2008 年 7 月 11 日 星期五 【晴】

快D娶左我啦 !!!!!!







曾經我們有過無數話題，
愛到最後....
我們對愛竟會無能為力…

>>July 13, 2008 at 2:39:49 PM GMT+8

2008 年 7 月 5 日 星期六 【雨】

人生第二次露營 !!



呢兩日去左人生第2次去既露營，
一直以黎都覺得好驚唔想去架 !
驚係因為自己既身體真係唔適合係呢種咁熱既天氣出outing，
二來我唔想我做一個leader既時候要人照顧返自己/...\
不過今次過程都好順利，除左無啦啦落大雨之外= =

話說早一星期我已經不斷叫身邊既人幫我祈禱呢兩日要落雨，
咁cancel左就唔洗去 !! 哈哈~~
不過可惜…尋日好好天 : (
好彩好同事提我可以帶d提子去一路行山一路食，
因為咁樣可以增加我既糖份同埋水份，
咁我就好聽佢話，叫人幫我買左一pack提子 !
一路行一路食，我真係變得好少飲水 !

仲要我帶頭行呢段山路，
由於我一直以黎都係對於路線方向有d問題- -
所以一路都好驚會行錯路 !
好彩最後都順利去到目的地.....

第一日好順利就過左 !
到夜晚訓覺既時間，我地職員個營起左係海邊，
但係一到左零晨時份既時候，
無啦啦成日都好大風大雨= =
但係我地係入面咩都望唔到出面個情況係點 !
一直都好驚.....個營又係咁搖下搖下喎，
我地個營釘又唔係插得好實喎 !
所以擔心左成晚，成晚d怪風係咁"呼呼聲"....好不安..../...\

雖然都諗住自己會訓唔到架喇，
不過好神奇地我間唔中有幾個字都訓得著 !!

到到今日，比我地預計既時候早左兩個鐘走....
因為天氣好差= =
我地d職員比d家庭執野仲執得更"論盡" !!!! =3=
我地著晒雨褸咁去執營，但係佢一時出太陽一時又落好大雨，
攪到我地不斷係咁走黎走去避雨/...\
好狼狽 !!!
d家庭好好笑咁索性將成個營搬左去個亭度收- -

我地搭返船去返黃石碼頭，
但係因為比預期中早左，架車仲未黎，
呢個時候就食晒屎喇......
我地企左係碼頭出面，即係上船個個位個度，
突然超級大風超級大雨，
d風吹到個人識得陏架 !!!
又要開晒d傘黎遮雨，點知一開d傘反晒骨/....\
開左=無開.....
全世界全身都濕晒....連底褲都濕晒....
即係同成個人浸左落水係無分別....

試想想....我地咩住好大袋行李，
一手拎住個營，一手要按左頂帽，又要拎住把遮，又要驚佢反骨....
多麼的狼狽+樣衰/....\
我地仲4個職員圍圈企....不斷大叫-3-"
好痴線 !!!

我去到邊度，就邊度落大雨....
下午返到中心食食下野既時候有個同事突然好認真咁問我
" karen呀，你次次出街都落雨，咁你咪成日都要拎住對拖鞋囉?!"
我-->''.........你認真問我架?!"
返到中心即刻換衫，因為無衫換，我就換左尋晚著個套睡衣...再加對拖鞋...
係中心咁著我唔敢走圍行黎行去/....\

返到荃灣，即刻落得好大雨....
返到屯門，一落車又突然好大雨 !
頂......我真係一個好犀利既貴人呀 !!!
以後再唔會有同事敢同我一齊出outing喇 !! 哈哈~~
我真係咁岩每次出親outing都會落好大雨....
一係就大雨到黑雨同打風而cancel !

好 ! 返到黎我已經洗左好多野....
我諗我要好好咁休息下喇~

>>July 6, 2008 at 10:57:25 AM GMT+8

2008 年 7 月 2 日 星期三 【晴】

貓．



貓唔係用黎食既....
但係我呢兩日，再一次為同一個同事食左一隻好潔既死貓 !

我無錯 ! 我要做既做晒，我要交代既交代晒，
你一句話"唔記得"..............................
變相比老闆就以為我有問題 !
結果：比人投訴 !

我無做錯我係唔會認 !
呢隻死貓我點都食唔落 !
已經唔係第一次 !
一次係咁今次又係咁 !
有邊個話比你知姓余既係得別好蝦?!

我會辭職 ! 我會走 !
而家走，我睇你呢個暑期點死 !!!!!!

>>July 3, 2008 at 3:40:04 PM GMT+8

2008 年 6 月 27 日 星期五 【雨】

事情變得複雜了…



呢個星期過得好痛苦 !
最近人事關係變得好複雜 !
每個同事都唔明點解所有A仔都可以咁 !

呢兩日去左CAMP，
今日一早就發脾氣了 !
我唔明點解每次佢都叫我咩都同老闆講左先，要佢知道先...
但係佢竟然可以一早粒聲唔出就出左CAMP !! .\/.
我真係超嬲 !!! 即刻打去鬧佢 !!!
我尋晚帶完成日活動已經好累....但係我仲要夜媽媽用手寫份野比佢 !!
佢竟然一早走左去 !!! 頂 !!

而早幾日....我被禁錮了半小時 !!
因為我對你的相信，你竟可騙我 !
我仲未夠犀利 !!
最犀利係你可以利用人地對你既信任而禁錮左人地一日 !!! 係一日!!!
詳情唔講喇.....要講有排講 !!
但係我知道我以後都唔會咁易相信人.....

然後我再同你地講....
之前有一段日子係身邊無人值得我信任...
個段日子過得好痛苦...好辛苦 !!
不過幾唔值得信任既人都已經離開晒....
到今時今日...我仍然好似以前中學咁諗...
我覺得我身邊係唔會有壞人架 !!
但係偏偏就係因為咁.....而一次又一次被騙 !
我以後會清醒架喇 !!
正如你所講，經一事﹑長一智 ! 害人之心不可有﹑防人之心不可無 !


另外，有一年好開心既事 !
HEE HEE.......^0^
前兩日因為被禁錮事件同你講電話講左成兩小時 !
期間講左好多無聊野-3-
從此以後你就係-->龜宿人
我就係-->龜伸人 -0-

>>June 28, 2008 at 4:38:13 PM GMT+8

2008 年 6 月 22 日 星期日 【晴】

我真係好憎d見錢開眼既人 !!!!!

>>June 23, 2008 at 10:21:42 AM GMT+8

2008 年 6 月 21 日 星期六 【清涼】

我的快樂，建築於我所擁有的 !



曾經同同事好直接咁講" 好開心可以識到你地"
入左黎做已經八個月 ! 時間過得好快…
好快就會一年 !

曾經講過一年之後我就會走…
即係到而家為止，我仲有四個月時間留係度 !
一年之後會唔會走，其實仲係未知之數 !
我唔可以咁快就抺殺我係度發展既機會 !
因為講真，其實我係度做得好開心 !

同同事之間既相處真係好開心 !
每一個都好真，每一個都好親切，每一個都好幫我 !
我欣賞呢一班同事，全部都無機心…
呢一班人真係好難係第2度可以搵得到 !

我想講：
我係呢一度做野，仲開心過我之前讀個兩年書，
開心好多，根本無得比！之前讀書，每一日都係"捱"，
而家係呢度，每一日都係享受 !
好鐘意每一日都同佢地計劃去邊度玩，
好鐘意每一次都係好即興咁去玩 !
我諗係因為大家既年紀都好相近，所以大家都好鐘意去玩：）
我真係好鐘意你地 ：〕

話說尋晚突然OT要入camp，
送完d仔走之後就同同事拎車走....去食宵夜，
帶左佢地去"糖樓"食糖水，好耐都未去過喇 ^^
但係我發現，其實我真係好唔適合揸車-____-
因為牛爸爸係咁問我點行....
我係咁唔識答佢.....
屯門既路- - 我真係唔認得點行-0-"

>>June 22, 2008 at 4:10:42 PM GMT+8

2008 年 6 月 13 日 星期五 【晴】

這一星期....


嘩 ! 呢個星期我只係返左兩日工咋 !
今日本來要8點45分去到大埔....
6點鐘就起身的我，已經feel到有d唔妥，
但係一於少理，直至出門口個一刻，
我真係頂唔順！因為由一起身到出門口個段時間，
我已經嘔左幾次－３－
最終頂唔順......面青口唇白咁 !


咁就休息左一日，
開心既日子會過得好快，
黎緊個同事會走....尋日已經將佢既工作分晒比我地-3-
呢個暑假....我要暴瘦＊10磅 !!!
因為我見到我自己個時間表....其實有d驚 !!
所以6月我放左好多假，因為要係暑期之前放晒d假佢 !

為左可以買agnes b個隻錶獎勵自己，
我要加油 !!!! *0*～




曾經感情很好的朋友......
即使感覺還在......
可是大家都有自己的事情而疏離
所以大家要珍惜每次都偶然邂逅

因為你根本不知道...
錯過了這次...
你跟他會在哪個空間在相遇......
也許...
這是你們唯一一次的相遇。

>>June 14, 2008 at 4:05:25 PM GMT+8

2008 年 6 月 9 日 星期一 【晴】

連績玩左3日....


星期六夜去左食<<大吉>>
同肥釗慶祝生日 ! 生日快樂 !!!

星期日仍要返工，但係都係輕輕鬆鬆，
因為帶住D人一齊去左BBQ，好彩無落雨^__^
去完BBQ就去左TST食日本野 !!^3^
WOO~~再去左海港城個度海邊個間野度飲野 ! 唔記得左叫咩名 !

星期一遊船河+唱K !

好彩之後已經攞左今日同聽日兩日假，
今日比我好好咁休息下，
聽日要出去拎埋個車牌-3- 勁耐都未拎 ! 哈....

玩既時間真係唔會嫌多同嫌累架 !
我真係好鐘意去玩～～～～: )


有你已足夠 !
每次聽見你那溫柔的聲線，已叫我心動了 !

>>June 10, 2008 at 3:10:20 PM GMT+8

2008 年 6 月 8 日 星期日 【晴】

喪玩17小時…(遊船河+唱k)



我會好好咁記得今日一日！所以今日既日記會好長！哈哈～


今日係6月9日，天氣十分好 !
一大早就起身了，去左西貢 !

因為尋晚一齊去左食日本野，之後仲要去左飲野，
第一次飲"tequela"，好難飲-_______________-"
飲完之後我成個人開始呆呆地，唔出聲坐左係度- -
佢地就開始覺得我有d野.....-3-
佢真係一種好犀利既烈酒 !
因為飲完咁難飲既野，返到屋企又已經好夜，
但係無阻我今日去遊船河既心情 !

我仲好早就到左喇！^0^～
上左船之後就換好成套沙灘裝 ! 勁期待囉....
但可惜，我今天不宜下水.\ /.，好唔開心..../..\
不過我玩左一次唔跌落水既香蕉船，
係我地3個女人勁煩既情況下，
個船長已經無我地付....佢仲嫌我地煩tim呀 !! 哈哈～
最終佢無令我地失望，唔將我地整跌落水 ! : )

玩左成日，已經好開心好開心 !
又晒太陽，又同大耳牛玩，又同同事們玩 !
真係好開心～但係仲唔夠 !
因為我太鐘意玩 ~哈哈，
遊完船河之後就叫左佢地一齊去唱k~
勁癲呀 ! 最近每一次去唱k都會玩"火熱動感lalala"呢類型既歌，
我地今次仲要玩埋para para sakula，一齊跳para para=3=～

玩到２點幾先走....我對眼就黎盲- -
紅到癲.....

岩岩去到green box既時候，我又要出去搵牛爸爸一齊買禮物，
點知行到california門口既時候，有3個california既promoter走過黎圍住我，
但係佢地唔係sell我，而係玩我= =
當時我仲同牛爸爸講緊電話....
佢地係咁問我-->你岩岩係唔係追住個人呀?!
我：追咩人呀？
佢：你岩岩係唔係追住個人呀？
我：我唔知你講咩喎，咩追人呀？我趕時間呀．．．
佢：唔係呀．．未走住啦，喂，你部咩電話呀？N70呀？你幫我去隔離問下收幾多＄丫！
我：你傻架，你唔自己去問？
佢：我岩岩問左喇，佢唔應我呀！
我：唔玩喇，想點呀！我趕時間呀！
佢：喂，唔好走住啦！你係唔係岩岩游完水呀？
我：係咁又點= =　（呢個時候我已經唔想理佢走左．．．）
佢：嘩，你咩個個袋係限量版喎！
我：痴線架！


當我被佢地玩完既時候，聽返個電話，牛爸爸完全聽到晒我地既對話...
佢問我發生咩事，我話我都唔知= =
我完全唔識個D人.....
佢話我可能比人玩緊，比人影緊-0-"
SO CRAZY~~!!

唱K既時候又飲酒.....又飲烈酒，
攪到成個人都好暈，落左船都好似未落船咁 != =
行路都行唔到直線 !

每次同親你地出去玩都飲酒－３－
仲愈飲愈勁 !!!! -0-

今日喪玩左17小時，雖然好累，但好開心 !!!! ：D

>>June 10, 2008 at 2:58:06 PM GMT+8

2008 年 6 月 4 日 星期三 【晴】

我終於都逃不過要做童軍的命運-________________-



本來岩岩諗住同另一個同事一齊做red cross，
點知又多一個同事走-_____-
咁全中心之前得我一個可以唔洗做制服團體，
但而家佢走，我就要接佢手做童軍=3="
why～～～～～～～～～～～～～



我家將會多一個新成員---哥基狗 (雞脾先生)
唔知billy仔鐘唔鐘意佢呢~~
如果billy唔鐘意佢，就要將佢比番佢前主人架喇 !

>>June 5, 2008 at 3:36:06 PM GMT+8