2005 年 3 月 27 日 星期日 【晴】

子鍵~~>整左好耐喇，而家先講= =

今日同橙橙同taki去元朗睇戲，
我地睇<<見鬼10>>，睇之後我地去買野食，
點知買得好少= =""

之後入去睇啦！！！！！
黃婉澄一路睇一路問我”點解你唔驚架？”!!!!!!
佢問左我二百次！！！！！！！><我已經唔答佢，
但係佢都要係咁問，佢問呢個問題二百次不特止，
佢仲講左二百次”有乜咁好笑呀？”仲要講到好大聲！！！！！

今次<<見鬼10>>唔算太悶啦，唔夠<<見鬼1>>悶，
我今次無瞓著呀！！！！我仲無咩睡意！！！
唔夠<<功夫>>悶，佢地屈我！！！不過我無屈橙！！！
佢真係問左我二百次！！！佢睇完出到去仲繼續問！！！
哼～！

之後睇完，就去左千色行左一陣，買左好多野食，
一路行一路都好想食野，之後再行下行下橙橙走左，
我同taki去左元朗廣場度食串燒仲買野食^^，我今日買左兩袋零食= =
之後就去搭西鐵走！！！taki佢出站個時勁好笑，
佢比個閘夾住左，之後係度話”我夾住左呀”
我見到真係好好笑，個時個個都落車，好多人出閘，
佢後面個男人望住左佢！！！

之後去搭輕鐵，又見到個個古怪的男人= ="""
我見左佢好多次，因為佢外表其特= =，
佢今日企係我隔離，個時真係勁驚！！！！
好驚佢無啦啦自己"動動"下就"動"左落我度，勁驚@@"""

之後返屋企喇，今日接彼billy返屋企喇^^
佢剪左毛，勁靚仔！！！！！！！！！！^3^～

唔，呢一排我都知自己發左好多脾氣架喇，
不過我諗只會係一段時間架咋，遲下就可能會無野，
不過呢一剎那，真係唔喜歡好多人呢！！
太"鳳止"，但係同時有冇理過我感受?><

我想你離我遠一點，最好一天比一天遠。

>>March 28, 2005 at 4:07:19 PM GMT+8

2005 年 3 月 26 日 星期六 【雨】

今日都11點幾起身，整好晒d野就出去屋苑出面行下，
等daddy係廠返黎接我地，咁我地4個人出去行啦，
之後行行下，聽到一把聲話"喂，你地有冇搞錯呀?"
之後原來係啊dad= =，佢返左黎我地8隻眼都睇唔到= =
好無奈= =，佢仲要泊埋架車我地都無人睇到= =

之後就去食飯，好快食完就要趕搭車！！！
哈哈，諗番起尋晚去飲夜茶個時我講左一個笑話啦，
個笑話係有10個核突架！！！！之後我講完，佢地個個都嘔= =
係間酒店入面笑得勁大聲，又扮嘔= =
連dad都係咁，個笑話係家強同我地講架！！！真係好得意^^
由其是食飯個時講仲正！！！！！哈哈

之後上車，上架cheap車= =架車好窄好迫，
架車已經夠迫，個位係一坐落去就會頂住膝頭，
之後坐我前面個個啊伯介要拉後佢張櫈喎！！！
之後我咪話"好迫喎我啊叔！！！"
我唔知佢扮聽唔到定係真係聽唔到啦，之後我mum拍佢，
叫佢拉番前d，不過佢話"我無拉啦而家"
之後我咪出聲鬧佢"你已經拉到最後梗係無得比你拉啦"
之後隔離個c奶又話"係前面拉搞到我地好迫我地先拉之嘛" (瀉膊!!最憎><)
之後我咪好大聲咁鬧佢地"你地個個都咁拉咁我地咪又咁拉囉，咁後面d人咪唔好坐囉，"
之後個c奶又講多次"係前面拉我地先拉之嘛"
之後我勁惡咁啤住佢，佢唔敢出聲!!
之後我mum問我"我駛唔駛同你調位呀?"
之後我又大大聲咁話"駛乜調啫，成架車都咁迫架啦，d自私精，淨係顧自己"
之後個c奶又細細聲咁唔知佢講乜q，我咪又啤佢，佢又唔敢出聲，
之後前面啊伯隔離個o靚仔一定覺得我好惡= =佢用個好驚嘅眼神望一望我就即刻擰番轉頭= =
不過真係好angry！！！！4個鐘車就係咁迫住黎坐>後面個啊伯又係咁講野，勁煩><

之後落車，搭火車去尖東，同uncle食巴西燒烤^^hehe，
個度d人真係幾靚仔架^^""我uncle只係食得少少野= =
同佢去食自助餐真係好唔抵= =今次我地仲要星期日百幾蚊位= =
佢食得幾舊野= ="""

食到10點幾就搭車返屋企，買左一把好靚嘅遮^^hehe
好miss billy呀~~><

>>March 27, 2005 at 5:01:28 PM GMT+8

2005 年 3 月 25 日 星期五 【晴】

今日好早起身呀！！！！8點幾起身，
之後搞掂晒就出去飲早茶，飲完之後就去拜山，
啊dad架車入唔個d路，要落車行，
行行下，見到一大隻死老鼠！！！！！！！！！！！！！！！！！！@@"
嚇死呀真係！！！！！！><
佢岩岩係正路中間喎= =嚇到隻腳真係好軟= =

之後要上山，dad佢唔認得路= =係山上面係咁搵= =
之後搵到喇，就開始整好d野拜山，咁要燒爆"將"架嘛，
我地無人敢燒，因為係要用手拎住點著左之後掉出去嘅，
咁我家姐見無人敢佢就話等佢黎，之後我勁大反應話唔好，
之後我mum又話唔好，因為我地兩個都驚如果比佢燒嘅話，
佢一定會點著左之後亂咁掉= =""""陣間成個山頭都比佢燒著= =

之後就比左我細佬個契爺燒啦，咁之後就落山喇，
今年好少人去拜，得我地一家人同埋細佬個契爺，
之後年年都成大班人去，個d仲要係d唔啦更完全無親戚關係嘅人= =
今年佢地.............(唔係死晒= =)

之後拜完返到屋企個個都累到訓晒覺= =
到左dinner先起身，食完dinner沖埋個涼就出去飲夜茶喇，
之後返到屋企睇左一陣電視就訓喇，今晚無野好睇= =
做埋d陳年舊片，完全唔好睇><

人生就係咁，往往係你覺得最高峰嘅時候，
無耐，你就會跌番落谷底，
係你最高峰嘅時候，好多人都會借d椅去依靠你，
靠你搵食，靠你識得人多，靠你世面夠廣，靠你搭路，咩都靠你，
但係當你有d阻滯，d人就會一個個好現實咁走晒去，
佢地就會諗"而家仲靠你?死得人多啦"

d人真係好現實架，由其是d大陸人，個個都睇錢份上，
當初你地無比人靠，你地今時今日會有咁嘅地位?
你地可以個個自己走出去開廠?
咁做不得止，仲要去拉攏人地，人就係咁！！
你以為自己去到最高峰嘅位置咩？偏偏人地就會靠你有呢個位置而去利用你！！

希望你能夠開心快樂，我知道你會唔甘心，所以無時無刻我都一定會支持你！！
做一個你覺得有用的人，守護著你。

>>March 27, 2005 at 4:39:17 PM GMT+8

2005 年 3 月 24 日 星期四 【晴】

打番d日記先^^

今日好早起身呀，因為要返大陸！！
咁起左身之後就整好晒，送埋billy走，
之後就食野搭車，小巴好多人= =
走左去搭的士= =""

之後去到深圳個度，勁多人喎！！！
多人都發癲，咁我地個時係3點到啦，
之後就去買飛，點知最早個班車要去到8點幾先有= ="""
多人到咁，真係未試過= =

之後無車走，就搭車去佛山先，要等到4點幾，
係商業城個度行下，見到好多"留野"^^"
行到呁上下夠鐘喇，去上車，係下面吸多勁多廢氣先上到車><
去到佛山，7點正，之後買飛再轉車，點知尾班車係『6點半』！！！@@"
好無奈= =""之後要搭第2架叫啊dad揸車去接我地= =
真係有d徬徨架個時，無車走嘅話就要係佛山住酒店住一晚！！><
我諗個度d酒店一定好dirty！！！

之後個c機係馬路中間停比我地落車= =
好無奈，我地要係馬路中間行去啊dad度，
當中真係有d驚，因為好多電單車係咁chit check咁轉！！！
之有有一架電單車仲以高高地速咁駛埋黎= =
我地都以為係個d電單車黨= =我啊媽即刻拖實左我，
話行行下可能會無左我= =

好晏先返到去，成8點幾，好肚餓= =
仲有呀！！！架佛山車個c機勁惡死！！！！！！
佢係咁鬧人 = =，坐我地前面個個大陸人佢唔識路，
之後問個c機問:"我想問下你可唔可以係開平度停一停比我落車呀?"
之後個惡死c機話"我架車去台山架，台山就台山，開平就開平，
你要我dou你去開平比你落車，你都痴線架"

勁惡死= ="""佢問佢一句野，比人鬧番10句= =

>>March 27, 2005 at 4:24:35 PM GMT+8

2005 年 3 月 23 日 星期三 【炎熱】

今日3點幾先起身= =。
之後起身自己整左個蛋治正，
之後就出市中心，出去買野，
之後搵左姍出黎，同佢行左一陣，
又同佢傾下偈，好無奈，
佢好似成日都會講錯野咁嘅？？
對住我緊張得濟？！我都知道架喇，哈哈！！

之後就買野食，買左勁多野食= =，
因為mum無煮飯，佢叫我買啦，又叫我買呢樣又叫我買個樣，
點知到我買完晒佢打黎話佢自己食左個炒飯，叫我買少d！！！！！><
咁我都買晒啦，佢而家先講！！！><

之後返到屋企，佢走左去打麻雀，咁多野鬼食得晒呀><
又叫人買，買左返黎又走左去打麻雀><勁激氣！！！！！！！！
枉我一"秋"二"能"咁拎返屋企！！！！好過份囉！！！！><

不過聽左姍講d野，我諗我真係要去學下珍惜屋企人！！！
真係你去提醒左我，我要學下珍惜！！！

<<因為有你>>勁好聽！！！！呢首歌好warm，
聽完之後係會好warm！！！正到爆炸！！！！good^^

>>March 24, 2005 at 3:51:47 PM GMT+8

2005 年 3 月 22 日 星期二 【炎熱】

橙橙～>我會架喇，你都比心機考會考啦hehe，
唔係taki唔請你食野架！！

姍～>哈，唔駛咁急嘅^^我唔追你，hehe^^

今日無去個眾會，因為好眼訓。
之後就訓到12點幾先起身，食左兩個麵包就出門口，
返到去一坐低，佢就岩岩開始播= ="
好岩岩好咁聽到第一個答案，真係遲一秒都冇左喇！！

之後考完普通話就等埋ying考埋口試先啦，
之後就走人喇。

之後好唔開心，真係好唔開心，
之後搭車仲要去到田景先落車= ="

返到屋企就睇vcd，正爆！！
之後又聽PICASSO HORSES，正爆^^
真係無令我失望！！！
之後睇睇下，聽聽下，唔經唔覺就8點幾喇= =
時間真係過得快，真係好想停落黎，一切都停落黎！！

>>March 23, 2005 at 3:01:18 PM GMT+8

2005 年 3 月 21 日 星期一 【綿綿細雨】

今日7點幾起身，因為要一早出去長沙灣。
不過我遲到左呀！！激死><。個miss仲要窯埋我幾點先到！！><

咁我地去許仲繩紀念中學啦，係男校黎嘅，個d男仔個個都唔似返學咁嘅= =。
好奇怪咁，去到都係聽下野，參觀下咁。其實都幾悶！
丫！！！！！！！！今日仲比yan佢胸襲= =""。好驚佢，佢乍乍第第= ="！！

之後就12點幾放啦，我地三個去左西九龍度食野先返去上堂。
之後就食完返去上堂喇。我好累= =。成堂嘅一半都訓緊覺= =。
之後上完中文堂聽個講座，係講升學個d，不過有d複雜！

之後放學去食野，之後就行下咁，之後去入＄落銀行啦，
明明個度有3部機，但係唔知點解d人死都要等我個部機= =""
攪到排到好長龍= ="""。

哈哈，之後去買ｃｄ^^！想買好耐喇，<<畢卡索的馬>>！！
正呀！！仲要最後一隻都比我買埋^^！好好彩＾＾！！
之後我叫佢check<>o個隻cd有冇啦，點知賣晒= =""
另一個show 嘅gig我見到佢check都係得番一隻。
勁好賣^^，見到咁樣真係好開心，hehe^^不過個show 個隻cd我都無買住，
屋企太多碟未睇喇= =，遲下先買，不過都係想搵番多d！！

之後搭車返屋企，又係車度想喊><。好辛苦啊！！
返到屋企睇vcd，之後睇完就恰下又醒下咁，都好似無訓過咁= =

>>March 22, 2005 at 4:01:34 PM GMT+8

2005 年 3 月 20 日 星期日 【晴】

個膊頭成日都好累，好痛！><
今日本來出去，但係無出！= =
之後就成日都係屋企渡過。

今日好堅決有一個諗法^^
比一個限期自己^^。
本來諗住一年，不過而家都諗住捱唔到咁耐，
就一個月算吧啦^^。hehe~^^

>>March 21, 2005 at 3:46:09 PM GMT+8

2005 年 3 月 19 日 星期六 【微冷】

個死人日記short左幾日，好彩佢會send去e-mail，
如果唔係之前d日記就會無晒= =！

尋晚5點幾先"捨得"去瞓，所以今日諗住返教會都無返。
嗚，嗚，嗚！！好耐都未返過啦！！><

今日成日都上網好專心咁睇一樣野，哈哈。
好耐都未試過咁專心！！^^

今日下午同過joyce chat呀！！好耐都無同佢講過野喇^^"。
好開心！！我地要一齊去迪士尼^^。哈哈！

之後夜晚，睇浪漫滿屋勁好睇！好得意呀英宰＾＾！

>>March 20, 2005 at 4:50:52 PM GMT+8

2005 年 3 月 18 日 星期五 【晴】

今日起身去補習，今日係第一期嘅最後一堂lu。
去到有一個細路仔佢病左呀，係咁咳！
之後佢問我，~>"miss你有冇口罩呀？"
我話冇，之後佢就去問另一個姑娘拎個口罩黎帶住。
之後佢仲同我講，~>"因為我病左，係咁咳，帶左口罩會好d 架，唔係會傳染比人！"
佢真係好識諗^^其實咁多個細路之中，我最鐘意就係佢兩兄弟。
佢地兩個都有d老漬咁架^^。

之後走人啦。但係我唔係咁想咁早返到屋企喎。
去到西鐵站，坐左係度，諗左好多野，
之後係西鐵站度好想喊，差少少就喊左出黎！
反覆左幾次，不過當然係街會比我忍住！
好耐都未試過咁，喊得出嘅感覺係好，不過比我忍住左= =！
最終坐左係西鐵站九個字，因為坐到腰骨好痛，所以就搭車走啦。

尋晚訓覺之前，一路打電話，一路喊。
係唔係情緒化呢？！真係唔知點解無啦啦咁down！

根住到左夜晚，又唔係好down。哈哈！
不過係有d唔知點咁！究竟發生咩事啊？！><

>>March 20, 2005 at 4:44:47 PM GMT+8