2005 年 6 月 15 日 星期三 【晴】

d無聊人唔該唔好係我個板度發花癲囉 !!
簡直係無聊加可恥 !!
唔好以為自己唔留個名就無人知你係邊個啦 !!
一句野入面點都有d豬c馬跡啦 !!
唔該d人唔好以為自己好勁 !!

我想問，樣衰嘅定義係咩?!
低能嘅定義係咩?!
如果你認為自己個樣生得十全十美嘅話你先好講 !!
如果我身邊都算做係無朋友嘅話，
我相信你呢一生都唔會有一個人係你身邊 !!

你都唔好再以為自己與眾不同喇 !! ^^ (假笑)
甚麼正義的人 !! 睇到都想嘔 !!
打個少少野入面文法錯到九彩 !!
正義得黎都係讀「屎片」!!

我邊方面你認為我覺得自己好醒 ?!
我諗起碼我讀書一定好過你 !!
見到你d不知所謂嘅語言就知 !!

鬼鬼祟祟的人，係就當面話，
i never mind (即係我唔介意) 你讀屎片我唔知你明唔明囉 !!
唔該唔好做埋d咁幼稚嘅野 !!
以為無人知你係邊個，其實係人一睇就知你係邊個 !!
簡直無知 !!

ps:呢個板唔會容許有任何粗口同屎片嘅野出現 !!
該留言我會delete (取消) !!

>>June 16, 2005 at 3:16:36 PM GMT+8

2005 年 6 月 14 日 星期二 【晴】

今日夜晚出去，去左還書先 !!
之後就去左m記搵佢地，點知無人= =""
我仲以為我係第一個到tim !!
之後我仲見到文迪入黎，
佢明明望住我，但係佢又話見我唔到= =
走番出去 !! 之後我就追住佢= =""

本來今日有得BBQ，點知落好大雨 !!><
唉…好唔開心，跟住又話去上水食糖水，
但係因為聽日要interview，所以驚夜無去 !!
最後決定左去打邊爐 !!

因為未夠鐘，文迪就話去打鋪機先 !!
咁我地就係度等到8點半啦 !!
之後我地咁多個人仲商量左陣間點玩電話 !!^^

一入到去就係咁叫野食，好多= =
d野食一路黎，阿yan就馬不停蹄咁放d野食落煲度 !!
好雜錦 !! 食完之後我地又係度玩豬骨湯 !! ^^

咁11點幾間酒樓就關晒冷氣= =""
趕我地走咁 !! 咁我地就走lu !!
同表妹同潔潔一齊搭車走…
返到黎就即刻沖涼訓覺啦，以為好眼訓，
點知都係訓唔著 ><
尋晚望住個天光，8點先訓得著= =""
唉…失眠好難受 !!

>>June 16, 2005 at 5:32:18 PM GMT+8

2005 年 6 月 13 日 星期一 【雨】

今日係joyce生日呀 !!^^ 18歲，大個女 !!! ^^
happy birthday !!! ^^

個電話今日明明得番10分鐘就爆 !!
而家得番5分鐘= =…用到18號= =!!!!!
死得人多喇 !!! 唉…
識做嘅就唔好打我手提 !!!!

今日下午出左去沙田，
同ying，yan行街 !! 我地去左delifrance食野先啦 !!
有個女人好好人呀 !!!
我拎唔到野，佢幫我拎呀 !!! 佢真係超好人 !!!!!!!^^

之後我地就行街啦 !! 行左一陣，
沙田新地市廣場有一條電梯勁恐怖= ="""""
勁驚囉行左上去之後 !!!!! 我同阿yan上左去係咁嗌 = =""""

之後行多一陣，佢地就走人lu，
咁我唔想咁早返屋企，因為只係行左1個鐘到= =""
咁我就自己一個人行啦 !! 我自己一個行得好慢 !!!
平時我自己一個人會行到好快 !! 今次行得好慢 !!
我見到一對nike好靚呀 !!!! 我一定會叫我dad買比我架 !!><
真係好靚 !!!!!!!! 係我之前鐘意個對嘅色，但係係另一種款 !!!
仲係限量發售 !!! 我真係好驚dad返黎就無左呀 !!><嗚…
而家好擔心 !!! ><

行到成10點先搭車返屋企，去左吉之島諗下係屯門睇下有冇對鞋 !!
點知夜得濟，收晒= =""""
唉…好無mood咁返屋企 !!!

之後同子鍵訴苦…又同阿yan訴苦，點知佢地只係識得笑囉 !!
張恩盈又無反應喎 !!! 真係好唔開心呀 !!!
之後一返到黎就係咁打電話，電話無分鐘真係真係好唔方便啊 !!!><

希望聽日BBQ唔會落雨啦 !!!!!! ><

>>June 14, 2005 at 5:38:57 PM GMT+8

2005 年 6 月 11 日 星期六 【酷熱】

今日都係無返教會啦 ，發覺自己已經開始無咩心返返屯門市中心堂 !!
今日都算成日無出過街 !!

其實都唔知打乜好，
只不過岩岩激發起我打 !!
更年期的女人真可怕 !!
呢一排其實自己都唔想面對佢…
太情緒化喇，攪到我好唔鐘意咁 !!
佢鐘意點就得，我鐘意點就唔得 !!

我出街，佢又話我成日都出街，我唔出街留係屋企，
佢又成日話我訓覺，訓醒就玩電腦 !!
佢成日都唔係屋企，佢知我做過咩咩?!
而且，我做咩又關佢事咩?!

今晚又同我家姐個男朋友一齊食dinner !!
我地一齊係度睇獎門人，彭丹好樣衰 !! 係度發姣咁 !!
好憎佢 !! 佢又係咁偷睇喎 !! 勁無體育精神 !!!
佢真係好核突 !!!

>>June 12, 2005 at 4:47:47 PM GMT+8

2005 年 6 月 9 日 星期四 【晴】

今朝嶺南打黎叫我去second interview ^^
不過好唔開心，因為無阿yan佢地 !!><
今日好晏先起身，之後起左身就送左billy去沖涼同剪毛 !!
去到個時，有一隻好大嘅金毛尋回犬係度喎 !!
咁佢地帶左billy入去沖涼房之後，我就同個隻金毛尋回犬係度玩 !!
佢好乖架 !! 仲好nice !!! ^^ 不過佢好肥 !! 個個人同我講話佢有少少痴肥 !!

之後我就去買KFC返6樓食 !!
返亡樓係因為屋企好嘈 !! mum同細佬係咁係度嘈 !!
我個時仲訓緊架喎 !! 咩都唔關我事 !!
但係我mum講左一句野攪到我好嬲囉 !!
佢話「你地一個又讀書唔成，兩個又讀書唔成」
好憎囉 !! 咩叫讀書唔成呀 !! 係佢心目中一定係要升上中六之後再升大學先讀書成啦 !!
又話我地姓余嘅種係咁喎 !!! 攪到我個一刻真係好想話佢 !!
我呢一年讀得好好喎我覺得 !!
佢初初諗住睇死我呢年副學士先修讀半年就會放棄唔讀 !!
最終又係點?! 我仲對我嘅成績好滿足 !!
佢仲係咁話我個grade拎得唔高 !! 佢咁有本事自己拎比我睇囉 !!
英文拎c我覺得已經好好 !! 佢咁叻佢自己拎比我睇囉 !!
成日都話我地姓余嘅種唔好 !! 我想講佢嫁左佢自己都係姓余架囉 !!

之後我就係6樓 !! 自己一個，係度睇電視，
彈下琴 !! 好耐都未彈過喇 !! 真係好有衝動學番 !!
不過等個miss過埋更年期先= =""

之後6點幾就去接番billy lu !!
又見到個隻金毛尋回犬 !! 佢認得我 !!^^
一去到佢就"new"我玩 !! 佢仲企上我個身度 !!
佢d指甲勁長 !! 我個身比佢抓到好痛= ="""
之後接番billy，同隻金毛尋回犬玩左一陣之後就走lu !!
之後到左8點幾先上番30樓 !!

今晚做節，以為聽晚tim= =
dad返左黎，uncle過左黎食飯，家姐個男朋友都係度 !!
我係咁比佢串= ="""""

之後佢地又同我講下去澳門的慳 $$方法 !!
咁我食完飯就即刻同佢地講啦 !! 講講下就講到3點幾 !!!= =''''
哈哈 !! 文迪好攪笑囉 !! hehe…

>>June 11, 2005 at 9:56:25 AM GMT+8

2005 年 6 月 8 日 星期三 【陰】

今日3點起身，但係都好眼訓…尋晚好夜訓= =
之後就出左去啦，本來諗住今日唔出去架= =""
但係都出左，去左吉之島搵yan佢地先 !!
我lunch都未食就出左去喇 !!

搵左佢地之後，佢地攪掂好晒d野，
咁我同yan同ying就出左去葵芳行街啦 !!
咁搭巴士個時，我對面有個男人啦，
之後我唔小心踢到佢，佢望住我= ="""
之後阿yan用一個唔知點樣嘅眼神望左去另一邊，
之後佢隔離個女人"周"晒眉頭近距離望住阿yan !!!!!!!!! 個情況好好笑 !!

出左去就搵埋表妹先，佢好激氣囉 !!
之後攪到我地都激激地 !! d人真係好cheap架 !!

之後我地4個就係度行街 !! 我地今次行之前，
拎左上次我比阿yan張card黎睇番先行 !!^^
因為我寫d野好有意思架 !! ^^
之後先行啦 ^^，行到9點鐘左右，
我地就去左食飯，好豐富呀今日食得 ^^
個個都食到好飽 !! 無計啦，我無食lunch !!

食完之後，都已經10點多，
但係我地仲行多一陣，之後阿超打比表妹喎 !!
又要比我地3個知道喎 !!! 咁我地咪拎左表妹個電話黎聽啦 !!
點知阿超只係認得我一個 !!哈哈 !!^^
之後張恩盈同佢講話要佢打番晒比我地3個黎解釋啦 !!
之後佢無打喎，咁我地3個就輪流打比阿超講"你做咩唔打比我解釋呀?"
之後就即刻 cut 線 !! 哈哈 !! 當阿yan打完個時，真係笑死呀 !!
好彩個商場夜，無咩人 !! 如果唔係我地係度發癲 = =

之後第二個到我打 !! 我又係講同一句野之後即刻 cut 線 !!
個時真係笑鬼死 !!
之後打完個電話，我地就行左過去新都會度睇左少少野 !!
之後就差唔多走人lu !!

我同表妹一齊搭車，但係分開左黎坐 !! hehe…
12點多d就返到屋企lu !!

我唔鐘意人講大話 !!! 我覺得向我講大話嘅大係侮辱緊我嘅智慧囉 !!
佢即係當我蠢先同我講大話啦 !!!
唔該如果你連少少野都仲要呃我嘅話，
你就唔好係咁多人面前話你自己係基督徒 !!!
你份功課無做咪無做囉 !! 你講咩大話啫 !!
如果你連呢少少本份都做唔好嘅話 ，
我認為你要檢討下自己囉 !!

>>June 9, 2005 at 5:49:21 PM GMT+8

2005 年 6 月 7 日 星期二 【晴】

今日我都算幾準時就去左靈修team啦 !!^^
我同表妹係輕鐵站見到，但係我地係度鬥持久 !!
哈哈…大家扮唔識 !!!
最後佢咪等埋我 !!^^ hehe…

之後去到，今日都幾開心 ^^
之後完左，我地就傾下去澳門d野啦 !!
同佢地講下d時間上嘅野啦 !!
咁講完去澳門，我地又講左好多活動 !!
因為話6-8月係關係月 !! 攪d活動黎增進關係喎 ^^
其實咁都幾好丫 !!! hehe^^…

咁下個星期就係攪bbq !! 好開心呀 !^^
之後我地就去食lunch，去椰林閣度食 !!
阿超悶悶不樂咁 !! 可能得佢一個男仔佢先係咁啦 !!
有文迪係度佢就會生猛晒= ="""

食完之後佢就走左lu，咁我地就去旅行社問下d酒店個d野啦，
之後就傾下邊度抵d，格下價咁，
原來去澳門都唔平架我地咁去 !!
唔可以只係book兩間房，要兩個人一間room = =
初初仲以為我地可以咁多人只係book兩間room tim !!!

我地係KFC度計下d數，真係唔平，
咁就要問人佢地肯唔肯去先喇，
文迪就話無所謂 !! 其實我都無咩所謂嘅，
咁我同yan同露比計計下，ying同mandy就過左黎，
同佢地玩左一鋪「豬骨湯」之後，佢地就走左去捐血 !!
我同露比同yan就用d「豬骨湯」黎玩 x 烏龜同 x 棉台 !!
之後ying同mandy捐完血返黎，再同佢地玩 !!

玩輸左要大懲罰同有小懲罰呀 !!!
小懲罰就係對住個垃圾桶講一分鐘野 !!
大懲罰就係係吉之島門口問人吉之島係邊 !!
點知張恩盈輸左，佢揀左一樣野黎懲 !!
佢揀左係吉之島門口問人吉之島係邊 !! 笑鬼死呀 !!
如果文迪係度佢玩一定好好笑 !!^^^^^^^^^^^
不過佢最終都無黎 !!!! 不過真係勁好笑 !!^^

之後呢…完左我地就散啦，我叫左mum出黎食壽司 !!
等佢出黎等到好眼訓= =…
食完之後佢去買藥，但買唔到 = =
咁就返屋企lu !!!

>>June 8, 2005 at 3:08:19 PM GMT+8

2005 年 6 月 6 日 星期一 【晴】

今日考試呀 !! 考中文個時張台太矮喇 !!
個頭"dum"得太低，攪到我好暈 !!
之後仲走左出去嘔 !! 但係嘔唔出 !!
咁就無左幾分鐘 !! 攪到我寫唔切 !!!
差一句都寫唔切 !!><

咁lunch我地就去左法魯王度食 !!
我地好勤力啊 !! 一路溫一路食 !!^^
文迪佢好有信心喎 !!!!

之後考著通話，我寫拼音個度，
將d拼音寫左落去d中文寫度呀 !><
考完見到阿sir，我話點都要比分我 !!
佢話睇下點先喎 = =


之後放左學啦，諗住好多人一齊慶祝下考完試，
之後一齊玩，點知無啦啦d人走晒= ="""
攪到好空虛呀我地3個 !!!
咁我地就行左一陣之後就叫埋表妹同潔潔去左美食廣場玩左成2個鐘「豬骨湯」!!
之後文迪黎埋 !! 佢玩到痴晒線咁，好激動 !!
最後比文迪win左，本來我由頭win到落尾架 !!
個分數仲同佢地相差好遠 !! 點知最後係文迪win= =
佢仲玩到波都唔去打= =，扮晒野喎 !! 呵…
唉…比佢win到真係爆冷呀 !!!

咁之後文迪話去食飯，但係我同ying都唔去lu，
我返左堅伍食飯先，ying就去左搵阿yan，
到我食埋飯，10點幾，文迪係樓下車我，
我地就去左b仔食糖水 !!本來諗住去上水食rainbom架 !!
但係之後都係無去，去左元朗 !!

有我啦，yan，ying，超，文迪，露比，emily !!
一路食一路暈到陣坑渠味= =，好難受 !!
我仲叫佢地唔好講野，因為驚陣味吸左入口度 !!
文迪話我誇張過佢= = !! 我先唔夠佢誇張 !!= =

食完之後12點幾文迪車返我地返屋企喇 !!
阿yan，張恩盈周阿超去左搵車搭先啦，
咁文迪就揸車同我地去搵佢地，開心廣場= =
好彩我都記記地得係邊 !! ^^"

最尾係我先返到屋企，返到黎都1點幾lu !!
今日好開心 !!^^

>>June 8, 2005 at 2:52:35 PM GMT+8

2005 年 6 月 4 日 星期六 【陰】

今日本來諗住返教會架 !!
但係我無起身= =
其實9點幾個時mum同sis係咁係度嘈 !!
我醒左架 !! 個時幾精神下 !!
但係最終都係訓番= =""""

之後比番個file taki，我放左係個鐵"集"度 !!
咁好晏先起身啦 !!
起左身就細佬落去買野食，
睇vcd，之後我就洗下野，
之後寫cards，溫下書咁 !!
我要比心機溫書 !!!>< !!!!

陣間仲要落去= =…
文迪成日都攪到咁鬼夜先黎拎野= =
雖然我唔驚安全同健康 !! ^^" hehe…

>>June 5, 2005 at 3:48:28 PM GMT+8

2005 年 6 月 3 日 星期五 【酷熱】

今日8點幾就起左身喇，同細佬同dad去左食早餐，
食完之後dad就要走lu，咁我同細佬就返屋企啦 !!
返到黎都只係10點鐘 !!= =
好早呀 !!!
咁我就睇下雜誌啦 !!
之後入房睇電視，睇睇下訓著左，
訓到3點多 !!

之後起身啦，換下衫整下野咁 !!
本來諗住溫書架 !! 但係都係聽日先啦 !!!^^"
之後到左6點幾，出門口，
同taki去屯門大會堂睇band show !!
個地方唔係想像中，但係d比賽就比我想像中算好 !!
但係後面班人好嘈 !!! 佢地講野仲大聲過人地夾band !!
係咁係度"溪"落人咁 !!! 話人地呢樣唔好個樣唔好 !!
有一個人個結他好x眼 !!佢地係咁話佢= =，勁慘個個人= =!!!
佢地咁有本事就自己上台做show啦 !!!
係度話人= =…

之後到10點鐘就完左 !!
咁我同taki就去食宵夜，佢杯凍0水無味= ="""""
食完之後就搭輕鐵走，去大興度落，佢買宵夜比佢mum !!
之後係大興上番輕鐵返屋企 !! 夜晚條街好dirty !!!!
由其而家落雨天 !! 好多寵物飛黎飛去 !!!! ><

>>June 4, 2005 at 4:37:19 PM GMT+8