2005 年 4 月 24 日 星期日 【晴】

今日一早出左去啦，我第一個到^^ hehe……
又係遲到請食飯，之後去左阿一度食，
姿姿請……
一早文迪好火爆啊，我都好明白佢嘅……

之後就去左food court傾野啦，
我地去rehersal聽日嘅present，
練左兩次到啦，之後到2點到就放一放break，
文迪去左打機，我同yan就係咁行黎行去= =，
我地行左大會堂好多次= =，派傳單嘅人都認得我地喇= =。

之後等埋姿姿補測完我地再練多一次，
之後就走人喇……好累= = !!

之後去左買野食返屋企食，食完之後就訓覺，
今日啊dad返左黎呀 !!^^ 好耐都無見過佢喇 !!!><
不過佢聽日就走人lu……><

尋晚發左兩個夢…勁古怪囉……
一個就係周杰倫打比我= =話同我一齊去ying屋企= =!!!!!
勁白痴 !!! 無啦啦會有周杰倫出現，唔知想點 !!!!!
個夢都幾長下架 ，但係個main point係呢度^^"

另一個夢勁恐怖 @@" 真係嚇死我呀 !!!
有taki tim= =…我諗尋晚同佢同billy落去行街見到好多怪人，
發埋d怪夢= =夢裡面有一個人個樣係好恐怖個d !!!
係我最驚個d人 !!!即係爛面不正常個d !!! 個個人真係好恐怖好恐怖 !!!
個夢有10個恐怖 !!!!!! 又有d真實 !!!!
個個人啦，唔知做乜野成日都望住我同taki，我同taki去到邊度佢就望到邊度 !!
佢明知我係驚佢架喎 !!! 可能因為咁佢先係咁望我地= =
之後我地係咁避佢啦，之後行到一條路上面，
無路可行就迫住要同佢擦身而過咁行，個時我真係驚到喊咁濟…
我同taki就話扮望唔到佢，咁佢就會覺得我地望唔到佢，
咁佢就唔會攻擊我地= =，之後我地行過佢身邊 ，佢仲迎距離咁望住我地 @@!!!!><
真係勁驚呀 !!!!!!!!而家仲不停咁諗起佢個樣 !!!
佢個樣真係有十級恐怖架><嗚……嗚……嗚………><

>>April 25, 2005 at 4:39:20 PM GMT+8

2005 年 4 月 23 日 星期六 【晴】

死人張子鍵~~>你唔係情夫呀 !!!賤人 !!!!
我不知幾愛惜我身體= =…你邊隻死人眼見到我點幾訓呀 !!!!!! ><
你miss我唔好講到我miss你 !!!! 你痴心妄想啦 !!!!! 哼 ~~~><

joyce~~>突然間好似變得好多愛人同情夫咁= =
比人誤會以為我好花心呀= =，其實我好專一架 ^^hehe……
我知道架喇 !! 我會遠離佢地架喇 !!
我當然唔會因為呢d人而唔開心啦，更加唔會比佢地埋到我身，
佢地假係佢地嘅事，我係唔會比呢d咁嘅人呃到我架 !!!!!!!><

今日點幾起身啦，呢幾日都訓得唔好，
一晚都起身幾次，幾晚都4點幾起身去廁所，
平時我唔駛夜晚起身去廁所架= = !!
到7點幾又醒一醒，之後到9點鐘又醒一醒，
11點幾又醒一醒，幾晚都係咁 !!

今日起身兩個膊頭好似唔係自己咁= =
好痛，mum佢一早打黎問我上唔上去"dum"骨，
我唔上啦，得billy一個係屋企…

之後叫完外賣食就執屋 !! 個屋企太亂喇 !!><
而家比我執得乾乾淨淨 ^^ hehe……
不過好累= =……

話咁快今晚又有得做浪漫滿屋lu ^^
咁快又一個星期……

>>April 24, 2005 at 12:32:03 PM GMT+8

2005 年 4 月 22 日 星期五 【晴】

taki~~>我已經好小心身體架喇><
我都有睇到呀 !!佢地個concert丫嘛 ^^
勁正囉 !!hehe ^^

seven~~>係呀……不過唔係比你傳染啦，
我地咁耐無見，係比其他人傳染架 !!><
你都要小心你身子呀 !! 你年紀大喇 !! hehe^^
但係我點約Ｌ呀= =……你玩我呀= = !!!!!
係約到佢就好喇 !!哈哈哈哈哈………

今日成日都留左係屋企……好眼訓too= =
今日mum仲未返黎h.k，
唉…今晚又係得我同billy兩個相依為命…
好陰公……

如果有好心人買野上黎我食就好lu ^^ hehe……

>>April 23, 2005 at 1:20:05 PM GMT+8

2005 年 4 月 21 日 星期四 【晴】

今朝早7點幾billy叫醒我，
我尋晚訓左mum張床，
billy叫我，我諗係因為佢平時都係咁叫我mum，
佢以為我係mum，佢叫我就想我叫我細佬同sister起身= =
同埋餵野佢食…

之後我就走過去叫佢兩個起身返學返工啦，
再訓多一陣，本來要出去傾野，
但係我都無出到，唔想出去亂食野又案件重演，
而且我又驚我會肚痛，會all。咁就無出啦，
而且食左d藥好鬼死眼訓架 !!都唔知係唔係安眠藥黎架 !!

咁yan佢傾完野之後打比我，問我駛唔駛買粥上黎比我食，
我話唔駛喇，佢自己都唔舒服，佢又要出去西灣河實習，
唔想佢行黎行去咁累，佢地真係好好 !!!! ^3^~
文迪知我病出唔到去，佢都有問我點啦，
仲無怪我唔出去 !!

之後到左1點幾啦，原來 mum叫左啊may買野上黎比我食 !!
我一路訓緊覺個時佢係咁打黎 !!真係聽到想發癲 !!
我家姐又打黎，話比我知佢夜晚返黎買埋粥比我食 !!
我真係突然覺得自己好幸福 ^^ 你地真係好好 !!!!!
雖然mum唔係h.k，照顧唔到我，但係佢仲叫人買粥比我食 ^^
佢又打番黎提我食藥 !!! 我細佬又幫我做呢樣幫我做個樣 !!!
病嘅好處 ^^

不過今日成日都係食粥囉 !!! 食完好快就肚餓 !!!
下午又係食豬潤粥，夜晚又係= =因為佢地知我鐘意食= =
不過係6點鐘個時太肚餓，忍唔住食左一包燒賣 !!
食完食藥 !!

好眼訓……我已經訓左成日= =，d藥真係好眼訓呀食左之後= =
好彩我唔駛實習咋 !!!

>>April 22, 2005 at 2:29:20 PM GMT+8

2005 年 4 月 20 日 星期三 【晴】

駒歌講到…

現實中有好多人都會因為生活而放棄左自己嘅理想，
因為生活而去不斷咁去做一d唔係自己意願嘅野，
就不斷重複又重複去做，慢慢…人就會變成機器一樣。

人同機器唔同，人有理想，有目標，有思想，
機器就只係一部機器，無思想，無目標，無理想，
我地唔可以因為想得到一d物質上嘅野而放棄左自己一早編定嘅理想。

"無論去到多遠，你與我也要銘記你與我的起點，不會變"
我地做野總會有一個開始嘅位置，
即使將來嘅改變有幾大，都唔好唔記得自己係邊度開始，
就係記得自己係邊度開始，先會搵得番以前嘅自己 !!
記憶好緊要 !! 無以前嘅你就唔會有而家嘅你……
唔好成日都將忘記放係口邊，忘記左又點?
反而記得以前先會改善，唔去改善以前唔著嘅自己，
就只係永遠都係原地踏步……

>>April 21, 2005 at 3:49:12 PM GMT+8

2005 年 4 月 20 日 星期三 【晴】

頭先打個篇日記真係千辛萬苦……

seven~~>可愛的sevsn !!@@""""""don't crazy= =
我記得你個可愛的水水= =
8公係我前夫，係前夫 !!!! ^^佢成日都嫉忌= =…呵呵....
我都好miss d女呀 !!! 但係有d好似走左lu ><>你約我呀?!?! hehe……

今日一早又出左去啦，我第一個到喎今日^^
不過如果唔係阿yan病，我都唔會做到第一個，
佢行得好慢，佢今朝仲暈左係廁所，
對唔住呀，係我尋日傳染左比佢，><

咁出去傾野啦，今日姿姿請食野 ^^
但係個鼻好唔掂囉，比我抺到就黎爛 !!!
又鼻塞喎，勁辛苦 !!! ><
今日好有效率 !! 我地傾到12點到就傾完喇 !!

咁mum佢因為有急事就即刻返左大陸，
佢叫我快d返屋企，咁我12點幾就返左屋企啦，
睇睇下電視就訓著左囉，通常好多人都係係我訓緊覺時先打黎= =
訓兩個字就接一接電話，兩個字就接一接 !!!

之後6點幾先訓醒，咁起左身食左個老婆餅，
之後就出事喇 !!! ><打尋日個篇日記打打下個肚勁痛喎，
咁我咪去廁所囉，但係又無得all喎，
之後再出黎再打過，點知佢又痛 !!!仲要係勁痛 !!!
我頂唔順啦，屋企又無人，我就訓左係mum張床度，
我個一刻真係想call白車 !! 係真係痛到好想 call !!!
但係咁岩我mum個時打黎，話比佢知啦，
之後佢就叫左個人黎救我，佢黎到按門鐘，
但係我無力起身行喎，佢係門口好耐我先出到去= =

之後佢同我去睇醫生，billy又要跟埋去= =
佢地係出面等我，個醫生話我唔係食錯野，
因為我兩日都無咩點食過野，而係感冒菌入腸 !!!
第二次係咁喇 !!!真係好辛苦 !!痛到出晒汗想死 !!!
我唔想有第三次喇 >< 如果唔係咁我諗我今次都唔會去睇醫生 !!
又要食藥 !!!!!><

唉……原來我都唔係好獨立架咋……原來我好需要人去照顧……
岩岩無人個時真係好無助……><;

>>April 21, 2005 at 3:26:53 PM GMT+8

2005 年 4 月 19 日 星期二 【晴】

今日返左12點個靈修team，^^
不過今日遲左好多先開始，
所以時間都係得幾個字，
之後去左阿一度食野 !!
呢一間野第一次食 !! 唔講都唔知有呢間野食= =
哈哈，今日同啊超分開左"台"黎坐 !!
同佢食野真係身心疲累呀 !!!!

之後我地就一齊返去上堂啦，
今日個普通話堂啊sir唔知發乜癲 !!!
係咁係度發神經喎 !! 我講一句野佢啤餐死咁，
啤到驚死你唔死咁 !!! 成堂比佢啤住晒 !!1
無晒自由 !!! 佢又係咁叫我讀喎 !!
但係我一直都有讀架喎 !!!佢自己聽唔到唔代表我無讀喎 !!!

之後放左學，大家今日都係好蚊 !!!
我地個組個個d性格都係火爆 !!!
之後本來要同yan，文迪同姿姿佢地開會傾野架 !!
不過我無去，因為去左文化中心睇『駒歌』 !!!
同taki一齊睇，同我想像中好唔同，我諗住係好大型個d，
係好似屯門大會堂個d咁，但係點知唔係= =
我地坐第二行，勁前 !!佢直情係係我地前面度表演= =
不過我覺得成個舞台劇都不錯 !! 因為佢真係好直接咁猜出家駒嘅精神 !!
一睇就會明……就算你幾蠢………^^

之後睇到10點幾 ，佢有個演後座談會，
個幾個人都唔知佢想講乜，又唔知佢想表達d乜，
係度講d唔係哲學嘅哲學，又唔識講野，
仲話自己讀大學= =……比人嘅感覺係…乜而家香港d大學生咁嘅?!
之後搭車走人喇，返到屋企都12點幾lu。

今日上上下普通話堂發燒喎，之後話比mum知啦，
之後佢一句就話"邊有咁多燒你發丫?!"
咁我就開始無同佢講野 !!

>>April 21, 2005 at 10:57:54 AM GMT+8

2005 年 4 月 18 日 星期一 【酷熱】

今日8點鐘起身返學，同yan同一部505 喎 @@
不過佢行得快過我好多= =
但係我都追到佢啦，
之後兩個都係present，
第二堂啊超有份present !!我地當然好比面啦 !!
雖然我地係分化左 ^^ hehe !!!!

到左lunch一齊食，不過今次無文迪，但係有源佰 !!
第一次同佢食咋 !!! 仲有yan，ying，超，姿姿，
啊超真係比佢激死呀 !! 真係同佢一齊食野仲肚餓過唔食野 !!
因為比佢笑到燒"豪"晒d卡路里 !!!!
佢今日呀，食食下無啦啦拍"台"喎 !!!源佰見到o左咀= =
唔敢食落去 !!笑死呀 !!之後啊超仲話我地平時都係咁，
我地一講唔岩數就要反台同埋倒奶茶落人度 !!!!!
我聽完呢句野真係笑到好肚痛 !!!! 想反肚tim呀 !!!!

不過今日lunch唔知點解好似好少時間咁，
我地一來唔夠時間食 (可能掛住玩= =)，
二來個個都好似無咩胃口咁，我今日無食早餐啦已經，
但係都唔想食野 !!! 連ying都係咁喎 @@

之後又係行得好快咁返去上堂 !!上中文堂我地拉埋d台一齊坐 !!
文迪坐最邊邊個位啦 !!!!點知發生左一件事 !!我諗真係嚇死左文迪呀^^
哈哈，咁當然佢又係比我地笑佢啦 ^^^^^^^^ hehe !!!!

仲有呀 !!! ying佢拍我個頭，所以我決定唔睬佢3個字 !!!
之後呀 !!我同啊超講話我想聽佢講"對唔住"三個字啦，
之後佢話佢講都得，不過我要成堂唔同佢講野喎><
咁我就決定左佢要講，咁我就成堂無同佢講過野喇= =
太白痴喇……落堂個時我都有問佢我可以同佢講野未架 !!= =

之後放學喇 !!!我地份中文功課終於交左喇 !!!!! ^^^^^^^^^^^ 開心死呀 !!
真係一身鬆的感覺 ^^，之後我地就話去慶功啦 !!!
但係文迪話去打兩鋪機先，咁我同yan，ying，超就去行左一陣 !!!
啊超行路飄下飄下= =我頂唔順 !!!!!!! 佢仲同佢兩個係咁『e泣』喎 !!!!!
唔理我同佢 !!!! hehe^^

之後就去左仙跡岩飲野啦 !!! 啊超話佢爭我一杯奶茶同爭啊yan一張"台"喎= =
佢又係咁係度試玩反台啦= =，唔知想點 !!!
我地係咁係度傾偈啦 !!同佢地一齊真係好開心好開心好開心 ^^
一來我覺得佢地真係好照顧我架 !!! 講真，同以前係兩種感覺 !!
因為以前係我照顧人，個個都細過我，所以可能我去照顧佢地，
但係而家就係佢地照顧我 !!! 佢地真係幫左我好多好多好多 !!
我數唔晒囉 !!! 好感恩比我識到佢地 !!就算佢地平時點串我，我都無所謂 !! ^^

之後6點幾就走人lu，我去睇一睇vcd先 !! 好想隻vcd快d出呀 !!!
等到頸都長晒 !!! 之後搭車返去接billy，接完返左屋企再去左整頭髮 !!
去焗油 !!!個頭太傷喇 !!焗油平時好快= =，今次我等左成個半鐘= =
咁佢有個頭盔笠住個頭架嘛，我比佢笠笠下差d訓著左= =
我個頭係咁中下中下係咁撞個頭盔= =，好無奈………真係好眼訓 !!!

之後整完d頭髮好左好多，我叫佢幫我剪晒d燶左嘅髮尾，攪到好短 ><好心痛 !!
到左夜晚，啊超係我嘅『小天使』，佢要幫我代禱啦，
之後咁聽日要傾野架嘛 !但係我話比佢知我聽晚要去睇show所以唔得閒去傾，
之後佢話『下，你出去剃so !!?』 = =，好無奈囉 !!!!!! 勁白痴 !!!

我開始唔係好知自己諗咩喇……真係好想停係呢d日子裡面，
雖然好忙，無時間訓覺，但係最少……我滿足 …我開心…
但係一諗到好快就畢業，我又唔想……
原因我知道係一個……但係我知唔會係架 !!根本就唔係 !!!!
好與唔好，係自己嘅一個諗法，但係我就唔可以控制得到自己嘅諗法 ……

>>April 19, 2005 at 3:40:35 PM GMT+8

2005 年 4 月 17 日 星期日 【酷熱】

橙~~>我會幫你打………d粗口落去 ^^hehe
係呀 !!!!浪漫滿屋真係勁好睇 !!!我又係睇到個度想喊>< !!!
勁感動呀 !!!!!

今日好熱呀= =
不過我唔敢仲咁少衫出街，

今朝早7點幾就醒左= =，不過當然訓番啦= =
到左11點幾醒左就訓唔番喇 !!
可能有少少習慣左咁早起身 !!
起身個時仲未退燒 …
之後我係張床度"癲"左好耐先起身 ，
12點幾先起身，整好晒d野同mum落去食左野先，
之後再上黎拎番個bag就搭小巴去上水，去啊超屋企，

佢屋企好整齊，我覺得我屋企真係好唔掂= ="""
明明今日係得番好少野做，但係我地都做到8點幾= =
4點幾開始做，做到8點幾= =

之後就落街趕去整釘裝，之後就去食野，
我地去食上海野 !!! 一路行個時啊超唔知想點囉= =
佢行路飄下飄下咁，佢成日都好似想轉去左邊，
但係其實係直行= = ，我唔知佢想點= ="""""

食完之後諗住食糖水，但係關左門，
咁就搭車走人喇，而家好眼訓 !!!

份中文做左出黎喇，係我地成組人嘔心瀝血之作 !!!
我地今日print出黎個時都好緊張，同埋好開心，
因為好滿意 !!!! 我地呢team 人真係唔話得呀 !!!
個個都好比心機去做，希望會高d分啦 !!啊超話下年一定會比人睇喎= =

>>April 18, 2005 at 4:17:46 PM GMT+8

2005 年 4 月 16 日 星期六 【晴】

JIMMY~~>你嫉忌= = ……

seven~~>睇左你diary你好down喎 !! 唔好down啦 !!
雖然我唔知發生咩事 !! 但係你比我嘅感覺係一個好開心嘅人黎架 !!
你快d開心番啦 !!!! 笑 ~~^^

唉…尋晚返到屋企發燒 !!!><好唔開心啊 !!
無啦啦發燒 !!!而家燒到102度 !!!!!><好辛苦 !!!!
無啦啦病，我諗我尋晚出去凍親 = = 20度我仲著左短袖衫，
不過尋晚都唔係好凍之嘛 !!

今晚出去開會……我諗我都唔知出唔出去好……
一d食欲都無 !! 我知咁樣會瘦都幾好嘅 !!病嘅唯一好處 !!!

今晚個一集浪漫滿屋勁好睇呀 !!!! 睇到喊 >< !!!
真係好好睇 !!!好好睇 !!!!

>>April 17, 2005 at 3:03:23 PM GMT+8