2005 年 5 月 22 日 星期日 【晴】

今天..比阿陳扇左一獲!!...\"/..仆街..

話說..上星期5要交PA簿..

我同佢講左..我要拎佢本簿番屋企...用途唔多提= ="..

之後今日交番本簿出去..

MISS 問點解有本簿傳出來..就問陳駿源..

之後..佢話唔知= ="..[[佢話佢上個星期五已經交左..

我唔知..]]"之後有一個好無助o既表情"..

之後miss ho就話根本就係有人拎左黎抄..

佢話再有下次.....就乜乜乜..唔記得左..

好在..佢冇再問黎去...!!如果有..我就含家橙..

不過..如果佢問..我一定會認的....我會o係最後關頭誠實..= ="


放左學之後要打班際足球..

我係極度唔想踢的..

一來..唔夠人..係都要臭到夠為止..明明我就唔想踢= ="..雖然後來都夠人..

二來..熱到仆街= ="..完全冇心情踢波..

三來..要去翠平..呢個地獄球場..又遠..總之乜都差!!藍田水庳好得多..!!

四來..要番屋企換衫..又要拎波..仲要唔去唔得...!!好火滾..

五來..我想做其他野..

六來..七來........九十九..........

唉..係囉!!...九十幾個來..你睇我幾唔想踢丫..

最後..都係踢左...

冇氣呀..嗄..嗄...攰死!!

臨尾輸一球..由阿明妙傅比大陸LEE大腳射入..

話說..阿MING係底線..俾兩個人睇住..其中一個係我..

但其實..我係冇乜防守意識的...=.=""...結果..空左個位俾佢傳..

呀LEE又冇人睇..

算啦...在乎玩姐..輸咪輸囉..

之後走果時...阿陳=0="""

整跌左我件衫..

跌左落灘水度...

咁...XD...我當然係要著佢果件啦...

之後佢好唔据的=0="..

算啦...一人一獲....今日俾你扇左獲..

之後番屋企同BB揪WINNING...

最後一場俾佢橙傷左朗拿度..

紅十字..一定要出場=0="..

SO THAT..我的攻力大大減退..

結果果場就輸左喇...

都.....有好大關係架!!..

冇記錯其他都羸的= =v..

明顯我組織係靚過佢啦~~!!

wakakakakaaa

>>May 23, 2005 at 1:59:19 PM GMT+8

2005 年 5 月 20 日 星期五 【晴】

今日..今日就巴閉喇!!

勁多野做..

朝早..10點起身..

番學校補英文..補到12點..去左BB屋企..阿陳都有去..

幫佢裝WINNING..好野!又多個人有得玩..

之後睇左D片..笑到仆街= =""..

一陣要游水....

快D番屋企..之後食D野..就出來了..

兩點半...就出去..

游到五點倒..冇錯..

我仍然唔識游..不過有進步的了..

游完之後..去藍田M記坐..

見倒阿叔....果個教我地踢波..教我地做人道理o既阿叔...

我地四條友..(( bb,阿,明,me ))

o係度聽佢講野..聽左兩粒鐘都有..

但我好鐘意聽佢講野..我覺得好有道理..!!

之後..番屋企食飯...

食左少少野就再落去踢波..今次得明,BB同埋我~~

踢到11點幾就番屋企..

之後同BB打WINNING..玩到而家..勁眼訓...訓先= ="

>>May 22, 2005 at 5:09:19 AM GMT+8

2005 年 5 月 19 日 星期四 【乍寒還暖】

其實有時寫日記都幾頭痛的...

因為實在唔係成日都有特別事發生..

如果將一日做過o既野好詳細咁記..

又會悶死人...

好..由放學開始講啦..

放左學..就去幫李碧茵釘野..之後落左去操場打波..

之後就上電腦室搵阿陳..之後就去m記..

食左野,..坐左陣..就走..

哇..唔記得講..

今年form one d妹妹仔好活躍..

成日打波..日日打波..

其中有個白白淨..好得意架@o@"..

唔知係咪form one..唔肯定= ="..

好啦..係咁多喇..

丫...仲有喎..

今日見倒伍潁鈺黑口黑面..唔知做咩呢..

好似真係冇喇.....

>>May 20, 2005 at 5:53:07 PM GMT+8

2005 年 5 月 18 日 星期三 【晴】

今日..真係冇咩特別野發生= ="..

PE堂就有實習老師..

其實我地根本就係白老鼠..

D實習o既一個又一個..

八成都教籃球..

全部都係教d form2已經開始教o既野..

d實習o既..問學生..有冇人打過籃球呀?

冇人答..之後佢話..好..冇人玩過

算啦.....廢事答佢..我都唔鐘意玩籃球..

但係..佢係咪on鳩架呢..

中四學生有咩理由未玩過籃球..??

算了..唔講呢樣..

好喇..已經冇野講..今日到此為止!.....



我都想搵個人疼錫下..搵個人掛下..

比人疼錫下..

可惜..我冇呢個機會..

先唔好講關係..

我連關心下人o既能力都冇埋..

終歸...冇拖拍..唔會死o既..

>>May 19, 2005 at 2:28:27 PM GMT+8

2005 年 5 月 17 日 星期二 【晴】

如果冇記錯....今朝一出大廈門口就落狗屎= ="..

死啦..勁驚遲到..我係好蚊水的....遲多幾分鐘都唔得果隻

真係勁驚...因為我要兜路行..

好在...都冇遲....

今日..冇咩特別事發生..

放學之後..打埋第二日o既社際羽毛球..

最後冠軍係我黃社同藍社爭..

我同bb最後一場對阿陳同大陸lee..

真係好玩..全少觸目..

阿陳話一定要羸..

不過..結果一早就知啦..

我地打到14比3...就將比賽節奏減慢少少..

結果..羸左15比8呀好似..

好!一於參加學生會羽毛球!!

我本來又同bb講好左..

但係...我..陳...明..bb都話要參加...

我地4個人就猜包耷..

結果就係我同ming一team..

好,,,你兩條茂利...睇住來!

>>May 18, 2005 at 2:09:23 PM GMT+8

2005 年 5 月 17 日 星期二 【晴】

我想飛

曲:謝霆鋒 詞:孫國華 唱:謝霆鋒

我想飛得起 遠至天邊去 失去那可追 轉身人離去
這一刻有如停頓了的空氣 再沒法追

*往後退 發現太多假面具
如同徘徊命途裡 遇灰心失意事沒有一句
閉著眼強忍眼淚 背著名義往前去 任歲月告吹

#今天我 默然地回望 遺下零和碎
傷痛又困著我 隔著我的心碎 相信是努力過
假裝換來是失落 不想去解釋 只想你快樂
只可以遺忘明日願諒我
誰人願意跟我走 可惜是再沒法面對
唯獨是我 逃不出缺口
我想飛得起 遠至天邊去 失去那可追 ooh......

repeat * #

>>May 18, 2005 at 1:56:49 PM GMT+8

2005 年 5 月 16 日 星期一 【晴】

這一刻..心實在極酸....

這一刻...心實在是很酸..

放學後..小西黎我屋企..入D歌落MP3..

佢屋企電腦壞左..我當然會幫佢..!!

其中入左好多歌..我都好鐘意..

亦係因為要介紹歌俾佢聽..

我諗番起好多以前鐘意聽謝霆鋒..果D勁鐘意o既歌..

例如..改造人..活火山..一了百了..放不低...謝謝你的愛1999...早知...仲有Better Man..

all of them係舊歌..但每一首我都鐘意..其中有一首..叫做我想飛..

唔知大家有冇聽過啦...但我好鐘意呢首歌..係小學五年級果時已經聽過了..


o係我每一首每一首咁開俾小西聽o既時候..

其中有好多首..都實在太有代表性..係一堆日文歌..一堆中文歌..

有d係一齊唱過..有d一齊好鐘意...有d我唱o既時候..佢不段話難聽..

有d 留言版曾經用過o既歌..聽番之後..令當時果種感覺..浮現起上黎..

感覺係好開心的..但而家我感覺倒o既...不完全係開心..而係隔雜住..另一種感覺...

即使唔想諗...但牽引起回憶o既野...始終係太多..

我覺得..日記就係俾我抒發情感o既地方..

總比屈o係心入面舒服....


好..講下今日做過d乜..

我真係覺得自己越來越有長進!!..

上堂已經控制倒訓唔訓覺了..而我全日亦只係食左一粒糖..(用來醒神)

放學後..打社際羽毛球..

中二果陣...最風光啦..

社際乒乓波..或者羽毛球..都一定有我份的..

而家..冇lu..中二開始冇打乒乓波..自然就冇人搵我打..

其實我d技術係唔會點退步的!..仍然健在..

反而羽毛球..真係屎到爆=0="..

今日同bb夾雙打..

勁好玩!!..

第一場對阿ming夾大lin敏..

第二場就對飛機陳家榮同埋曾景源..

兩場都勁爆笑..

兩場都係玩玩下..但兩場都羸= =v..

第一場...阿ming搵左大lin敏..佢都唔識打..緊係好玩啦..笑料百出..

第二場對飛機陳果隊仲搞野..

曾景源唔識打..

但係佢就表現神勇..

當bb o係後場勁殺過去o既時候...佢o係對面前場"蹲"下..

用拍保護自己個頭..

就係咁..bb殺落去果野..咁岩就打中塊板..

真係全場爆笑..

bb命中率極高..!!曾景源都唔差..

佢根本就係扮豬食老虎..@@"..

好啦..今日係咁多啦!!..

講完..

>>May 17, 2005 at 1:48:12 PM GMT+8

2005 年 5 月 15 日 星期日 【晴】

香香問我點解星期六日冇寫日記...

(香香係玩ONLINE GAME識o既朋友...14歲!!!!小女孩...成日吹我打日記=v=")

因為..=.="星期六...乜都冇做過..隻腳仲痛..邊度都冇去..

星期日呢..就好番晒喇..一D都冇痛喇~~

就...日抖冇出街..

夜晚同penny去游水..

佢就著黑色衫...但係..黑色衫唔入得泳池喎=0="..

咁點算呢...咪要除??@@"..

之後我就借左我件衫俾佢..因為咁好彩我又著白色..

不過走唔知點走- -"..

之後佢好努力咁游背泳.."因為佢淨係識呢個"....

而我..好努力咁尻游..因為我根本上就唔識!

唔知點解..佢訓o係度可以浮....but me就即刻沉...真係衰~

之後走果時佢就吹番乾件衫俾我..我就等左勁耐..

好彩...都吹得乾~~~XD..

之後我地就去觀塘食粥...傾左好多計~~

原來D炸腸要入勁多甜醬同花生醬o既..不過我發覺都幾好食...

之後走果陣就即刻落雨喎...仲幾大下添..

好在penny有帶遮......

唔知算唔算天公做美呢..游果陣冇落雨..

但係係食完野一走就落喎=0=".........

咁o係同一把遮底下...我先同佢番屋企..

然之後我就再用佢的遮...番屋企喇!!!


而今日呢...bb阿ming佢地又去游水喎..

我尋日游完..所以今日唔想去...

但而家見倒勁好陽光..又好想去喇>"<....

尋晚落雨...喊雷...好大聲......唔知佢有冇嚇親呢..

>>May 16, 2005 at 7:21:26 AM GMT+8

2005 年 5 月 12 日 星期四 【晴】

今日...EVERYTHING HAPPY!!..

冇俾人鬧..冇訓覺...冇俾人捉..見唔倒根仔..

放學仲有波踢!!...

4點幾踢到9點幾...

呼..真係攰死了!..

不過踢到抽筋..而家冇事了..

仲有..俾個肥仔飛身撞過黎..我冇事,...但佢跌低左..@@"..

可是..我的腳被他重擊了....

左腳的失頭哥O既背面......俾人鋤了一交...

很痛..要休養FOR A FEW DAYS...

>>May 13, 2005 at 2:05:31 PM GMT+8

2005 年 5 月 11 日 星期三 【晴】

唉..呢個月頭....真係到左人生o既谷底..

本來已經覺得頭頭不順了..

在學業..開始覺得有挫折.....

開始覺得難..開始覺得自己廢..開始討厭返學..但又想自己讀書叻d..

我發覺..好多techer都好鐘意莊氏兄弟咁稱呼我同my brother..

我知道..有個咁o既稱呼..唔係因為你兩兄弟特別叻..

講真..我唔介意自己叻唔叻..因為..我根本就唔鐘意讀書..我又冇努力過..

但係..我唔想俾人堆teacher低睇..唔想o係人地眼中..呢兩兄弟冇乜作為..

好多好多我幾鐘意o既teacher都叫我努力d..我又唔想令佢地失望.

仲有d..我硬係覺得有d人(teacher)針對我..唔知係咪啦..但我又唔想衰俾班仆街睇..

我知..我自細到大..o係teacher眼中都係一個懶人..我唔想再係咁了..

起碼..我唔想上堂訓覺..唔想o係班中煎底..

我一定要進步...



好..講番今日..

今日冇遲起身架..同平時一樣...

但係因為食早餐....又遲左少少...執野..又慢左少少..等lift..又耐左少少...

加埋我唔想上堂訓覺..所以..我必須買糖..上堂食..咁先冇咁眼訓..

雖然咁樣做唔岩...但的確有效..

o係我眼中...要克服眼訓..係好難....

就係咁..樣樣遲少少..就係咁..我就遲到..

前面Mark都冇事...佢只係早我幾步咋>"<...

佢仲話我慢吞吞..抵死喎..我都係慢左少少姐~"~......

所以..俾人捉了....

本來冇諗住會遲到甘嘛..

一遲..就樣樣都牳野了..

冇著底衫...冇簽體溫紙...

對"物"又岩岩撞正剛剛..唔岩規舉..

真係仆街...!!

我記憶之中..再冇體溫紙就要記過了...

平時都到左班房先簽..點知..一個唔小心...唉...

我係咁拖呀拖...拖到佢地唔為意..我就拎起支筆..好威咁自己簽左了..

點知到最後..都係冇睇到我張野..因為我拖o既技巧太好了..

丫...最衰就係...買左童糖..又俾根仔搵倒...佢叫我放學拎俾佢睇..證明我上堂冇食..

我心講ok...心諗..你食屎啦..我就係因為買糖遲到...而家你又唔俾我食?what the fuck..

之後..頭髮又話長..又要剪..

妖..我頭髮係咪長你都要剪我架啦..

不過我又唔係好mind...剪咪剪囉..有咩大不了姐..

係就係剪得樣衰左d...但我真係唔mind喎..

等佢地番...使幾耐左....只不過..高天賜<~~幫我剪果條友..玩野之嘛..

冇咩所謂呀..

點知..剪果陣..又俾馬慶娟見倒.."我覺得佢針對我"..

唉..又俾佢見倒..我唔想衰俾佢睇架啦!!!!!天..

加埋遲到4次..又要打電話..岩岩又俾佢見倒...屌...

係咪覺得我學校好煩呢...係架..我都覺..

但我習慣左喇...而且..規舉多..未必一定係壞事..

你可以守晒佢..證明你叻過一d犯規多o既人好多..

無奈我就係成日犯規o既人..

其實o係社會上..好多規舉你都要守...只係..提早訓練下而已...

不過雖然係咁..但我都係覺得..好黑...好冇心機...

上到班房又俾李碧茵小...我可以笑面迎人..但我心入面好難過..

人人都會遇見低潮架啦...

只不過...o係我覺得自己好運滯..好唔開心o既時候...冇人安慰我..

冇一個我愛o既人可以令我好過..

maybe...我都冇話俾人知..當然冇啦..

有..我阿媽...

我開始覺得佢好好..我同佢溝通多左..關係好左...

我開始了解佢..我亦覺得..佢都開始了解我..

我好開心..俾人投訴唔止一次..佢都冇鬧我..

我好開心..我要見家長..佢都冇鬧我..

其實..我咁樣..自己都好難過..如果我仲要面對埋佢....更加難受..

佢咁樣..唔係放棄我..佢都有叫我加油..

我都唔想令佢失望....

丫..佢仲話俾我知..今個月...我係黑d.....因為果d唔知咩野..

總之..都令我安心d..

今個月..真係好黑架...

無論學業..朋友..都令我難過..

不過我知道...好多人都支持我..

眼前o既事..只係我人生中一d少少考驗...呢d考驗..

唔足以令我跌低..

我明白到...眼前o既人...可能通通都只係過客..

就算幾大變化..都要堅強接受...就算人地點對你都好..你都唔可以輸..

話俾自己知..自己先係一切..呢個係勉勵自己o既理由


o係一生人入面..對你最重要o既人..有幾種.

第一..老豆老母..就算唔係人人都有好好o既老豆老母..但係..始終...都要珍惜..

第二..朋友..朋友同愛人唔同..朋友會一直扶持你..為你打氣..我都有好多咁o既朋友...

第三..愛人..愛o既人..的確係會令你覺得..係最重要o既人....因為你越愛..就越沉迷..

但係..冇人會諗到..愛o既人....你o既愛人..會愛你耐過你o既朋友咩?

一直以黎我都覺得..愛人先係唔會離開o既..

但到頭來..我總是覺悟...朋友、父母先係對你最緊要..

每當我再一次投入..再次將愛人放o係第一位o既時候..

又會再一次證明..朋友先係最好..最好..

都幾長下,,..=.="我又唔係好信會有幾多人睇到呢度...

如果睇晒..就真係..........

anyway..多謝先^^"

>>May 12, 2005 at 3:42:16 PM GMT+8