2005 年 5 月 14 日 星期六 【酷熱】

今朝早8點幾就起身喇…其實都唔知有無訓過= =
都訓唔到 !!!
連兩晚通頂…生理時間都變埋喇 !!

之後就同jimmy一齊走人啦 !!
我一直都係度諗返唔返教會好，
因為個時都係8點幾9點，上去沖埋個涼抖下就可以返 !!
不過好眼訓…上到去沖完個涼就訓左 !!

訓到5點幾 !!!! 起身先食我個lunch…
今晚浪漫滿屋 !!! 好睇呀 !!!!!!!!!!!!!!!
好期待呀而家 !!!!!!!!

哈哈，尋晚同taki係度洗碗，之後係度傾，
哈哈，我覺得識揸車嘅人會好d !!!
因為我真係覺得揸車好型 !! 係睇到佢專心做一樣野 !!
揸車個樣好認真，好專心 !! 咁會好型 !!^^ hehe …

>>May 15, 2005 at 12:37:28 PM GMT+8

2005 年 5 月 13 日 星期五 【酷熱】

今日成8點am先返到屋企 !!
之後沖埋個靚涼就訓覺喇…
不過訓得好差囉 !!!
隔兩個鐘billy就敲門 !!! d衰人成日都整左佢入房又唔開門比佢出去 !
攪到佢係咁敲剔我就係咁要落床開門比佢 !!!!! ><
隔兩個鐘就開一開 !!! 唉…

之後訓到6點鐘就起身落去打邊爐 !!
慶祝姍生日 !!^^ happy birthday !!!
打打下要落街買野食比細佬食 !!
去左taki屋企先，佢去幫岑媽媽開電腦 !!
之後就買完野食返返上去喇 !!
都幾多人呀 !!
有taki，橙，+ki，+0，子鍵，roy，wyman，jimmy，三桂，alan，釗 !!
不過我好累好眼訓… !!

到到4點幾佢地走人，jimmy留係度 !!
之後我執埋屋，拖埋地先訓，都訓得唔好 !!
又無得沖涼 !! 好彩朝早沖左一次 !!
jimmy訓覺係咁行黎行去架= = !!!!

>>May 15, 2005 at 12:19:59 PM GMT+8

2005 年 5 月 12 日 星期四 【酷熱】

今日訓到2點幾先起身呀 !!!
因為今晚要外展 !!

咁我起左物沖埋個涼食埋碗叮叮粥就出門口搭車喇，
個時4點9到啦，出到去西灣河都係6點2,3到 !!!
不過都未到齊人，咁外展10點先開始 !!
咁早出去係因為我地傾下青年專題先 !!
成22個鐘點傾呀= =?????

咁我地去到係出左去食野先，
呢個食野時間都計埋落去22個鐘度 !!^^
去左嘉旺度食啦，咁我lunch先食左無幾耐，
又話要食野= =，真係唔係好食得落呀 !!
咁食完之後7點幾到就返返去協青社度 !!
去左蒲吧度唔知做咩= =，等等下，就上左去多功能活動室度傾 !!
傾嘅時間只不過係15mins到咋，其他時間我地都係用黎傾偈，
咁個時我又唔係好想郁喎，咁我咪坐坐係度，
文迪就黎同我傾偈，偈下搵工d野呀，咁啦 !!

之後到左9點，我地就要落番去，文迪又走左喎，
我都唔知有咩做，要等到10點先夠鐘= =
咁就傾電話啦= =，之後到10點喇，我地就上去喇 !!!

10點-11點就係開"briefing"，啊佬同我地開，
到10點半到啦，"clift"，fung，cherry都入埋黎傾，
之後分組，我同seven一組 !!佢話開心死同幸福死喎 !!^^
我地係去九龍中 !!? 唔係好記得九龍東定中= =，
咁到11點就出發啦，我地係跟啊fung同埋cherry，
啊fung~~>我覺得佢揸車幾型 !!^^hehe !!

咁首先我地就係去旺角啦，個時先11點幾，今日又係星期五，
去到一定好多人啦= =，我地勁似行街囉，又買埋野食tim喎 !!!
同行街真係無分別呀 !!! 之後係洗衣街公園度fung跟seven lu左一對情侶 !!
之後就去左m記 !! 跟住就上車去左白田邨 !!
之後就去石硤尾公園，南山邨，石硤尾邨，
係石硤尾邨度我跟啊fung去 lu左一個細路，佢小二大= =
跟住係7-11度fung撞到佢之前lu過個d人，同佢地傾左幾句 (我都無出聲= =)
之後就走人，去左李鄭堅公園，再去蘇屋~~>一直都想去 !!比我想像中好唔同 !!
之後就去保安道，即係麗閣村。

到左2:00am左右，就去到長沙灣遊樂場，再去幸福邨，
到2:30am到，就去左通菜街公園，南昌邨，
之後我地就係海壇街度岡到一男2女係馬路中間行，
我地就停車，四個一齊落車行過去，佢地一定好驚= =
原來個女仔又係之前比啊fung lu過 !! = =
咁佢地話去買糖水，話車埋佢地，佢地話唔駛 !!
咁我地就係個度係咁兜，睇下佢地去邊買糖水同走左未 !!

咁佢地走左，3點鐘到，我地就去食宵夜 !!
去左一間大排檔度食 !! 個度有好多啊叔，佢地講野好攪笑 !!
又有一隻狗狗，佢係咁走過黎同我地玩 !! ^^ 好得意 !!
不過我覺得佢比d啊叔養晒左 !! 咁我地半夜三更去食飯= =
個胃又痛 !!!!! >< 我咩都唔想食呀 !! 個飯食左一半都無 !!
之後食完啦，有一刻大家都好靜，我係度好似new緊d飯咁，
之後我就同啊fung講話我想要紙巾，之後唔知點解佢地個個都笑= =
到而家我都唔知有咩問題???????????????

我地仲勁白痴咁自問自答 ~~>"thank you" ..... " you are welcome" = =
食到4:00am，又上車再兜多一陣，去左亞皆老街嘅m記睇下有冇人，
之後就返返去協青社lu。

返到去，要填一張表喎 !! 咁要寫我地自己個名 !!
啊fung都要寫架嘛 !! 之後佢同我講話~~>呢度寫你個名啊魚同seven
之後我話"唔.." ，我一路望住佢寫，我見住佢寫錯= =
之後我呆左係度 ~~>"下= =.....???" ，佢寫左seven係eleven= =
我就問佢~~>點解係要寫eleven= =?。佢好得意 !!!!!!

之後寫到6:00am，我地就走得lu，協青社個時都好少人，
都未見過咁少人 !! 今日仲見到l.....o....... !!^^"

之後同剴琪去搭mtr再轉960啦，我地等左半個鐘先黎一架960= =
勁耐 !!! 個時又累喎 !! 但係其實我今晚成晚都好精神 !!
因為飲左coffee卦 ?!，不過真係一d都唔眼訓 !!!!

我地去左好多地方，凱琪同lvy就去東涌，佢地成晚都只係係東涌= =
但係我地就去左好多地方 !! 佢地真係慘 !! 初初我仲以為去東涌會好玩d tim !!
點知佢地只係同一個細路玩都玩左2個鐘= =，佢地仲話玩到好想訓 !!
但係我好精神 !! ^^ 我覺得好好玩呀 !!! 好有新鮮感 !!因為未試過嘛 !!
如果第日要我做呢d我都肯呀 !! ^^ 我鐘意夜既多過天光 !!
到4點幾我地係旺角個時，聽到d討厭的雀仔係度叫 !!!!! ><
好煩 !!!一聽到呢d聲就覺得好黑人憎 !!! 原來 seven都好憎架 !!!
佢又係一聽到雀仔叫就會訓唔著 !!!! 原來唔係得我一個係咁 !! ^^"

今日係一個好嘅經歷……^^好開心!!!!!!!!!!^0^

之後7點幾8點到就返到屋企，之後就沖涼訓覺喇 ^^…!!

>>May 14, 2005 at 12:00:47 PM GMT+8

2005 年 5 月 11 日 星期三 【酷熱】

死肥roy~~>你夠喇 !!!! 你再留言成個板都只係見到你一個留言 !!!! ><
我老公話要留番d位比佢呀 !!!!!
仲有…我錫billy就唔會屈佢 !!!! ><

今日都幾晏先起身，起左身之後mum叫我同佢一齊送家姐機，
咁我就咩都無食過就出去喇= =，
好鬼死肚餓 !!! 之後送家姐去機場啦，
佢男朋友未到，佢去check in先佢話唔得，
但係留番兩個位比佢地，等佢男朋友黎埋先再check in !!
咁我地就去左味千拉麵度食野啦 !!

食完再上過去，等埋佢男朋友放工黎我同mum就走人lu，
之後搭車返黎，去到吉之島行左一陣，
唔知係唔係今日好晏先食野，個胃有唔舒服，
好似好想食野，但係又唔想食野= =""""

之後去買左d野食啦，咁就返屋企喇，
成年都未同mum出過去 !!!! 就連母親節都無出過 !!!!!
想同佢一齊出去真係難過登天 !!!!!!!!!!!!!!!!!!!!!!!! ><
我同佢講野佢又唔好好記住 !!!!!!!!!!!!!!! 一日係度問三問四 !!!!

今日細佬病左，佢無返學，mum就同佢一早去睇醫生 !!!
無話睇醫生唔得嘅，而係我細佬仲病得多過我 !!!!
但係佢就好客氣咁叫佢去睇醫生 !!!!
而我一病嘅時候，佢就會用粗口問候我，又話我成q日病 !!!
咁算點呀 ?!?!?! 仔就病得女就唔病得呀 !?!??!?!
到我頭痛話比佢知，佢就次次都會話~~>"更係啦，訓咁多"
我隻手已經痛左好耐，我同佢講，佢就話~~>"再訓多d咪唔痛囉"
呢d悔氣說話，聽到都好憎 !!!!!!!!!!!!!!!!! ><

>>May 12, 2005 at 2:39:46 PM GMT+8

2005 年 5 月 10 日 星期二 【酷熱】

肥roy~~>我有100歲咁長命 ?!?!?!?!?!?你又知 !!!!! 睇相佬 !!!! 但係我唔想咁長命喎 !!!
到時有咩病痛仲痛苦 !!!!!!! 你個死老野 !!!! 自己老又成日話人老 !!!! ><
我無屈billy，我不知幾錫佢 !!!! >3<

今日又唔落雨，攪到鬼死咁熱 !!! ><
唔係熱 !!! 係焗 !!!

咁今日就唔駛返學啦，咁就上半班考普通話口試，
我唔駛考 !! 咁就出左去個靈修team !!! 12點鐘 !!!
我11點10-11到出門口，要送billy過去寵物店先 !!!
已經遲到，mum都唔送要我送 !!!! 之後落到樓下 !!
佢仲叫我上番去拎野幫佢交 $$ !!!!! >< 我已經遲到仲叫我做咁多野 !!
不過我無幫佢交 !! 咁送左billy過去之後又要我搭的士 !!! ><
咁去到啊楊個教會啦，點知啊楊尋晚做report做得夜，今日訓覺無黎到 !!

咁我地係12樓到等人= =，最衰唔搭的士= =
文迪仲未黎喎，咁等埋凱琪上到黎之後我地就落去，
我地出左好多次"手指公"，次次都係ying輸囉 !!! ^^
咁佢就要諗去食咩啦 !!! 之後落去咁岩見到文迪就一齊行去食野先，
今日無左個靈修team，咁就去左食野，
有我啦，yan，ying，超，文迪，老黎，潔潔，表妹同凱琪，
我地去左蘊紗度食，次次去親呢度食野個個人都會無胃口 !!!
最大件事係連ying都會無胃口丫嘛 !! @@"
咁入到去個時，ying唔埋黎同我坐話讓個位比啊超同我坐喎= =

一路食，文迪又大玩『針對』 !!! 佢係咁講我= =，半餐飯的時間 !!
之後食完野走lu，返返去柏麗，諗住去啊楊個教會度溫書，
佢地考普通話 !! 咁啊超佢自己一個去左另一間房度溫啦，啊yan就去教佢，
咁我同ying兩個係同其他人一齊係另一間房架喎 !!
之後我地兩個諗住去睇下佢地溫成點啦 !!!
咁今日我地出現左一個『新動作』，話"手指公"個個已經out左 !!係人都識 !!
咁就有一個新動作啦，之後我係間房出面係咁對住佢地做呢個『新動作』，
之後我做左十幾下左右，ying話有閉路電視= =，我仲咁岩對正個閉路電視黎係咁做= =
睇到個閉路電視個個人一定以為我係白痴= =""""，仲係商業大廈度發癲喎 !!
對正個閉路電視咁做，幾驚佢搵人黎拉我= =

之後我就再對住另一個閉路電視再做『新動作』，話要對晒四隻角個閉路電視黎做喎= =
咁之後就同啊超上去考啦，考完之後我地就走人lu，ying約左德德搵project d野 !!
咁露比都係度，佢話想去"改頭換面"度電髮，咁我同yan兩個就同佢去啦，
我地去到坐左一陣就走lu，啊yan去醫院，我就去接billy返屋企 !!

佢沖左個靚涼 !!! 變左個超級靚仔 !!
今日成日都有d頭痛啊 !!! 唔知係唔係熱得濟 !!!
返到屋企我又沖左個靚涼，之後就開左冷氣諗住訓一陣，
點知又做"老婆大人"喎 !!! 咁就無咩點訓，
之後食飯，家姐個男朋友上左黎一齊食，因為佢地要執行李 !!
佢地聽日飛lu !!!

>>May 11, 2005 at 2:43:45 PM GMT+8

2005 年 5 月 9 日 星期一 【雨】

今日都係雨天啦 !! i like ^^
今日返學，我諗都係遲到左架喇= =
啊yan佢無返tim囉 !!! 佢9點3先起身 !!!
佢第二堂先返 !!! 咁第一堂小組討論個d平時都係靠佢架嘛 !!
因為平時我都覺得我自己無咩意見 !!
咁今日，同佢地一組，我自己一個做晒= =
講就都差唔多我自己一個講晒架喇 !!
"佢"講左=無講 !! 我講一句佢講一句比啊楊聽= =
之後組織唔到又要我由頭講過 !!! 平時啊yan同佢熟d就話佢講多d野啫 !!
我同佢都唔熟= =，今日我真係覺得我自己好勁 !!
哈哈…佢地都話我講得好 !!^^ good !!^^hehe !!
不過真係未試過咁，講慣左lu，而家講得咁講野都唔係好驚 !!! ^^

之後第二堂yan先返黎 !! 同番文迪佢地一組咁討論啦 !!
同佢地一組真係好好多 !! ^^ 丫 !!!!
今日放break個時文迪係度role play 當日發生的事囉 !!!
笑死呀 !! 佢仲要"爬"係度 !!!! 哈哈 …

之後lunch啦，同yan，ying，楊，超，文迪，姿姿一齊去左茶軒度食 !!
hehe…文迪……… !!! 哈哈 … !!!!!^^"
之後文迪又係咁講當日發生的事 !! 同啊楊佢講 !!
今日啊超用一個詞彙黎誚我覺得仲好笑呀 ~~>『一塊野咁 !!!!!!』好白痴呀 !!! ^^

之後就中文堂啦，明明可以同啊超坐架嘛 !! ying佢"ship"左係中間 !!^^"
之後上堂啦，唉…我都唔係好明= =，無上堂的後果 !!
之後落左堂就走人喇，yan佢返屋企，我同ying就行左一陣，
去買左隻錶喇 ^^ 終於都買到= =，佢拖左我一個星期，
我仲係度諗，會唔會係神唔想我買 ?! 所以先拖咁耐等我諗清楚d先 ?!
不過今日都係買左，之後就去買野比billy食 !! ^^

咁之後返屋企啦，落左去6樓接billy上黎，
咁個時個個都放學，咁我就諗住同billy係6樓行上30樓做下運動啦，
點知行到上去14樓，billy就唔想行 !! 我同佢講話到左15樓就同佢搭lift，
佢都唔肯行，"爬"左係度= =，之後我落去諗住抱佢啦，
點知佢係咁落番去= =，佢驚死我繼續叫佢行咁 !!
佢真係好得意呀 !!!! 行到累唔肯行就"爬"係度扭計 !!! ^^成個細路仔咁 !!!
之後都係同佢搭lift，d細路係咁係度~~>"嘩，狗呀 !! 佢好似想咬我咁喎= ="
個時我抱住billy架喎 !!!!!

之後返到屋企，執好billy d野食同佢抺埋身就訓左一陣喇 !!
返學嘅日子好開心 !!! 但係就黎無學返lu !! ><
返多兩個星期就完喇 !!! 時間真係過得快…咁又一年喇…
但係我仲未決定得到之後嘅路應該點行 …

頭先走左入房拎野啦，咁拎拎下聽到有d怪聲，
有人係度對話喎，但係個windows關左係唔會聽到有聲架喎，
我仲記得個收音機尋晚唔記得關，今朝關左，
無理由有人講野架 = =???????? 之後我聽聽下，
係上次拎去會考個收音機發生嘅 !!! 我今日先聽到 !!!!
下 @@??????咁即係關左幾日個收音機= =????????

>>May 10, 2005 at 3:39:33 PM GMT+8

2005 年 5 月 8 日 星期日 【溫暖】

今日12點幾mum打黎叫我關windows !!!
佢打黎之前我起左身，呆左咁坐左係張床度 !!
因為好大風，從來都未試過咁大風 !!!
我間房關晒windows，但係d風好似係d隙度吹入黎咁 !!!
係咁呼呼聲勁大聲 !!!! 我就好驚咁望住左d windows !!
我好驚佢會吹爆= = !!!

之後佢打黎叫我去關windows，我就出去關晒佢啦，
點知出到去好震撼，個廳濕晒= =
之後再入廚房，又濕晒= =，billy用黎裝野食個個箱入晒水 !!!@@
個箱係knock左架喎 @@ 唔知點舛极可以入到去 !!! 好奇怪 ?????

今日真係好大雨，又好大風，未試過大風到咁 !!!
咁之後我再去訓多一陣先起身，本來諗住唔訓架 !!
因為好精神，都訓唔到，但都去左訓= =
因為諗住訓晏d食野就食少d !!! ^^

之後訓到好晏先起身^^" !!
我家姐過幾日就去旅行，問我借呢樣借個樣 !!!
又問我借d衫去，又問我借相機，又問我借袋 !!!!
相機佢自己又唔係無喎，衫又唔係無喎，袋又唔係無喎 !!!
我知借親比佢地d野都一定一定會爛左番黎，我今次先無咁白痴借比佢呀 !!
佢問人借野仲要好"鳳止"咁喎 !!! 好似我一定要借比佢咁 !!! crazy !!! ><
佢去一去旅行就問我拎晒d野去 !!!! 誇張 !!!! 佢唔好將我成間房拎去 !!!! ><

>>May 9, 2005 at 2:33:56 PM GMT+8

2005 年 5 月 7 日 星期六 【晴】

死肥roy~~>你去死呀 !!!! >< !!!!!!!!!! 你個衰人 !!!!!!!!!!!!!!!!!!!!!!!!!!!!!!!!!!!!!!! !
我oral一定會做帶個個架 !!!!!!! 一定會 !!!!!!! ><

今日係一年一度嘅母親節…
我唔明點解母親節都要攪到咁唔開心囉 !!!!
因為小小嘅野都可以攪成咁 !!!!
我係完全不知情個個人 !!!
咁對我好唔公平囉 !!!!!!! ><

尋晚打麻雀 !!! 我一家win三家 !!!!^^
攪到我好興奮 !!!! 我win左 $580 !!!!^^ 好勁 !!!
佢地個個都話爆冷囉= =唉…
尋日真係係咁食 !!!! 哈哈 !!!!

其實我真係唔係好鐘意麻雀 !!!
一來都無咩興趣，除非win個時啦 !!!!
二來唔係好識 !! 唔係好擅長 !!
我都唔明點解d人咁鐘意 !!!

一年一度母親節都要打麻雀黎渡過，
打少一日都唔得 !!!!? 真係唔得 !??!?!?!
係咁捐 $$ 比人駛 !!! 可能係我唔知麻雀嘅樂趣係邊啦 !!!
但係因為麻雀而攪到屋企咩都唔理，有時諗起真係好過份 !!

今日做浪漫滿屋呀 !!! 好耐都未睇過喇 !!!
不過睇少左少少囉 !!! 本來我錄左先出去，
唔知邊個衰人同我熄鬼左部機囉 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!><

>>May 8, 2005 at 3:41:00 PM GMT+8

2005 年 5 月 6 日 星期五 【晴】

姍~~>係囉 !!! 我今日都見到佢呀 !!!! ><

肥roy ~~> 咁點丫 !!!!!!!! 佢地係個個一齊望住我喎 !!!!
仲唔係比壓力我 !!!!?

今日都係一早起身啦，thx你地morning call !!! ^3^～
本來約左taki一齊搭車，唉…但係我地上埋同一部車都見唔到面囉= =
多人多到咁 !!! 之後我同佢笑，個肥仔以為我同佢笑= =
佢由上車望到我落車 !!!!!!!!! 攪到我好唔like佢 !!!!

之後今日考listening啦，尋晚我自己係度做2000年同2002年嘅past paper，
好難做 !!!! 而且我一路做mum一路同我講野 !!!!
part A平時覺得好易，係送分，尋晚做都覺得好難 !!!
佢又講得快，又唔明佢講乜 !!! 講得好婉轉 !!! 唉…
所以攪到我已經好絕望 !!! 對今日嘅listening都已經無晒信心 !!!

咁今日考啦，有人點唱比崇真 !!!!! 聽到好開心 !!! ^^
今年又係播『that's why you go away』，上年又係播呢首歌 !!
仲攪到我差d喊，今年又係 !!! 因為一聽呢首歌就覺得好感動 !!!
之後台上面個miss係度唱歌 !!! = =唔知佢想點 !!!! 我見唔到佢有聽收音機條線架 !!
但係睇到佢個口型係跟住個收音機黎唱架喎 @@，好奇怪???

之後啦，有個miss啤住我，佢係台上面啤落黎，
佢個眼光好惡 !!! 我咪同佢鬥啤 !!! 驚佢夠老呀 !!! 佢以為咁樣就可以嚇倒我失水準呀 !!
咁佢何福堂就會考得好好呀 !!! 真膚淺 !!! 之後我啤住佢，大概同佢互啤左20秒到啦，
咁佢就唔啤喇 !!!! 哈哈…好好玩 !!! 佢唔夠我黎架喇 !!! 師奶同我鬥啤，
而家d師奶進晒化 !!!

之後考啦，比想像之中好 !!! 可能我真係太絕望喇，
今次都唔係好難，不過我係咁諗，一定好多人都係咁諗 !!!
所以都係差無幾架喇 !! 唉…

之後好快就考完喇 !!! 仲爭oral咋 !!! 好彩6月2日咁早 !!
唔洗擔心咁耐 !!! 我要練oral呀 !!! 我今年一定要做leader架喇 !!
唔會再讓人 !!! ><

考完之後就返屋企喇，去到總站先落車因為買野食 !!
點知見到三桂喎，原來佢都考英文= =，佢都要考= =
之後返到屋企食野啦，食完之後太飽訓唔到，
到左4點幾先去訓，訓到7點到啦。

今日媽咪又同舅父上左東梡，呢一排佢地都攪裝修d野，
我地3個自己食，家姐個男朋友成日都迫我打麻雀= = !!!!
佢地頭先又迫我打，唉…我明明話唔打，想睇tv，
又要換衫，唉…= =，唔知今次又係唔係我輸 = =!!!!
我未win過 !!!!! ><

今日都仲要多謝你地呀 !!! 啊yan，見到你日記好開心呀 !!! 多謝你呀 !!! ^^
仲有其他仲要繼續考會考嘅人呀 !!!! 你地要繼續加油加油呀 !!!!! ^^

其實今日好感恩架 !! 雖然尋日都祈左禱先去考，今日都係，
但係今日真係感受到 !!! 當我聽緊that's why you go away 個時，
好感受得到上年嘅感覺 !! 有番 5B嘅感覺 !!! 仲好似讀緊 5B 咁 !!!
今日呢種感覺真係好大架 !!! 你地要加油呀 !!!!! ^^

哈哈…其實我尋日都唔係想像之中咁down，有d預左，
預左會咁差，而係可能尋日太累，所以先咁 ^^"…哈哈 !!
而家落去打麻雀喇 !!! ^^

>>May 7, 2005 at 2:03:13 PM GMT+8

2005 年 5 月 5 日 星期四 【清涼】

死肥roy~~>你聽日就到老年期喇 !! 小心小心 !!!

今日我真係好唔開心呀 !!! 衰完一次又一次 !!!
會考衰左 !!! interview都勁差 !!!
真係好down !!!! 好想喊… !! 但係又喊唔出 !!!><
好耐都未試過咁唔開心喇 !!! 真係唔想講野呀 !!嗚…

咁今日晨咁早起身啦，我的驚恐症又發作了 !!
我6點半就起身，整到7點幾出門口，都好驚會遲到 !!
係度諗遲到會點呢 ?!?! 佢會唔會唔比我考呢 ?!?!
會唔會取消我資格呢 ?!?! 之後上507，同唔到taki一班，
太多人佢上唔到車，之後我係車入面同佢笑，d人以為我白痴囉= =
佢地唔知我笑咩，個個望住我 !!! 想點喎 !!!!
我已經好大壓力啦，仲要比d群眾壓力我 !!! >< 衰格 !!

之後去何福堂考啦，好多c奶考呀 !! 佢地經歷咁多，我真係唔夠佢地爭 !!
仲慘嘅就係有個鬼佬走去考英文囉 !!! 我真係想打死佢 !!!
d人係度望住佢，個個都用d好奇怪嘅眼光望佢 !!
我諗唔只我一個想打死佢 !!!

之後考啦，paper 1 我覺得自己作到好不知所謂 !!!!
考完出到去勁多人都係度話"梗係唔作第3題啦，第3題咁難" = =
我想兜把星呀 !! 不過無計啦，我第1,2題都唔識解題 !!!
只係識" crocodile " !! 已經好勁架喇 !! 因為好多人都話唔識解呀 !!!
今日唯一一個good比自己 !!

之後考paper 2啦，又好不知所謂呀 !! 我做第一篇"comprehenion"個時差d訓著左呀 !!
我尋晚太擔心喇，攪到我自己好驚帶留野或者唔記得帶野 !!
我就係咁執野執野執野 !!! 執左好耐先去訓 !! 訓又訓唔著喎 !!
最終2點幾先訓到，6點幾就要起身 !! 所以做做下差d訓著 !!
我係咁係度met自己 !!! 唉…d人一定以為我係變態的啦= =…
咁第一part我已經花左好多時間去做，明明話40分鐘 !!
我花左50分鐘都有呀 !!! >< 做做下我一路望錶 !!
已經估到會唔夠時間 !! 我就做得勁快 !! 係咁睇過下就寫ans !!

最終我都係唔夠時間做，最後用左5分鐘黎做兩part喎 !! ><
點做喎 !!! matching 個度我成part都係亂作 !!
『我本人覺得佢今次份卷出到好不知所謂呀 !!!!』 都唔同上年嘅 !!!
啊超同我講，話open close個度係6-7年都無咁出過 !!!
今年搵番我地黎做白老鼠囉 !!! 呢個世界d人真係奸 !!!!!!! 好絕望……
之後proof reading個度，我睇唔到下面有字揀，我自己做晒先見到，
之後就塗晒佢再做過 !!!!!!! 咁已經晒晒d時間 !!!! 佢比人揀個d字唔好再寫細d !!!
有本事寫係最尾個板收收埋埋唔好比人見到丫 !!!!!!!! >< 衰格 !!!
之後做到最尾唔知我係唔係做得急得濟，又肚餓，差d暈低呀 !!!!@@"

之後考完好無心情咁同taki，+ki，alan，子鍵，wyman，jimmy，money，成志佢地食野啦 !!
好耐都未見過money喇 !! 尋晚多謝子鍵呀 !!! ^^ 比你返返屋企啦 !!
我個飯等左好耐= =，一路食，jimmy同+ki兩個唔知想點= =
佢地兩個講d野無人明嘅 = = !!!

食完之後佢地去做listening，我同肥roy就送taki返工啦 !!!
佢個老板個樣好似好惡咁= =!!!之後我同成志就走人，同佢行左一陣，
因為我4點先去interview，個時先得2點幾= =，
行下一路傾下偈啦，之後我就陪鐘走人喇 !!

去到兆康搵埋表妹，就寺嶺南interview喇，
佢今日要講三國語言 !!!! 中文，英文，普通話 !! 唉……
我又講到不知所謂 !! 講普通話個時，我唔知想講乜，
之後個interviewee就一路帶領我講，我就一路只有講『對，對，對』= = !!
唉……

之後就返屋企喇，同埋佢地一齊走，我一直都以為源伯好老 = =
原來佢細過我架 !! @@@@@@@""""""
真係好出奇呀聽到佢咁講 !!!! 真係睇佢唔出呀 !!!
比佢個樣呃左我= =，我仲以為佢好老 !!!!!
之後佢問我幾時生日，我話1月1，佢唔信= =
要我拎身份證比佢睇= = !!!!! 佢仲未有智能身份證 !! 呵…

之後返到屋企啦，mum打黎，我話比佢知今日考成咁，我好想喊，
之後佢就話算啦，無所謂啦 = = !! 唉…之後仲無啦啦話我乖= =
買隻錶比我 = = 。

今日好多謝你地呀 !!! 又聽我訴苦 !!! 我諗仲有聽日我都要訴架喇 !!!
而家坐u望f !!!! ><嗚…嗚…嗚……我真係好想pass晒架 !!!
上年係我好彩 !!! 真係好好彩 !! 咁都拎到E !!! 但係好彩唔會好彩兩年架 !!><

>>May 6, 2005 at 11:35:15 AM GMT+8