2005 年 8 月 27 日 星期六 【晴】

今日都係返工，今日係last day lu !!!
到左6點幾個陣，我地個度係咁周圍走黎玩 !! ^^
好攪笑……我地4-5個promoter係咁周圍走，
周圍玩… ^^

到左放工個時，個個promoter就帶左我同橙去行一條快d嘅路去搭車，
咁就根佢去啦，一去到，我見到有車就跑左去，
點知上左車，個站好耐都唔到，我已經覺得有d唔妥= =
點知真係搭錯車= =，搭左去大圍 !!!! ><
咁我去到大圍落車啦，去番對面月台搭車，
之後有個男人走黎拎住個10蚊問我有冇錢唱，
我以為佢真係唱錢我就拎左個散紙包出黎，
之後原來佢係問我拎錢 !! 佢話 " 我唔夠 $$ 搭車呀，你可唔可以比十幾蚊我呀 ?! "
咁我就比左10蚊佢，佢話 " 我要去羅湖呀，唔夠錢呀，你仲有冇幾蚊呀，比多幾蚊我啦 "
咁我就比多3蚊佢，之後我話 " 無喇 …"
之後佢仲問我 " 咁你有冇20蚊紙呀 ?! "
之後我話無，我就走左去 !!
佢話佢問我借錢嘅原因係 "佢放左d袋係出面，而佢個人就走左入黎月台 " = =
一聽就知係大話，但係我又唔敢唔比錢佢，因為佢係中年男人，
又係金毛 - - "" 好驚佢 !!

之後我比完錢佢，我就拿拿聲走左去前面，
之後佢根住我= =，佢話佢拎左個袋之後比番錢我架 !!
但係佢無 !! 佢根住左我，之後佢仲超越我，我望住佢行，
之後佢仲另番轉黎望我 !! 死賤人 !! 呃我錢 ><
咁就無左我半個鐘嘅人工 !!><><><><><><><><><<><><><<<><><
好衰呀佢 !!!!!!!!!!!!!!!!!!!!!!!!!!!!!!!!

想講下第2 d 野 …
呢個 8 月真係過得不容易，
呢個8月我真係好唔開心，
唔開心夠未呀 ?!?! 我真係好多野諗，
8月頭，就諗我前路嘅問題啦，
8月中，係屋企問題，
而家8月尾係煩另一個問題，煩夠未 ?!?!

>>August 29, 2005 at 10:44:31 AM GMT+8

2005 年 8 月 26 日 星期五 【晴】

雖然去camp開心，但係我今日返工返得好唔開心，
我真係好唔開心，本來岩岩開始返工個陣都無咩野，
我只係企係度都差d訓著左= =…

之後就好蚊，好煩 !! d 人係咁打黎 !!!
攪到我要關左個電話 !!
我細佬明知我唔聽佢電話，佢就一連打5個電話黎 !!!!!!><
我都已經係咁cut佢線啦 !!

我有接佢第一個電話，佢明知我返緊工，
佢仲問我幾時返，佢話佢要出去踢波，叫我早d返去睇住billy !!!
佢好過份囉 !! 人地返緊工點早d返去呀 !!!!!!
唔通我唔返工為左比佢出去踢波 !?!?!??!?!><

我真係好憎佢 !!!!!!! 我唔鐘意返工傾電話，
因為我覺得好唔認真 !!! 我後面個個promoter，
雖然佢幫我地拎野，但係我都要話佢 !!
佢返左黎又一城都好多次，但係佢次次返工都係咁傾電話，
一係就係度溝女，佢今日都傾成20個電話 !!
佢又傾得大聲喎 !!!!!!!><

我真係覺得佢地好煩 !! 係咁打黎 !!
攪到我個時真係好想發脾氣 !!!!! 我個時同佢講我講野都已經好大聲 !!
我真係好想鬧人 !!!!!!!!!!

今日返工我諗左好多野，可能因為諗得太多，
好多人問我野，我都聽唔到= =，佢地講多幾次我先聽到佢地同我講野 = =
但係我真係諗左好多好多野 …
雖然係有個種感覺…我sure自己唔會再一次食香蕉 !!!!!!

有個人，我對佢改左少少觀，但係唔好再令我失望 !!^^

>>August 27, 2005 at 3:41:40 PM GMT+8

2005 年 8 月 26 日 星期五 【晴】

首先而家打一篇係呢4日3夜camp嘅野先 !! ^^
呢幾日都好開心，只不過仲有d唔滿意就係我日日都要出去= =
黑人憎 !! 日日搭4個鐘車來回 !!
不過……

呢4日真係好開心呀 !! 傾左好多好多偈 !!
我覺得呢個機會好難得，係好難得一大班人坐底係度傾偈 !!
呢種感覺好好 !! 真係好好 !!
好鐘意咁樣傾偈 !!

又玩下啤牌咁啦，又玩killer ……
不過我玩嘅時間都唔多 !! >< 激死人喇…
日日一早出左去夜晚先返 !!

呢個camp，帶比我好多野 !!
第一晚訓覺好好笑，我地4個 ( 我，taki，橙，joyce)
訓到完全郁唔到= =，我呼吸唔到tim !!
第二朝訓醒，我同taki個搏頭都好痛 !!!!

第二晚訓覺得我同橙訓，因為佢地就我地，
話我地聽日要返工，佢地寧願訓廳 !! 真係好好 !!^^
第三晚，6個人一間房= =，誇張 !!
好好笑嘅係，我地打橫訓啦，咁我隻腳係咁曲住好累，
我就伸左落地，點知我唔知地下有人訓左係度，
我好似踩住個個人塊面= =""""""

之後我起身，見到+0 用毛巾遮住塊面黎訓，我仲以為佢比我踩完就咁= =
點知佢話係阿清黎架 !@@ 唔知係唔係呢 ?!?!?!?!

呢幾日都好開心……雖然好累= =

>>August 27, 2005 at 3:33:08 PM GMT+8

2005 年 8 月 21 日 星期日 【晴】

今日同樣一早就好唔開心…
我真係好唔開心……

我好想會有人知我諗咩，知我想做咩…
我唔想次次做晒出黎都有人去反對，
我真係覺得好辛苦，我寧願咩都唔做喇，
咩都照晒你地意思好味 ?!

我好想佢地會知我諗緊咩 !!!
我想佢地知我難受 !! 知我唔開心 !!
我只係…覺得…好辛苦……

>>August 22, 2005 at 5:59:18 PM GMT+8

2005 年 8 月 20 日 星期六 【雨】

橙 ~~> 我真係會努力架 !! 我要兩年之後做到一個好勁嘅社工 !!^^
你都要呀 !!! 你點都要做好中七呀 !!!! 呢個位真係得來不易 !!!
你唔好"古" 負人 !!^^

今日都係返工，連返3日真係好累 !!
今日好多人 !! 生意好好多 !!
我本來諗住3日賣到5盒已經好滿足，
因為前兩日都係賣得一盒一日，
今日賣左好多 !! 成個"假"都無晒貨 !!!! ^^
生意好好 !!!

有樣野我真係好唔開心 !!!
我真係好唔開心，前兩日個個夢好真 !!!
原來人真係會老架 !! 我唔想見到一個人個樣好愁，
好"潮緒"咁…我唔想見到 !!!

想得到好耐嘅野，我已經得到，
但係得到又點 ?! 原來得到左，都未必一定好…
得到左就會有另一個問題存在…
點解要係咁 ?! 但係點解咁都要比我得到 !?!?
究竟我可以點 ?! 我應該為左生活而放棄理想 ?!
定係為左理想而放棄生活 ?! 我應該點揀 !?

我真係識諗…我真係知自己做緊乜架 !!
點解唔比我安心咁去行 ?! 點都要比d壓力我 ?!
我真係大個 !! 我真係已經長大架喇…
可唔可以比番d選擇我 ?! 我唔想咁…
我根本咩都唔想……
我只係想好似以前咁一齊開開心心咁生活…
而唔想好似而家咁 !!!
可唔可以應承我 ?! 應承我可以變番以前開開心心咁一齊生活丫…

>>August 21, 2005 at 3:23:31 PM GMT+8

2005 年 8 月 19 日 星期五 【雨】

今日落左好耐雨，仲諗住會紅雨tim !!
點知落咁耐都無 !!

今日都係返工啦，
今日發生左一件事 !!
就係成日黎後面玩個個細路(佢係男仔黎的)，
我好鐘意佢架 !! 佢同個promoter講，
話佢好想去廁所，佢話想all臭…
之後佢又話佢唔識去完點" 文"
之後佢叫個女promoter要等佢去完幫佢" 文 "
個時我已經好想笑 !!!!!

之後個女promoter問佢 " 咁你想去男廁定女廁 ? "
之後個男仔話 " 我一定要去男廁架 "
之後個女promoter話'' 下…我點同你去呀 ? 不如我搵你爸爸啦 "
之後個男仔話好 !! 之後當個promoter打緊比佢dad時，
個男仔係咁同佢講 " 我好急呀…我就黎賴喇 "
佢個樣係好認真去講 !!!! 係超級認真 !!!!!
我見到晒 !! 我勁想大笑 !!!!!!!!

之後個promoter即刻除衫帶佢出去，
但係佢係我前面再過d賴左= =
個陣我都唔知…之後無啦啦聞到一陣惡臭 !!!!
我以為係我隔離坐住bb車個個賴，
我仲係度祈視佢= =…點知有個c奶同我講，
原來係出面有人賴屎= = !!!!!!

個陣好無奈，d人以為我d泥膠臭，我又以為係佢地d仔女臭 !!
唔知想點= =…

之後放工返屋企，等左一個鐘車 !!!!!!!!!!!!!!!!!!!!!!!!!!!!!!!!!!!!!!!!!!!!!><
之後家姐個男朋友又黎左，我地一齊打麻雀 !!
我係大win家 !!^^^ 好開心…不過我打到1點幾就去訓lu，
佢地就繼續打…

>>August 21, 2005 at 2:53:10 PM GMT+8

2005 年 8 月 18 日 星期四 【雨】

我今日真係好down !!! 我真係好唔開心 !!!!
真係好down…我發左個夢，係個好現實，但係好恐怖嘅夢 !!!
個夢好真 !!! 係我最唔想見到嘅野 !!! 我真係好唔開心…

今日又要返工…
今日成日都無人 = =
又落大雨，又係星期五，
根本就無咩人行 !!!!

但係今日勁驚呀 !!
因為今日公司個人黎左比野我，
初時有個女人係度嗌"靚女 "
我以為係玩人個d，我咪無應佢，
點知佢係公司個人 = =，
佢叫我唔好發呆睇電視= =…
勁驚……之後佢比野我，
佢仲特登同我講，話佢特登叫我叫得大聲d，
因為d經理係後面，佢話費事比d經理睇到我係度睇tv，
佢話如果佢地睇到，佢地會叫我走 !!
之後我咪問佢" 佢要我走去邊呀 = = "
佢勁大聲咁講 " 炒你由魚呀 "
勁無奈= =……之後佢又叫我得閒就執下貨，
整下野咁，唔好比人睇到我睇tv…
唉…之後佢走左，成班經理連玩具反斗城個老闆都係晒我前面，
係度傾唔知乜野 !! 我勁驚，呆都唔敢呆= =
但係個時又無人 !! 我係咁扮晒執野 !!! 好無奈 !!

之後後面個promoter個老闆又黎左同佢一齊sell野 !!
今日好多老闆 !!!! 好驚 !!!! 之後我就sell得好落力喇 !!

>>August 21, 2005 at 2:56:14 PM GMT+8

2005 年 8 月 17 日 星期三 【綿綿細雨】

今日8點就起身lu，同露比去左嶺南搏一搏，
睇下佢轉唔轉到，點知等左好耐，= =
佢先叫佢interview，可能佢無我嘈得咁angry，
所以要等咁耐，之後等等等………
等到12點幾= =…好累…

之後佢得左喇 ^^
咁佢要返屋企拎番張成績表比佢，
yan就補完習入埋數先黎，咁我就返屋企食左少少野先，
食完又拿拿聲去番嶺南…
去註冊入學，攪攪攪…
又攪左幾個鐘，攪到4點幾= =

成日就係嶺南過= =…
之後為左慶祝，我地就去左市中心食左個tea先，
之後等埋ying黎，我地就去左小巴黎食dinner…
好眼訓= =…我係KFC坐個時可以訓得著= =…

>>August 21, 2005 at 2:07:36 PM GMT+8

2005 年 8 月 16 日 星期二 【綿綿細雨】

今日係好感恩的一天，
本來嶺南係收左我去應用青少年學的。
今日阿yan打黎話唔知交咩，咁我就去左嶺南，
去到嶺南我係度嘈，之後個個女人就同我講話而家即刻比個interview我，
睇下我岩唔岩讀social work，
之後等左一陣就in啦，
之後in完個個女人同我講，叫我比心機去讀呢一年，
因為佢收我係好大壓力，如果我讀得唔好嘅話，
佢係好大責任，而且佢叫我一定要日日都睇報紙，要應承佢 !!
之後佢就同我轉左去social work喇 ^^ 我好開心呀 !!!
呢一個位同樣地係得來不易 !!!!

我本來無諗過會咁快，點知今日真係咁快比我拎到呢個位 !!
一個鐘的時間真係改變好大 !! 係好奇蹟 !! 呢一個真係一個奇蹟 !!!!
其實個一刻真係好感動 !! 好想喊…因為呢個位真係唔易，
而家宧已經8月中，9月1日就開學，我都可以轉到 !!
好感恩 !!! 好感恩 !! 我真係會好比心機讀架 !! 我一定會好比心機 !!
我唔止要求合格，我係要高分 !!!! 我要讀好我嘅英文 !!!
我要講到一番流利嘅英文 !!!!!!!!!

之後就同yan去左富泰搵佢個分兄還豬骨湯，
之後就去左市中心食delifrance ^^
我一路上都好開心，其實呢種心情我都唔知係唔係開心，
而且其實我自己都唔相信…

之後夜晚就成家人同我去慶祝，同埋billy仔 ^^
真係好開心…其實…我真係好好彩 ^^

>>August 17, 2005 at 3:13:36 PM GMT+8

2005 年 8 月 15 日 星期一 【晴】

今日下午起左身，發左少少脾氣，
因為叫左mum好耐去小巴黎同我食野佢都唔肯，
而細佬一叫佢去泰味村佢就仆倒咁去，
我唔鐘意係咁 !!! 所以我就發脾氣無理過佢，

咁就出左去搵橙橙同taki同joyce啦，
joyce個樣好得意 !! 佢好少頭髮 ^^ hehe…
佢條頸真係長左喎 @@"" 呵呵…
之後我地去食tea啦，bobo同+琪都黎左，
食完之後我地就去行街，買野 !!
買左兩支好靚嘅pen同鉛芯筆 ^^ 好靚 !!

之後又影貼紙相 !! 之後就行下行下咁，
又去買billy野，我好鐘意個個公仔呀 ^^^^
之後9點半就去bijibiji食個個任食囉 ^^

好開心呀今日，今日真係好似10年一次眾埋一齊個種感覺 !!
大家都唔同左，bobo成熟左 ^^
但係佢一講野就唔成熟= ="" 呢句野唔係我講架 !!
今日真係好似幾年後眾埋一齊個種感覺 !! 真係好似好似 !!!!!

今日又頭痛，同埋我已經打左去嶺南嘈佢，
但係佢cut我線 !! 我打得第一次，我就知道會有第二次第三次 !!
我點都會嘈佢 !!! 太唔公平 !! 太唔透明 !!我唔理佢地內部係點樣運作，
呢一點係唔關我事，而係我想知道點解可以咁唔公平 !!!!!!!
我點都會問個明白 !! 我係想知道理由 !! 我係唔會接受佢個d藉口 !!!
我話左我舅父知啦，我叫我點都要嘈 !! 因為對我係好唔公平 !!
之後佢仲話搵d高層黎嘈，因為低層佢地話唔到事，
佢話嘈唔到我地就周圍唱衰佢，話晒佢今年係第一年開，
我周圍唱佢，佢聲譽都唔會好 !! 我舅父仲叫我登報紙= =""
不過我真係好唔"鋸" !!!!! 太過份喇 !!!! 哼哼哼 !!!

>>August 16, 2005 at 5:32:06 PM GMT+8