多機會同無咩競爭力

如果我同我某些現實派的朋友講　佢地一定斬死我

每次問人意見，都不外乎幾種答案

一係就同你講，年輕人怕咩試呀，咩都試下先囉

一係就同你講，你想做ｄ咩先，對咩有興趣呀！

一係就同你講，做咩野囉，穩定嘛，人工又ｏｋ

點解唔可以好好咁坐係度聽下我對人生的睇法，而唔係對工作的睇法

工作，只係人生的一部份，對我黎講，係一小部份！

第一，我明呀，年輕做咩都得，機會成本低，唔會輸唔起呀嘛！

但係，我唔係話怕輸唔起，但點解唔可以好好考慮清楚先呀，

點解唔可以嘗試搵一個百全的方法去開始呀，點解要假定要撞板呀，

我只知道一件事，入口唔同，條路的方向、窄同闊都唔同！

當然我可以行番轉頭，但係我唔需要係依一刻諗依件事！

好啦，講番擺童軍係揀工條件入面

我唔清楚工作的成就感可以有幾大，但係我咁多年黎對於完成一件事的成就感都唔係好大

我有幾成功去完成一個任務或者搞好一個活動都好，比人誇獎得幾好都好，

成就感都比唔上係童軍入面影響一個人或者啟發一個人

但係最重要唔係成就感，就算童軍入面有挫折有失敗都好

最重要係，心跳

我唯有係童軍同打籃球入面，我先覺得自己有生命力！

打籃球，我唔奢望，亦都已經係VC度發揮哂我應該同可以做GA事，無怨無悔！

我相信，我們一直在繼承前人的意志，無可奈何離開時，一定有繼承自己意志的人出現！

你可以當我睇得漫畫多啦！

但係係童軍入面，我既然仍然可以選擇留底定離開，我一定會留底！

因為童軍又好籃球又好，係真真正正同金錢同利益同名譽完全無關的事！

或者有人會覺得咪又係為左十八的名譽而戰鬥，ＮＯＮＯＮＯ

我純粹係為左自己玩而去玩，名譽之事，順便而來便順便爽一下！

十八無名無譽也無妨我繼續去玩！

我，當然會期望前途同人工！我唔係憎金錢的人！

但如果追求金錢係為左幸福的人生！我！未追求之前的人生難道不幸福嗎？

難道之前的人生幸福也是建基在金錢之上？

係，吃喝玩樂無錢不能，然後呢？我自問我幸福的來源很大部份來自家庭來自童軍來自朋友

既然童軍本身就是幸福的來源，怎麼能夠因為追求金錢而放棄

不過其實我最想講ＧＡ就係

點解一定要睇死我，睇死我搵唔到一份兼顧童軍願望而我自己又滿意的工作

講番實際情況

我之前係度諗，我覺得自己好唔適合做老師

所以不停搵Ｄ ＨＲ、ＰＲ、政府工、青年機構等等的職務

我點解覺得自己唔適合，係因為第一我覺得現時要即時有學校請，似乎唔係好可能，

我自己的條件其實唔係想像中咁好，或者要由ＴＡ開始做起

好老實講，我自己係睇唔起ＴＡ的，或者應該話對ＴＡ有偏見

覺得ＴＡ無出頭，會比人睇死，只係得老師Ｅ條路

當然係受左某Ｄ人影響先有咁ＧＡ睇法！

我發覺自己好ＯＮ９！我唔應該咁諗！正確黎講！如果我真係選擇做ＴＡ！

我已經係破斧沉舟！意志堅定！運用做ＴＡ的兩三年時間認真打好教學基礎！

其次，我之前認為自己唔適合做老師的原因係因為，

我認為自己太熱血，投放太多心力落去教學之中，會導致自己心理不平衡

好似教ＧＢＴ咁，我真係會因為佢地ＧＡ表現同態度而唔開心幾日！

我相信做老師，會更加更加更加多Ｅ　Ｄ日子！

但係當我收到ＧＢＴ佢地寫比我的一字一句，我真係感動到停唔到！

不過，我唔係因為覺得付出會有收穫，會感動，而改變諗法，而正正相反

我發覺我需要果Ｄ唔開心，亦都需要果Ｄ開心

正確黎講，係我需要同童軍一致的事，心跳，生命力

如果我返工放工做到好多好成功的事或者生意又或者賺到好多錢有好多物質享受

我都唔會有果種生命力！

或者係一種自虐傾向，我需要起起伏伏的心情！我需要生命力的生命！

暫時到依一刻，我都幾堅定係想做老師！

但係我仍然都會聽別人意見！例如星期一約左梅ＳＩＲ

我相信梅ＳＩＲ會比到好多意見我！

我亦都打算打比ＭＩＳＳＹＡＵ問下，畢竟我覺得佢可能仲了解自己多過我

不過其實已經賴左幾次野，聽錯人意見，今次我再諗清楚諗多幾日

或者無論人地比咩意見都好，我都會堅定不移，執著自己想做的事

自己的生命自己去負責都好！行錯行岩你理得我！哈哈！

人生本身就係一場冒險，我要行我自己想行的路，休想打倒我！

做自己所想！管他想什麼也好！

年輕就是要闖！！！！！！！！！！！！！！！！！！！！！！！！！！！！！！！

好耐無咆哮Ｅ句啦！

如果我決志！

我會立即報所有學校的老師同教學助理！

我會立即向ＢＥＮＮＹ借蘇榮溫一次中國歷史！

我會立即去商務買如何教好通識同其他通識用書！

我會立即到ＷＩＳＥＮＥＷＳ整理一下這三年的新聞！

我會立即天天看新聞！紀錄及分析！

想到這裡我自己都覺得熱血衝天！

暫時想應該是沒有教師的ＯＦＦＥＲ！應該都是ＴＡ起步！

ＴＡ起步！讀教育文憑！做老師！

三年磨一劍！

＿威

>>May 14, 2011 at 4:49:49 PM GMT+8