2007 年 3 月 30 日 星期五 【晴】

起了床，梳洗後便到 hsb攪戶口....嘩~~ 勁多人~~~我估我排左...大概半個小時才到....之後就看戶口的手續.....

攪掂之後，見有小小時間，便到大眾搵阿南....好彩見到佢，否則我都唔知幾時先可以買到 "生日快樂"....閒聊左一陣，買埋 happy feet 便回家去...

番到屋企，已經忍不住播生日快樂...好多幕都想喊....看了若半個鐘，便要出發，往濕地公園去.....

準時兩點到上水火車站...

等左好幾個字，終於人齊，齊齊出後到濕地公園....

有 d 似... 人工的大自然...但也 enjoy 於其中..

之後，與導師們 & 文亮 分道揚鑣，一班姐妹番回上水，食了晚飯，便回家去。晚上睇了 happy feet....好攪笑~~~ 隻企鵝仔好得意~~

>>May 3, 2007 at 3:50:18 PM GMT+8

2007 年 3 月 27 日 星期二 【晴】

lunch 後，收到童的msn，說她與我靚仔老世撞到正...嗚~~ 都話佢近水樓台架啦~~

四時多..靚仔老世行過黎，交帶工作後，便告訴我，他做埋四月便走....

下！！唔係掛！！

我問左好佢多次：你講真架？

唏~~ 難得遇到一個好老世...竟然走....而且佢又係全個 office 最靚仔果個....唏~~

知道左 fs 要走之後，個 mood down down 地....

放工後約左 g, v & q 食飯....出發時都無乜心機架....幸好飯局愉快...有講有笑的，我地重影多相添~~ ^_^

飯局途中，接到小葉的電話...二嫂生左啦~ yeah~~ 恭喜晒！！

>>May 3, 2007 at 3:49:12 PM GMT+8

2007 年 3 月 14 日 星期三 【晴】

今日... sick leave....

call 左小提琴，叫佢幫我請假.....之後就再訓......

訓醒，就睇黃醫生...由於主要係問下佢意見，好唔好番醫院取藥....佢聽下我心跳...哈~ 佢唔講真係唔知，原來..若果個心偏左，盲腸就會在右邊；若心臟偏右，盲腸就會偏左....由於我個心偏左，所以，我今次的痛就不會是盲腸炎....

今次只係面談，所以黃醫生只係收左我五十蚊....

之後，我就番醫院取藥...跟住配 con..跟住番屋企....

真係唔行得，因為會越行越痛....

唏~~ 究竟攪咩？

>>May 3, 2007 at 3:48:08 PM GMT+8

2007 年 3 月 13 日 星期二 【晴】

究竟咩事？左邊小腹勁痛....起初以為痛痛下就會唔痛....

放工後，約左 jk 去旺角 english town 睇睇....上到去...唔...一般。

但係個職員勁有心機咁講解課程，做埋 test...依.... d 學費平過 wall street 喎...不過我同 jk 都無即時報，因為一次過要交萬幾蚊，真係要諗諗..

之後就去食野....間日本野....唔係好得....

小腹仍在痛....

食完野...行下行下...越行越痛....重有想嘔的感覺....

短短的一般路，我停左好幾次...

就連 jk 都覺得我勁唔妥....去唔去睇急症好呢？

上到火車...好痛.....

與 jk 分手後，我諗...不如打電話問下d護士朋友....

阿樂唔通...kc...佢聽完我的情況..佢估係婦科野....之後打畀my....佢估係尿道炎..當我問佢好唔好入急症...佢話去都無妨..重主動話陪我去....pl覆電..佢的睇法同 my 一樣...

番到大埔，我就打的去急症......

去到急症室..又無咁痛.....

驗過尿...無發現.....醫生診斷後，認為係腸痛......

拿定假紙....

明天都係唔番工好d....

>>May 3, 2007 at 3:47:23 PM GMT+8

2007 年 3 月 11 日 星期日 【晴】

幸好，今日都算有 d 野做...

放工後，本打算去買 con...但因為忘了那種弧度咁自已，所以無買到...

之後，就行到文化中心睇 Arts Festival 的 - Julia Migenes - Alter Ego

我發覺，外國的 show ，真係無乜舞台佈置，但燈光利用得好好！

成個show，好舒服的 jazz & blues 的音樂，好正...

至於那女主角....唔，我覺得佢唱得一般，唔係真係咁好聽，相反，我比較欣賞她身後的一班樂師...特別是負責鼓/敲擊樂的那位，好厲害！在同一時間打不同的鼓，做出原始森林的音效.....好勁！

當然，跳舞的那位也很捧！

好 enjoy 呀~

>>May 3, 2007 at 3:46:27 PM GMT+8

2007 年 3 月 10 日 星期六 【晴】

今日返早日學遲到，不過都無咩miss...

之後就崇拜...勁釣...
小組分享之後就開會.....

真係越來越發覺同梁牧夾唔到..唔知係佢睇野過份簡單，或是佢唔想 d 野攪到咁複雜，樣樣野都係講左咁就行....再加上無乜部員出聲表態，所以，有好多野都真係多一句不如少一句，不過少一句個心都唔係好順....

唏~

完左之後，便過大埔中心搵南..

佢話遲 d 先畀番張飛錢我..ok~ 無問題

之後，買左萊斯本書便回家去。

>>May 3, 2007 at 3:45:35 PM GMT+8

2007 年 3 月 9 日 星期五 【晴】

呵呵呵呵~~

由於今晚無團契，所以.....

連睇兩場 show！yeah

先是三點到藝穗會睇 Art Festive 的 YuYu & MiMi...
我應該係第一次睇海潮的劇...
幾得意，因為係木偶劇...中間都係用皮影...
無許我對木偶劇無乜興趣吧...所以有 d 位都禁不住的打呵欠
做事的結局幾 sad，明明是想愛的，郤要分開，到白頭，離世...

之後，就諗...有咩車可以落到灣仔呢....今晚食咩好呢？

行下行下，就行到去叮叮站，坐叮叮落灣仔...

之後在英皇大廈附近落叮叮..慢慢行下行下，沿途睇下有無 d 咩好野食....

最後，我去左大快活食左個 tea..(當時已六時許啦)，食完個 tea，就出發到壽臣睇"喝采"。

譚偉權唱歌吧聲真係勁似 leslie...
d 套真係唔可以當係一個話劇/音樂劇咁睇...因為，我覺得，其實，無乜內容，賣點只係番唱張國榮 & 陳百強的歌....當一個 music show 睇，會開心好多。

當中有 d 歌，我也會跟著唱呢~ (我左邊的那 pare 觀眾都有跟著唱呢~)

劇中，又再一次提到"抑鬱症"...我想，我都有 d...

睇完個 music show，好想去唱 k 添~~

>>May 3, 2007 at 3:44:49 PM GMT+8

2007 年 3 月 8 日 星期四 【晴】

今日，join 左學校的基督徒聚餐...

原來，自己部門都有不少人係基督徒...

畀六十蚊，食d唔特別的...ok la...

我發覺，有好多教會都有一個通病...(恕我大膽咁講)，就係好想多d 未信的人信主...我唔係話佢地的諗法錯，而係，就算畀你搵到勁多人決志信主，但欠缺「事後工作」，又有咩用？

食完飯，繼續呆...好釆，之後 fs 有野要整，否則我一定閤著...

放工後，跟小提琴去了旺角 -- 安東尼同事的朋友開的 bb 店睇 bb 野...
一般啦.....不過 d 口水肩 好靚

之後，就入左上水....很久沒到訪過的 "北區大會堂"

沒跟「一團和氣」接觸己好幾年，今次捧場，純粹為朋友...

場刊內的剪紙...場館內的剪紙...舞台上的剪紙...很明顯，她們用了一番心機，可惜，不能太突出其效果..

遲了三個字開 show，仲要有 late come! 有無攪錯！！

套劇....開頭有 d.....怪怪的，幸好越 run 越順....各演員也很畀心機去演...今時今日的「和氣」已「生材」了，進步了不少。

看到老朋友進步了，當然替她高興。但反過來，不禁的問自己：「有否進步過呢？」

逆水行舟，不進則退。

眼見身邊朋友的不段向前走，自己卻好像無乜點 "yuk" 過...

「keep 住」，其實係咪等如「退步」呢？

>>May 3, 2007 at 3:43:13 PM GMT+8

2007 年 3 月 7 日 星期三 【晴】

番工，呆，放工，番學

講完

>>May 3, 2007 at 3:41:13 PM GMT+8

2007 年 3 月 6 日 星期二 【晴】

在公司 on 下 on 下，又收工...

好想去睇 Dream Girl, 但 d 飛實在太貴啦~ hk$60.00 喎！一套話劇都睇到啦~~ 我記得明明有一日係 hk$40.00 架~~

今日真係凍左~~

正因為睇唔成戲，所以，回家去...

>>May 3, 2007 at 3:39:56 PM GMT+8