2006 年 9 月 22 日 星期五 【晴】

一早返到公司…
據講有人請我食早餐喎~~

昨天是很有趣的一天
經歷了同事之間的權力鬥爭
而我居然是被夾在中間的
其實幾得意~~

晚上，好一個嚴肅會
這些說話，其實幾想講出黎
我覺得係想大家代禱之餘
都讓自己紓發自己一些感受
再者，聽下大家的意見也是好的﹗
謝謝你們啦~~~
我會努力的~~

P.S. 阿達，其實而家好多人搵我架啦，呵呵﹗

>>September 23, 2006 at 12:39:03 AM GMT+8

2006 年 9 月 21 日 星期四 【晴】

昨晚食完飯有幾個鐘頭做下野
結果我改哂加油站大家交比我o既功課
有幾個人做得唔錯的
其他人則一般
睇完大家o既功課
我就知道可以o係邊方面教大家多d啦﹗

之後同阿達傾左陣電話
之後彭權打黎就同左彭權傾~~
唔好意思呀阿達，唔怕啦，我成日都搵你架啦﹗係咪？﹗^o^
同彭權一傾就是個多小時
雖然他說無無聊聊就傾左個幾鐘
但傾電話就是這樣了
唔會傾得好effective o既o者
但可以傾得有質素d o既~~
我覺得傾有質素o既野都係見面講好d﹗
就是這樣子吧﹗

其實我就可以上網架啦，已經有a/c可以上
不過等緊余仁比modem我
同埋要買電話線o羅，唔夠長~~

約左今晚嚴肅會
希望無變動啦
成個8月至而家都約唔到~~

>>September 22, 2006 at 5:44:26 AM GMT+8

2006 年 9 月 20 日 星期三 【晴】

就快又到星期五
咁即係就快又到星期六
yeaha~~
後日就係simone婚禮
woowwworor
哈~~~
阿慈都會去婚禮喎
好多人都話未見過阿慈o既盧山真面目~~
呵呵~~~或者會見到佢o既 ﹗
heheh

>>September 21, 2006 at 5:43:19 AM GMT+8

2006 年 9 月 18 日 星期一 【晴】

前幾天
周小四拎返我套倚天屠龍記比我
嘩~~不得了﹗
我還記得這套書是我去紐西蘭讀書第一年時候不斷翻看的
(我中三左右已經睇哂lu~~)
後來，我跟媽媽講很悶，她慢慢的寄我所擁用的金庸小說給我﹗
第一套是倚天，過了很久先寄第二套給我﹗
如是者，我半年之內睇左勁多勁多次﹗

那幾年最迷金庸小說的時候
我諗你問我倚天中邊件事發生在那一回我都記得~~
甚至我可以續回續話你知講乜﹗
當然，現在不成了，已差不多過了十年﹗
但我仍然記得第五至第八本是講甚麼的
因為第五本開始講光明頂，光明頂過後就有趙敏
而趙敏是我最喜歡的女主角 (金庸小說所有女主角中)
喜歡她愛恨分明，喜歡她對無忌的愛﹗
就是這樣了﹗
我好似之前講過，其實我也挺喜歡張無忌的
雖然十個有七個人或以上話佢優柔寡斷
話佢鍾意四個女角~~
呢方面，我都唔太鍾意佢o既﹗
但係我鍾意佢夠nice，對人夠好，有同情心，武功又勁~~~
呵呵~~

不過而家翻睇都會飛得好快
主要係想睇自己想睇o既情節﹗
今晚又會睇睇﹗

我間中睇睇下小說
就會諗我係咪應該用多d時間睇聖經會更加好呢﹗
這個自然是的，我今晚會睇一陣倚天，也會睇聖經呀﹗

講起金庸小說
我諗起郭曉洋，諗起揚仔，諗起李嘉誠﹗
呀~~~我還欠郭曉洋的email未覆呢﹗^o^
聽日覆啦﹗希望記得﹗

>>September 19, 2006 at 6:02:50 AM GMT+8

2006 年 9 月 17 日 星期日 【晴】

昨天比賽
曾經領先12分
最尾1分鐘兩隊都有落後過
最最最尾一個攻勢唔入，輸2分~~
是可惜的~
但究竟是甚麼原因
大家好像沒有甚麼感受﹗
真奇怪~~
anyway，我覺得我們可以打得更好的﹗
麗華教練用nsy同我比較 (速度上)
佢話我應該可以快過nsy，至少都差唔多~~
但是我想跟她說，我大nsy一個生肖o羅@@
雖然年齡也不一定有關係
但我覺得幾有趣o者~~

我屋企有電話lu~~yeahaa~~
可以多d同你地傾下電話lu~~
wooo~~

>>September 18, 2006 at 6:02:35 AM GMT+8

2006 年 9 月 15 日 星期五 【晴】

返教會的日子

現在要在外工作
每次返到教會見到大家
都好開心~~
你們是我喜樂的泉源~~

1:00練歌：又改左啦
2:00加油站：今次不錯吧~~yeaha
3:30約團：分享會，我好感動呀﹗子進好激動，阿達好勁﹗另外，你們六個比我提名的人，要多d返黎團契呀^o^ (不過唔知佢地有冇睇我日記架喎!!)
6:00活力崇拜：第一次做主席，有點緊張，但ok的﹗小汁讀經好好聽，胡家傑同運雙分享好好笑﹗
7:30分組：分左好耐喎~~分到10:30
10:30-11:30：在籃球場同阿毛，賴皮，鍾軒，小汁吹水，幾好喎~~
11:30：食飯，好肚餓，又趕住走﹗
00:30返到屋企訓﹗

這樣的日子，實在太美滿了﹗
星期六，是我最喜愛的日子﹗

>>September 18, 2006 at 6:01:43 AM GMT+8

2006 年 9 月 14 日 星期四 【晴】

本來唔諗住寫情流戀屋o既影評
不過 joyce叫到我就寫啦

我覺得算是不太差
但情節都幾慢
同埋係有d老套

得分o既係個氣氛都拍得幾浪漫、幾舒服
靚景、靚人、歌都唔錯
有一段跳舞幾正架喎

如果不計較它的結局的合理性
單純以一個愛情故事來看的話
是不錯的﹗

上網好多人讚
但係我覺得普通o羅~~
就係咁啦~~

>>September 15, 2006 at 12:34:23 AM GMT+8

2006 年 9 月 13 日 星期三 【晴】

尋晚我卒之寫左兩封信
太好了﹗
寫信真的好好~~
當我寫信的時候
我自己對自己的認識會多了
我想起收信的人多了
我為他/她祈禱多了~~

昨天最最最慶是上網的問題
可能要11月尾先上到寬頻
不過我唔會比自己咁遲先上到網
56k我都要用住先~~
激死我了

工作仍是這樣
我發覺原來我跟星加坡的單認真不容易
應該係麻煩之鬼
不過我又覺得ok o既﹗
so far返工都無咩特別唔高興~~

好似好耐無睇戲啦~~
今晚我會去睇情流戀屋
希望好睇啦~~

前晚預備好了加油站
教解釋應該唔使兩堂咁多
可能比多d時間大家練習吧﹗

升尼團分組，星期六晚會處理
求主讓我們有智慧去分組
我覺得分成點都有主的心意在當中~~

星期六活力崇拜，我做主席呀~~第一次~~
有點緊張，要好好祈禱~~
為我祈禱呀﹗^o^

>>September 14, 2006 at 5:50:05 AM GMT+8

2006 年 9 月 13 日 星期三 【晴】

１）邊個SD比你作為今次問卷的對象：小十
２）你和他/她認識多久了：2年幾
３）你和他/她是怎樣認識的：她中一時初團
４）請用一種動物來形容他/她：呆滯的豬
５）他/她最喜歡什麼顏色：唔知喎
６）他/她的偶像是：千嬅掛
７）他/她最喜歡什麼食物：零食
８）他/她最不滿自己的地方：身高
９）他/她現在最喜歡的人是誰：都係佢架啦
１０）你和他/她曾經吵架嗎：無
１１）你和他/她之間最深刻的事情：打橋牌掛
１２）你和他/她之間最深刻的說話：橋牌中 - 你幾多分呀？
１３）你和他/她之間共同的喜好是：橋牌啦
１４）你和他/她會因為金錢而翻面：無~
１５）他/她會跟你說心事嗎：會o既
１６）他/她會常常致電給你：又唔算好多
１７）他/她的口頭蟬是：周俊呀~咁呢~
１８）他/她喜歡的卡通人物: 唔知
１９）他/她現在最想要什麼：多d睡眠
２０）用一種顏色來代表他/她﹕紅啦，是但
２１）他/她喜歡的品牌是：無咩
２２）他/她最討厭吃什麼：係咪魚？
２３）他/她喜歡lolita/punk等服飾嗎：我唔知乜黎呀喎
２４）他/她曾經做過什麼事令你感動不已：唔記得
２５）你曾經對他/她說過什麼感動的話：唔記得
２６）如果可以重新選擇你會跟他/她交朋友嗎：當然會
２７）他/她最擅長的科目：唔知喎，不過佢鍾意chem
２８）他/她最喜歡的國家 ﹕唔知啦
２９）他/她有多少個耳洞：無聊啦
３０）他/她最常逛的店舖：唔知
３１）他/她最喜歡看的書：聖經啦
３２）最近和他/她一起去看的電影：唔記得喎~~除左同阿慈睇之外，次次一大班，我搞唔清架喎
３３）他/她身體何處長暗瘡：唔知啦
３４）他/她對你好不好：好
３５）他/她的夢想是：唔知呀
３６）他/她著幾多號鞋子：唔知呀
３７）他/她無聊時會幹什麼： 訓
３８）他/她喜歡賴在你的家不走嗎： 不會啦
３９）請用一個四字成語形容一下他/她：一支獨「瘦」
４０）他/她電腦的wallpapaer是：唔知喎~
４１）他/她有多少個兄弟姊妹: 1哥1妹
４２）他/她說過最傷害你的說話：無
４３）他/她最醜的時候是何時：無咩啦
４４）他/她的鞋子是什麼牌子的：唔知喎
４５）他/她每個月的零用錢有多少﹕零用？計唔計食飯果d架
４６）他/她最喜歡的漫畫人物是：唔知
４７）他/她最喜歡的漫畫是：唔知
４８）他/她的錢包牌子是：唔知
４９）完成問卷,是否發覺對你的朋友認識還不夠深：唔知
５０）TAG人﹕唔知

>>September 14, 2006 at 5:39:33 AM GMT+8

2006 年 9 月 10 日 星期日 【晴】

這樣子又過了這個weekend了
時間過得真快
總想星期六停耐一些…

星期六是約團的小組最後一次開組
這次小組很有質素
原來這個小組中
有好幾個人是我帶決志的
有好幾個人是在午間栽培帶回來的
這些東東，我自己也沒有怎樣留意
畢竟，背後做工的是上帝
但是，原來在他們心中，我原來是有點兒重要的
他們會記得，他們會感激﹗
坦白說，那天我在小組中很感動~~
尤其是詩詩的祈禱
卡文、思娃、mandy的分享
願你們繼續成長﹗
那天，emily有事要早走
我要在此表達我對她的欣賞
很多人都知道，去年我掛住門訓
忽略了約團，忽略了自己的小組
幸得emily這組長幫了我和嘉賢很多
她做了組長後，個組似返個組
會多d出去玩，會有contact，會有人organize下野
我們成組人都很欣賞你呀emily~~~~~~~~~~~~~~~~~~~~~
woo~~~~加油呀，你上到尼團仍要努力~~~

開完組，抱住興奮感恩的心態去開會
卻遇到不太高興的事情
部份是我自己問題的
昨天日記也講過些少
算了，成長需要時間的
我會努力的
----------------------------------------------------------------
又講講昨天的事
昨天返崇拜
十點十先返到教會
因為星期六搞到太夜啦
由九月開始，無o係教會度做
我連續兩次崇拜都很感受到敬拜的氣氛
坦白說，在教會做文員的時候
一方面自己很多時不在狀態
另一方面也實在不容易個多小時坐在禮堂中
這兩次的崇拜，真的很高興
我知道自己在敬拜神，與神相遇﹗
我喜歡在崇拜安安靜靜的與主相交
假如你坐在我身旁，盡量不是跟我說話
崇拜中是要尊重上帝的﹗
昨天森煜幾乎無「聊」我講野，實在係好﹗

下午買了很多東西返家
米，糖，油等煮食用的東東
夜晚煮飯，自己一個人食
原來都要用成個鐘o既時間
不過唔緊要，咁今日lunch就可以o係公司食
慳錢又慳時間﹗重要味道唔錯﹗
謝謝小汁，余仁，小小小小的相伴~~~

晚上不停的講電話
好似講左三個鐘頭
我諗我呢個月應該唔夠分鐘
還有，如果不太昂貴
我應該會o係屋企申請電話線
唔…我成日都會搵你地傾電話嘛﹗
尋晚同舒媚，春權傾左陣
之後又同double同龜龜傾﹗好似兩個都傾左45分鐘﹗
double傻架，真係一個白痴仔，但係幾得意o羅﹗

嘩﹗好長~~
我諗阿達又會睇睇下唔睇~~~
呵呵~~

有上我加油站的弟兄姊妹們，
請記得交功課，大概用一個鐘頭做一份功課吧~
千萬不要用五、六個鐘
你們會死亡的~~
我o個日只係話當我預備查經o既時候要咁耐，
而唔係叫你做練習都咁癲~~~

阿kim：謝謝你~~^o^
小汁：真係無咩時間o羅﹗^o^

>>September 11, 2006 at 5:43:21 AM GMT+8